Saturday, December 14, 2013

സി എന്‍ കരുണാകരന്‍ അന്തരിച്ചു

പ്രശസ്ത ചിത്രകാരന്‍ സി എന്‍ കരുണാകരന്‍ അന്തരിച്ചു. 73 വയസായിരുന്നു. കൊച്ചിയിലെ സ്വകാര്യ ആശുപത്രിയില്‍ ശനിയാഴ്ച പകല്‍ മൂന്നോടെയായിരുന്നു അന്ത്യം. കേരള ലളിതകലാ അക്കാദമി മുന്‍ ചെയര്‍മാനായിരുന്നു. കേരളത്തിലെ ആദ്യത്തെ സ്വകാര്യ കലാപ്രദര്‍ശന ശാലയായിരുന്ന ചിത്രകൂടം അദ്ദേഹമാണ് ആരംഭിച്ചത്.

1940ല്‍ ഗുരുവായൂരിനടുത്തുള്ള ബ്രഹ്മകുളത്തായിരുന്നു ജനനം.മദ്രാസിലെ ഗവണ്‍മെന്റ് സ്കൂള്‍ ആന്‍ഡ് ക്രാഫ്റ്റ്സ്, ഗവണ്‍മെന്റ് കോളേജ് ഓഫ് ഫൈന്‍ ആര്‍ട്സ് മദ്രാസ് എന്നിവിടങ്ങളിലായിരുന്നു പഠനം. രാജാരവി വര്‍മ്മ പുരസ്കാരം, കേരള ലളിതകലാ അക്കാദമി ഫെല്ലോഷിപ്പ് , മലയാറ്റൂര്‍ രാമകൃഷ്ണന്‍ പുരസ്കാരം, പി ടി ഭാസ്കര പണിക്കര്‍ പുരസ്കാരം, കേരള ലളിതകലാ അക്കാദമി പുരസ്കാരം, മദ്രാസ് ലളിതകലാ അക്കാദമി പുരസ്കാരം , കേരള ലളിത കലാ അക്കാദമി ഫെലോഷിപ്പ് എന്നിവ നേടിയിട്ടുണ്ട്.

അശ്വത്ഥാമാവ്, ഒരേ തൂവല്‍ പക്ഷികള്‍, അക്കരെ, പുരുഷാര്‍ത്ഥം, ആലീസിന്റെ അന്വേഷണം എന്നീ ചിത്രങ്ങള്‍ക്ക് കലാസംവിധാനം നിര്‍വഹിച്ചിട്ടുണ്ട്.

deshabhimani

No comments:

Post a Comment