നൂറ്റമ്പതിലധികം ബിഎഎംഎസ് മെറിറ്റ് സീറ്റ് മാനേജ്മെന്റുകള്‍ക്ക് മറിച്ചു നല്‍കാന്‍ സര്‍ക്കാര്‍ തീരുമാനം. സ്വാശ്രയ ആയുര്‍വേദ കോളേജ് മാനേജ്മെന്റ് അസോസിയേഷനുമായി ഒത്തുകളിച്ചാണ് കച്ചവടം. ഇതിനായി കളിച്ച സര്‍ക്കാരിലെ ഉന്നതന് അഞ്ചു കോടി രൂപ കോഴ നല്‍കി. എന്നാല്‍, തീരുമാനം വിദ്യാഭ്യാസ മേഖലയില്‍ ഗുരുതരമായ പ്രത്യാഘാതമുണ്ടാക്കുമെന്ന് കാണിച്ച് ആയുര്‍വേദ വിദ്യാഭ്യാസ ഡയറക്ടര്‍ ഡോ. ശിവദാസ് സര്‍ക്കാരിന് കത്ത് നല്‍കി. അഞ്ച് ഘട്ടങ്ങളിലായി നടന്നിരുന്ന മെറിറ്റ് സീറ്റ് അലോട്ട്മെന്റ് മൂന്നായി കുറയ്ക്കുകയും എംബിബിഎസ്, ബിഡിഎസ്, എന്‍ജിനിയറിങ് കോഴ്സുകളിലേക്കുള്ള പ്രവേശനം പൂര്‍ത്തിയാകുന്നതിനു മുമ്പ് മെറിറ്റ് അലോട്ട്മെന്റ് അവസാനിപ്പിച്ചുമാണ് കോടികളുടെ കൊള്ളയ്ക്ക് വഴിയൊരുക്കിയത്. മാനേജ്മെന്റുകള്‍ക്കു വേണ്ടി വിവാദ തീരുമാനമെടുക്കുന്ന യോഗത്തില്‍നിന്ന് ആയുര്‍വേദ വിദ്യാഭ്യാസ ഡയറക്ടറെ സര്‍ക്കാര്‍ മാറ്റിനിര്‍ത്തി.
ബിഎഎംഎസ് മെറിറ്റ് പ്രവേശനത്തിനുള്ള ആദ്യഘട്ട അലോട്ട്മെന്റ് നടന്നത് ജൂലൈ 3നാണ്. രണ്ടും മൂന്നും ഘട്ടം 13നും ആഗസ്ത് ഏഴിനുമായി നടന്നു. തുടര്‍ന്നു വരുന്ന സീറ്റുകളെല്ലാം മാനേജ്മെന്റിന് സ്വന്തം നിലയില്‍ പ്രവേശനം നടത്താനാണ് സര്‍ക്കാര്‍ അനുമതി നല്‍കിയത്. അലോട്ട്മെന്റ് നടക്കുന്നതിനിടയില്‍ ജൂലൈ 23ന് മാനേജ്മെന്റുകളുമായി രഹസ്യചര്‍ച്ച നടത്തി മൂന്നാംഘട്ട അലോട്ട്മെന്റോടെ മെറിറ്റ് പ്രവേശനം നിര്‍ത്താന്‍ തീരുമാനിക്കുകയായിരുന്നു. 29ന് ഇത് സംബന്ധിച്ച ഉത്തരവ് ഇറങ്ങി. എംബിബിഎസുള്‍പ്പെടെ മറ്റു കോഴ്സുകള്‍ക്ക് പ്രവേശനം കിട്ടുമ്പോള്‍ ബിഎഎംഎസിന് പ്രവേശനം കിട്ടിയവര്‍ മാറിപ്പോകും. എന്നാല്‍, എംബിബിഎസ്-ബിഡിഎസ് പ്രവേശനത്തിന്റെ മൂന്നാംഘട്ടം വ്യാഴാഴ്ച നടന്നതേ ഉള്ളൂ. അടുത്ത ഘട്ടംകൂടി കഴിയുമ്പോള്‍ ബിഎഎംഎസില്‍ കൂടുതല്‍ ഒഴിവുകളുണ്ടാകും. ഇങ്ങനെ ഉണ്ടാകുന്ന മെറിറ്റ് സീറ്റുകളില്‍ തല്‍സമയ പ്രവേശനം നടത്താന്‍ മുമ്പ് ആയുര്‍വേദ ഡയറക്ടറെ ചുമതലപ്പെടുത്തുമായിരുന്നു. സര്‍ക്കാരിന്റെ വിവാദ തീരുമാനത്തിലൂടെ ഈ വര്‍ഷംമാത്രം 150 തിലേറെ സീറ്റുകളാണ് മാനേജ്മെന്റ് ക്വോട്ടയിലേക്ക് അട്ടിമറിക്കപ്പെടുന്നത്.
മെറിറ്റ് സീറ്റില്‍ അരലക്ഷം രൂപയും മാനേജ്മെന്റ് ക്വോട്ടയില്‍ ഒന്നര ലക്ഷവുമാണ് വാര്‍ഷിക ട്യൂഷന്‍ ഫീസ്. ഇതിനു പുറമെ രണ്ടു ലക്ഷം രൂപവരെ മെറിറ്റ് സീറ്റില്‍ രഹസ്യമായി കോഴയും വാങ്ങുന്നുണ്ട്. തുടര്‍ന്നുള്ള നാല് വര്‍ഷവും ഒരു ലക്ഷം വീതം അധികം കിട്ടും. ഇങ്ങനെ ഈ വര്‍ഷത്തെ പ്രവേശനത്തില്‍ നിന്നുമാത്രം മാനേജ്മെന്റിന് പത്തരക്കോടിയോളം രൂപയാണ് അധികമായി കിട്ടുന്നത്. സീറ്റ് മാനേജ്മെന്റുകള്‍ക്ക് വിട്ടുകൊടുക്കുന്നതിനെതിരെ ശക്തമായ പ്രതിഷേധമാണ് ഡയറക്ടര്‍ ആരോഗ്യ വകുപ്പ് സെക്രട്ടറിക്ക് അയച്ച കത്തില്‍ രേഖപ്പെടുത്തിയത്. സര്‍ക്കാരിനെതിരെ ജനരോഷം ഉയരാന്‍ കാരണമാകും. തീരുമാനം പിന്‍വലിച്ച് സ്പോട് അഡ്മിഷന്‍ നടത്തി മെറിറ്റ് സീറ്റ് നിലനിര്‍ത്തണമെന്നും കത്തില്‍ ആവശ്യപ്പെട്ടു.
deshabhimani
Friday, September 27, 2013
ഓര്‍ഡിനന്‍സ് അസംബന്ധം, സര്‍ക്കാരിനെതിരെ രാഹുല്‍
രാഹുല്‍ ഗാന്ധി രൂക്ഷമായി വിമര്‍ശിച്ച സാഹചര്യത്തില്‍ കേന്ദ്രസര്‍ക്കാര്‍ ഓര്‍ഡിനന്‍സ് പിന്‍വലിക്കാനാണ് സാധ്യത. അതേസമയം രാഹുല്‍ ഗാന്ധിയുടെ നീക്കം സ്വന്തം പ്രതിച്ഛായ വര്‍ധിപ്പിക്കാനുള്ള ശ്രമത്തിന്റെ ഭാഗമാണെന്ന വിമര്‍ശനം പലകോണുകളില്‍ നിന്നും ഉയര്‍ന്നുവന്നു. രാഹുലിന്റെ പ്രസ്താവന അക്ഷരാര്‍ഥത്തില്‍ സര്‍ക്കാരിനെയും കോണ്‍ഗ്രസിന്റെ കേന്ദ്ര നേതൃത്വത്തെയും വെട്ടിലാക്കിയിരിക്കുകയാണ്.
സര്‍ക്കാര്‍ ഓര്‍ഡിനന്‍സ് പ്രതിഷേധാര്‍ഹമാണെന്ന് സിപിഐ എം പൊളിറ്റ് ബ്യൂറോ നേരത്തെ പ്രസ്താവനയില്‍ വ്യക്തമാക്കിയിരുന്നു. തുടര്‍ച്ചയായി ഓര്‍ഡിനന്‍സുകളിലൂടെ കാര്യങ്ങള്‍ നടത്തുന്ന യുപിഎ സര്‍ക്കാരിന്റെ രീതി ജനാധിപത്യവിരുദ്ധവും എതിര്‍ക്കപ്പെടേണ്ടതുമാണെന്നും പിബി വ്യക്തമാക്കിയിരുന്നു. ബിജെപി അടക്കമുള്ള മറ്റ് പാര്‍ട്ടികളും ഓര്‍ഡിനന്‍സിനെ എതിര്‍ത്തിരുന്നു.
deshabhimani
ശാരദ ചിട്ടിയില്‍നിന്ന് നേതാക്കള്‍ കോടികള്‍ കൈപ്പറ്റി: തൃണമൂല്‍ എംപി
ബംഗാളില്‍ പതിനായിരക്കണക്കിന് ആളുകളെ പറ്റിച്ച് കോടികള്‍ വെട്ടിച്ച ശാരദ ചിട്ടി കമ്പനിയില്‍ നിന്ന് തൃണമൂല്‍ നേതാക്കള്‍ കോടിക്കണക്കിനു രൂപ കൈപ്പറ്റിയിട്ടുണ്ടെന്ന് വിമത എംപി കുനാല്‍ ഘോഷ്. മന്ത്രിസഭാംഗമായ പ്രമുഖ നേതാവുമാത്രം നാലുകോടിയാണ് വാങ്ങിയത്. മറ്റു പലരും വന്‍തുക കൈപ്പറ്റി. അവസരം വരുമ്പോള്‍ പൂര്‍ണവിവരങ്ങള്‍ വെളിപ്പെടുത്തുമെന്നും വീഡിയോ ടേപ്പ് ഉള്‍പ്പടെ തെളിവുകള്‍ തന്റെ പക്കലുണ്ടന്നും ഘോഷ് പറഞ്ഞു. ശാരദാ ചിട്ടി കമ്പനിയുമായി അടുത്ത ബന്ധമുണ്ടായിരുന്ന ഘോഷ്, കമ്പനിയുടെ നിയന്ത്രണത്തിലുള്ള നിരവധി മാധ്യമസ്ഥാപനങ്ങളുടെ ചീഫ് എക്സിക്യൂട്ടീവുമായിരുന്നു. ഇപ്പോള്‍ തൃണമൂലുമായി അകന്നു. നേതൃത്വത്തിനെതിരെ രൂക്ഷവിമര്‍ശവുമായി രംഗത്തുവന്ന ഈ രാജ്യസഭാംഗംത്തിനൊപ്പം തൃണമൂലിലെ മറ്റ് എംപിമാരായ തപസ് പോള്‍, ശതാബ്ദി റോയ് എന്നിവരുമുണ്ട്. തന്നെ നേതൃത്വം ബലിയാടാക്കുകയാണെന്ന് ഘോഷ് പറഞ്ഞു. തന്നെ അറസ്റ്റുചെയ്യുകയാണങ്കില്‍ അതിനുമുമ്പ് വാര്‍ത്താസമ്മേളനം നടത്താന്‍ അവസരം നല്‍കണമെന്ന് അന്വേഷണ ഉദ്യോഗസ്ഥരോട് ആവശ്യപ്പെട്ടിട്ടുണ്ടെന്നും അപ്പോള്‍ എല്ലാ കാര്യവും തുറന്നുപറയുമെന്നും ഘോഷ് പറഞ്ഞു.
ഘോഷിനെ പലതവണ അന്വേഷണവുമായി ബന്ധപ്പെട്ട് ചോദ്യംചെയ്തു. നേതൃത്വത്തെ വിമര്‍ശിച്ചതിനുശേഷമായിരുന്നു ചോദ്യംചെയ്യലുകള്‍ കൂടുതലും നടന്നത്. അതേസമയം, പാര്‍ടിവിലക്ക് ലംഘിച്ച് ശിഖാമിത്ര എംഎല്‍എയുടെ നേതൃത്വത്തിലുള്ള വിമതവിഭാഗം സംഘടിപ്പിച്ച പരിപാടിയില്‍ പങ്കെടുത്തതിന് ഘോഷ് അടക്കമുള്ള ആരും നേതൃത്വത്തിന് വിശദീകരണം നല്‍കിയിട്ടില്ല. പരിപാടിയില്‍ പങ്കെടുത്ത കൊല്‍ക്കത്ത മുനിസിപ്പല്‍ കോര്‍പറേഷന്‍ മേയര്‍-ഇന്‍-കൗണ്‍സില്‍ അംഗം സഞ്ചിതാ മണ്ഡലിനെ മമതയുടെ നിര്‍ദേശമനുസരിച്ച് മേയര്‍ പുറത്താക്കി.
(ഗോപി)
deshabhimani
ഘോഷിനെ പലതവണ അന്വേഷണവുമായി ബന്ധപ്പെട്ട് ചോദ്യംചെയ്തു. നേതൃത്വത്തെ വിമര്‍ശിച്ചതിനുശേഷമായിരുന്നു ചോദ്യംചെയ്യലുകള്‍ കൂടുതലും നടന്നത്. അതേസമയം, പാര്‍ടിവിലക്ക് ലംഘിച്ച് ശിഖാമിത്ര എംഎല്‍എയുടെ നേതൃത്വത്തിലുള്ള വിമതവിഭാഗം സംഘടിപ്പിച്ച പരിപാടിയില്‍ പങ്കെടുത്തതിന് ഘോഷ് അടക്കമുള്ള ആരും നേതൃത്വത്തിന് വിശദീകരണം നല്‍കിയിട്ടില്ല. പരിപാടിയില്‍ പങ്കെടുത്ത കൊല്‍ക്കത്ത മുനിസിപ്പല്‍ കോര്‍പറേഷന്‍ മേയര്‍-ഇന്‍-കൗണ്‍സില്‍ അംഗം സഞ്ചിതാ മണ്ഡലിനെ മമതയുടെ നിര്‍ദേശമനുസരിച്ച് മേയര്‍ പുറത്താക്കി.
(ഗോപി)
deshabhimani
ജെപിസി കരട് റിപ്പോര്‍ട്ട് സത്യം മൂടിവയ്ക്കുന്നു: യെച്ചൂരി
2ജി അഴിമതി അന്വേഷിക്കുന്ന ജെപിസിയുടെ ചെയര്‍മാന്‍ പി സി ചാക്കോയ്ക്ക് അയച്ച വിയോജനക്കുറിപ്പിലാണ് യെച്ചൂരി ഇക്കാര്യം വ്യക്തമാക്കിയത്. പാര്‍ലമെന്റ് ഏല്‍പ്പിച്ച ചുമതലപ്രകാരം കൃത്യമായ തെളിവുകള്‍ ശേഖരിച്ച് സത്യം പുറത്തുകൊണ്ടുവരാന്‍ ജെപിസി ശ്രമിച്ചില്ല. സുപ്രധാനമായ തെളിവുകള്‍ ചെയര്‍മാന്‍ തള്ളിക്കളഞ്ഞു. 2007-08കാലത്തെ 2ജി അഴിമതിക്ക് അടിസ്ഥാനമായ നിര്‍ണായക കാര്യങ്ങള്‍ പുറത്തുകൊണ്ടുവരുന്നതില്‍ പരാജയപ്പെട്ടു. അഴിമതി തടയുന്നതില്‍ കേന്ദ്രമന്ത്രിസഭ പരാജയപ്പെട്ട കാര്യവും പ്രധാനമന്ത്രി, ധനമന്ത്രി എന്നിവരുടെ പിഴവുകളും ചൂണ്ടിക്കാട്ടിയില്ല. പ്രവര്‍ത്തനത്തിലും നടപടിക്രമങ്ങളിലും ജെപിസി ഗുരുതരവീഴ്ച വരുത്തി. സമിതി അംഗങ്ങള്‍ തുടര്‍ച്ചയായി ആവശ്യപ്പെട്ടിട്ടും പ്രധാനമന്ത്രി, ധനമന്ത്രി എന്നിവരില്‍നിന്ന് മൊഴിയെടുത്തില്ല. ടെലികോംമന്ത്രിയായിരുന്ന എ രാജാ സ്വമേധയാ സന്നദ്ധനായിട്ടും അദ്ദേഹത്തിന്റെ മൊഴിയെടുത്തില്ല.
2ജി ലൈസന്‍സ് നല്‍കിയതില്‍ സിഎജി പറയുന്ന നഷ്ടം സംഭവിച്ചിട്ടില്ലെന്നാണ് ജെപിസി റിപ്പോര്‍ട്ടില്‍ പറയുന്നത്. സിഎജിയുടെ കണക്കുകൂട്ടല്‍ തെറ്റാണെന്ന് ജെപിസി ചെയര്‍മാന്‍ പറയുന്നു. ശരിയായി കണക്കുകൂട്ടേണ്ടത് എങ്ങനെയാണെന്ന് ചെയര്‍മാന്‍ പറയേണ്ടിയിരുന്നു. 2001ല്‍ 1658 കോടി വിലവരുന്ന സ്പെക്ട്രം ലൈസന്‍സിന് 2008ല്‍ എത്ര വില വരുമെന്നാണ് ചെയര്‍മാന്‍ കരുതുന്നത്? ലേലംവഴി സ്പെക്ട്രം നല്‍കിയിരുന്നെങ്കില്‍ ഉണ്ടാകുമായിരുന്ന നേട്ടം റിപ്പോര്‍ട്ടില്‍ പറയുന്നില്ല. ജനങ്ങള്‍ക്ക് കുറഞ്ഞ നിരക്കില്‍ ടെലികോം സേവനം ലഭിക്കാന്‍വേണ്ടിയാണ് കുറഞ്ഞ നിരക്കില്‍ 2ജി സ്പെക്ട്രം ലൈസന്‍സ് നല്‍കിയതെന്നാണ് വിശദീകരണം. യഥാര്‍ഥത്തില്‍ സ്വാന്‍, യൂണിടെക് എന്നീ കമ്പനികള്‍ക്കാണ് ലാഭമുണ്ടായത്. ഇന്‍ട്രാ സര്‍ക്കിള്‍ റോമിങ് സൗകര്യം സ്വകാര്യ കമ്പനികള്‍ക്ക് നല്‍കാന്‍ ബിഎസ്എന്‍എല്ലിനെ നിര്‍ബന്ധിച്ചു. ഇത് ബിഎസ്എന്‍എല്ലിന് വലിയ ദോഷമുണ്ടാക്കി. ധനമന്ത്രിയുടെ നിര്‍ദേശപ്രകാരമാണ് 2001ലെ നിരക്കില്‍ 2008ല്‍ ലൈസന്‍സുകള്‍ നല്‍കിയത്. ഈ നഷ്ടത്തിന് ധനമന്ത്രിക്ക് ബാധ്യതയുണ്ടെന്ന് റിപ്പോര്‍ട്ടിലില്ല. ലൈസന്‍സിന്റെമാത്രം ഉറപ്പില്‍ പൊതുമേഖലാ ബാങ്കുകളില്‍നിന്ന് ഈ സ്വകാര്യ ടെലികോം കമ്പനികള്‍ക്ക് വായ്പ കൊടുക്കാന്‍ ധനമന്ത്രി നിര്‍ദേശിച്ചു. ഇത്തരം അഴിമതികളെ റിപ്പോര്‍ട്ട് തുറന്നുകാട്ടിയില്ല.
2008 ജനുവരിയില്‍ പ്രധാനമന്ത്രിയെ കണ്ടപ്പോള്‍ സ്പെക്ട്രം ലേലനടപടികളുമായി മുന്നോട്ടുപോകാന്‍ പ്രധാനമന്ത്രി സമ്മതിച്ചുവെന്നാണ് എ രാജ പറഞ്ഞത്. പ്രധാനമന്ത്രി ഇതേക്കുറിച്ച് പ്രതികരിക്കണം. ഇത്തരം കാര്യങ്ങളില്‍ പ്രധാനമന്ത്രിക്ക് പറയാനുള്ളത് ജെപിസിയുടെ മുന്നില്‍ ഹാജരായി പറയുകയോ എഴുതിനല്‍കുകയോ ചെയ്യാമായിരുന്നു. ധനമന്ത്രിയുടെ അനുമതിയോടെയാണ് സ്പെക്ട്രം ലേലംചെയ്തതെന്ന് എ രാജ പറഞ്ഞിരുന്നു. ഇതടക്കം നിരവധി ചോദ്യങ്ങള്‍ക്ക് ധനമന്ത്രി മറുപടി പറയണം. അതിനും ജെപിസി ചെയര്‍മാന്‍ അവസരമുണ്ടാക്കിയില്ല. ജെപിസി കരടുറിപ്പോര്‍ട്ട് സത്യം മൂടിവയ്ക്കുന്നതും കുറ്റവാളികളെ രക്ഷപ്പെടുത്താന്‍ ശ്രമിക്കുന്നതുമാണ്. അതിനാല്‍ കരടുറിപ്പോര്‍ട്ട് സ്വീകാര്യമല്ലെന്ന് സീതാറാം യെച്ചൂരി പറഞ്ഞു.
deshabhimani
ഭൂരഹിതരില്ലാത്ത കേരളം :സോണിയ ഉദ്ഘാടനം ചെയ്യരുത്- വി എസ്
പ്രധാനമന്ത്രിക്കും, മുഖ്യമന്ത്രിമാര്‍ക്കും മേലെ സോണിയാഗാന്ധിയുടെ പടംവെച്ച് സര്‍ക്കാര്‍ പരിപാടികള്‍ നടത്തുകയും അതിന്റെ പേരില്‍ ജനങ്ങളുടെ പണം കൊളളയടിക്കുകയും ചെയ്യുകയാണ്. ഇത് ഒരുകാരണവശാലും അംഗീകരിക്കാന്‍ കഴിയില്ല. ഔദ്യോഗിക പദവികള്‍ ഒന്നുമില്ലാത്ത കോണ്‍ഗ്രസ് അധ്യക്ഷയെ മുഖ്യമന്ത്രിക്കും മേലെ പ്രതിഷ്ഠിച്ച് സര്‍ക്കാര്‍ പണം ദുര്‍വ്യയം ചെയ്യുന്നത് എന്തടിസ്ഥാനത്തിലാണെന്ന് ഉമ്മന്‍ചാണ്ടി വ്യക്തമാക്കണം. കേന്ദ്രസര്‍ക്കാരിന്റെ ഔദ്യോഗിക പദവികളൊന്നുമില്ലാത്ത സോണിയാഗാന്ധിക്ക് വേണ്ടി സര്‍ക്കാര്‍ പരിപാടിയെ സത്യത്തില്‍ ദുരുപയോഗം ചെയ്യുകയാണ്. പ്രധാനമന്ത്രിയോ, കേന്ദ്രത്തില്‍ നിന്നുളള മറ്റ് മന്ത്രിമാര്‍ ആരെങ്കിലുമോ ഇതിനായി വരുന്നത് മനസ്സിലാക്കാം. എന്നാല്‍ സംസ്ഥാന മുഖ്യമന്ത്രി പങ്കെടുക്കുന്ന ചടങ്ങില്‍ ഔദ്യോഗിക പ്രോട്ടോകോള്‍ അനുസരിച്ച് എം.പി. യെന്ന നിലയില്‍ മുഖ്യമന്ത്രിക്ക് താഴെ മാത്രം പദവിയുള്ള സോണിയാഗാന്ധിയെ ഉദ്ഘാടകയായി ക്ഷണിച്ചിരിക്കുന്നത് കേരളത്തിലെ ജനങ്ങളോടുള്ള അവഹേളനമാണ്. കോണ്‍ഗ്രസിന്റെ രാഷ്ട്രീയപ്രചാരണത്തിനായി കോടികളുടെ സാമ്പത്തികബാധ്യതയാണ് ഇതിലൂടെ ജനങ്ങളില്‍ അടിച്ചേല്‍പ്പിക്കുന്നത്. സോണിയാഗാന്ധിയുടെ വരവിനും പോക്കിനുമുള്ള ചാര്‍ട്ടര്‍ ചെയ്ത വിമാന യാത്രാച്ചെലവ്, സുരക്ഷാച്ചെലവ്, പരസ്യപ്രചാരണച്ചെലവ് എന്നീ ഇനങ്ങളില്‍ എത്ര കോടികളാണ് സര്‍ക്കാര്‍ ഖജനാവില്‍ നിന്ന് ചെലവഴിക്കുന്നത്.
പബ്ലിസിറ്റിക്കുവേണ്ടി മാത്രം ദശലക്ഷണക്കിന് രൂപ ചെലവഴിച്ചിട്ടുണ്ട്. രണ്ടുലക്ഷം ഫോള്‍ഡറുകള്‍, ഓരോ ജില്ലയിലും 25 വീതം കൂറ്റന്‍ ഫ്ളക്സ് ബോര്‍ഡുകള്‍, ദുരദര്‍ശന്‍, ആകാശവാണി പരസ്യങ്ങള്‍ തുടങ്ങിയവയാണ് പ്രചാരണത്തിനായി ഉപയോഗിക്കുന്നത്. സോണിയാഗാന്ധിയുടെ പടം അടക്കം വെച്ചാണ് സംസ്ഥാന സര്‍ക്കാരിനുവേണ്ടി കോണ്‍ഗ്രസ് നേതാവിന്റെ പരിപാടിയാക്കി ഇത് മാറ്റിയിരിക്കുന്നത് കോണ്‍ഗ്രസിന്റെയും യു.ഡി.എഫിന്റെയും തെരഞ്ഞെടുപ്പ് പ്രചാരണത്തിന്റെ ഉദ്ഘാടനം എന്ന നിലയിലാണ് ഈ പരിപാടി കോണ്‍ഗ്രസ് അധ്യക്ഷയെ മുഖ്യാതിഥിയാക്കി സംഘടിപ്പിക്കുന്നത്.
ഈ പശ്ചാത്തലത്തില്‍ പരിപാടിയില്‍ നിന്ന് സോണിയാഗാന്ധിയെ ഒഴിവാക്കാന്‍ ഉമ്മന്‍ചാണ്ടിയും സര്‍ക്കാരും തയ്യാറാകണം. ജനങ്ങളുടെ പൊതുപണം ഉപയോഗിച്ച് കോണ്‍ഗ്രസിന്റെ രാഷ്ട്രീയപ്രചാരണം നടത്താനുളള നീക്കത്തിനെതിരെ ജനങ്ങള്‍ രംഗത്തുവരണമെന്നും വി.എസ്. പ്രസ്താവനയില്‍ ആവശ്യപ്പെട്ടു.
deshabhimani
വേണ്ടത് സമഗ്രമായ തെരഞ്ഞെടുപ്പ് പരിഷ്ക്കാരം: സിപിഐ എം
സമഗ്രമായ തെരഞ്ഞെടുപ്പ് പരിഷ്ക്കാരങ്ങളാണ് ഇന്ത്യക്കാവശ്യമെന്ന് സിപിഐ എം പൊളിറ്റ് ബ്യൂറോ പ്രസ്താവനയില്‍ പറഞ്ഞു. ഇപ്പോള്‍ സുപ്രീംകോടതിവിധിയില്‍ പറഞ്ഞതുപോലെ ബാലറ്റില്‍ നിഷേധവോട്ടിനുള്ള അവസരം ഈ പരിഷ്ക്കാരങ്ങളില്‍ നിസ്സാരമായ ഒന്നാണ്. സിപിഐ എം സമഗ്രമായി തെരഞ്ഞെടുപ്പ് പരിഷ്ക്കാരങ്ങള്‍ ആവശ്യപ്പെട്ട് വരികയാണ്. എന്നാല്‍ ഗൗരവതരമായ ഇത്തരം വിഷയങ്ങള്‍ പാര്‍ലമെണ്ടിനു മുന്നില്‍ കൊണ്ടുവരാന്‍ സര്‍ക്കാര്‍ തയ്യാറാകുന്നില്ല. ആനുപാതിക പ്രാതിനിധ്യം, പണത്തിന്റെയും പേശിബലത്തിന്റെയും സ്വാധീനം നിയന്ത്രിക്കാനുള്ള അടിയന്തര നടപടികള്‍ തുടങ്ങിയ കാര്യങ്ങള്‍ ഉള്‍പ്പെടുത്തിയുള്ള പരിഷ്ക്കാരങ്ങളാണ് വേണ്ടത്. അവ പാര്‍ലമെണ്ടില്‍ ചര്‍ച്ച ചെയ്യുകയും അംഗീകരിക്കുകയുമാണ് വേണം. അല്ലാതെ ഇപ്പോള്‍ ഉണ്ടായതുപോലെ ജുഡീഷ്യറി ഇവയൊക്കെ കഷണം കഷണമായി തീരുമാനിക്കുകയല്ല വേണ്ടത്- പി ബി പ്രസ്താവനയില്‍ പറഞ്ഞു.
തെരഞ്ഞെടുപ്പുകളില്‍ നിഷേധവോട്ടാകാം: സുപ്രീം കോടതി
ന്യൂഡല്‍ഹി: തെരഞ്ഞെടുപ്പുകളില്‍ നിഷേധവോട്ടിന് ജനങ്ങള്‍ക്ക് അവകാശമുണ്ടെന്ന് സുപ്രീം കോടതി. സ്ഥാനാര്‍ഥികളെ എതിര്‍ത്ത് വോട്ട് ചെയ്യാനുള്ള ജനങ്ങളുടെ അവകാശം കണക്കിലെടുത്ത് നിഷേധവോട്ടിന് സുപ്രീംകോടതി അനുമതി നല്‍കി. പൊതുതെരഞ്ഞെടുപ്പില്‍ നിഷേധവോട്ട് രേഖപ്പെടുത്താനുള്ള പ്രത്യേക ബട്ടന്‍ വോട്ടിങ്ങ് യന്ത്രത്തില്‍ ഏര്‍പ്പെടുത്തണമെന്ന് കോടതി തെരഞ്ഞെടുപ്പ് കമ്മീഷന് നിര്‍ദ്ദേശം നല്‍കി. മത്സരിക്കുന്ന മുഴുവന്‍ സ്ഥാനാര്‍ഥികളുടെ പേരുകളും രേഖപ്പെടുത്തിയ ശേഷം വോട്ടിങ്ങ് യന്ത്രത്തില്‍ ഇതൊന്നുമല്ല എന്ന ഒരു ബട്ടന്‍ കൂടി ഏര്‍പ്പെടുത്തണമെന്നാണ് കോടതിയുടെ നിര്‍ദേശം. ഇതിനായി നിയമഭേദഗതി വരുത്താനും കോടതി നിര്‍ദേശിച്ചിട്ടുണ്ട്.
നിഷേധവോട്ടുകള്‍ ജനാധിപത്യപ്രക്രിയയെ ശുദ്ധീകരിക്കുമെന്ന അഭിപ്രായത്തോടെയാണ് കോടതി വിധി പ്രസ്താവിച്ചത്. ചീഫ് ജസ്റ്റീസ് പി സദാശിവം ഉള്‍പ്പെട്ട ബെഞ്ചാണ് വിധി പ്രസ്താവിച്ചത്. പീപ്പിള്‍സ് യൂണിയന്‍ ഫോര്‍ സിവില്‍ ലിബര്‍ട്ടീസ് നല്‍കിയ ഹര്‍ജി പരിഗണിച്ചാണ് കോടതിയുടെ ഉത്തരവ്.
തെരഞ്ഞെടുപ്പ് കമ്മീഷനും ഹര്‍ജിക്കാരുടെ ആവശ്യത്തെ പിന്തുണച്ചിരുന്നു. ഇതിനായി നിയമഭേദഗതി വരുത്താന്‍ 2009ല്‍ സര്‍ക്കാരിനോട് നിര്‍ദേശിച്ചിരുന്നെങ്കിലും ഇതുവരെ സര്‍ക്കാര്‍ ഇതിനു തയാറായില്ലെന്നും തെരഞ്ഞെടുപ്പ് കമ്മീഷന് ചൂണ്ടിക്കാട്ടിയിരുന്നു.
ഇത്തരം കാര്യങ്ങളിൽ സുപ്രീം കോടതി എകപക്ഷീയമായി തീരുമാനിക്കേണ്ടതല്ലെന്ന് സിപിഐ എം പൊളിറ്റ്ബ്യൂറോ അംഗം സീതാറാം യെച്ചൂരി പറഞ്ഞു.പാർലമെണ്ടിനെ മറികടക്കുന്ന തീരുമാനമാണിത്. ഇക്കാര്യം പാർലമെണ്ട് ചർച്ച ചെയ്യണമെന്നും അദ്ദേഹം ആവശ്യപ്പെട്ടു.
facebook post by sunilkrishnan
തെരഞ്ഞെടുപ്പുകളില്‍ നിഷേധവോട്ടാകാം: സുപ്രീം കോടതി
ന്യൂഡല്‍ഹി: തെരഞ്ഞെടുപ്പുകളില്‍ നിഷേധവോട്ടിന് ജനങ്ങള്‍ക്ക് അവകാശമുണ്ടെന്ന് സുപ്രീം കോടതി. സ്ഥാനാര്‍ഥികളെ എതിര്‍ത്ത് വോട്ട് ചെയ്യാനുള്ള ജനങ്ങളുടെ അവകാശം കണക്കിലെടുത്ത് നിഷേധവോട്ടിന് സുപ്രീംകോടതി അനുമതി നല്‍കി. പൊതുതെരഞ്ഞെടുപ്പില്‍ നിഷേധവോട്ട് രേഖപ്പെടുത്താനുള്ള പ്രത്യേക ബട്ടന്‍ വോട്ടിങ്ങ് യന്ത്രത്തില്‍ ഏര്‍പ്പെടുത്തണമെന്ന് കോടതി തെരഞ്ഞെടുപ്പ് കമ്മീഷന് നിര്‍ദ്ദേശം നല്‍കി. മത്സരിക്കുന്ന മുഴുവന്‍ സ്ഥാനാര്‍ഥികളുടെ പേരുകളും രേഖപ്പെടുത്തിയ ശേഷം വോട്ടിങ്ങ് യന്ത്രത്തില്‍ ഇതൊന്നുമല്ല എന്ന ഒരു ബട്ടന്‍ കൂടി ഏര്‍പ്പെടുത്തണമെന്നാണ് കോടതിയുടെ നിര്‍ദേശം. ഇതിനായി നിയമഭേദഗതി വരുത്താനും കോടതി നിര്‍ദേശിച്ചിട്ടുണ്ട്.
നിഷേധവോട്ടുകള്‍ ജനാധിപത്യപ്രക്രിയയെ ശുദ്ധീകരിക്കുമെന്ന അഭിപ്രായത്തോടെയാണ് കോടതി വിധി പ്രസ്താവിച്ചത്. ചീഫ് ജസ്റ്റീസ് പി സദാശിവം ഉള്‍പ്പെട്ട ബെഞ്ചാണ് വിധി പ്രസ്താവിച്ചത്. പീപ്പിള്‍സ് യൂണിയന്‍ ഫോര്‍ സിവില്‍ ലിബര്‍ട്ടീസ് നല്‍കിയ ഹര്‍ജി പരിഗണിച്ചാണ് കോടതിയുടെ ഉത്തരവ്.
തെരഞ്ഞെടുപ്പ് കമ്മീഷനും ഹര്‍ജിക്കാരുടെ ആവശ്യത്തെ പിന്തുണച്ചിരുന്നു. ഇതിനായി നിയമഭേദഗതി വരുത്താന്‍ 2009ല്‍ സര്‍ക്കാരിനോട് നിര്‍ദേശിച്ചിരുന്നെങ്കിലും ഇതുവരെ സര്‍ക്കാര്‍ ഇതിനു തയാറായില്ലെന്നും തെരഞ്ഞെടുപ്പ് കമ്മീഷന് ചൂണ്ടിക്കാട്ടിയിരുന്നു.
ഇത്തരം കാര്യങ്ങളിൽ സുപ്രീം കോടതി എകപക്ഷീയമായി തീരുമാനിക്കേണ്ടതല്ലെന്ന് സിപിഐ എം പൊളിറ്റ്ബ്യൂറോ അംഗം സീതാറാം യെച്ചൂരി പറഞ്ഞു.പാർലമെണ്ടിനെ മറികടക്കുന്ന തീരുമാനമാണിത്. ഇക്കാര്യം പാർലമെണ്ട് ചർച്ച ചെയ്യണമെന്നും അദ്ദേഹം ആവശ്യപ്പെട്ടു.
facebook post by sunilkrishnan
ഉമ്മന്‍ചാണ്ടിയുടെ അയല്‍വാസിക്ക് വഴിവിട്ട് എയര്‍ കാര്‍ഗോ ലൈസന്‍സ്
ഉമ്മന്‍ചാണ്ടിയുടെ അയല്‍വാസിയും സുഹൃത്തുമായ, ഷാര്‍ജയിലെ കാര്‍ഗോ സര്‍വീസ് ഉടമയ്ക്ക് വിമാനത്തിലൂടെയുള്ള ഡോര്‍ ടു ഡോര്‍ കൊറിയര്‍ സര്‍വീസിന് ലൈസന്‍സ് ലഭിച്ചത് ഉന്നതതല ഇടപെടലിനെതുടര്‍ന്ന്. പാഴ്സല്‍ പൊട്ടിച്ചുള്ള കംസ്റ്റംസ് പരിശോധനയില്ലാതെ, വിമാനത്തിലൂടെ കൊറിയര്‍ സാധനങ്ങള്‍ കൊണ്ടുവരാന്‍ കഴിയുന്ന ലൈസന്‍സ് അഞ്ചുമാസം മുമ്പാണ് സ്ഥാപനത്തിന് ലഭിച്ചത്. കൊറിയര്‍ ലൈസന്‍സിനായി നൂറോളം അപേക്ഷകള്‍ നിലനില്‍ക്കെയാണ് പുതുപ്പള്ളി വെട്ടുകുഴിയില്‍ ലാല്‍ജി മാത്യുവിന്റെ ഉടമസ്ഥയിലുള്ള വണ്‍ ടു ത്രീ കാര്‍ഗോ ആന്‍ഡ് കൊറിയര്‍ സര്‍വീസ് എന്ന സ്ഥാപനത്തിന് ലൈസന്‍സ് ലഭിച്ചത്. രണ്ടുവര്‍ഷം മുമ്പാണ് ഷാര്‍ജയിലെ അല്‍അറൂബയില്‍ സ്ഥാപനം തുടങ്ങിയത്. കുറഞ്ഞ കാലയളവില്‍ ലൈസന്‍സ് ഒരു സ്ഥാപനത്തിന് തരപ്പെടുന്നതും ആദ്യസംഭവമാണെന്ന് അറിയുന്നു. കേരളത്തില്‍ ഇവര്‍ ഉള്‍പ്പെടെ രണ്ടു സ്ഥാപനങ്ങള്‍ക്ക് മാത്രമാണ് എയര്‍ കൊറിയര്‍ സര്‍വീസിന് ലൈസന്‍സുള്ളത്.
കാര്‍ഗോ സര്‍വീസ് മുഖേനയാണ് വിമാനത്തില്‍ പാഴ്സലുകള്‍ അയയ്ക്കുന്നതെങ്കില്‍ കസ്റ്റംസിന്റെ കര്‍ശനപരിശോധനയുണ്ടാകും. അയയ്ക്കുന്ന പാഴ്സലുകള്‍ കസ്റ്റംസുകാര്‍ പൊട്ടിച്ചു നോക്കിയേ ക്ലിയറന്‍സ് നല്‍കൂ. എന്നാല്‍, എയര്‍ കൊറിയര്‍ സംവിധാനത്തിലൂടെ പാഴ്സല്‍ അയയ്ക്കുമ്പോള്‍ പൊട്ടിച്ചു നോക്കാറില്ല. 35 കിലോ വരെയുള്ള ഭക്ഷണസാധനങ്ങളും തുണികളും മാത്രമേ ഇങ്ങനെ അയയ്ക്കാനാവൂ. എന്നാല്‍, ഇതിന്റെ മറവില്‍ സ്വര്‍ണവും പണവും കടത്താന്‍ സാഹചര്യമേറെയാണ്.
(വി എം പ്രദീപ്)
deshabhimani
കാര്‍ഗോ സര്‍വീസ് മുഖേനയാണ് വിമാനത്തില്‍ പാഴ്സലുകള്‍ അയയ്ക്കുന്നതെങ്കില്‍ കസ്റ്റംസിന്റെ കര്‍ശനപരിശോധനയുണ്ടാകും. അയയ്ക്കുന്ന പാഴ്സലുകള്‍ കസ്റ്റംസുകാര്‍ പൊട്ടിച്ചു നോക്കിയേ ക്ലിയറന്‍സ് നല്‍കൂ. എന്നാല്‍, എയര്‍ കൊറിയര്‍ സംവിധാനത്തിലൂടെ പാഴ്സല്‍ അയയ്ക്കുമ്പോള്‍ പൊട്ടിച്ചു നോക്കാറില്ല. 35 കിലോ വരെയുള്ള ഭക്ഷണസാധനങ്ങളും തുണികളും മാത്രമേ ഇങ്ങനെ അയയ്ക്കാനാവൂ. എന്നാല്‍, ഇതിന്റെ മറവില്‍ സ്വര്‍ണവും പണവും കടത്താന്‍ സാഹചര്യമേറെയാണ്.
(വി എം പ്രദീപ്)
deshabhimani
Subscribe to:
Posts (Atom)