വിലക്കയറ്റം നിയന്ത്രിക്കാന് നടപടി സ്വീകരിക്കുക, തൊഴില് നിയമങ്ങള് കര്ശനമാക്കുക, അസംഘടിതമേഖലയിലെ തൊഴിലാളികള്ക്ക് ക്ഷേമപദ്ധതികള് ഉറപ്പാക്കാന് ദേശീയ സാമൂഹ്യ സുരക്ഷാ ഫണ്ട് നടപ്പാക്കുക, കരാര് തൊഴിലാളികള്ക്ക് സ്ഥിരം തൊഴിലാളികളുടേതിനു സമാനമായ വേതന വ്യവസ്ഥകള് നടപ്പാക്കുക, ചുരുങ്ങിയ മാസവേതനം 10,000 ആയി നിശ്ചയിക്കുക, പൊതുമേഖലാ സ്ഥാപനങ്ങളുടെ ഓഹരിവില്പ്പന അവസാനിപ്പിക്കുക, പുതിയ തൊഴില് മേഖലകള് സൃഷ്ടിക്കുക, എല്ലാ തൊഴിലാളികള്ക്കും പെന്ഷന് ഉറപ്പുവരുത്തുക, ഗ്രാറ്റ്വിറ്റി, ബോണസ്, പെന്ഷന് എന്നിവയ്ക്ക് നിശ്ചയിച്ചിരിക്കുന്ന പരിധികള് എടുത്തുകളയുക, ട്രേഡ് യൂണിയനുകള്ക്ക് 45 ദിവസത്തിനകം രജിസ്ട്രേഷന് നല്കി അംഗീകാരം നല്കുക തുടങ്ങിയ ആവശ്യങ്ങളുന്നയിച്ചാണ് തൊഴിലാളികള് പാര്ലമെന്റിലേക്ക് മാര്ച്ച് ചെയ്യുന്നത്. ബിഎംഎസ്, ഐഎന്ടിയുസി, സിഐടിയു, എഐടിയുസി, എച്ച്എംഎസ് തുടങ്ങി 11 തൊഴിലാളി യൂണിയനുകളാണ് സമരത്തില് അണിനിരക്കുന്നത്. സമരം വ്യാഴാഴ്ച രാവിലെ 10ന് ആരംഭിക്കും. പ്രമുഖ നേതാക്കള് അഭിവാദ്യം ചെയ്യും.
deshabhimani
No comments:
Post a Comment