ഇതിനു ശേഷമാണ് കോണ്‍ഗ്രസ് നേതാവും കോട്ടയം മുനിസിപ്പല്‍ ചെയര്‍മാനുമായ എം പി സന്തോഷ്കുമാര്‍ വേദിയിലെത്തിയത്. ഇദ്ദേഹം സംഘാടകസമിതി ഭാരവാഹിയുമാണ്. മോഡിയോട് തൊട്ടുകൂടായ്മയില്ലെന്നായിരുന്നു സംഭവം വിവാദമായപ്പോള്‍ ജോര്‍ജിന്റെ പ്രതികരണം. പ്രതിമ നിര്‍മിക്കാന്‍ ഒരു കിലോ ഇരുമ്പ് നല്‍കും. ആര് വിളിച്ചാലും പോകും. വേദി പങ്കിട്ടത് ശരിയാണ്. കോണ്‍ഗ്രസുകാര്‍ ഉമ്മാക്കി കാട്ടി പേടിപ്പിക്കേണ്ടെന്നും ജോര്‍ജ് പറഞ്ഞു.
അതേസമയം, ജോര്‍ജ് ബിജെപി വേദിയിലെത്തിയതിനെ കെ എം മാണിയും കോണ്‍ഗ്രസ് നേതാക്കളും രൂക്ഷമായി വിമര്‍ശിച്ചു. വിഷയം പാര്‍ടി ചര്‍ച്ച ചെയ്യുമെന്ന് മാണി പറഞ്ഞു. ജോര്‍ജിനെതിരെ യുഡിഎഫ് നടപടി എടുക്കണമെന്ന് കെപിസിസി വക്താവ് പന്തളം സുധാകരന്‍ ആവശ്യപ്പെട്ടു.
deshabhimani
No comments:
Post a Comment