ഇന്ത്യന് ശിക്ഷാനിയമത്തില് പ്രകൃതിവിരുദ്ധ ലൈംഗികതയെ ക്രിമിനല് കുറ്റമായി കണ്ടുകൊണ്ടുള്ള 377-ാം വകുപ്പ് പുനഃസ്ഥാപിക്കുകയാണ് സുപ്രീംകോടതി ചെയ്തത്. നേരത്തെ ഡല്ഹി ഹൈക്കോടതി ഉത്തരവ് റദ്ദുചെയ്തിരുന്നു. വിവിധ മതസംഘടനകള് സമര്പ്പിച്ച ഹര്ജികള് പരിഗണിച്ചായിരുന്നു സുപ്രീംകോടതിയുടെ തീര്പ്പ്. 377-ാം വകുപ്പ് എടുത്തുകളയുന്നതിനെ പൂര്ണമായും പിന്തുണയ്ക്കുന്ന നിലപാടാണ് സിപിഐ എമ്മിനുള്ളതെന്ന് സീതാറാം യെച്ചൂരി പറഞ്ഞു. വിധി മറികടക്കുന്നതിന് സര്ക്കാര് ബില്ല് കൊണ്ടുവന്നാല് സിപിഐ എം പിന്തുണയ്ക്കും. എന്നാല്, ഇക്കാര്യത്തില് സര്ക്കാരില്തന്നെ ഭിന്നാഭിപ്രായങ്ങളാണ്- യെച്ചൂരി പറഞ്ഞു.
സുപ്രീംകോടതി ഉത്തരവ് നിരാശാജനകമാണെന്ന് കോണ്ഗ്രസ് അധ്യക്ഷ സോണിയ ഗാന്ധി പ്രസ്താവനയില് പറഞ്ഞു. രാഹുല് ഗാന്ധിയും കോടതിവിധിയെ നിശിതമായി വിമര്ശിച്ചു. 1860ലെ മനഃസ്ഥിതിയിലേക്ക് കോടതി മടങ്ങിപ്പോയെന്ന് ധനമന്ത്രി പി ചിദംബരം പറഞ്ഞു. ബിജെപി പരസ്യമായി നിലപാട് എടുത്തില്ലെങ്കിലും ഗോരഖ്പുര് എംപിയും മുതിര്ന്ന ബിജെപി നേതാവുമായ യോഗി ആദിത്യനാഥ് സുപ്രീംകോടതി വിധിയെ സ്വാഗതംചെയ്തു.
deshabhimani
No comments:
Post a Comment