ആദിവാസികളുടെ വിദ്യാഭ്യാസം: വെള്ളമുണ്ട രാജ്യത്തിന് മാതൃക
കല്‍പറ്റ: എത്ര ശ്രമിച്ചാലും ആദിവാസികള്‍ നന്നാവില്ലെന്ന ഫ്യൂഡല്‍ സങ്കല്‍പ്പത്തിന് വയനാട്ടിലെ വെള്ളമുണ്ട ഗ്രാമ പഞ്ചായത്തിന്റെ വക തിരുത്ത്. ശ്രമിച്ചാല്‍ നന്നാവാത്തതായി ഒരു ജനവിഭാഗവവും ഈ ഭൂമുഖത്ത് ഉണ്ടാവില്ലെന്ന് എ എന്‍ പ്രഭാകരന്റെ നേതൃത്വത്തില്‍ 2005 ഒക്ടോബര് രണ്ടിന് അധികാരത്തിലെത്തിയ പഞ്ചായത്ത് ഭരണ സമിതി പ്രയോഗത്തിലൂടെ തെളിയിച്ചു. തലചായ്ക്കാന്‍ കിടപ്പാടവും അതിനായി ഭൂമിയും വിശപ്പടക്കാന്‍ ഭക്ഷണവും ഒപ്പം വിദ്യാഭ്യാസവും ഉറപ്പാക്കിയാല്‍ ആദിവാസികളെ പൊതുവിലും കുട്ടികളെ പ്രത്യേകിച്ചും സമൂഹത്തിന്റെ മുഖ്യധാരയില്‍ എത്തിക്കാന്‍ കഴിയുമെന്ന പാഠമാണ് വെള്ളമുണ്ട കഴിഞ്ഞ അഞ്ച് വര്‍ഷത്തെ അനുഭവത്തിലൂടെ ലോകത്തിന് മുന്നില്‍ രേഖപ്പെടുത്തിയത്.
സംസ്ഥാനത്തെ പൊതു വിദ്യാലയങ്ങളില്‍ വിദ്യാര്‍ഥികള്‍ ഗണ്യമായി കുറയുമ്പോഴും വെള്ളമുണ്ടയില്‍ ആദിവാസി കുട്ടികളുടെ എണ്ണം നാല് വര്‍ഷം കൊണ്ട് 33 ശതമാനം ഉയര്‍ത്തിയതിന്റെ ക്രെഡിറ്റും ഈ പഞ്ചായത്തിന് സ്വന്തം. സര്‍ക്കാര്‍ -എയ്ഡഡ് മേഖലയില്‍ വെള്ളമുണ്ട ഗ്രാമപഞ്ചായത്തിലുള്ളത് 18 വിദ്യാലയങ്ങള്‍. 2005-2006 അധ്യയന വര്‍ഷം ആകെയുണ്ടായിരുന്നത് 1005 ആദിവാസി വിദ്യാര്‍ഥികള്‍. ഈ അധ്യയന വര്‍ഷത്തെ ആറാം പ്രവൃത്തിദിന കണക്ക് പ്രകാരം ആദിവാസി കുട്ടികളുടെ എണ്ണം 1348 ആയി ഉയര്‍ന്നു. അതായത് നാല് വര്‍ഷം കൊണ്ട് ആദിവാസി വിദ്യാര്‍ഥികളുടെ എണ്ണത്തില്‍ 33 ശതമാനം വര്‍ധനവ്. സ്‌കൂള്‍ വിദ്യാര്‍ഥികളുടെ കൊഴിഞ്ഞുപോക്ക് പൂര്‍ണമായും തടഞ്ഞതിന്റെ മികവും എല്‍ ഡി എഫ് ഭരണ സമിതിയുടെ തൊപ്പിയിലെ മറ്റൊരു തൂവലായി.
അഞ്ചും ആറും കിലോമീറ്റര്‍ കാല്‍നടയായി സ്‌കൂളില്‍ എത്തേണ്ടിയിരുന്ന അവസ്ഥയാണ് 2005 വരെ ഇവിടെ ഉണ്ടായത്. ഇതില്‍ ഏറ്റവും കൂടുതല്‍ ആദിവാസികളുടെയും പാവപ്പെട്ട തൊഴിലാളികളുടെയും മക്കളായിരുന്നു. പഞ്ചായത്ത് ഭരണത്തില്‍ മുസ്ലീം ലീഗിന്റെ കുത്തക അവസാനിപ്പിച്ച് സി പി എം ജില്ലാ കമ്മിറ്റി അംഗം എ എന്‍ പ്രഭാകരന്റെ നേതൃത്വത്തില്‍ 2005ല്‍ അധികാരത്തിലെത്തിയ എല്‍ ഡി എഫ് ബോര്‍ഡ് മുഖ്യപരിഗണന നല്‍കിയത് വിദ്യാഭ്യാസത്തിനായിരുന്നു. വിവിധ വിദ്യാലയങ്ങളിലായി മൂന്നൂറില്‍പ്പരം കുട്ടികള്‍ നാല് മുതല്‍ ആറ് കിലോമീറ്റര്‍ വരെ പ്രൈമറി പഠനത്തിന് കാല്‍നട യാത്ര ചെയ്യേണ്ടിവരുന്നതാണ് കൊഴിഞ്ഞുപോക്കിനും ക്ലാസിലെ ഹാജര്‍ നില കുറയാനും ഇടയാക്കുന്നതെന്ന് പഠനത്തില്‍ കണ്ടെത്തി. ഈ പ്രശ്നം പരിഹരിക്കാന്‍ പഞ്ചായത്തിന്റെ ചെലവില്‍ വിവിധ റൂട്ടുകളിലേക്കായി ആറ് ജീപ്പുകള്‍ രാവിലെയും വൈകീട്ടും പ്രത്യേക ട്രിപ്പ് നടത്തി കുട്ടികളെ സ്‌കൂളിലും തിരികെ വീട്ടിലും എത്തിക്കുന്ന പദ്ധതി ആവിഷ്‌ക്കരിച്ചു. സംസ്ഥാനത്ത് ആദ്യമായി സ്‌കൂള്‍ വിദ്യാര്‍ഥികള്‍ക്കായി ജീപ്പ് സര്‍വീസ് ആരംഭിച്ച പഞ്ചായത്തെന്ന ഖ്യാതി ഇതുവഴി വെള്ളമുണ്ടയ്ക്ക് ലഭിച്ചു. കൊല്ലത്തില്‍ നാല് ലക്ഷത്തോളം രൂപയാണ് പഞ്ചായത്ത് ഫണ്ടില്‍ നിന്ന് ഇതിനായി ചെലവഴിച്ചത്.
ആദിവാസികളില്‍ തന്നെ ഏറ്റവും പിന്നോക്കം നില്‍ക്കുന്ന പണിയ, കാട്ടുനായ്ക്ക വിഭാഗങ്ങള്‍ രാവിലെ വീട്ടില്‍ ഭക്ഷണം ഉണ്ടാക്കുന്ന പതിവില്ല. കുട്ടികള്‍ പോലും കട്ടന്‍ചായ കുടിച്ചാണ് ഉച്ചവരെ കഴിച്ചുകൂട്ടുന്നത്. ഉച്ചവരെ വിശപ്പ് സഹിച്ച് കുട്ടികള്‍ക്ക് ഇരിക്കാന്‍ കഴിയില്ലെന്ന് അറിയുന്ന പഞ്ചായത്ത് ഇത്തരം വിദ്യാര്‍ഥികള്‍ക്കായി എല്ലാ സ്‌കൂളുകളിലും പ്രഭാത ഭക്ഷണ പരിപാടിയും ആരംഭിച്ചു. രാവിലെ ഒന്‍പതിന് മുന്‍പ് പ്രത്യേക ജീപ്പില്‍ സ്‌കൂളിലെത്തുന്ന കുട്ടികള്‍ പ്രഭാത ഭക്ഷണവും കഴിച്ച് ക്ലാസില്‍ ഇരുന്നതോടെ ഏതാണ്ട് എല്ലാ ദിവസവും ഹാജര്‍ നിലയില്‍ വലിയ പുരോഗതി ഉണ്ടായി. വയനാട് ജില്ലയില്‍ ആദ്യമായി വിദ്യാര്‍ഥികള്‍ക്ക് ഉച്ചക്കഞ്ഞി എന്നതിന് പകരം ചോറും സാമ്പാറും എന്ന പദ്ധതി നടപ്പാക്കിയതും വെള്ളമുണ്ടയിലാണ്. ഉച്ചയ്ക്ക് ചോറും സാമ്പാറും വിദ്യാര്‍ഥികള്‍ക്കെല്ലാം വിതരണം ചെയ്യുന്നതിനായി ജില്ലാ പഞ്ചായത്തിന്റെ സഹകരണവും വെള്ളമുണ്ട തേടി. കൊല്ലത്തില്‍ 100 ദിവസത്തെ ചോറിന്റെയും സാമ്പാറിന്റെയും അധിക ചെലവ് വയനാട് ജില്ലാ പഞ്ചായത്തും ശേഷിക്കുന്ന നൂറ് ദിവസത്തെ ചെലവ് ഗ്രാമപഞ്ചായത്തും വഹിക്കുകയാണ്. ആദിവാസി വിദ്യാര്‍ഥികള്‍ക്ക് സര്‍ക്കാര്‍ സൗജന്യമായി വിതരണം ചെയ്യുന്ന കുടയും ബാഗും യൂണിഫോമും അധ്യയന വര്‍ഷത്തില്‍ എപ്പോഴെങ്കിലും കൊടുക്കുകയെന്ന പതിവ് രീതി വെള്ളമുണ്ടയില്‍ അനുവദിച്ചില്ല. കഴിഞ്ഞ നാല് വര്‍ഷവും മുഴുവന്‍ ആദിവാസി വിദ്യാര്‍ഥികള്‍ക്കും സ്‌കൂള്‍ തുറന്ന ദിവസം തന്നെ യൂണിഫോമും കുടയും ബാഗും സമ്മാനിച്ചു.
ഇതെല്ലാം ആദിവാസി കുട്ടികളുടെ പഠനത്തില്‍ വരുത്തിയ മാറ്റം പഠന വിധേയമാക്കാന്‍ ലണ്ടനില്‍ നിന്ന് ഒരു സംഘം അടുത്ത ആഴ്ച വെള്ളമുണ്ട സന്ദര്‍ശിക്കും. പക്ഷെ അവര്‍ക്കൊപ്പം സഞ്ചരിച്ച് വിശദാംശങ്ങള്‍ ബോധ്യപ്പെടുത്താന്‍ പ്രസിഡന്റിന് സമയക്കുറവാകും. കാരണം പ്രവൃത്തിയിലൂടെ ആദിവാസികളുടെ ജീവിത നിലവാരം ഉയര്‍ത്തുകയും വിദ്യാര്‍ഥികളില്‍ പഠന താല്‍പര്യം വളര്‍ത്തുകയും ചെയ്ത് രാഷ്ട്രീയ ഭേദമില്ലാതെ സകലരുടെയും പ്രശംസ പിടിച്ചുപറ്റിയ ഭരണത്തിന് നേതൃത്വം കൊടുത്ത എ എന്‍ പ്രഭാകരന്‍ ഇത്തവണ വെള്ളമുണ്ട പഞ്ചായത്ത് ഉള്‍പ്പെടുന്ന ജില്ലാ പഞ്ചായത്ത് ഡിവിഷനില്‍ എല്‍ ഡി എഫ് സ്ഥാനാര്‍ഥിയാണ്. ദേശീയ ഗ്രാമീണ തൊഴില്‍ ഉറപ്പ് പദ്ധതിയില്‍ രാജ്യത്ത് ആദ്യമായി ജനകീയമായ സാമൂഹിക ഓഡിറ്റ് നടത്തിയ പഞ്ചായത്തെന്ന ഖ്യാതിയും വെള്ളമുണ്ടക്ക് അവകാശപ്പെട്ടതാണ്. സാമൂഹിക വളര്‍ച്ചയില്‍ പഞ്ചായത്തിന് എത്രത്തോളം സ്വാധീനം ചെലുത്താന്‍ കഴിയുമെന്നതിന്റെ മറ്റ് നിരവധി ദൃഷ്ടാന്തങ്ങള്‍ക്കും വയനാട്ടിലെ വെള്ളമുണ്ട തെളിവായുണ്ട്.
janayugom 01102010
Friday, October 1, 2010
വന്‍കിട ബിസിനസും ഇന്ത്യന്‍ രാഷ്ട്രീയവും
സ്വാതന്ത്ര്യത്തിനുശേഷം ഇന്ത്യന്‍ ഭരണവര്‍ഗ്ഗങ്ങള്‍ നടപ്പാക്കുന്ന മുതലാളിത്ത വികസനവും കഴിഞ്ഞ രണ്ടു പതിറ്റാണ്ടുകാലമായി പ്രാവര്‍ത്തികമാക്കുന്ന നവ ഉദാരവല്‍ക്കരണ സാമ്പത്തിക നയങ്ങളും ഇന്ത്യന്‍ രാഷ്ട്രീയ സംവിധാനത്തിന്റെമേല്‍ വന്‍കിട ബിസിനസ് സ്ഥാപനങ്ങള്‍ക്കുള്ള സ്വാധീനശക്തി അപകടകരമാംവിധം വര്‍ദ്ധിപ്പിച്ചിരിക്കുന്നു. ഇന്ത്യയുടെ സാമ്പത്തിക-രാഷ്ട്രീയ നയങ്ങള്‍ വന്‍കിട ബിസിനസ് താല്‍പര്യമനുസരിച്ച് നിശ്ചയിക്കപ്പെടുന്നുവെന്ന് മാത്രമല്ല, ഇന്ത്യന്‍ രാഷ്ട്രീയത്തില്‍ അവരുടെ നേരിട്ടുള്ള സാന്നിദ്ധ്യവും വന്‍തോതില്‍ വര്‍ദ്ധിച്ചിരിക്കുന്നു. ഇതിന്റെ ഫലമായി ഇന്ത്യന്‍ ജനാധിപത്യ വ്യവസ്ഥയും ജനങ്ങളുടെ ജനാധിപത്യ അവകാശങ്ങളും പൌരാവകാശങ്ങളും കടുത്ത ഭീഷണിയെ നേരിടുന്നു.
കേന്ദ്ര മന്ത്രിസഭയിലും പാര്‍ലമെണ്ടിലും കോടിപതികളായ വലിയ സമ്പന്നന്മാരുടെ എണ്ണം വര്‍ദ്ധിച്ചുവരുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ഇതോടൊപ്പം കേന്ദ്ര കാബിനറ്റിലും പാര്‍ലമെന്റിലും വന്‍കിട ബിസിനസുകാരുടെ സാന്നിദ്ധ്യവും വളര്‍ന്നുവന്നിരിക്കുന്നു. ലോകസഭയിലും രാജ്യസഭയിലും കടന്നുകൂടുന്നതിനുവേണ്ടി നൂറോ ഇരുന്നൂറോ കോടി രൂപ ചെലവഴിക്കുന്നതിനും അവര്‍ക്ക് മടിയില്ലെന്നാണ് പുറത്തുവരുന്ന വാര്‍ത്തകള്‍ വ്യക്തമാക്കുന്നത്. കേന്ദ്ര മന്ത്രിസഭയിലും പാര്‍ലമെന്റിലും കോടിപതികളുടെയും വന്‍കിട ബിസിനസുകാരുടെയും എണ്ണം വര്‍ദ്ധിച്ചത് മഹാഭൂരിപക്ഷംവരുന്ന സാമാന്യ ജനങ്ങളുടെ താല്‍പര്യങ്ങള്‍ വിസ്മരിക്കപ്പെടുന്നതിന് ഇടയാക്കി. ഭരണ നടപടികളിലും നിയമങ്ങളുടെ ഉള്ളടക്കത്തിലും കടുത്ത ധനിക പക്ഷപാതിത്വം പ്രകടമാവുന്നു.
കേന്ദ്ര ഗവണ്‍മെന്റിന്റെ സാമ്പത്തികനയങ്ങള്‍ വന്‍കിട വ്യവസായികളുടെയും കച്ചവടക്കാരുടെയും താല്‍പര്യമനുസരിച്ചാണ് നിശ്ചയിക്കുന്നത്. വന്‍കിട ബിസിനസ് താല്‍പര്യം അനുസരിച്ച് സാമ്പത്തിക-രാഷ്ട്രീയ നയങ്ങള്‍ രൂപപ്പെടുത്താന്‍ പ്രത്യേക സംഘടനാ സംവിധാനങ്ങളും സമിതികളും കേന്ദ്ര ഭരണതലത്തില്‍ സംഘടിപ്പിച്ചിരിക്കുന്നു.
'ഇന്തോ-യുഎസ് ചീഫ് എക്സിക്യൂട്ടീവ് ഓഫീസേഴ്സ് ഫോറം' ഇത്തരമൊരു സംഘടനാ സംവിധാനമാണ്. 2005 ജൂലൈയില്‍ അമേരിക്കന്‍ പ്രസിഡന്റ് ബുഷും ഇന്ത്യന്‍ പ്രധാനമന്ത്രി മന്‍മോഹന്‍സിങ്ങും തമ്മിലുണ്ടാക്കിയ കരാറിന്റെ അടിസ്ഥാനത്തിലാണ് ഈ സംഘടനാ സംവിധാനം നിലവില്‍വന്നത്. അമേരിക്കയിലെയും ഇന്ത്യയിലെയും വന്‍കിട കോര്‍പ്പറേറ്റുകളുടെ തലവന്മാരാണ് ഈ സമിതിയിലെ അംഗങ്ങള്‍. ഇന്ത്യയിലെയും അമേരിക്കയിലെയും ഉദ്യോഗസ്ഥ പ്രമുഖന്മാരും ഭരണകര്‍ത്താക്കളും ഈ സമിതിയില്‍ സ്ഥിരമായി പങ്കെടുത്തുവരുന്നു. കഴിഞ്ഞ അഞ്ചുവര്‍ഷങ്ങളായി ഇന്ത്യയുടെ സാമ്പത്തിക വികസന നയങ്ങള്‍ ഒരു വലിയ അളവുവരെ നിശ്ചയിക്കുന്നത് ഈ സംഘടനയാണ്. പ്ളാനിങ് കമ്മീഷന്‍ തയ്യാറാക്കുന്ന വികസന സമീപനവും കേന്ദ്ര ഗവണ്‍മെന്റിന്റെ ബജറ്റിന്റെ മുഖ്യ ഉള്ളടക്കവും കച്ചവട നയങ്ങളും സാമ്പത്തിക മേഖലയിലെ നിയമങ്ങളിലെ അടിസ്ഥാന സമീപനവുമെല്ലാം ഇന്തോ-യുഎസ് സിഇഒ ഫോറം നിശ്ചയിക്കുന്നിടത്തേക്ക് കാര്യങ്ങള്‍ എത്തിയിരിക്കുന്നു.
കാര്‍ഷികമേഖലയിലെ നയസമീപനങ്ങള്‍ 'ഇന്തോ-യുഎസ് നോളജ് ഇനീഷ്യേറ്റീവ്' എന്ന സംഘടനയാണ് നിശ്ചയിക്കുന്നത്. ഇന്ത്യയിലെയും അമേരിക്കയിലെയും കോര്‍പ്പറേറ്റുകളുടെ തലവന്മാരും ഉദ്യോഗസ്ഥരുമാണ് ഈ സമിതിയിലെ അംഗങ്ങള്‍. ഈ സമിതിയും 2005 ജൂലൈ മാസത്തില്‍ രൂപീകരിച്ചതാണ്. ഇന്തോ-യുഎസ് സിഇഒ ഫോറത്തിന്റെയും ഇന്തോ യുഎസ് നോളജ് ഇനീഷ്യേറ്റീവിന്റെയും പ്രവര്‍ത്തനഫലമായി നയങ്ങള്‍ ആവിഷ്ക്കരിക്കാനുള്ള ഇന്ത്യയുടെ സ്വാതന്ത്ര്യംതന്നെ ഒരു വലിയ അളവുവരെ അമേരിക്കയിലെ വന്‍കിട കമ്പനികള്‍ കവര്‍ന്നെടുത്തിരിക്കുകയാണ്.
വന്‍കിട ബിസിനസ് താല്‍പര്യം സംരക്ഷിക്കുന്നതിനുള്ള കേന്ദ്ര ഗവണ്‍മെന്റിന്റെ ഔത്സുക്യം ഏതാണ്ട് എല്ലാ നടപടികളിലും പ്രകടമാണ്. രണ്ട് പ്രധാനപ്പെട്ട സംഭവങ്ങള്‍ മാത്രം ഇവിടെ പരാമര്‍ശിക്കുന്നു. ഭോപ്പാല്‍ ദുരന്തത്തോട് കേന്ദ്ര ഗവണ്‍മെന്റും മദ്ധ്യപ്രദേശ് സംസ്ഥാന ഗവണ്‍മെന്റും എടുത്ത സമീപനമാണ് ഒന്ന്. കേന്ദ്ര ഗവണ്‍മെന്റ് പാസാക്കിയ ആണവ ബാദ്ധ്യതാ നിയമത്തിന്റെ ലക്ഷ്യമെന്താണെന്നുള്ളതാണ് മറ്റൊന്ന്.
ഇന്ത്യ കണ്ട വ്യാവസായിക ദുരന്തങ്ങളില്‍ ഏറ്റവും വലുതായിരുന്നു ഭോപ്പാലില്‍ ഉണ്ടായത്. 15,000 ത്തോളം ആളുകള്‍ വിഷവാതകം ശ്വസിച്ച് ദുരന്തം ഉണ്ടായതിന്റെ അടുത്ത നാളുകളില്‍ മരണമടഞ്ഞു. ദുരന്തമുണ്ടായതിനുശേഷം കഴിഞ്ഞ 26 കൊല്ലത്തിനിടയ്ക്ക് ഏതാണ്ട് 10,000ത്തോളം പേര്‍ കൂടി വിഷവാതകബാധയുടെ അനന്തരഫലമായി മരിച്ചിട്ടുണ്ടെന്ന് കണക്കാക്കപ്പെടുന്നു. വിഷവാതക ബാധയുടെ ഫലമായി അംഗഭംഗം വന്നവരും രോഗങ്ങള്‍ അനുഭവിക്കുന്നവരുമായി ആയിരക്കണക്കിനാളുകള്‍ ഇതിനും പുറമെയുണ്ട്. മനുഷ്യവാസവും കൃഷിയും അസാദ്ധ്യമാക്കുന്നതരത്തിലുള്ള വിഷാംശമുള്ള രാസപദാര്‍ഥങ്ങള്‍ വിപുലമായ പ്രദേശത്ത് പരന്നിട്ടുമുണ്ട്. ഈ ദുരന്തത്തിന് ഉത്തരവാദികളായ യൂണിയന്‍ കാര്‍ബൈഡ് കമ്പനിക്കെതിരെ ഗൌരവതരമായ ഒരു ക്രിമിനല്‍ കേസ് എടുക്കാന്‍ ഗവണ്‍മെന്റ് തയ്യാറായില്ല. മറിച്ച് യൂണിയന്‍ കാര്‍ബൈഡ് കമ്പനിയുടെ തലവനായ വാറന്‍ ആന്‍ഡേഴ്സനെ ഇന്ത്യയില്‍നിന്ന് പ്രത്യേക വിമാനത്തില്‍ അമേരിക്കയില്‍ സുരക്ഷിതമായി എത്തിക്കുന്നതിനായിരുന്നു അന്നത്തെ മധ്യപ്രദേശ് മുഖ്യമന്ത്രിയായ അര്‍ജുന്‍സിങ്ങും ഇന്ത്യന്‍ പ്രധാനമന്ത്രിയായിരുന്ന രാജീവ്ഗാന്ധിയും ശ്രദ്ധിച്ചത്. കേന്ദ്രഗവണ്‍മെന്റും മദ്ധ്യപ്രദേശ് ഗവണ്‍മെന്റും ഇന്ത്യയിലെ കോടതികളും അപകടത്തിന് വിധേയരായ ജനങ്ങളെ രക്ഷിക്കുന്നതിന് പകരം യൂണിയന്‍ കാര്‍ബൈഡ് കമ്പനിയെ വഴിവിട്ട് സഹായിക്കുന്നതിന് നീങ്ങുകയാണുണ്ടായത്.
ഇന്തോ-യുഎസ് ആണവകരാര്‍ പ്രാബല്യത്തിലായതോടെ ആണവ റിയാക്ടറുകള്‍ അമേരിക്കയില്‍നിന്ന് ഇന്ത്യയിലേക്ക് വന്നുതുടങ്ങുന്നു. അത്തരം റിയാക്ടറുകള്‍ ഉപയോഗിക്കുമ്പോള്‍ ഒരുപക്ഷേ അപകടമുണ്ടായാല്‍ അത്തരം അപകടങ്ങള്‍വഴി സംഭവിക്കാന്‍ ഇടയാകുന്ന മരണങ്ങളും നാശനഷ്ടവും ഭോപ്പാല്‍ ദുരന്തഫലമായുണ്ടായതിന്റെ പല മടങ്ങ് വലുതായിരിക്കും. ഇത്തരം അപകടങ്ങള്‍ക്ക് ഇരയാകുന്നവരെ രക്ഷിക്കുന്നതിന് വ്യവസ്ഥകള്‍ ഉണ്ടാക്കേണ്ടത് ഇന്നത്തെ സാഹചര്യത്തില്‍ വളരെ പ്രധാനമാണ്. എന്നാല്‍ പാര്‍ലമെന്റ് പാസാക്കിയ നിയമത്തിന്റെ ലക്ഷ്യം മറിച്ചായിരുന്നു. ഇന്ത്യക്ക് ആണവ റിയാക്ടറുകള്‍ വില്‍ക്കുന്ന അമേരിക്കന്‍ കമ്പനികളെ നഷ്ടപരിഹാരം നല്‍കുന്ന ബാധ്യതയില്‍നിന്ന് ഒഴിവാക്കുകയും ഇന്ത്യന്‍ സ്ഥാപനങ്ങള്‍ നല്‍കേണ്ടിവരുന്ന നഷ്ടപരിഹാരത്തുക പരിമിതപ്പെടുത്തുകയുമായിരുന്നു നിയമത്തിന്റെ ലക്ഷ്യം. ഇത്തരം ഒരു നിയമം പാസാക്കി വിദേശ കോര്‍പ്പറേറ്റുകളെ സഹായിക്കുകയാണ് കോണ്‍ഗ്രസും ബിജെപിയും യുപിഎ കക്ഷികളും സമാജ്വാദി പാര്‍ടിയും. ഇടതുപക്ഷകക്ഷികള്‍ മാത്രമാണ് ജനങ്ങളുടെയും രാജ്യത്തിന്റെയും താല്‍പര്യങ്ങള്‍ ഉയര്‍ത്തിപ്പിടിച്ചത്. ഭരണവര്‍ഗകക്ഷികളുടെ ജനവിരുദ്ധ സ്വഭാവം ഈ സംഭവങ്ങള്‍ മറനീക്കികാണിക്കുന്നു.
നാടിന്റെ സമ്പത്തായ ഖനികളും പെട്രോളിയം ഉല്‍പന്നങ്ങളും പ്രകൃതിവാതകവുമെല്ലാം വന്‍കിടക്കാര്‍ക്ക് കൊള്ളയടിക്കാന്‍ തുറന്നുകൊടുത്തിരിക്കുകയാണ്. ഖനികള്‍ കൊള്ളയടിക്കുന്ന ധനികന്മാര്‍ പല സംസ്ഥാന ഗവണ്‍മെന്റുകളെയും തങ്ങളുടെ കൈപ്പിടിടിയില്‍ ഒതുക്കിയിരിക്കുകയാണ്. കര്‍ണ്ണാടകവും ആന്ധ്രാപ്രദേശും ഝാര്‍ഖണ്ഡും മറ്റു ചില സംസ്ഥാനങ്ങളും ഇതിനുള്ള പ്രത്യക്ഷ ഉദാഹരണങ്ങളാണ്.
കേന്ദ്ര ഗവണ്‍മെന്റിന്റെ നികുതിനയം സാധാരണക്കാരുടെ താല്‍പര്യങ്ങള്‍ക്കെതിരും ധനികവിഭാഗത്തെ സഹായിക്കുന്നതുമാണ്. ഇക്കൊല്ലത്തെ ബജറ്റില്‍ 60,000 കോടി രൂപയുടെ അധിക നികുതി സാമാന്യ ജനങ്ങളുടെമേല്‍ അടിച്ചേല്‍പിച്ചപ്പോള്‍ 26,000 കോടി രൂപയുടെ സൌജന്യമാണ് ധനിക വിഭാഗത്തിന് നല്‍കിയത്. 2012 മുതല്‍ നടപ്പിലാവുമെന്ന് പ്രഖ്യാപിച്ചിട്ടുള്ള 'ഡയറക്ട് ടാക്സസ് കോഡ്' വിദേശ ഇന്ത്യന്‍ കോര്‍പ്പറേറ്റുകള്‍ക്കും ധനിക വിഭാഗങ്ങള്‍ക്കും വമ്പിച്ച ആനുകൂല്യങ്ങള്‍ നല്‍കുന്നതിനുവേണ്ടിയുള്ളതാണ്.
ഗവണ്‍മെന്റ് നയങ്ങളുടെയും ചൂഷണത്തിന്റെയും ഫലമായി രാജ്യത്തിന്റെ മുന്‍കാല ചരിത്രത്തില്‍ ഒരിക്കലും സംഭവിക്കാത്തമട്ടില്‍ ഇക്കാലത്ത് വന്‍കിട സമ്പന്നന്മാരുടെ എണ്ണവും സമ്പത്തും വര്‍ദ്ധിച്ചു. ഫോര്‍ബ്സ് മാസികയാണ് ലോകത്തിലെ ശതകോടീശ്വരന്മാരുടെ കണക്ക് പ്രസിദ്ധീകരിക്കുന്നത്. 100 കോടി അമേരിക്കന്‍ ഡോളര്‍ ആസ്തിയുള്ളവരെയാണ് ശതകോടീശ്വരന്മാരായി കണക്കാക്കുന്നത്. ഇന്ത്യന്‍ രൂപയുടെ അടിസ്ഥാനത്തില്‍ കണക്കാക്കിയാല്‍ ഒരു ശതകോടീശ്വരന്റെ ആസ്തി 4,600 കോടി രൂപ വരും. 2004ല്‍ ഒമ്പത് ശതകോടീശ്വരന്മാര്‍ ഇന്ത്യയിലുണ്ടായിരുന്നത് 2008ല്‍ 49 ആയി വര്‍ദ്ധിച്ചിരിക്കുന്നുവെന്ന് ഫോര്‍ബ്സ് ചൂണ്ടിക്കാട്ടുന്നു. നാലു കൊല്ലത്തിനുള്ളില്‍ ശതകോടീശ്വരന്മാരുടെ എണ്ണം അഞ്ചിരട്ടിയിലേറെയായി. തലപ്പത്തുള്ള പത്ത് ധനിക കുടുംബത്തിന്റെ ആസ്തി മൂന്നിരട്ടിയായി വര്‍ദ്ധിച്ചുവെന്നും കണക്കുകള്‍ വ്യക്തമാക്കുന്നു. 2004ല്‍ തലപ്പത്തുള്ള പത്ത് കോര്‍പ്പറേറ്റുകളുടെ ആസ്തി 3,54,000 കോടി രൂപയായിരുന്നത് 2008ല്‍ 10,34,000 കോടി രൂപയായി വര്‍ദ്ധിച്ചു. ശതകോടീശ്വരന്മാരുടെ എണ്ണവും അവരുടെ ആസ്തിയും മുമ്പൊരിക്കലും ഉണ്ടായിരുന്നിട്ടില്ലാത്തവണ്ണം വര്‍ദ്ധിച്ചപ്പോള്‍, രണ്ടുലക്ഷം കര്‍ഷകത്തൊഴിലാളികളും കൃഷിക്കാരുമാണ് കാര്‍ഷിക പ്രതിസന്ധി മൂര്‍ച്ഛിച്ചതുകാരണം ഇന്ത്യയില്‍ ആത്മഹത്യചെയ്തത്. വിലക്കയറ്റം കാരണം സാമാന്യ ജനങ്ങളാകെ പ്രയാസവും ദുരിതവും അനുഭവിക്കുന്നു. അഞ്ചുവയസില്‍ താഴെ പ്രായമുള്ള കുട്ടികളില്‍ 43ശതമാനം പേരും പോഷകാഹാരക്കുറവ് നേരിടുന്നവരാണ്. തൊഴിലില്ലാത്തവരുടെ എണ്ണവും ഇക്കാലത്ത് വര്‍ദ്ധിച്ചു. ഭരണവര്‍ഗങ്ങളുടെ സാമ്പത്തിക രാഷ്ട്രീയ നയത്തിന്റെ പരിണത ഫലമാണിവയെല്ലാം.
എസ് രാമചന്ദ്രന്‍പിള്ള ചിന്ത വാരിക 01102010
കേന്ദ്ര മന്ത്രിസഭയിലും പാര്‍ലമെണ്ടിലും കോടിപതികളായ വലിയ സമ്പന്നന്മാരുടെ എണ്ണം വര്‍ദ്ധിച്ചുവരുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ഇതോടൊപ്പം കേന്ദ്ര കാബിനറ്റിലും പാര്‍ലമെന്റിലും വന്‍കിട ബിസിനസുകാരുടെ സാന്നിദ്ധ്യവും വളര്‍ന്നുവന്നിരിക്കുന്നു. ലോകസഭയിലും രാജ്യസഭയിലും കടന്നുകൂടുന്നതിനുവേണ്ടി നൂറോ ഇരുന്നൂറോ കോടി രൂപ ചെലവഴിക്കുന്നതിനും അവര്‍ക്ക് മടിയില്ലെന്നാണ് പുറത്തുവരുന്ന വാര്‍ത്തകള്‍ വ്യക്തമാക്കുന്നത്. കേന്ദ്ര മന്ത്രിസഭയിലും പാര്‍ലമെന്റിലും കോടിപതികളുടെയും വന്‍കിട ബിസിനസുകാരുടെയും എണ്ണം വര്‍ദ്ധിച്ചത് മഹാഭൂരിപക്ഷംവരുന്ന സാമാന്യ ജനങ്ങളുടെ താല്‍പര്യങ്ങള്‍ വിസ്മരിക്കപ്പെടുന്നതിന് ഇടയാക്കി. ഭരണ നടപടികളിലും നിയമങ്ങളുടെ ഉള്ളടക്കത്തിലും കടുത്ത ധനിക പക്ഷപാതിത്വം പ്രകടമാവുന്നു.
കേന്ദ്ര ഗവണ്‍മെന്റിന്റെ സാമ്പത്തികനയങ്ങള്‍ വന്‍കിട വ്യവസായികളുടെയും കച്ചവടക്കാരുടെയും താല്‍പര്യമനുസരിച്ചാണ് നിശ്ചയിക്കുന്നത്. വന്‍കിട ബിസിനസ് താല്‍പര്യം അനുസരിച്ച് സാമ്പത്തിക-രാഷ്ട്രീയ നയങ്ങള്‍ രൂപപ്പെടുത്താന്‍ പ്രത്യേക സംഘടനാ സംവിധാനങ്ങളും സമിതികളും കേന്ദ്ര ഭരണതലത്തില്‍ സംഘടിപ്പിച്ചിരിക്കുന്നു.
'ഇന്തോ-യുഎസ് ചീഫ് എക്സിക്യൂട്ടീവ് ഓഫീസേഴ്സ് ഫോറം' ഇത്തരമൊരു സംഘടനാ സംവിധാനമാണ്. 2005 ജൂലൈയില്‍ അമേരിക്കന്‍ പ്രസിഡന്റ് ബുഷും ഇന്ത്യന്‍ പ്രധാനമന്ത്രി മന്‍മോഹന്‍സിങ്ങും തമ്മിലുണ്ടാക്കിയ കരാറിന്റെ അടിസ്ഥാനത്തിലാണ് ഈ സംഘടനാ സംവിധാനം നിലവില്‍വന്നത്. അമേരിക്കയിലെയും ഇന്ത്യയിലെയും വന്‍കിട കോര്‍പ്പറേറ്റുകളുടെ തലവന്മാരാണ് ഈ സമിതിയിലെ അംഗങ്ങള്‍. ഇന്ത്യയിലെയും അമേരിക്കയിലെയും ഉദ്യോഗസ്ഥ പ്രമുഖന്മാരും ഭരണകര്‍ത്താക്കളും ഈ സമിതിയില്‍ സ്ഥിരമായി പങ്കെടുത്തുവരുന്നു. കഴിഞ്ഞ അഞ്ചുവര്‍ഷങ്ങളായി ഇന്ത്യയുടെ സാമ്പത്തിക വികസന നയങ്ങള്‍ ഒരു വലിയ അളവുവരെ നിശ്ചയിക്കുന്നത് ഈ സംഘടനയാണ്. പ്ളാനിങ് കമ്മീഷന്‍ തയ്യാറാക്കുന്ന വികസന സമീപനവും കേന്ദ്ര ഗവണ്‍മെന്റിന്റെ ബജറ്റിന്റെ മുഖ്യ ഉള്ളടക്കവും കച്ചവട നയങ്ങളും സാമ്പത്തിക മേഖലയിലെ നിയമങ്ങളിലെ അടിസ്ഥാന സമീപനവുമെല്ലാം ഇന്തോ-യുഎസ് സിഇഒ ഫോറം നിശ്ചയിക്കുന്നിടത്തേക്ക് കാര്യങ്ങള്‍ എത്തിയിരിക്കുന്നു.
കാര്‍ഷികമേഖലയിലെ നയസമീപനങ്ങള്‍ 'ഇന്തോ-യുഎസ് നോളജ് ഇനീഷ്യേറ്റീവ്' എന്ന സംഘടനയാണ് നിശ്ചയിക്കുന്നത്. ഇന്ത്യയിലെയും അമേരിക്കയിലെയും കോര്‍പ്പറേറ്റുകളുടെ തലവന്മാരും ഉദ്യോഗസ്ഥരുമാണ് ഈ സമിതിയിലെ അംഗങ്ങള്‍. ഈ സമിതിയും 2005 ജൂലൈ മാസത്തില്‍ രൂപീകരിച്ചതാണ്. ഇന്തോ-യുഎസ് സിഇഒ ഫോറത്തിന്റെയും ഇന്തോ യുഎസ് നോളജ് ഇനീഷ്യേറ്റീവിന്റെയും പ്രവര്‍ത്തനഫലമായി നയങ്ങള്‍ ആവിഷ്ക്കരിക്കാനുള്ള ഇന്ത്യയുടെ സ്വാതന്ത്ര്യംതന്നെ ഒരു വലിയ അളവുവരെ അമേരിക്കയിലെ വന്‍കിട കമ്പനികള്‍ കവര്‍ന്നെടുത്തിരിക്കുകയാണ്.
വന്‍കിട ബിസിനസ് താല്‍പര്യം സംരക്ഷിക്കുന്നതിനുള്ള കേന്ദ്ര ഗവണ്‍മെന്റിന്റെ ഔത്സുക്യം ഏതാണ്ട് എല്ലാ നടപടികളിലും പ്രകടമാണ്. രണ്ട് പ്രധാനപ്പെട്ട സംഭവങ്ങള്‍ മാത്രം ഇവിടെ പരാമര്‍ശിക്കുന്നു. ഭോപ്പാല്‍ ദുരന്തത്തോട് കേന്ദ്ര ഗവണ്‍മെന്റും മദ്ധ്യപ്രദേശ് സംസ്ഥാന ഗവണ്‍മെന്റും എടുത്ത സമീപനമാണ് ഒന്ന്. കേന്ദ്ര ഗവണ്‍മെന്റ് പാസാക്കിയ ആണവ ബാദ്ധ്യതാ നിയമത്തിന്റെ ലക്ഷ്യമെന്താണെന്നുള്ളതാണ് മറ്റൊന്ന്.
ഇന്ത്യ കണ്ട വ്യാവസായിക ദുരന്തങ്ങളില്‍ ഏറ്റവും വലുതായിരുന്നു ഭോപ്പാലില്‍ ഉണ്ടായത്. 15,000 ത്തോളം ആളുകള്‍ വിഷവാതകം ശ്വസിച്ച് ദുരന്തം ഉണ്ടായതിന്റെ അടുത്ത നാളുകളില്‍ മരണമടഞ്ഞു. ദുരന്തമുണ്ടായതിനുശേഷം കഴിഞ്ഞ 26 കൊല്ലത്തിനിടയ്ക്ക് ഏതാണ്ട് 10,000ത്തോളം പേര്‍ കൂടി വിഷവാതകബാധയുടെ അനന്തരഫലമായി മരിച്ചിട്ടുണ്ടെന്ന് കണക്കാക്കപ്പെടുന്നു. വിഷവാതക ബാധയുടെ ഫലമായി അംഗഭംഗം വന്നവരും രോഗങ്ങള്‍ അനുഭവിക്കുന്നവരുമായി ആയിരക്കണക്കിനാളുകള്‍ ഇതിനും പുറമെയുണ്ട്. മനുഷ്യവാസവും കൃഷിയും അസാദ്ധ്യമാക്കുന്നതരത്തിലുള്ള വിഷാംശമുള്ള രാസപദാര്‍ഥങ്ങള്‍ വിപുലമായ പ്രദേശത്ത് പരന്നിട്ടുമുണ്ട്. ഈ ദുരന്തത്തിന് ഉത്തരവാദികളായ യൂണിയന്‍ കാര്‍ബൈഡ് കമ്പനിക്കെതിരെ ഗൌരവതരമായ ഒരു ക്രിമിനല്‍ കേസ് എടുക്കാന്‍ ഗവണ്‍മെന്റ് തയ്യാറായില്ല. മറിച്ച് യൂണിയന്‍ കാര്‍ബൈഡ് കമ്പനിയുടെ തലവനായ വാറന്‍ ആന്‍ഡേഴ്സനെ ഇന്ത്യയില്‍നിന്ന് പ്രത്യേക വിമാനത്തില്‍ അമേരിക്കയില്‍ സുരക്ഷിതമായി എത്തിക്കുന്നതിനായിരുന്നു അന്നത്തെ മധ്യപ്രദേശ് മുഖ്യമന്ത്രിയായ അര്‍ജുന്‍സിങ്ങും ഇന്ത്യന്‍ പ്രധാനമന്ത്രിയായിരുന്ന രാജീവ്ഗാന്ധിയും ശ്രദ്ധിച്ചത്. കേന്ദ്രഗവണ്‍മെന്റും മദ്ധ്യപ്രദേശ് ഗവണ്‍മെന്റും ഇന്ത്യയിലെ കോടതികളും അപകടത്തിന് വിധേയരായ ജനങ്ങളെ രക്ഷിക്കുന്നതിന് പകരം യൂണിയന്‍ കാര്‍ബൈഡ് കമ്പനിയെ വഴിവിട്ട് സഹായിക്കുന്നതിന് നീങ്ങുകയാണുണ്ടായത്.
ഇന്തോ-യുഎസ് ആണവകരാര്‍ പ്രാബല്യത്തിലായതോടെ ആണവ റിയാക്ടറുകള്‍ അമേരിക്കയില്‍നിന്ന് ഇന്ത്യയിലേക്ക് വന്നുതുടങ്ങുന്നു. അത്തരം റിയാക്ടറുകള്‍ ഉപയോഗിക്കുമ്പോള്‍ ഒരുപക്ഷേ അപകടമുണ്ടായാല്‍ അത്തരം അപകടങ്ങള്‍വഴി സംഭവിക്കാന്‍ ഇടയാകുന്ന മരണങ്ങളും നാശനഷ്ടവും ഭോപ്പാല്‍ ദുരന്തഫലമായുണ്ടായതിന്റെ പല മടങ്ങ് വലുതായിരിക്കും. ഇത്തരം അപകടങ്ങള്‍ക്ക് ഇരയാകുന്നവരെ രക്ഷിക്കുന്നതിന് വ്യവസ്ഥകള്‍ ഉണ്ടാക്കേണ്ടത് ഇന്നത്തെ സാഹചര്യത്തില്‍ വളരെ പ്രധാനമാണ്. എന്നാല്‍ പാര്‍ലമെന്റ് പാസാക്കിയ നിയമത്തിന്റെ ലക്ഷ്യം മറിച്ചായിരുന്നു. ഇന്ത്യക്ക് ആണവ റിയാക്ടറുകള്‍ വില്‍ക്കുന്ന അമേരിക്കന്‍ കമ്പനികളെ നഷ്ടപരിഹാരം നല്‍കുന്ന ബാധ്യതയില്‍നിന്ന് ഒഴിവാക്കുകയും ഇന്ത്യന്‍ സ്ഥാപനങ്ങള്‍ നല്‍കേണ്ടിവരുന്ന നഷ്ടപരിഹാരത്തുക പരിമിതപ്പെടുത്തുകയുമായിരുന്നു നിയമത്തിന്റെ ലക്ഷ്യം. ഇത്തരം ഒരു നിയമം പാസാക്കി വിദേശ കോര്‍പ്പറേറ്റുകളെ സഹായിക്കുകയാണ് കോണ്‍ഗ്രസും ബിജെപിയും യുപിഎ കക്ഷികളും സമാജ്വാദി പാര്‍ടിയും. ഇടതുപക്ഷകക്ഷികള്‍ മാത്രമാണ് ജനങ്ങളുടെയും രാജ്യത്തിന്റെയും താല്‍പര്യങ്ങള്‍ ഉയര്‍ത്തിപ്പിടിച്ചത്. ഭരണവര്‍ഗകക്ഷികളുടെ ജനവിരുദ്ധ സ്വഭാവം ഈ സംഭവങ്ങള്‍ മറനീക്കികാണിക്കുന്നു.
നാടിന്റെ സമ്പത്തായ ഖനികളും പെട്രോളിയം ഉല്‍പന്നങ്ങളും പ്രകൃതിവാതകവുമെല്ലാം വന്‍കിടക്കാര്‍ക്ക് കൊള്ളയടിക്കാന്‍ തുറന്നുകൊടുത്തിരിക്കുകയാണ്. ഖനികള്‍ കൊള്ളയടിക്കുന്ന ധനികന്മാര്‍ പല സംസ്ഥാന ഗവണ്‍മെന്റുകളെയും തങ്ങളുടെ കൈപ്പിടിടിയില്‍ ഒതുക്കിയിരിക്കുകയാണ്. കര്‍ണ്ണാടകവും ആന്ധ്രാപ്രദേശും ഝാര്‍ഖണ്ഡും മറ്റു ചില സംസ്ഥാനങ്ങളും ഇതിനുള്ള പ്രത്യക്ഷ ഉദാഹരണങ്ങളാണ്.
കേന്ദ്ര ഗവണ്‍മെന്റിന്റെ നികുതിനയം സാധാരണക്കാരുടെ താല്‍പര്യങ്ങള്‍ക്കെതിരും ധനികവിഭാഗത്തെ സഹായിക്കുന്നതുമാണ്. ഇക്കൊല്ലത്തെ ബജറ്റില്‍ 60,000 കോടി രൂപയുടെ അധിക നികുതി സാമാന്യ ജനങ്ങളുടെമേല്‍ അടിച്ചേല്‍പിച്ചപ്പോള്‍ 26,000 കോടി രൂപയുടെ സൌജന്യമാണ് ധനിക വിഭാഗത്തിന് നല്‍കിയത്. 2012 മുതല്‍ നടപ്പിലാവുമെന്ന് പ്രഖ്യാപിച്ചിട്ടുള്ള 'ഡയറക്ട് ടാക്സസ് കോഡ്' വിദേശ ഇന്ത്യന്‍ കോര്‍പ്പറേറ്റുകള്‍ക്കും ധനിക വിഭാഗങ്ങള്‍ക്കും വമ്പിച്ച ആനുകൂല്യങ്ങള്‍ നല്‍കുന്നതിനുവേണ്ടിയുള്ളതാണ്.
ഗവണ്‍മെന്റ് നയങ്ങളുടെയും ചൂഷണത്തിന്റെയും ഫലമായി രാജ്യത്തിന്റെ മുന്‍കാല ചരിത്രത്തില്‍ ഒരിക്കലും സംഭവിക്കാത്തമട്ടില്‍ ഇക്കാലത്ത് വന്‍കിട സമ്പന്നന്മാരുടെ എണ്ണവും സമ്പത്തും വര്‍ദ്ധിച്ചു. ഫോര്‍ബ്സ് മാസികയാണ് ലോകത്തിലെ ശതകോടീശ്വരന്മാരുടെ കണക്ക് പ്രസിദ്ധീകരിക്കുന്നത്. 100 കോടി അമേരിക്കന്‍ ഡോളര്‍ ആസ്തിയുള്ളവരെയാണ് ശതകോടീശ്വരന്മാരായി കണക്കാക്കുന്നത്. ഇന്ത്യന്‍ രൂപയുടെ അടിസ്ഥാനത്തില്‍ കണക്കാക്കിയാല്‍ ഒരു ശതകോടീശ്വരന്റെ ആസ്തി 4,600 കോടി രൂപ വരും. 2004ല്‍ ഒമ്പത് ശതകോടീശ്വരന്മാര്‍ ഇന്ത്യയിലുണ്ടായിരുന്നത് 2008ല്‍ 49 ആയി വര്‍ദ്ധിച്ചിരിക്കുന്നുവെന്ന് ഫോര്‍ബ്സ് ചൂണ്ടിക്കാട്ടുന്നു. നാലു കൊല്ലത്തിനുള്ളില്‍ ശതകോടീശ്വരന്മാരുടെ എണ്ണം അഞ്ചിരട്ടിയിലേറെയായി. തലപ്പത്തുള്ള പത്ത് ധനിക കുടുംബത്തിന്റെ ആസ്തി മൂന്നിരട്ടിയായി വര്‍ദ്ധിച്ചുവെന്നും കണക്കുകള്‍ വ്യക്തമാക്കുന്നു. 2004ല്‍ തലപ്പത്തുള്ള പത്ത് കോര്‍പ്പറേറ്റുകളുടെ ആസ്തി 3,54,000 കോടി രൂപയായിരുന്നത് 2008ല്‍ 10,34,000 കോടി രൂപയായി വര്‍ദ്ധിച്ചു. ശതകോടീശ്വരന്മാരുടെ എണ്ണവും അവരുടെ ആസ്തിയും മുമ്പൊരിക്കലും ഉണ്ടായിരുന്നിട്ടില്ലാത്തവണ്ണം വര്‍ദ്ധിച്ചപ്പോള്‍, രണ്ടുലക്ഷം കര്‍ഷകത്തൊഴിലാളികളും കൃഷിക്കാരുമാണ് കാര്‍ഷിക പ്രതിസന്ധി മൂര്‍ച്ഛിച്ചതുകാരണം ഇന്ത്യയില്‍ ആത്മഹത്യചെയ്തത്. വിലക്കയറ്റം കാരണം സാമാന്യ ജനങ്ങളാകെ പ്രയാസവും ദുരിതവും അനുഭവിക്കുന്നു. അഞ്ചുവയസില്‍ താഴെ പ്രായമുള്ള കുട്ടികളില്‍ 43ശതമാനം പേരും പോഷകാഹാരക്കുറവ് നേരിടുന്നവരാണ്. തൊഴിലില്ലാത്തവരുടെ എണ്ണവും ഇക്കാലത്ത് വര്‍ദ്ധിച്ചു. ഭരണവര്‍ഗങ്ങളുടെ സാമ്പത്തിക രാഷ്ട്രീയ നയത്തിന്റെ പരിണത ഫലമാണിവയെല്ലാം.
എസ് രാമചന്ദ്രന്‍പിള്ള ചിന്ത വാരിക 01102010
മേഘയുടെ മുന്‍കൂര്‍ ലോട്ടറി നികുതി വാങ്ങണമെന്ന് ഹൈക്കോടതി
കൊച്ചി: മേഘ ഡിസ്ട്രിബ്യൂട്ടേഴ്സില്‍നിന്ന് ഭൂട്ടാന്‍ ലോട്ടറിവില്‍പ്പനയുടെ നികുതി സ്വീകരിക്കാന്‍ ഹൈക്കോടതി ഡിവിഷന്‍ബെഞ്ച് നിര്‍ദേശിച്ചു. മുന്‍കൂര്‍നികുതി സ്വീകരിക്കണമെന്ന സിംഗിള്‍ബെഞ്ചിന്റെ ഉത്തരവിനു മുമ്പുള്ള വിവിധ സ്കീമുകളുടെ നികുതി സ്വീകരിക്കാനാണ് ജസ്റ്റിസുമാരായ തോട്ടത്തില്‍ ബി രാധാകൃഷ്ണന്‍, പി ഭവദാസന്‍ എന്നിവരടങ്ങുന്ന ഡിവിഷന്‍ബെഞ്ചിന്റെ ഇടക്കാല നിര്‍ദേശം. എന്നാല്‍, കേരളത്തിലേക്ക് ലോട്ടറികള്‍ കൊണ്ടുവരുന്നതും വില്‍ക്കുന്നതും ഇനി ഒരുത്തരവുണ്ടാകുന്നതുവരെ കോടതി വിലക്കി.
ഭൂട്ടാന്‍ ലോട്ടറിയുടെ വില്‍പ്പന അനുവദിക്കണമെന്ന് അന്യസംസ്ഥാന ലോട്ടറി വിതരണക്കാര്‍ക്ക് വേണ്ടി ഹാജരായ കോണഗ്രസ് വക്താവ് അഭിഷേക് സിങ്വി ആവശ്യപ്പെട്ടെങ്കിലും കോടതി അനുവദിച്ചില്ല. മേഘ, ഭൂട്ടാന്‍ സര്‍ക്കാര്‍, സംസ്ഥാനസര്‍ക്കാര്‍ എന്നിവര്‍ സമര്‍പ്പിച്ച അപ്പീലുകളിലാണ് കോടതിയുടെ ഇടക്കാല ഉത്തരവ്. അപ്പീലുകളിന്മേല്‍ ഒക്ടോബര് നാലിന് വാദം തുടരും.
സംസ്ഥാനത്ത് ഭൂട്ടാന്‍ ലോട്ടറിയുടെ മൊത്തവിതരണക്കാര്‍ മേഘയാണെന്നും ഇന്ത്യയിലെ മൊത്തവിതരണാവകാശം മൊനീക്ക എന്റര്‍പ്രൈസസിനാണെന്നും സിങ്വി വാദിച്ചു. ഭൂട്ടാന്‍ സര്‍ക്കാരിനുവേണ്ടി ഭൂട്ടാന്‍ ലോട്ടറി ഡയറക്ടര്‍ കോടതിയില്‍ സമര്‍പ്പിച്ച സത്യവാങ്മൂലത്തില്‍ ഊന്നിയായിരുന്നു വാദം. ഭൂട്ടാന്‍ ലോട്ടറികളുടെ അച്ചടി സെക്യൂരിറ്റി പ്രസുകളിലാണെന്നും സര്‍ക്കാരിന്റെ മുദ്ര പതിച്ചാണ് വിതരണമെന്നും അച്ചടിച്ചെലവ് ഭൂട്ടാന്‍ സര്‍ക്കാരാണ് വഹിക്കുന്നതെന്നും സിങ്വി വിശദീകരിച്ചു. മൊനീക്കയെയും മേഘയെയും മൊത്തവിതരണക്കാരായി നിയോഗിച്ചുള്ള കരാര്‍ വാണിജ്യസ്വഭാവമുള്ളതിനാല്‍ കേരളസര്‍ക്കാരിനു നല്‍കാനാവില്ലെന്നും ആവശ്യമെങ്കില്‍ കോടതിയില്‍ ഹാജരാക്കാമെന്നും സിങ്വി ബോധിപ്പിച്ചു.
അംഗീകൃത മൊത്തവിതരണക്കാരെന്ന നിലയില്‍ ഭൂട്ടാന്‍ സര്‍ക്കാരിനുവേണ്ടി നികുതി അടയ്ക്കാനും കേരളത്തില്‍ ലോട്ടറിവില്‍പ്പന നടത്താനും മേഘയ്ക്ക് അവകാശമുണ്ട്. കേന്ദ്രസര്‍ക്കാരുമായി ഉണ്ടാക്കിയ കരാറിന്റെ അടിസ്ഥാനത്തിലാണ് രാജ്യത്ത് ഭൂട്ടാന്‍ ലോട്ടറി വില്‍ക്കുന്നത്. അതിനാല്‍ സംസ്ഥാനസര്‍ക്കാര്‍ പ്രമോട്ടര്‍ നിയമനത്തെക്കുറിച്ച് അന്വേഷിക്കേണ്ടതില്ല. ആഴ്ചയില്‍ ഒരു നറുക്കെടുപ്പുമാത്രമെന്ന സിംഗിള്‍ബെഞ്ച് വിധി ഫലത്തില്‍ കേന്ദ്ര ലോട്ടറിനിയമത്തിലെ വ്യവസ്ഥ റദ്ദാക്കുന്നതിനു തുല്യമാണെന്നും ലോട്ടറി നറുക്കെടുപ്പു സംബന്ധിച്ച് മേഘയോ, സംസ്ഥാനസര്‍ക്കാരോ ഭൂട്ടാനോ ഉന്നയിക്കാത്ത പ്രശ്നത്തിലാണ് വിധി ഉണ്ടായതെന്നും കേന്ദ്ര ലോട്ടറിനിയമം കൊണ്ടുവന്ന കേന്ദ്രസര്‍ക്കാരിന്റെ വാദം കേള്‍ക്കാതെയുള്ള സിംഗിള്‍ബെഞ്ച് ഉത്തരവ് ഭരണഘടനാപരമല്ലെന്നും സിങ്വി പറഞ്ഞു.
മേഘ ഭൂട്ടാന്‍ സര്‍ക്കാരിന്റെ പ്രമോട്ടറാണോ എന്ന കാര്യത്തില്‍ കടുത്ത സംശയം ഉണ്ടെന്നും ആവശ്യപ്പെട്ട രേഖകള്‍ മേഘ ഹാജരാക്കിയില്ലെന്നും സര്‍ക്കാര്‍ ബോധിപ്പിച്ചു. വാണിജ്യനികുതിവകുപ്പ് അസിസ്റ്റന്റ് കമീഷണറുടെ അന്വേഷണറിപ്പോര്‍ട്ടും സര്‍ക്കാര്‍ കോടതിക്കു കൈമാറി. സര്‍ക്കാരിനുവേണ്ടി ഹാജരാവുന്ന സുപ്രീംകോടതിയിലെ മുതിര്‍ന്ന അഭിഭാഷകന്‍ എല്‍ നാഗേശ്വരറാവുവിന് കേസ് വാദിക്കാന്‍ തിങ്കളാഴ്ചത്തേക്കു മാറ്റണമെന്നും സര്‍ക്കാര്‍ ആവശ്യപ്പെട്ടു. അതേസമയം, സര്‍ക്കാരിന്റെ ലോട്ടറി ഓര്‍ഡിനന്‍സിന്റെ നിയമസാധുത ചോദ്യംചെയ്തുള്ള മേഘയുടെ ഹര്‍ജി ജസ്റ്റിസ് സി കെ അബ്ദുള്‍റഹിം നവംബര്‍ നാലിലേക്കു മാറ്റി. കേസില്‍ മൂന്നാഴ്ചയ്ക്കകം എതിര്‍സത്യവാങ്മൂലം സമര്‍പ്പിക്കാന്‍ സര്‍ക്കാരിന് നിര്‍ദേശം നല്‍കി. കേസില്‍ മേഘയ്ക്കുവേണ്ടി ഹാജരായ അഭിഷേക് സിങ്വി വാദംകേള്‍ക്കുന്നത് മാറ്റിവയ്ക്കണമെന്ന് ആവശ്യപ്പെടുകയായിരുന്നു.
ദേശാഭിമാനി 01102010
ഭൂട്ടാന്‍ ലോട്ടറിയുടെ വില്‍പ്പന അനുവദിക്കണമെന്ന് അന്യസംസ്ഥാന ലോട്ടറി വിതരണക്കാര്‍ക്ക് വേണ്ടി ഹാജരായ കോണഗ്രസ് വക്താവ് അഭിഷേക് സിങ്വി ആവശ്യപ്പെട്ടെങ്കിലും കോടതി അനുവദിച്ചില്ല. മേഘ, ഭൂട്ടാന്‍ സര്‍ക്കാര്‍, സംസ്ഥാനസര്‍ക്കാര്‍ എന്നിവര്‍ സമര്‍പ്പിച്ച അപ്പീലുകളിലാണ് കോടതിയുടെ ഇടക്കാല ഉത്തരവ്. അപ്പീലുകളിന്മേല്‍ ഒക്ടോബര് നാലിന് വാദം തുടരും.
സംസ്ഥാനത്ത് ഭൂട്ടാന്‍ ലോട്ടറിയുടെ മൊത്തവിതരണക്കാര്‍ മേഘയാണെന്നും ഇന്ത്യയിലെ മൊത്തവിതരണാവകാശം മൊനീക്ക എന്റര്‍പ്രൈസസിനാണെന്നും സിങ്വി വാദിച്ചു. ഭൂട്ടാന്‍ സര്‍ക്കാരിനുവേണ്ടി ഭൂട്ടാന്‍ ലോട്ടറി ഡയറക്ടര്‍ കോടതിയില്‍ സമര്‍പ്പിച്ച സത്യവാങ്മൂലത്തില്‍ ഊന്നിയായിരുന്നു വാദം. ഭൂട്ടാന്‍ ലോട്ടറികളുടെ അച്ചടി സെക്യൂരിറ്റി പ്രസുകളിലാണെന്നും സര്‍ക്കാരിന്റെ മുദ്ര പതിച്ചാണ് വിതരണമെന്നും അച്ചടിച്ചെലവ് ഭൂട്ടാന്‍ സര്‍ക്കാരാണ് വഹിക്കുന്നതെന്നും സിങ്വി വിശദീകരിച്ചു. മൊനീക്കയെയും മേഘയെയും മൊത്തവിതരണക്കാരായി നിയോഗിച്ചുള്ള കരാര്‍ വാണിജ്യസ്വഭാവമുള്ളതിനാല്‍ കേരളസര്‍ക്കാരിനു നല്‍കാനാവില്ലെന്നും ആവശ്യമെങ്കില്‍ കോടതിയില്‍ ഹാജരാക്കാമെന്നും സിങ്വി ബോധിപ്പിച്ചു.
അംഗീകൃത മൊത്തവിതരണക്കാരെന്ന നിലയില്‍ ഭൂട്ടാന്‍ സര്‍ക്കാരിനുവേണ്ടി നികുതി അടയ്ക്കാനും കേരളത്തില്‍ ലോട്ടറിവില്‍പ്പന നടത്താനും മേഘയ്ക്ക് അവകാശമുണ്ട്. കേന്ദ്രസര്‍ക്കാരുമായി ഉണ്ടാക്കിയ കരാറിന്റെ അടിസ്ഥാനത്തിലാണ് രാജ്യത്ത് ഭൂട്ടാന്‍ ലോട്ടറി വില്‍ക്കുന്നത്. അതിനാല്‍ സംസ്ഥാനസര്‍ക്കാര്‍ പ്രമോട്ടര്‍ നിയമനത്തെക്കുറിച്ച് അന്വേഷിക്കേണ്ടതില്ല. ആഴ്ചയില്‍ ഒരു നറുക്കെടുപ്പുമാത്രമെന്ന സിംഗിള്‍ബെഞ്ച് വിധി ഫലത്തില്‍ കേന്ദ്ര ലോട്ടറിനിയമത്തിലെ വ്യവസ്ഥ റദ്ദാക്കുന്നതിനു തുല്യമാണെന്നും ലോട്ടറി നറുക്കെടുപ്പു സംബന്ധിച്ച് മേഘയോ, സംസ്ഥാനസര്‍ക്കാരോ ഭൂട്ടാനോ ഉന്നയിക്കാത്ത പ്രശ്നത്തിലാണ് വിധി ഉണ്ടായതെന്നും കേന്ദ്ര ലോട്ടറിനിയമം കൊണ്ടുവന്ന കേന്ദ്രസര്‍ക്കാരിന്റെ വാദം കേള്‍ക്കാതെയുള്ള സിംഗിള്‍ബെഞ്ച് ഉത്തരവ് ഭരണഘടനാപരമല്ലെന്നും സിങ്വി പറഞ്ഞു.
മേഘ ഭൂട്ടാന്‍ സര്‍ക്കാരിന്റെ പ്രമോട്ടറാണോ എന്ന കാര്യത്തില്‍ കടുത്ത സംശയം ഉണ്ടെന്നും ആവശ്യപ്പെട്ട രേഖകള്‍ മേഘ ഹാജരാക്കിയില്ലെന്നും സര്‍ക്കാര്‍ ബോധിപ്പിച്ചു. വാണിജ്യനികുതിവകുപ്പ് അസിസ്റ്റന്റ് കമീഷണറുടെ അന്വേഷണറിപ്പോര്‍ട്ടും സര്‍ക്കാര്‍ കോടതിക്കു കൈമാറി. സര്‍ക്കാരിനുവേണ്ടി ഹാജരാവുന്ന സുപ്രീംകോടതിയിലെ മുതിര്‍ന്ന അഭിഭാഷകന്‍ എല്‍ നാഗേശ്വരറാവുവിന് കേസ് വാദിക്കാന്‍ തിങ്കളാഴ്ചത്തേക്കു മാറ്റണമെന്നും സര്‍ക്കാര്‍ ആവശ്യപ്പെട്ടു. അതേസമയം, സര്‍ക്കാരിന്റെ ലോട്ടറി ഓര്‍ഡിനന്‍സിന്റെ നിയമസാധുത ചോദ്യംചെയ്തുള്ള മേഘയുടെ ഹര്‍ജി ജസ്റ്റിസ് സി കെ അബ്ദുള്‍റഹിം നവംബര്‍ നാലിലേക്കു മാറ്റി. കേസില്‍ മൂന്നാഴ്ചയ്ക്കകം എതിര്‍സത്യവാങ്മൂലം സമര്‍പ്പിക്കാന്‍ സര്‍ക്കാരിന് നിര്‍ദേശം നല്‍കി. കേസില്‍ മേഘയ്ക്കുവേണ്ടി ഹാജരായ അഭിഷേക് സിങ്വി വാദംകേള്‍ക്കുന്നത് മാറ്റിവയ്ക്കണമെന്ന് ആവശ്യപ്പെടുകയായിരുന്നു.
ദേശാഭിമാനി 01102010
'നിര്‍ഭാഗ്യക്കുറി'യില്‍ കോണ്‍ഗ്രസ്
ലോട്ടറി മാഫിയ പിടിമുറുക്കിയപ്പോള്‍ കോണ്‍ഗ്രസിന് കേരളത്തില്‍ അടിച്ചത് 'നിര്‍ഭാഗ്യക്കുറി'. കേരള സര്‍ക്കാരിനെ തോല്‍പ്പിക്കാന്‍ 'അഭിഭാഷക ചെങ്കീരി'യെ ഹൈക്കോടതിയില്‍ അയച്ച് ലോട്ടറിമാഫിയക്ക് നിയമവിജയം നേടികൊടുത്തത് കോണ്‍ഗ്രസ് ഹൈക്കമാന്‍ഡിന്റെ മനഃസമ്മതത്തോടെ. ഇത് തദ്ദേശഭരണ തെരഞ്ഞെടുപ്പിലെ വോട്ടുവിഷയങ്ങളില്‍ പ്രധാനമാകും. ലോട്ടറി രാജാവ് സാന്റിയാഗോ മാര്‍ട്ടിനെയും മണികുമാര്‍ സുബ്ബയെയും വിട്ട് ഒരു കളി കോണ്‍ഗ്രസിനില്ലെന്നാണ് ദേശീയ കോണ്‍ഗ്രസ് വക്താവ് അഭിഷേക് മനു സിങ്വി ഹൈക്കോടതിയില്‍ വീണ്ടും ഹാജരായതിലൂടെ ബോധ്യപ്പെടുത്തിയത്.
സോണിയ ഗാന്ധിക്കും രാഹുലിനും എതിര്‍പ്പുള്ള കാര്യമായിരുന്നെങ്കില്‍ കെപിസിസി നേതൃത്വം കരിങ്കൊടി കാട്ടിയശേഷവും സിങ്വി രണ്ടാം നാളിലും ഹൈക്കോടതിയില്‍ കറുത്ത ഗൌണ്‍ അണിഞ്ഞെത്തുമായിരുന്നില്ല. അരിപ്രാവുകളായ മാര്‍ട്ടിനും സുബ്ബയും മലയാളക്കരയില്‍ സ്വതന്ത്രമായി പറക്കട്ടെ എന്ന് വാദിക്കുമായിരുന്നില്ല. കോണ്‍ഗ്രസ് മൂല്യം തന്നെ പഠിപ്പിക്കാന്‍ ഇറങ്ങേണ്ടെന്ന് കോടതിമുറ്റത്തുനിന്ന് സിങ്വി പറയുമായിരുന്നില്ല. ഇതിലൂടെ, കെപിസിസി നേതൃത്വം ആടിയത് ജനങ്ങളെ പറ്റിക്കാനുള്ള കപടനാടകവും ഒത്തുകളിയുമായിരുന്നെന്നുമുള്ള സന്ദേശവും പറയാതെ പറഞ്ഞു. ലോട്ടറി മാഫിയക്ക് അനുകൂലമായി വിധി വാങ്ങിക്കൊടുത്തതോടെ അഭിഭാഷകനായ സിങ്വിയുടെ കോടതിദൌത്യം തീര്‍ന്നു. ഇനി അദ്ദേഹത്തിന് 'മാന്യമായി' പിന്മാറാം.
ആരാണ് സിങ്വിയെന്ന് കോടതിമുറ്റത്ത് കരിങ്കൊടിയുമായി എത്തിയ പത്ത് യൂത്തുകോണ്‍ഗ്രസുകാര്‍ക്ക് മുതിര്‍ന്ന കോണ്‍ഗ്രസ് നേതാക്കള്‍ ഉപദേശിച്ചാല്‍ നന്ന്. രാജസ്ഥാനില്‍നിന്നുള്ള ഈ രാജ്യസഭാംഗം ദിവസവും രണ്ടു നേരം കോണ്‍ഗ്രസ് അധ്യക്ഷ സോണിയയെ കാണുന്ന ദേശീയ നേതാവാണ്. മാഡത്തെ കാണാന്‍ മുന്‍കൂര്‍ ചിറ്റ് വേണ്ടാത്ത നേതാവ്. സിങ്വിക്കെതിരെ പരാതി അയച്ചെന്നും അഹമ്മദ് പട്ടേല്‍, മൊഹ്സിന കിദ്വായി എന്നിവരെ ഫോണില്‍ കാര്യം ധരിപ്പിച്ചെന്നും ഉമ്മന്‍ചാണ്ടിയുടെയും രമേശ് ചെന്നിത്തലയും ബുധനാഴ്ചയേ പരസ്യമാക്കിയിരുന്നു. ഹൈക്കമാന്‍ഡ് നടപടി ഉടനെ വരുമെന്നും പറഞ്ഞു. പക്ഷേ, പാമ്പ് എലിയെ പിടിച്ചില്ല, പാമ്പിനെ എലി പിടിക്കുന്നു. സിങ്വിക്കെതിരെ കരിങ്കൊടി കാട്ടിയത് അച്ചടക്ക ലംഘനമാണെന്നാണ് ഹൈക്കമാന്‍ഡ് നിലപാട്. അതുകൊണ്ടാണ് രണ്ടാം ദിവസം സാന്റിയാഗോ മാര്‍ട്ടിനു വേണ്ടി വാദിക്കാന്‍ പോയ ദേശീയ വക്താവിനെതിരെ 'കരിങ്കൊടിനാടകം' ആടാന്‍ യൂത്തുകാരെ ഇറക്കാതിരുന്നത്.
അമേരിക്കന്‍ യാത്രയ്ക്ക് ശേഷം ഡല്‍ഹിയില്‍ വ്യാഴാഴ്ച തിരിച്ചെത്തിയ കോണ്‍ഗ്രസ് അച്ചടക്കസമിതി ചെയര്‍മാനും പ്രതിരോധ മന്ത്രിയുമായ എ കെ ആന്റണിക്കു മുന്നില്‍ ലോട്ടറി കേസും സിങ്വിയും കരിങ്കൊടിയും ചര്‍ച്ചാവിഷയമാകും. ഇന്ദിരാഗാന്ധി വധക്കേസില്‍ ഘാതകര്‍ക്കു വേണ്ടി റാം ജത്മലാനി ഹാജരായപ്പോള്‍ ഒന്നുകില്‍ ബിജെപി വിടുക അല്ലെങ്കില്‍ കേസു നടത്തുക എന്ന പരസ്യ ഉപദേശമാണ് അന്നത്തെ ബിജെപി അധ്യക്ഷന്‍ അടല്‍ ബിഹാരി വാജ്പേയി നല്‍കിയത്. ആളെ പറ്റിക്കാനായിരുന്നു അതെങ്കിലും അത്രത്തോളംപോലും സിങ്വിയോട് പറയാന്‍ കോണ്‍ഗ്രസ് ഹൈക്കമാന്‍ഡിന് ത്രാണിയുണ്ടായില്ല. അത്രമാത്രം ശക്തമാണ് ലോട്ടറി മാഫിയയും കോണ്‍ഗ്രസ് നേതൃത്വവും തമ്മിലെ ബന്ധം. അതുകൊണ്ടാണ് ലോട്ടറിവിവാദം ഒരു കേരള വിഷയമാണെന്ന് പറഞ്ഞ് ദേശീയനേതൃത്വം നിസാരവല്‍ക്കരിച്ചത്.
അസമിലെ പിസിസി ട്രഷററും പാര്‍ലമെന്റംഗവുമായിരുന്ന ഇപ്പോഴും കോണ്‍ഗ്രസ് നേതാവായ മണികുമാര്‍ സുബ്ബയെ കോണ്‍ഗ്രസില്‍നിന്ന് പുറത്താക്കാതെ സിങ്വിക്കെതിരെ ശബ്ദിക്കാനാവില്ലെന്ന് ഹൈക്കമാന്‍ഡിനറിയാം. സുബ്ബയുടെയും മാര്‍ട്ടിന്റെയും പണപ്പെട്ടിക്കു മേല്‍ പറക്കുന്ന പരുന്തല്ല കോണ്‍ഗ്രസ് ഹൈക്കമാന്‍ഡ്. കേന്ദ്രമന്ത്രി പി ചിദംബരത്തിന്റെ ഭാര്യ ലോട്ടറി മാഫിയയുടെ അഭിഭാഷകയാണ്. ഭര്‍ത്താവ് കേന്ദ്രധനമന്ത്രിയായിരിക്കുമ്പോള്‍ മുതല്‍ ഭാര്യ തുടരുന്ന ഈ നിയമസഹായം അധാര്‍മികമെന്ന് ഹൈക്കമാന്‍ഡ് വിധിച്ചിട്ടില്ല. ലോട്ടറി കേസില്‍ സിങ്വിയുടെ ദൌത്യം കഴിഞ്ഞതിനാല്‍ ഇനി ഹൈക്കമാന്‍ഡിന്റെ തീര്‍പ്പിന് അര്‍ഥമില്ല. ഇതെല്ലാം കാണുന്ന നാടിന് മുന്നിലാണ് മദ്യത്തിനും ലോട്ടറി ചൂതാട്ടത്തിനും എതിരെ ഗാന്ധി ജയന്തി ദിനത്തില്‍ കേരളത്തിലെ കോണ്‍ഗ്രസ് വക്താവ് എം എം ഹസന്‍ ഉണ്ണാവ്രതം പ്രഖ്യാപിച്ചിരിക്കുന്നത്. തദ്ദേശഭരണ തെരഞ്ഞെടുപ്പിലെ വോട്ടുപിടിത്തക്കണ്ണുമായാണ് ഹസ്സന്‍ തലസ്ഥാന നഗരിയില്‍ സമരത്തിന് പുറപ്പെടുന്നതെങ്കിലും സിങ്വി തെളിച്ച വിളക്കിന്റെ വെളിച്ചത്തില്‍ സത്യഗ്രഹം ഡല്‍ഹിയില്‍ സോണിയയുടെ വീട്ടുപടിക്കലാക്കാം.
deshabhimani 01102010
സോണിയ ഗാന്ധിക്കും രാഹുലിനും എതിര്‍പ്പുള്ള കാര്യമായിരുന്നെങ്കില്‍ കെപിസിസി നേതൃത്വം കരിങ്കൊടി കാട്ടിയശേഷവും സിങ്വി രണ്ടാം നാളിലും ഹൈക്കോടതിയില്‍ കറുത്ത ഗൌണ്‍ അണിഞ്ഞെത്തുമായിരുന്നില്ല. അരിപ്രാവുകളായ മാര്‍ട്ടിനും സുബ്ബയും മലയാളക്കരയില്‍ സ്വതന്ത്രമായി പറക്കട്ടെ എന്ന് വാദിക്കുമായിരുന്നില്ല. കോണ്‍ഗ്രസ് മൂല്യം തന്നെ പഠിപ്പിക്കാന്‍ ഇറങ്ങേണ്ടെന്ന് കോടതിമുറ്റത്തുനിന്ന് സിങ്വി പറയുമായിരുന്നില്ല. ഇതിലൂടെ, കെപിസിസി നേതൃത്വം ആടിയത് ജനങ്ങളെ പറ്റിക്കാനുള്ള കപടനാടകവും ഒത്തുകളിയുമായിരുന്നെന്നുമുള്ള സന്ദേശവും പറയാതെ പറഞ്ഞു. ലോട്ടറി മാഫിയക്ക് അനുകൂലമായി വിധി വാങ്ങിക്കൊടുത്തതോടെ അഭിഭാഷകനായ സിങ്വിയുടെ കോടതിദൌത്യം തീര്‍ന്നു. ഇനി അദ്ദേഹത്തിന് 'മാന്യമായി' പിന്മാറാം.
ആരാണ് സിങ്വിയെന്ന് കോടതിമുറ്റത്ത് കരിങ്കൊടിയുമായി എത്തിയ പത്ത് യൂത്തുകോണ്‍ഗ്രസുകാര്‍ക്ക് മുതിര്‍ന്ന കോണ്‍ഗ്രസ് നേതാക്കള്‍ ഉപദേശിച്ചാല്‍ നന്ന്. രാജസ്ഥാനില്‍നിന്നുള്ള ഈ രാജ്യസഭാംഗം ദിവസവും രണ്ടു നേരം കോണ്‍ഗ്രസ് അധ്യക്ഷ സോണിയയെ കാണുന്ന ദേശീയ നേതാവാണ്. മാഡത്തെ കാണാന്‍ മുന്‍കൂര്‍ ചിറ്റ് വേണ്ടാത്ത നേതാവ്. സിങ്വിക്കെതിരെ പരാതി അയച്ചെന്നും അഹമ്മദ് പട്ടേല്‍, മൊഹ്സിന കിദ്വായി എന്നിവരെ ഫോണില്‍ കാര്യം ധരിപ്പിച്ചെന്നും ഉമ്മന്‍ചാണ്ടിയുടെയും രമേശ് ചെന്നിത്തലയും ബുധനാഴ്ചയേ പരസ്യമാക്കിയിരുന്നു. ഹൈക്കമാന്‍ഡ് നടപടി ഉടനെ വരുമെന്നും പറഞ്ഞു. പക്ഷേ, പാമ്പ് എലിയെ പിടിച്ചില്ല, പാമ്പിനെ എലി പിടിക്കുന്നു. സിങ്വിക്കെതിരെ കരിങ്കൊടി കാട്ടിയത് അച്ചടക്ക ലംഘനമാണെന്നാണ് ഹൈക്കമാന്‍ഡ് നിലപാട്. അതുകൊണ്ടാണ് രണ്ടാം ദിവസം സാന്റിയാഗോ മാര്‍ട്ടിനു വേണ്ടി വാദിക്കാന്‍ പോയ ദേശീയ വക്താവിനെതിരെ 'കരിങ്കൊടിനാടകം' ആടാന്‍ യൂത്തുകാരെ ഇറക്കാതിരുന്നത്.
അമേരിക്കന്‍ യാത്രയ്ക്ക് ശേഷം ഡല്‍ഹിയില്‍ വ്യാഴാഴ്ച തിരിച്ചെത്തിയ കോണ്‍ഗ്രസ് അച്ചടക്കസമിതി ചെയര്‍മാനും പ്രതിരോധ മന്ത്രിയുമായ എ കെ ആന്റണിക്കു മുന്നില്‍ ലോട്ടറി കേസും സിങ്വിയും കരിങ്കൊടിയും ചര്‍ച്ചാവിഷയമാകും. ഇന്ദിരാഗാന്ധി വധക്കേസില്‍ ഘാതകര്‍ക്കു വേണ്ടി റാം ജത്മലാനി ഹാജരായപ്പോള്‍ ഒന്നുകില്‍ ബിജെപി വിടുക അല്ലെങ്കില്‍ കേസു നടത്തുക എന്ന പരസ്യ ഉപദേശമാണ് അന്നത്തെ ബിജെപി അധ്യക്ഷന്‍ അടല്‍ ബിഹാരി വാജ്പേയി നല്‍കിയത്. ആളെ പറ്റിക്കാനായിരുന്നു അതെങ്കിലും അത്രത്തോളംപോലും സിങ്വിയോട് പറയാന്‍ കോണ്‍ഗ്രസ് ഹൈക്കമാന്‍ഡിന് ത്രാണിയുണ്ടായില്ല. അത്രമാത്രം ശക്തമാണ് ലോട്ടറി മാഫിയയും കോണ്‍ഗ്രസ് നേതൃത്വവും തമ്മിലെ ബന്ധം. അതുകൊണ്ടാണ് ലോട്ടറിവിവാദം ഒരു കേരള വിഷയമാണെന്ന് പറഞ്ഞ് ദേശീയനേതൃത്വം നിസാരവല്‍ക്കരിച്ചത്.
അസമിലെ പിസിസി ട്രഷററും പാര്‍ലമെന്റംഗവുമായിരുന്ന ഇപ്പോഴും കോണ്‍ഗ്രസ് നേതാവായ മണികുമാര്‍ സുബ്ബയെ കോണ്‍ഗ്രസില്‍നിന്ന് പുറത്താക്കാതെ സിങ്വിക്കെതിരെ ശബ്ദിക്കാനാവില്ലെന്ന് ഹൈക്കമാന്‍ഡിനറിയാം. സുബ്ബയുടെയും മാര്‍ട്ടിന്റെയും പണപ്പെട്ടിക്കു മേല്‍ പറക്കുന്ന പരുന്തല്ല കോണ്‍ഗ്രസ് ഹൈക്കമാന്‍ഡ്. കേന്ദ്രമന്ത്രി പി ചിദംബരത്തിന്റെ ഭാര്യ ലോട്ടറി മാഫിയയുടെ അഭിഭാഷകയാണ്. ഭര്‍ത്താവ് കേന്ദ്രധനമന്ത്രിയായിരിക്കുമ്പോള്‍ മുതല്‍ ഭാര്യ തുടരുന്ന ഈ നിയമസഹായം അധാര്‍മികമെന്ന് ഹൈക്കമാന്‍ഡ് വിധിച്ചിട്ടില്ല. ലോട്ടറി കേസില്‍ സിങ്വിയുടെ ദൌത്യം കഴിഞ്ഞതിനാല്‍ ഇനി ഹൈക്കമാന്‍ഡിന്റെ തീര്‍പ്പിന് അര്‍ഥമില്ല. ഇതെല്ലാം കാണുന്ന നാടിന് മുന്നിലാണ് മദ്യത്തിനും ലോട്ടറി ചൂതാട്ടത്തിനും എതിരെ ഗാന്ധി ജയന്തി ദിനത്തില്‍ കേരളത്തിലെ കോണ്‍ഗ്രസ് വക്താവ് എം എം ഹസന്‍ ഉണ്ണാവ്രതം പ്രഖ്യാപിച്ചിരിക്കുന്നത്. തദ്ദേശഭരണ തെരഞ്ഞെടുപ്പിലെ വോട്ടുപിടിത്തക്കണ്ണുമായാണ് ഹസ്സന്‍ തലസ്ഥാന നഗരിയില്‍ സമരത്തിന് പുറപ്പെടുന്നതെങ്കിലും സിങ്വി തെളിച്ച വിളക്കിന്റെ വെളിച്ചത്തില്‍ സത്യഗ്രഹം ഡല്‍ഹിയില്‍ സോണിയയുടെ വീട്ടുപടിക്കലാക്കാം.
deshabhimani 01102010
On The Verdict of the Lucknow Bench
The Polit Bureau of the Communist Party of India (Marxist) has issued the following statement:
On The Verdict of the Lucknow Bench
The Lucknow Bench of the Allahabad High Court has given its decision on the title deeds suits and related issues on the Babri Masjid/Ramjanmabhoomi temple dispute.
This judgement requires to be fully studied. There may be questions on the nature of the verdict.
The CPI(M) maintains that in our constitutional secular democratic system the judicial process which includes recourse to the Supreme Court should be the only way to resolve the issue.
The Polit Bureau of the CPI(M) appeals to the people of the country to maintain peace and communal harmony and not fall prey to any provocations.
On The Verdict of the Lucknow Bench
The Lucknow Bench of the Allahabad High Court has given its decision on the title deeds suits and related issues on the Babri Masjid/Ramjanmabhoomi temple dispute.
This judgement requires to be fully studied. There may be questions on the nature of the verdict.
The CPI(M) maintains that in our constitutional secular democratic system the judicial process which includes recourse to the Supreme Court should be the only way to resolve the issue.
The Polit Bureau of the CPI(M) appeals to the people of the country to maintain peace and communal harmony and not fall prey to any provocations.
അയോധ്യ: ഭൂമി മൂന്നായി വീതിക്കും; പരിഹാരം ഇനിയും അകലെ
അയോധ്യ: ഭൂമി മൂന്നായി വീതിക്കും
ലഖ്നൌ: ബാബറി മസ്ജിദ് നിലനിന്ന സ്ഥലം ഉള്‍പ്പെടെയുള്ള അയോധ്യയിലെ 2.7 ഏക്കര്‍ ഭൂമി മൂന്ന് കക്ഷികള്‍ക്ക് തുല്യമായിവീതിച്ച് നല്‍കാന്‍ അലഹബാദ് ഹൈക്കോടതിയുടെ ലഖ്നൌ ബെഞ്ച് വിധിച്ചു. 60 വര്‍ഷം പഴക്കമുള്ള കേസില്‍ മൂന്നംഗ ബെഞ്ചിലെ ഒരു ജഡ്ജി വ്യത്യസ്ത വിധി പുറപ്പെടുവിച്ചു. 1949ല്‍ സ്ഥാപിച്ച രാമവിഗ്രഹം ഇരിക്കുന്ന സ്ഥലം ഹിന്ദുമഹാസഭയ്ക്കും 'രാം ഛബൂത്രയും' 'സീത രസോയിയും' സ്ഥിതിചെയ്യുന്ന സ്ഥലം സന്യാസി സംഘടനയായ നിര്‍മോഹി അകാഡയ്ക്കും ബാക്കി സ്ഥലം സുന്നി വഖഫ് ബോര്‍ഡിനും നല്‍കാന്‍ ജസ്റ്റിസുമാരായ എസ് യു ഖാനും സുധീര്‍ അഗര്‍വാളും ഉത്തരവായി. പ്രദേശത്ത് മൂന്ന് മാസത്തേക്ക് നിലവിലുള്ള സ്ഥിതി തുടരാനും ഭൂരിപക്ഷ വിധിയില്‍ നിര്‍ദേശിച്ചു. എന്നാല്‍, കേസിന് ആസ്പദമായ സ്ഥലം രാമന്റെ ജന്മഭൂമിയാണെന്നും ഇസ്ളാംമത തത്വങ്ങള്‍ക്ക് വിരുദ്ധമായാണ് ഇവിടെ മസ്ജിദ് സ്ഥാപിച്ചതെന്നും ഇതിനെ ആരാധനാലയമായി പരിഗണിക്കാന്‍ കഴിയില്ലെന്നും ബെഞ്ചിലെ മറ്റൊരു ജഡ്ജിയായ ജസ്റിസ് ഡി വി ശര്‍മയുടെ വിധിയില്‍ പറഞ്ഞു. മൂന്ന് ജഡ്ജിമാര്‍ ചേര്‍ന്ന് 8189 പേജ് വരുന്ന വിധിന്യായമാണ് പുറപ്പെടുവിച്ചത്. കോടതി നിയമിച്ച റിസീവര്‍ ശിവശങ്കര്‍ ലാല്‍ തയ്യാറാക്കിയ സ്കെച്ചിന്റെ അടിസ്ഥാനത്തിലാണ് മൂന്ന് ഭാഗമായി സ്ഥലം വിഭജിക്കേണ്ടതെന്ന് ജസ്റ്റിസുമാരായ ഖാനും അഗര്‍വാളും വ്യക്തമാക്കി. മസ്ജിദിന്റെ പ്രധാന താഴികക്കുടം നിലനിന്നിരുന്നതിന്റെ താഴെയാണ് രാമന്റെ ജന്മസ്ഥലമെന്നാണ് ഹിന്ദുക്കളുടെ വിശ്വാസം- വിധിയില്‍ നിരീക്ഷിച്ചു. മൂന്ന് തുല്യഭാഗമായാണ് 2.7 ഏക്കര്‍ സ്ഥലം വീതിക്കേണ്ടതെങ്കിലും പ്രായോഗികസൌകര്യം മുന്‍നിര്‍ത്തി ചെറിയ തോതില്‍ ഏറ്റക്കുറച്ചിലുകള്‍ വരുത്താം. എന്നാല്‍, ഇത് മറ്റൊരു കക്ഷിയെ ബാധിക്കാത്ത വിധത്തില്‍ തൊട്ടടുത്ത പ്രദേശത്തുനിന്ന് സര്‍ക്കാര്‍ സ്ഥലം ഏറ്റെടുത്തു നല്‍കി പരിഹരിക്കണം. വിഭജനം സംബന്ധിച്ച നിര്‍ദേശങ്ങള്‍ സമര്‍പ്പിക്കാന്‍ ബന്ധപ്പെട്ട കക്ഷികള്‍ക്ക് മൂന്നു മാസം സമയം നല്‍കിയിട്ടുണ്ട്. വിധിയിന്മേല്‍ അപ്പീല്‍ നല്‍കാനും മൂന്ന് മാസത്തെ സമയം അനുവദിച്ചു. വിഭജനം സംബന്ധിച്ച അന്തിമവിധി മൂന്നുമാസത്തിനുശേഷം സുപ്രീംകോടതി ചീഫ്ജസ്റിസുമായി കൂടിയാലോചിച്ച് പ്രഖ്യാപിക്കും.
ബാബറുടെ ഉത്തരവ് പ്രകാരമാണ് മസ്ജിദ് നിര്‍മിച്ചതെന്ന് ജസ്റിസ് ഖാന്‍ വിധിയില്‍ നിരീക്ഷിച്ചു. എന്നാല്‍, ഈ സ്ഥലം ബാബറുടെ ഉടമസ്ഥതയില്‍ ഉള്ളതായിരുന്നു എന്നതിന് തെളിവില്ല. മസ്ജിദ് പണിയാനായി ക്ഷേത്രം തകര്‍ത്തിട്ടില്ല. ദീര്‍ഘകാലമായി ജീര്‍ണാവസ്ഥയിലായിരുന്ന ക്ഷേത്രം സ്ഥിതിചെയ്തിരുന്ന സ്ഥലത്താണ് മസ്ജിദ് നിര്‍മിച്ചതെന്ന് വിധിയില്‍ പറയുന്നു. മസ്ജിദ് നിര്‍മിച്ച് കുറെക്കാലം കഴിഞ്ഞശേഷമാണ് രാമന്റെ ജന്മസ്ഥലം ഇവിടെയാണെന്ന് ഹിന്ദുക്കള്‍ കരുതാന്‍ തുടങ്ങിയത്. 1885നു മുമ്പേ രാം ഛബൂത്രയും സീത രസോയിലും പ്രദേശത്ത് നിലനിന്നിരുന്നു. ഹിന്ദുക്കള്‍ ഇവിടെ ആരാധനയും നടത്തിവന്നു. വളരെ അസാധാരണമായ അവസ്ഥയായിരുന്നു അത്. ഒരു ഭാഗത്ത് മുസ്ളിങ്ങള്‍ നമസും മറുഭാഗത്ത് ഹിന്ദുക്കള്‍ പ്രാര്‍ഥനയും നടത്തി. ഭൂമിയില്‍ വിഭജനമൊന്നും ഇല്ലായിരുന്നു. ഇതിന്റെ അടിസ്ഥാനത്തില്‍ ഹിന്ദുക്കളും മുസ്ളിങ്ങളും സംയുക്തമായി കൈവശം വച്ചിരുന്ന ഭൂമിയായിരുന്നു ഇതെന്ന് വ്യക്തമാകുന്നു. എന്നാല്‍, ഇരുകൂട്ടര്‍ക്കും ഭൂമിയുടെ കൈവശാവകാശം തെളിയിക്കുന്ന രേഖ ഹാജരാക്കാന്‍ കഴിഞ്ഞില്ല. തെളിവ് നിയമപ്രകാരം സംയുക്താവകാശമുള്ള ഭൂമിയായി മാത്രമേ ഇതിനെ കാണാന്‍ കഴിയൂ- ജസ്റിസ് ഖാന്‍ പറഞ്ഞു.
രാമവിഗ്രഹം ആദ്യമായി ഇവിടെ സ്ഥാപിച്ചത് 1949 ഡിസംബര്‍ 23നു പുലര്‍ച്ചെയാണെന്നും ജസ്റ്റിസ് ഖാന്‍ ചൂണ്ടിക്കാട്ടി. ഇതിനു കുറച്ചുകാലം മുമ്പു മുതലാണ് മസ്ജിദിന്റെ പ്രധാന താഴികക്കുടത്തിന് താഴെയാണ് രാമന്റെ ജന്മസ്ഥലമെന്ന് ഹിന്ദുക്കള്‍ കരുതാനും വിശ്വസിക്കാനും തുടങ്ങിയതെന്നും വിധിയില്‍ പറഞ്ഞു. അതേസമയം, പഴയ മന്ദിരം തകര്‍ത്തശേഷമാണ് മസ്ജിദ് നിര്‍മിച്ചതെന്ന് ജസ്റിസ് ശര്‍മ നിരീക്ഷിച്ചു. ആര്‍ക്കിയോളജിക്കല്‍ സര്‍വേ ഓഫ് ഇന്ത്യയുടെ പര്യവേക്ഷണം ഇത് വ്യക്തമാക്കുന്നതായി അദ്ദേഹം അഭിപ്രായപ്പെട്ടു. എന്നാല്‍, 1949ലാണ് ഇവിടെ രാമവിഗ്രഹം സ്ഥാപിച്ചതെന്നതിന് തെളിവുണ്ടെന്ന നിഗമനത്തോട് അദ്ദേഹം യോജിച്ചു.
പരിഹാരം ഇനിയും അകലെ
ന്യൂഡല്‍ഹി: ആറു പതിറ്റാണ്ട് നീണ്ട നിയമവ്യവഹാരത്തിനൊടുവില്‍ അയോധ്യ കേസില്‍ അലഹബാദ് ഹൈക്കോടതിയുടെ ലഖ്നൌ ബെഞ്ച് വിധി പുറപ്പെടുവിച്ചെങ്കിലും തര്‍ക്കപരിഹാരം ഇനിയും നീളും. വിധിക്കെതിരെ മേല്‍ക്കോടതിയെ സമീപിക്കാന്‍ മൂന്നുമാസത്തെ സമയം അനുവദിച്ച ഹൈക്കോടതി അതുവരെ അയോധ്യയില്‍ തല്‍സ്ഥിതി തുടരണമെന്ന് നിര്‍ദേശിച്ചിട്ടുണ്ട്. അപ്പീല്‍ സുപ്രീംകോടതിയുടെ പരിഗണനയില്‍ എത്തുന്നതോടെ കേസില്‍ വീണ്ടും വാദം കേള്‍ക്കാന്‍ പുതിയ ബെഞ്ച് രൂപീകരിക്കും. കക്ഷികളുടെ വാദം കേള്‍ക്കലും തെളിവുകളുടെ പരിശോധനയും വീണ്ടും തുടരുന്നതോടെ അന്തിമവിധിക്കായി വീണ്ടും വര്‍ഷങ്ങള്‍ കാത്തിരിക്കേണ്ടി വരും. വിധിക്കെതിരെ അപ്പീല്‍ പോകുമെന്ന് ഇരുഭാഗത്തെയും കക്ഷികള്‍ വ്യക്തമാക്കിയിട്ടുണ്ട്. ഭൂമി വീതിച്ചുനല്‍കാനുള്ള അലഹബാദ് ഹൈക്കോടതിയുടെ വിധിക്കെതിരെ സുപ്രീംകോടതിയില്‍ അപ്പീല്‍ നല്‍കുമെന്ന് സുന്നി വഖഫ് ബോര്‍ഡ് വ്യക്തമാക്കി. സുന്നി വഖഫ് ബോര്‍ഡിന് മൂന്നിലൊന്ന് ഭൂമി നല്‍കിയതിനെ സുപ്രീംകോടതിയില്‍ ചോദ്യംചെയ്യുമെന്ന് രാമജന്മഭൂമി ട്രസ്റും പ്രഖ്യാപിച്ചു. അയോധ്യയിലെ തര്‍ക്കസ്ഥലം മൂന്ന് കക്ഷികള്‍ക്കായി വീതിക്കാനുള്ള ഉത്തരവിനെ പരമോന്നത കോടതിയില്‍ ചോദ്യംചെയ്യുമെന്ന് വഖഫ് ബോര്‍ഡിന്റെ അഭിഭാഷകന്‍ സഫര്യാബ് ഗീലാനി മാധ്യമപ്രവര്‍ത്തകരെ അറിയിച്ചു. ഭൂമിയുടെ മൂന്നിലൊന്ന് അനുവദിച്ച ഹൈക്കോടതി വിധി വഖഫ് ബോര്‍ഡിന് സ്വീകാര്യമല്ലെന്നും ഭൂമി വിട്ടുനല്‍കാന്‍ തയ്യാറല്ലെന്നും അദ്ദേഹം കൂട്ടിച്ചേര്‍ത്തു. ചര്‍ച്ചകളിലൂടെ പ്രശ്നം പരിഹരിക്കാനുള്ള നിര്‍ദേശമുയര്‍ന്നാല്‍ സുന്നി വഖഫ് ബോര്‍ഡ് തുറന്ന മനസ്സോടെ സമീപിക്കുമെന്നും ഗീലാനി പറഞ്ഞു.
അതേസമയം, ഹൈക്കോടതിയുടെ വിധിയെ സംഘപരിവാര്‍ പൊതുവില്‍ സ്വാഗതം ചെയ്തെങ്കിലും സുന്നി വഖഫ് ബോര്‍ഡിന് മൂന്നിലൊന്ന് ഭൂമി നല്‍കണമെന്ന വിധിയെ തങ്ങളുടെ കൂടെ നില്‍ക്കുന്ന സംഘടനകള്‍ വഴി സുപ്രീംകോടതിയില്‍ ചോദ്യംചെയ്യാനാണ് നീക്കം. മൂന്നിലൊന്ന് ഭൂമി സുന്നി വഖഫ് ബോര്‍ഡിന് നല്‍കിയത് എന്തിനാണെന്ന് മനസിലാകുന്നില്ലെന്നും ഇതിനെതിരെ സുപ്രീംകോടതിയെ സമീപിക്കുമെന്നും രാമജന്മഭൂമി ട്രസ്റ് ചെയര്‍മാന്‍ നൃത്യഗോപാല്‍ദാസ് പറഞ്ഞു. വിധി ആരുടെയും വിജയമോ പരാജയമോ അല്ലെന്ന് ആര്‍എസ്എസ് മേധാവി മോഹന്‍ ഭഗവത് പ്രതികരിച്ചു. ഹിന്ദുക്കളുടെ വിശ്വാസം കോടതിവിധി മാനിക്കുന്നുവെന്നും രാമക്ഷേത്രനിര്‍മാണത്തിന് വിധി വഴിയൊരുക്കുമെന്നും വിഎച്ച്പി അന്താരാഷ്ട്ര ജനറല്‍ സെക്രട്ടറി പ്രവീ തൊഗാഡിയ പറഞ്ഞു.
വിധി ദൌര്‍ഭാഗ്യകരം: ഇര്‍ഫാന്‍ ഹബീബ്
ന്യൂഡല്‍ഹി: അയോധ്യ കേസില്‍ അലഹബാദ് ഹൈക്കോടതിയുടെ വിധി ദൌര്‍ഭാഗ്യകരവും അസ്വസ്ഥത സൃഷ്ടിക്കുന്നതുമാണെന്ന് പ്രശസ്ത ചരിത്രകാരന്‍ ഇര്‍ഫാന്‍ ഹബീബ് പറഞ്ഞു. ചരിത്രപരമായ വസ്തുതകള്‍ പരിഗണിച്ചല്ല കോടതിയുടെ പല നിഗമനങ്ങളുമെന്ന് അദ്ദേഹം 'ദേശാഭിമാനി'യോട് പറഞ്ഞു. പുരാവസ്തു ശാസ്ത്രജ്ഞരും ചരിത്രകാരന്മാരും ശക്തമായി വിമര്‍ശിച്ച ഉത്ഖനന റിപ്പോര്‍ട്ട് അടിസ്ഥാനമാക്കിയാണ് കോടതിയുടെ നിഗമനങ്ങള്‍. ക്ഷേത്രം തകര്‍ത്താണ് ബാബര്‍ പള്ളി പണിതതെന്ന് കോടതി പറയുമ്പോള്‍ അതിനുള്ള ചരിത്രപരമായ തെളിവെന്താണ്? മസ്ജിദ് നിയമവിരുദ്ധമായാണ് നിര്‍മിച്ചതെന്ന് പറയുന്ന കോടതി 1949ല്‍ ബലപ്രയോഗത്തിലൂടെ രാമവിഗ്രഹം സ്ഥാപിച്ചത് നിയമവിരുദ്ധമാണെന്ന് പറയുന്നില്ല. മാത്രമല്ല, 1949ലെ നടപടിക്കും 1992ല്‍ ബാബ്റി മസ്ജിദ് തകര്‍ത്ത നടപടിക്കും നിയമസാധുത നല്‍കുകയും ചെയ്തു. സുന്നി വഖഫ് ബോര്‍ഡിന് നല്‍കാന്‍ തീരുമാനിച്ച സ്ഥലം ആവശ്യമെങ്കില്‍ മാറ്റിനല്‍കാമെന്നുള്ള പരാമര്‍ശവും സംശയമുണര്‍ത്തുന്നു. സുപ്രിംകോടതി തല്‍സ്ഥിതി തുടരാന്‍ ആവശ്യപ്പെട്ട, കേന്ദ്ര സര്‍ക്കാര്‍ ഏറ്റെടുത്ത 67 ഏക്കര്‍ ഭൂമിയില്‍ മാറ്റി നല്‍കാമെന്ന സൂചനയാണ് ഈ പരാമര്‍ശം നല്‍കുന്നത്. സുപ്രീം കോടതിയുടെ തീരുമാനത്തെ ഹൈക്കോടതിക്ക് എങ്ങനെ മറികടക്കാനാകും- ഹബീബ് ചോദിച്ചു.
മധ്യസ്ഥസ്വഭാവമുള്ള വിധി - ഡോ.കെ എന്‍ പണിക്കര്‍
അയോധ്യകേസിലെ അലഹബാദ് ഹൈക്കോടതി വിധി ഒരര്‍ഥത്തില്‍ മധ്യസ്ഥസ്വഭാവമുള്ളതാണ്. നിയമത്തിന്റെ ദൃഷ്ടിയിലൂടെയുള്ള വിധിന്യായം എന്നതിലപ്പുറം കേസിലെ വിവിധ കക്ഷികളുടെ ഒത്തുതീര്‍പ്പ് എങ്ങനെ ഉണ്ടാക്കാമെന്നതാണ് വിധിയുടെ സ്വഭാവം. വാസ്തവത്തില്‍ ഇത് ഭരണകൂടത്തിന്റെ കര്‍ത്തവ്യമാണ്. അതാണ് കോടതി ഏറ്റെടുത്തിരിക്കുന്നത്. വിധിയുടെ പൂര്‍ണരൂപം ലഭിച്ചാലേ വിധിയെക്കുറിച്ച് വ്യക്തമായി പ്രതികരിക്കാനാകൂ. പ്രധാനമായും മൂന്നു വിഷയമാണ് കോടതിക്കു മുമ്പില്‍ വന്നത്. രാമന്റെ ജന്മസ്ഥലം ഏത്, പള്ളിയുടെ നിര്‍മാണവും തകര്‍ക്കലും, 1949ല്‍ രാമന്റെ വിഗ്രഹം പള്ളിയില്‍ എങ്ങനെ എത്തി എന്നിവയാണ് അക്കാര്യങ്ങള്‍. ഇതില്‍ രാമന്റെ വിഗ്രഹം പള്ളിയില്‍ എത്തിയത് ബലപ്രയോഗത്തിലൂടെയാണെന്ന് അക്കാലത്തെ പ്രധാനമന്ത്രിയും ആഭ്യന്തരമന്ത്രിയും നേരത്തെതന്നെ വ്യക്തമാക്കിയിരുന്നതിനാല്‍ ആ വിഷയത്തില്‍ തര്‍ക്കമുണ്ടാകാനിടയില്ല. എന്നാല്‍, രാമന്റെ ജന്മസ്ഥലം കൃത്യമായി എവിടെയാണെന്ന് നിലവിലുള്ള ചരിത്ര, പുരാവസ്തു പഠനങ്ങളില്‍നിന്ന് വ്യക്തമായ തെളിവുകള്‍ ലഭിച്ചിട്ടില്ല. രാമന്റെ ജന്മസ്ഥലം പള്ളിക്കുള്ളിലാണെന്ന വിധി അത്യന്തം സങ്കീര്‍ണമാണ്. ചരിത്രകാരന്മാര്‍ക്ക് ഈ വിധി അത്ഭുതകരമാണ്. കാരണം, രാമന്‍ എവിടെ ജനിച്ചു എന്നതിന് ഒരു തെളിവും ഇതുവരെ കണ്ടെത്തിയിട്ടില്ല. രാഷ്ട്രീയമായി വളരെ മുമ്പുതന്നെ കൈക്കൊള്ളേണ്ടിയിരുന്ന തീരുമാനം കോടതി ഇപ്പോള്‍ സരസമായി കൈക്കൊണ്ടു എന്നുവേണം പറയാന്‍. ഇതുമായി ബന്ധപ്പെട്ട കേസ് ഒരുപക്ഷേ ഇനിയും നീണ്ടുപോയേക്കാം. എന്തായാലും ജനങ്ങള്‍ ഈ വിധിയോട് നിയമാനുസൃതമല്ലാതെ പ്രതികരിക്കരുത്. ആ രീതിയില്‍ പ്രതികരിച്ചാല്‍, നൂറുകണക്കിന് ആരാധനാലയങ്ങളുടെ അവകാശത്തര്‍ക്കം നിലനില്‍ക്കുന്ന നമ്മുടെ രാജ്യം ശ്മശാനമാകും.
മുള്‍മുനയില്‍നിന്ന് സഹിഷ്ണുതയിലേക്ക്
ന്യൂഡല്‍ഹി: ആകാംക്ഷയുടെ മുള്‍മുനയില്‍നിന്നാണ് ആറു പതിറ്റാണ്ട് നീണ്ട അയോധ്യ കേസിന്റെ വിധി രാജ്യം കേട്ടത്. നൂറുകോടി ജനതയുടെ ഹൃദയത്തില്‍ ഉണങ്ങാത്ത മുറിവുകള്‍ കോറിയ കലാപങ്ങളുടെയും വേട്ടകളുടെയും ഓര്‍മകള്‍ ഓരോ മനസ്സിലും ആശങ്ക പടര്‍ത്തിയിരുന്നു. എന്നാല്‍, 1992ല്‍നിന്ന് 2010ലേക്കുള്ള 18 സംവത്സരങ്ങള്‍ ഇന്ത്യയുടെ മതനിരപേക്ഷതയെ എത്രമാത്രം ശക്തിപ്പെടുത്തിയെന്ന് വ്യാഴാഴ്ചത്തെ സായാഹ്നം തെളിയിച്ചു. വിധിയില്‍ ആഹ്ളാദിച്ചവരും അതൃപ്തരായവരും ഏറെയായിട്ടും മഹാരാജ്യത്തിന്റെ ഒരു കോണിലും അസഹിഷ്ണുതയുടെ ശബ്ദമുയര്‍ന്നില്ല. അതിരറ്റ സന്തോഷപ്രകടനങ്ങളുടെ വേലിയേറ്റമുണ്ടായില്ല. തികഞ്ഞ സമചിത്തതയോടെ, വിവേകത്തോടെ പൊതുസമൂഹവും സംഘടനകളും വിധി കേട്ടു. സംശയദൃഷ്ടിയോടെ ക്യാമറകളൊരുക്കിയ വിദേശമാധ്യമങ്ങള്‍ക്ക് ഇന്ത്യയുടെ മതനിരപേക്ഷ മറുപടി.
വ്യാഴാഴ്ച വൈകിട്ട് മൂന്നരയോടെ വിധി ഉണ്ടാകുമെന്നറിഞ്ഞ് ടിവി ചാനലുകള്‍ക്കും വെബ്സൈറ്റുകള്‍ക്കും മുന്നില്‍ ജനലക്ഷങ്ങള്‍ കാത്തിരുന്നു. ഹൈക്കോടതിയുടെ ലഖ്നൌ ബെഞ്ച് അതീവ സുരക്ഷയിലാണ് വിധി പറയാന്‍ ചേര്‍ന്നത്. കക്ഷികളെയും അവരുടെ അഭിഭാഷകരെയും മാത്രമേ കോടതിവളപ്പിലേക്ക് പ്രവേശിപ്പിച്ചുള്ളൂ. മൊബൈല്‍ഫോണുകള്‍പോലും അനുവദിക്കാതിരുന്നതിനാല്‍ കോടതിക്കുള്ളില്‍ എന്തു നടക്കുന്നുവെന്ന് ആര്‍ക്കും അറിയില്ലായിരുന്നു. കലക്ടറേറ്റിലെ പ്രത്യേക പന്തലില്‍ തിങ്ങിക്കൂടിയ മാധ്യമപ്രവര്‍ത്തകര്‍ക്കിടയിലേക്ക് വൈകിട്ട് നാലരയോടെ വിധിപ്പകര്‍പ്പുമായി അഭിഭാഷകര്‍ എത്തിയപ്പോള്‍ തിക്കുംതിരക്കുമായി. ഇരുപക്ഷത്തേയും അഭിഭാഷകര്‍ തങ്ങളുടെ വിജയമെന്നമട്ടില്‍ കാര്യം അവതരിപ്പിച്ചത് ഒച്ചപ്പാടിന് ഇടയാക്കി. വിധിയെ സംബന്ധിച്ച അവ്യക്തത നീങ്ങാന്‍ ഏറെ നേരം വേണ്ടിവന്നു. ഹിന്ദുമഹാസഭയ്ക്കുവേണ്ടി കോടതിയില്‍ ഹാജരായ ബിജെപി നേതാവ് രവിശങ്കര്‍പ്രസാദാണ് അയോധ്യഭൂമിയെ മൂന്നായി വിഭജിക്കാന്‍ കോടതി നിര്‍ദേശിച്ചെന്ന് ആദ്യമായി ടെലിവിഷന്‍ ക്യാമറകള്‍ക്കുമുന്നില്‍ വിളിച്ചുപറഞ്ഞത്.
ലഖ്നൌവിലെ സംഭവവികാസങ്ങള്‍ വീക്ഷിച്ചിരുന്ന ഡല്‍ഹിയിലും വിധിയുടെ ആദ്യവിവരങ്ങള്‍ പുറത്തുവന്നതോടെ രാഷ്ട്രീയകക്ഷികള്‍ യോഗങ്ങള്‍ ആരംഭിച്ചു. വിധിയെ സ്വാഗതംചെയ്തുകൊണ്ട് ആര്‍എസ്എസ് മേധാവി മോഹന്‍ ഭഗവത് മാധ്യമങ്ങള്‍ക്കുമുന്നില്‍ പ്രത്യക്ഷപ്പെട്ടു. തൊട്ടുപിന്നാലെ വാര്‍ത്താസമ്മേളനം നടത്തിയ എഐസിസി ജനറല്‍ സെക്രട്ടറി ജനാര്‍ദന്‍ ദ്വിവേദിയും വിധിയെ എല്ലാവരും മാനിക്കണമെന്ന് ആവശ്യപ്പെട്ടു. ബിജെപിയുടെ ദേശീയ നേതാക്കള്‍ എല്‍ കെ അദ്വാനിയുടെ വസതിയില്‍ യോഗം ചേര്‍ന്ന് ഏതുതരത്തിലുള്ള പ്രതികരണം വേണമെന്ന് ചര്‍ച്ചചെയ്തു. മുതിര്‍ന്ന അഭിഭാഷകന്‍കൂടിയായ അരു ജെയ്റ്റ്ലിയാണ് യോഗത്തില്‍ വിധിയുടെ വിശദാംശം അവതരിപ്പിച്ചത്. യോഗം തയ്യാറാക്കിയ പ്രസ്താവന മാധ്യമങ്ങള്‍ക്കുമുന്നില്‍ വായിക്കാന്‍, അയോധ്യയെ സംഘര്‍ഷഭൂമിയാക്കാന്‍ നേതൃത്വം നല്‍കിയ അദ്വാനിയെത്തന്നെ നിയോഗിച്ചു. കോഗ്രസിന്റെ കോര്‍ഗ്രൂപ്പ് യോഗവും ചേര്‍ന്നു. വിധിയുടെ പശ്ചാത്തലത്തില്‍ രാജ്യത്താകെ വന്‍ സുരക്ഷാ സന്നാഹം ഒരുക്കിയിരുന്നെങ്കിലും ഒരിടത്തും അനിഷ്ടസംഭവങ്ങള്‍ റിപ്പോര്‍ട്ടുചെയ്തില്ല. എന്നാല്‍, പ്രശ്നസാധ്യത റിപ്പോര്‍ട്ടുചെയ്യപ്പെട്ട പല മേഖലയിലും ഹര്‍ത്താലിന്റെ പ്രതീതിയായിരുന്നു. ഉത്തര്‍പ്രദേശ്, രാജസ്ഥാന്‍, ബിഹാര്‍, ഗുജറാത്ത്, മഹാരാഷ്ട്ര തുടങ്ങിയ സംസ്ഥാനങ്ങളില്‍ പലയിടത്തും കടകമ്പോളങ്ങള്‍ അടഞ്ഞുകിടന്നു. പൊലീസും രഹസ്യാന്വേഷണ ഏജന്‍സികളും ഈ മേഖലകളിലെല്ലാം അതീവ ജാഗ്രത പുലര്‍ത്തി. രാജ്യത്തെ വിമാനത്താവളങ്ങളിലും പ്രധാന റെയില്‍വേ സ്റേഷനുകളിലുമെല്ലാം സുരക്ഷയ്ക്ക് പ്രത്യേക സംവിധാനം ഒരുക്കിയിരുന്നു.
അഭിഭാഷകര്‍ ആശയക്കുഴപ്പം സൃഷ്ടിച്ചു
ലഖ്നൌ: അയോധ്യ കേസില്‍ വിധി പ്രസ്താവിച്ചതിന് തൊട്ടുപിന്നാലെ വ്യത്യസ്ത അഭിപ്രായപ്രകടനങ്ങള്‍ നടത്തിയ വിവിധ കക്ഷികളുടെ അഭിഭാഷകര്‍ ആശയക്കുഴപ്പം സൃഷ്ടിച്ചു. വിധിക്കു തൊട്ടുപിന്നാലെ, ലഖ്നൌ കോടതിക്കടുത്ത് പ്രത്യേകം തയ്യാറാക്കിയ മീഡിയാ റൂമിലെത്തിയ ഇരുപതോളം അഭിഭാഷകരാണ് ആശയക്കുഴപ്പത്തിന് കാരണക്കാരായത്. ഓരോരുത്തരും അവരവരുടെ താല്‍പര്യമനുസരിച്ച് വിധി വ്യാഖ്യാനിച്ചു. ഇരുപക്ഷത്തെ അഭിഭാഷകരും വിജയചിഹ്നം കാണിക്കുന്നുണ്ടായിരുന്നു. ഇവരെല്ലാം ഒന്നിച്ച് ഉറക്കെ വിളിച്ചുപറഞ്ഞതിനാല്‍ കാര്യങ്ങള്‍ മനസ്സിലാക്കിയെടുക്കാന്‍ മാധ്യമപ്രവര്‍ത്തകര്‍ ബുദ്ധിമുട്ടി. വിധിപ്പകര്‍പ്പ് കൈയില്‍ കിട്ടാതിരുന്ന സാഹചര്യത്തില്‍ ഇവരുടെ വാക്കുകള്‍ക്ക് ചെവി കൊടുക്കുകയേ നിവൃത്തി ഉണ്ടായിരുന്നുള്ളൂ. അയോധ്യ വിധി റിപ്പോര്‍ട്ട് ചെയ്യാന്‍ രാജ്യത്തിന്റെ വിവിധ ഭാഗങ്ങളില്‍നിന്ന് അറുനൂറിലേറെ മാധ്യമപ്രവര്‍ത്തകര്‍ ലഖ്നൌവില്‍ എത്തിയിരുന്നു. ടെലിവിഷന്‍ ചാനലുകളുടെ നാല്‍പ്പതോളം ഒബി വാനുകളാണ് കോടതി പരിസരത്ത് നിര്‍ത്തിയിട്ടത്. കോടതിയിലേക്കുള്ള വഴിയില്‍ വന്‍ സുരക്ഷാസന്നാഹങ്ങളായിരുന്നു. ലഖ്നൌ കോടതിയിലെ ഇരുപത്തൊന്നാം നമ്പര്‍ മുറിയിലാണ് കേസിന് വിധി പറഞ്ഞത്. ഈ മുറിയിലേക്കുള്ള വഴിയില്‍ സുരക്ഷാഭടന്മാരുടെ നീണ്ട നിരയായിരുന്നു. കേസിലെ കക്ഷികളെയും അവരുടെ അഭിഭാഷകരെയും മാത്രമാണ് കോടതിയിലേക്ക് കടത്തിവിട്ടത്.
8189 പേജുള്ള വിധിന്യായം
ലഖ്നൌ: അയോധ്യക്കേസില്‍ അലഹബാദ് ഹൈക്കോടതിയുടെ ലഖ്നൌ ബെഞ്ച് പുറപ്പെടുവിച്ചത് 8189 പേജുള്ള വിധിന്യായം. മൂന്ന് ജഡ്ജിമാരും വെവ്വേറെ വിധികള്‍ എഴുതി. ജസ്റ്റിസ് അഗര്‍വാളാണ് ഏറ്റവും ദൈര്‍ഘ്യമുള്ള വിധി എഴുതിയത്-5238 പേജ്. ജസ്റ്റിസ് ശര്‍മ 2,666 പേജ് വരുന്ന വിധിയും ജസ്റ്റിസ് ഖാന്‍ 285 പേജുള്ള വിധിയും എഴുതി. നാടകീയ രംഗങ്ങള്‍ക്ക് മധ്യേ വൈകിട്ട് 4.30ന് തൊട്ടുമുമ്പാണ് വിധി പരസ്യപ്പെടുത്തിയത്.
ആദ്യമായി തര്‍ക്കമുന്നയിച്ചത് നിര്‍മോഹി അക്കാഡ
ന്യൂഡല്‍ഹി: അയോധ്യയില്‍ ബാബറി മസ്ജിദിന്റെ ഭൂമിയില്‍ ആദ്യമായി തര്‍ക്കമുന്നയിച്ചത് സന്യാസിസംഘമായ നിര്‍മോഹി അക്കാഡ. അയോധ്യയിലെ വൈഷ്ണവസമൂഹത്തെ പ്രതിനിധാനംചെയ്യുന്ന സന്യാസിസംഘമാണ് നിര്‍മോഹി അക്കാഡ. ശ്രീരാമക്ഷേത്രം തകര്‍ത്താണ് മസ്ജിദ് സ്ഥാപിച്ചതെന്ന് ആദ്യം ആരോപിച്ചത് ഈ സന്യാസിസംഘമാണ്. ഇതിന്റെ പേരില്‍ 1853ല്‍ അയോധ്യയില്‍ കലാപമുണ്ടാക്കി. അയോധ്യയില്‍ ഹനുമാന്‍ഗഢ് ക്ഷേത്രത്തിന് എതിര്‍വശത്താണ് നിര്‍മോഹി അക്കാഡയുടെ ആസ്ഥാനം. ജഗന്നാഥ് ആസാദാണ് സന്യാസിസംഘത്തിന്റെ തലവന്‍. 1959ല്‍ ബാബറി മസ്ജിദ് പ്രദേശത്തിന്റെ റിസീവര്‍ ഭരണം അവസാനിപ്പിക്കണമെന്ന് ആവശ്യപ്പെട്ടാണ് നിര്‍മോഹി അക്കാഡ കോടതിയിലെത്തിയത്. കോടതിവിധിയിലൂടെ അവര്‍ക്ക് മൂന്നിലൊന്ന് ഭൂമി ലഭിക്കുകയും ചെയ്തു.
deshabhimani 01102010
ലഖ്നൌ: ബാബറി മസ്ജിദ് നിലനിന്ന സ്ഥലം ഉള്‍പ്പെടെയുള്ള അയോധ്യയിലെ 2.7 ഏക്കര്‍ ഭൂമി മൂന്ന് കക്ഷികള്‍ക്ക് തുല്യമായിവീതിച്ച് നല്‍കാന്‍ അലഹബാദ് ഹൈക്കോടതിയുടെ ലഖ്നൌ ബെഞ്ച് വിധിച്ചു. 60 വര്‍ഷം പഴക്കമുള്ള കേസില്‍ മൂന്നംഗ ബെഞ്ചിലെ ഒരു ജഡ്ജി വ്യത്യസ്ത വിധി പുറപ്പെടുവിച്ചു. 1949ല്‍ സ്ഥാപിച്ച രാമവിഗ്രഹം ഇരിക്കുന്ന സ്ഥലം ഹിന്ദുമഹാസഭയ്ക്കും 'രാം ഛബൂത്രയും' 'സീത രസോയിയും' സ്ഥിതിചെയ്യുന്ന സ്ഥലം സന്യാസി സംഘടനയായ നിര്‍മോഹി അകാഡയ്ക്കും ബാക്കി സ്ഥലം സുന്നി വഖഫ് ബോര്‍ഡിനും നല്‍കാന്‍ ജസ്റ്റിസുമാരായ എസ് യു ഖാനും സുധീര്‍ അഗര്‍വാളും ഉത്തരവായി. പ്രദേശത്ത് മൂന്ന് മാസത്തേക്ക് നിലവിലുള്ള സ്ഥിതി തുടരാനും ഭൂരിപക്ഷ വിധിയില്‍ നിര്‍ദേശിച്ചു. എന്നാല്‍, കേസിന് ആസ്പദമായ സ്ഥലം രാമന്റെ ജന്മഭൂമിയാണെന്നും ഇസ്ളാംമത തത്വങ്ങള്‍ക്ക് വിരുദ്ധമായാണ് ഇവിടെ മസ്ജിദ് സ്ഥാപിച്ചതെന്നും ഇതിനെ ആരാധനാലയമായി പരിഗണിക്കാന്‍ കഴിയില്ലെന്നും ബെഞ്ചിലെ മറ്റൊരു ജഡ്ജിയായ ജസ്റിസ് ഡി വി ശര്‍മയുടെ വിധിയില്‍ പറഞ്ഞു. മൂന്ന് ജഡ്ജിമാര്‍ ചേര്‍ന്ന് 8189 പേജ് വരുന്ന വിധിന്യായമാണ് പുറപ്പെടുവിച്ചത്. കോടതി നിയമിച്ച റിസീവര്‍ ശിവശങ്കര്‍ ലാല്‍ തയ്യാറാക്കിയ സ്കെച്ചിന്റെ അടിസ്ഥാനത്തിലാണ് മൂന്ന് ഭാഗമായി സ്ഥലം വിഭജിക്കേണ്ടതെന്ന് ജസ്റ്റിസുമാരായ ഖാനും അഗര്‍വാളും വ്യക്തമാക്കി. മസ്ജിദിന്റെ പ്രധാന താഴികക്കുടം നിലനിന്നിരുന്നതിന്റെ താഴെയാണ് രാമന്റെ ജന്മസ്ഥലമെന്നാണ് ഹിന്ദുക്കളുടെ വിശ്വാസം- വിധിയില്‍ നിരീക്ഷിച്ചു. മൂന്ന് തുല്യഭാഗമായാണ് 2.7 ഏക്കര്‍ സ്ഥലം വീതിക്കേണ്ടതെങ്കിലും പ്രായോഗികസൌകര്യം മുന്‍നിര്‍ത്തി ചെറിയ തോതില്‍ ഏറ്റക്കുറച്ചിലുകള്‍ വരുത്താം. എന്നാല്‍, ഇത് മറ്റൊരു കക്ഷിയെ ബാധിക്കാത്ത വിധത്തില്‍ തൊട്ടടുത്ത പ്രദേശത്തുനിന്ന് സര്‍ക്കാര്‍ സ്ഥലം ഏറ്റെടുത്തു നല്‍കി പരിഹരിക്കണം. വിഭജനം സംബന്ധിച്ച നിര്‍ദേശങ്ങള്‍ സമര്‍പ്പിക്കാന്‍ ബന്ധപ്പെട്ട കക്ഷികള്‍ക്ക് മൂന്നു മാസം സമയം നല്‍കിയിട്ടുണ്ട്. വിധിയിന്മേല്‍ അപ്പീല്‍ നല്‍കാനും മൂന്ന് മാസത്തെ സമയം അനുവദിച്ചു. വിഭജനം സംബന്ധിച്ച അന്തിമവിധി മൂന്നുമാസത്തിനുശേഷം സുപ്രീംകോടതി ചീഫ്ജസ്റിസുമായി കൂടിയാലോചിച്ച് പ്രഖ്യാപിക്കും.
ബാബറുടെ ഉത്തരവ് പ്രകാരമാണ് മസ്ജിദ് നിര്‍മിച്ചതെന്ന് ജസ്റിസ് ഖാന്‍ വിധിയില്‍ നിരീക്ഷിച്ചു. എന്നാല്‍, ഈ സ്ഥലം ബാബറുടെ ഉടമസ്ഥതയില്‍ ഉള്ളതായിരുന്നു എന്നതിന് തെളിവില്ല. മസ്ജിദ് പണിയാനായി ക്ഷേത്രം തകര്‍ത്തിട്ടില്ല. ദീര്‍ഘകാലമായി ജീര്‍ണാവസ്ഥയിലായിരുന്ന ക്ഷേത്രം സ്ഥിതിചെയ്തിരുന്ന സ്ഥലത്താണ് മസ്ജിദ് നിര്‍മിച്ചതെന്ന് വിധിയില്‍ പറയുന്നു. മസ്ജിദ് നിര്‍മിച്ച് കുറെക്കാലം കഴിഞ്ഞശേഷമാണ് രാമന്റെ ജന്മസ്ഥലം ഇവിടെയാണെന്ന് ഹിന്ദുക്കള്‍ കരുതാന്‍ തുടങ്ങിയത്. 1885നു മുമ്പേ രാം ഛബൂത്രയും സീത രസോയിലും പ്രദേശത്ത് നിലനിന്നിരുന്നു. ഹിന്ദുക്കള്‍ ഇവിടെ ആരാധനയും നടത്തിവന്നു. വളരെ അസാധാരണമായ അവസ്ഥയായിരുന്നു അത്. ഒരു ഭാഗത്ത് മുസ്ളിങ്ങള്‍ നമസും മറുഭാഗത്ത് ഹിന്ദുക്കള്‍ പ്രാര്‍ഥനയും നടത്തി. ഭൂമിയില്‍ വിഭജനമൊന്നും ഇല്ലായിരുന്നു. ഇതിന്റെ അടിസ്ഥാനത്തില്‍ ഹിന്ദുക്കളും മുസ്ളിങ്ങളും സംയുക്തമായി കൈവശം വച്ചിരുന്ന ഭൂമിയായിരുന്നു ഇതെന്ന് വ്യക്തമാകുന്നു. എന്നാല്‍, ഇരുകൂട്ടര്‍ക്കും ഭൂമിയുടെ കൈവശാവകാശം തെളിയിക്കുന്ന രേഖ ഹാജരാക്കാന്‍ കഴിഞ്ഞില്ല. തെളിവ് നിയമപ്രകാരം സംയുക്താവകാശമുള്ള ഭൂമിയായി മാത്രമേ ഇതിനെ കാണാന്‍ കഴിയൂ- ജസ്റിസ് ഖാന്‍ പറഞ്ഞു.
രാമവിഗ്രഹം ആദ്യമായി ഇവിടെ സ്ഥാപിച്ചത് 1949 ഡിസംബര്‍ 23നു പുലര്‍ച്ചെയാണെന്നും ജസ്റ്റിസ് ഖാന്‍ ചൂണ്ടിക്കാട്ടി. ഇതിനു കുറച്ചുകാലം മുമ്പു മുതലാണ് മസ്ജിദിന്റെ പ്രധാന താഴികക്കുടത്തിന് താഴെയാണ് രാമന്റെ ജന്മസ്ഥലമെന്ന് ഹിന്ദുക്കള്‍ കരുതാനും വിശ്വസിക്കാനും തുടങ്ങിയതെന്നും വിധിയില്‍ പറഞ്ഞു. അതേസമയം, പഴയ മന്ദിരം തകര്‍ത്തശേഷമാണ് മസ്ജിദ് നിര്‍മിച്ചതെന്ന് ജസ്റിസ് ശര്‍മ നിരീക്ഷിച്ചു. ആര്‍ക്കിയോളജിക്കല്‍ സര്‍വേ ഓഫ് ഇന്ത്യയുടെ പര്യവേക്ഷണം ഇത് വ്യക്തമാക്കുന്നതായി അദ്ദേഹം അഭിപ്രായപ്പെട്ടു. എന്നാല്‍, 1949ലാണ് ഇവിടെ രാമവിഗ്രഹം സ്ഥാപിച്ചതെന്നതിന് തെളിവുണ്ടെന്ന നിഗമനത്തോട് അദ്ദേഹം യോജിച്ചു.
പരിഹാരം ഇനിയും അകലെ
ന്യൂഡല്‍ഹി: ആറു പതിറ്റാണ്ട് നീണ്ട നിയമവ്യവഹാരത്തിനൊടുവില്‍ അയോധ്യ കേസില്‍ അലഹബാദ് ഹൈക്കോടതിയുടെ ലഖ്നൌ ബെഞ്ച് വിധി പുറപ്പെടുവിച്ചെങ്കിലും തര്‍ക്കപരിഹാരം ഇനിയും നീളും. വിധിക്കെതിരെ മേല്‍ക്കോടതിയെ സമീപിക്കാന്‍ മൂന്നുമാസത്തെ സമയം അനുവദിച്ച ഹൈക്കോടതി അതുവരെ അയോധ്യയില്‍ തല്‍സ്ഥിതി തുടരണമെന്ന് നിര്‍ദേശിച്ചിട്ടുണ്ട്. അപ്പീല്‍ സുപ്രീംകോടതിയുടെ പരിഗണനയില്‍ എത്തുന്നതോടെ കേസില്‍ വീണ്ടും വാദം കേള്‍ക്കാന്‍ പുതിയ ബെഞ്ച് രൂപീകരിക്കും. കക്ഷികളുടെ വാദം കേള്‍ക്കലും തെളിവുകളുടെ പരിശോധനയും വീണ്ടും തുടരുന്നതോടെ അന്തിമവിധിക്കായി വീണ്ടും വര്‍ഷങ്ങള്‍ കാത്തിരിക്കേണ്ടി വരും. വിധിക്കെതിരെ അപ്പീല്‍ പോകുമെന്ന് ഇരുഭാഗത്തെയും കക്ഷികള്‍ വ്യക്തമാക്കിയിട്ടുണ്ട്. ഭൂമി വീതിച്ചുനല്‍കാനുള്ള അലഹബാദ് ഹൈക്കോടതിയുടെ വിധിക്കെതിരെ സുപ്രീംകോടതിയില്‍ അപ്പീല്‍ നല്‍കുമെന്ന് സുന്നി വഖഫ് ബോര്‍ഡ് വ്യക്തമാക്കി. സുന്നി വഖഫ് ബോര്‍ഡിന് മൂന്നിലൊന്ന് ഭൂമി നല്‍കിയതിനെ സുപ്രീംകോടതിയില്‍ ചോദ്യംചെയ്യുമെന്ന് രാമജന്മഭൂമി ട്രസ്റും പ്രഖ്യാപിച്ചു. അയോധ്യയിലെ തര്‍ക്കസ്ഥലം മൂന്ന് കക്ഷികള്‍ക്കായി വീതിക്കാനുള്ള ഉത്തരവിനെ പരമോന്നത കോടതിയില്‍ ചോദ്യംചെയ്യുമെന്ന് വഖഫ് ബോര്‍ഡിന്റെ അഭിഭാഷകന്‍ സഫര്യാബ് ഗീലാനി മാധ്യമപ്രവര്‍ത്തകരെ അറിയിച്ചു. ഭൂമിയുടെ മൂന്നിലൊന്ന് അനുവദിച്ച ഹൈക്കോടതി വിധി വഖഫ് ബോര്‍ഡിന് സ്വീകാര്യമല്ലെന്നും ഭൂമി വിട്ടുനല്‍കാന്‍ തയ്യാറല്ലെന്നും അദ്ദേഹം കൂട്ടിച്ചേര്‍ത്തു. ചര്‍ച്ചകളിലൂടെ പ്രശ്നം പരിഹരിക്കാനുള്ള നിര്‍ദേശമുയര്‍ന്നാല്‍ സുന്നി വഖഫ് ബോര്‍ഡ് തുറന്ന മനസ്സോടെ സമീപിക്കുമെന്നും ഗീലാനി പറഞ്ഞു.
അതേസമയം, ഹൈക്കോടതിയുടെ വിധിയെ സംഘപരിവാര്‍ പൊതുവില്‍ സ്വാഗതം ചെയ്തെങ്കിലും സുന്നി വഖഫ് ബോര്‍ഡിന് മൂന്നിലൊന്ന് ഭൂമി നല്‍കണമെന്ന വിധിയെ തങ്ങളുടെ കൂടെ നില്‍ക്കുന്ന സംഘടനകള്‍ വഴി സുപ്രീംകോടതിയില്‍ ചോദ്യംചെയ്യാനാണ് നീക്കം. മൂന്നിലൊന്ന് ഭൂമി സുന്നി വഖഫ് ബോര്‍ഡിന് നല്‍കിയത് എന്തിനാണെന്ന് മനസിലാകുന്നില്ലെന്നും ഇതിനെതിരെ സുപ്രീംകോടതിയെ സമീപിക്കുമെന്നും രാമജന്മഭൂമി ട്രസ്റ് ചെയര്‍മാന്‍ നൃത്യഗോപാല്‍ദാസ് പറഞ്ഞു. വിധി ആരുടെയും വിജയമോ പരാജയമോ അല്ലെന്ന് ആര്‍എസ്എസ് മേധാവി മോഹന്‍ ഭഗവത് പ്രതികരിച്ചു. ഹിന്ദുക്കളുടെ വിശ്വാസം കോടതിവിധി മാനിക്കുന്നുവെന്നും രാമക്ഷേത്രനിര്‍മാണത്തിന് വിധി വഴിയൊരുക്കുമെന്നും വിഎച്ച്പി അന്താരാഷ്ട്ര ജനറല്‍ സെക്രട്ടറി പ്രവീ തൊഗാഡിയ പറഞ്ഞു.
വിധി ദൌര്‍ഭാഗ്യകരം: ഇര്‍ഫാന്‍ ഹബീബ്
ന്യൂഡല്‍ഹി: അയോധ്യ കേസില്‍ അലഹബാദ് ഹൈക്കോടതിയുടെ വിധി ദൌര്‍ഭാഗ്യകരവും അസ്വസ്ഥത സൃഷ്ടിക്കുന്നതുമാണെന്ന് പ്രശസ്ത ചരിത്രകാരന്‍ ഇര്‍ഫാന്‍ ഹബീബ് പറഞ്ഞു. ചരിത്രപരമായ വസ്തുതകള്‍ പരിഗണിച്ചല്ല കോടതിയുടെ പല നിഗമനങ്ങളുമെന്ന് അദ്ദേഹം 'ദേശാഭിമാനി'യോട് പറഞ്ഞു. പുരാവസ്തു ശാസ്ത്രജ്ഞരും ചരിത്രകാരന്മാരും ശക്തമായി വിമര്‍ശിച്ച ഉത്ഖനന റിപ്പോര്‍ട്ട് അടിസ്ഥാനമാക്കിയാണ് കോടതിയുടെ നിഗമനങ്ങള്‍. ക്ഷേത്രം തകര്‍ത്താണ് ബാബര്‍ പള്ളി പണിതതെന്ന് കോടതി പറയുമ്പോള്‍ അതിനുള്ള ചരിത്രപരമായ തെളിവെന്താണ്? മസ്ജിദ് നിയമവിരുദ്ധമായാണ് നിര്‍മിച്ചതെന്ന് പറയുന്ന കോടതി 1949ല്‍ ബലപ്രയോഗത്തിലൂടെ രാമവിഗ്രഹം സ്ഥാപിച്ചത് നിയമവിരുദ്ധമാണെന്ന് പറയുന്നില്ല. മാത്രമല്ല, 1949ലെ നടപടിക്കും 1992ല്‍ ബാബ്റി മസ്ജിദ് തകര്‍ത്ത നടപടിക്കും നിയമസാധുത നല്‍കുകയും ചെയ്തു. സുന്നി വഖഫ് ബോര്‍ഡിന് നല്‍കാന്‍ തീരുമാനിച്ച സ്ഥലം ആവശ്യമെങ്കില്‍ മാറ്റിനല്‍കാമെന്നുള്ള പരാമര്‍ശവും സംശയമുണര്‍ത്തുന്നു. സുപ്രിംകോടതി തല്‍സ്ഥിതി തുടരാന്‍ ആവശ്യപ്പെട്ട, കേന്ദ്ര സര്‍ക്കാര്‍ ഏറ്റെടുത്ത 67 ഏക്കര്‍ ഭൂമിയില്‍ മാറ്റി നല്‍കാമെന്ന സൂചനയാണ് ഈ പരാമര്‍ശം നല്‍കുന്നത്. സുപ്രീം കോടതിയുടെ തീരുമാനത്തെ ഹൈക്കോടതിക്ക് എങ്ങനെ മറികടക്കാനാകും- ഹബീബ് ചോദിച്ചു.
മധ്യസ്ഥസ്വഭാവമുള്ള വിധി - ഡോ.കെ എന്‍ പണിക്കര്‍
അയോധ്യകേസിലെ അലഹബാദ് ഹൈക്കോടതി വിധി ഒരര്‍ഥത്തില്‍ മധ്യസ്ഥസ്വഭാവമുള്ളതാണ്. നിയമത്തിന്റെ ദൃഷ്ടിയിലൂടെയുള്ള വിധിന്യായം എന്നതിലപ്പുറം കേസിലെ വിവിധ കക്ഷികളുടെ ഒത്തുതീര്‍പ്പ് എങ്ങനെ ഉണ്ടാക്കാമെന്നതാണ് വിധിയുടെ സ്വഭാവം. വാസ്തവത്തില്‍ ഇത് ഭരണകൂടത്തിന്റെ കര്‍ത്തവ്യമാണ്. അതാണ് കോടതി ഏറ്റെടുത്തിരിക്കുന്നത്. വിധിയുടെ പൂര്‍ണരൂപം ലഭിച്ചാലേ വിധിയെക്കുറിച്ച് വ്യക്തമായി പ്രതികരിക്കാനാകൂ. പ്രധാനമായും മൂന്നു വിഷയമാണ് കോടതിക്കു മുമ്പില്‍ വന്നത്. രാമന്റെ ജന്മസ്ഥലം ഏത്, പള്ളിയുടെ നിര്‍മാണവും തകര്‍ക്കലും, 1949ല്‍ രാമന്റെ വിഗ്രഹം പള്ളിയില്‍ എങ്ങനെ എത്തി എന്നിവയാണ് അക്കാര്യങ്ങള്‍. ഇതില്‍ രാമന്റെ വിഗ്രഹം പള്ളിയില്‍ എത്തിയത് ബലപ്രയോഗത്തിലൂടെയാണെന്ന് അക്കാലത്തെ പ്രധാനമന്ത്രിയും ആഭ്യന്തരമന്ത്രിയും നേരത്തെതന്നെ വ്യക്തമാക്കിയിരുന്നതിനാല്‍ ആ വിഷയത്തില്‍ തര്‍ക്കമുണ്ടാകാനിടയില്ല. എന്നാല്‍, രാമന്റെ ജന്മസ്ഥലം കൃത്യമായി എവിടെയാണെന്ന് നിലവിലുള്ള ചരിത്ര, പുരാവസ്തു പഠനങ്ങളില്‍നിന്ന് വ്യക്തമായ തെളിവുകള്‍ ലഭിച്ചിട്ടില്ല. രാമന്റെ ജന്മസ്ഥലം പള്ളിക്കുള്ളിലാണെന്ന വിധി അത്യന്തം സങ്കീര്‍ണമാണ്. ചരിത്രകാരന്മാര്‍ക്ക് ഈ വിധി അത്ഭുതകരമാണ്. കാരണം, രാമന്‍ എവിടെ ജനിച്ചു എന്നതിന് ഒരു തെളിവും ഇതുവരെ കണ്ടെത്തിയിട്ടില്ല. രാഷ്ട്രീയമായി വളരെ മുമ്പുതന്നെ കൈക്കൊള്ളേണ്ടിയിരുന്ന തീരുമാനം കോടതി ഇപ്പോള്‍ സരസമായി കൈക്കൊണ്ടു എന്നുവേണം പറയാന്‍. ഇതുമായി ബന്ധപ്പെട്ട കേസ് ഒരുപക്ഷേ ഇനിയും നീണ്ടുപോയേക്കാം. എന്തായാലും ജനങ്ങള്‍ ഈ വിധിയോട് നിയമാനുസൃതമല്ലാതെ പ്രതികരിക്കരുത്. ആ രീതിയില്‍ പ്രതികരിച്ചാല്‍, നൂറുകണക്കിന് ആരാധനാലയങ്ങളുടെ അവകാശത്തര്‍ക്കം നിലനില്‍ക്കുന്ന നമ്മുടെ രാജ്യം ശ്മശാനമാകും.
മുള്‍മുനയില്‍നിന്ന് സഹിഷ്ണുതയിലേക്ക്
ന്യൂഡല്‍ഹി: ആകാംക്ഷയുടെ മുള്‍മുനയില്‍നിന്നാണ് ആറു പതിറ്റാണ്ട് നീണ്ട അയോധ്യ കേസിന്റെ വിധി രാജ്യം കേട്ടത്. നൂറുകോടി ജനതയുടെ ഹൃദയത്തില്‍ ഉണങ്ങാത്ത മുറിവുകള്‍ കോറിയ കലാപങ്ങളുടെയും വേട്ടകളുടെയും ഓര്‍മകള്‍ ഓരോ മനസ്സിലും ആശങ്ക പടര്‍ത്തിയിരുന്നു. എന്നാല്‍, 1992ല്‍നിന്ന് 2010ലേക്കുള്ള 18 സംവത്സരങ്ങള്‍ ഇന്ത്യയുടെ മതനിരപേക്ഷതയെ എത്രമാത്രം ശക്തിപ്പെടുത്തിയെന്ന് വ്യാഴാഴ്ചത്തെ സായാഹ്നം തെളിയിച്ചു. വിധിയില്‍ ആഹ്ളാദിച്ചവരും അതൃപ്തരായവരും ഏറെയായിട്ടും മഹാരാജ്യത്തിന്റെ ഒരു കോണിലും അസഹിഷ്ണുതയുടെ ശബ്ദമുയര്‍ന്നില്ല. അതിരറ്റ സന്തോഷപ്രകടനങ്ങളുടെ വേലിയേറ്റമുണ്ടായില്ല. തികഞ്ഞ സമചിത്തതയോടെ, വിവേകത്തോടെ പൊതുസമൂഹവും സംഘടനകളും വിധി കേട്ടു. സംശയദൃഷ്ടിയോടെ ക്യാമറകളൊരുക്കിയ വിദേശമാധ്യമങ്ങള്‍ക്ക് ഇന്ത്യയുടെ മതനിരപേക്ഷ മറുപടി.
വ്യാഴാഴ്ച വൈകിട്ട് മൂന്നരയോടെ വിധി ഉണ്ടാകുമെന്നറിഞ്ഞ് ടിവി ചാനലുകള്‍ക്കും വെബ്സൈറ്റുകള്‍ക്കും മുന്നില്‍ ജനലക്ഷങ്ങള്‍ കാത്തിരുന്നു. ഹൈക്കോടതിയുടെ ലഖ്നൌ ബെഞ്ച് അതീവ സുരക്ഷയിലാണ് വിധി പറയാന്‍ ചേര്‍ന്നത്. കക്ഷികളെയും അവരുടെ അഭിഭാഷകരെയും മാത്രമേ കോടതിവളപ്പിലേക്ക് പ്രവേശിപ്പിച്ചുള്ളൂ. മൊബൈല്‍ഫോണുകള്‍പോലും അനുവദിക്കാതിരുന്നതിനാല്‍ കോടതിക്കുള്ളില്‍ എന്തു നടക്കുന്നുവെന്ന് ആര്‍ക്കും അറിയില്ലായിരുന്നു. കലക്ടറേറ്റിലെ പ്രത്യേക പന്തലില്‍ തിങ്ങിക്കൂടിയ മാധ്യമപ്രവര്‍ത്തകര്‍ക്കിടയിലേക്ക് വൈകിട്ട് നാലരയോടെ വിധിപ്പകര്‍പ്പുമായി അഭിഭാഷകര്‍ എത്തിയപ്പോള്‍ തിക്കുംതിരക്കുമായി. ഇരുപക്ഷത്തേയും അഭിഭാഷകര്‍ തങ്ങളുടെ വിജയമെന്നമട്ടില്‍ കാര്യം അവതരിപ്പിച്ചത് ഒച്ചപ്പാടിന് ഇടയാക്കി. വിധിയെ സംബന്ധിച്ച അവ്യക്തത നീങ്ങാന്‍ ഏറെ നേരം വേണ്ടിവന്നു. ഹിന്ദുമഹാസഭയ്ക്കുവേണ്ടി കോടതിയില്‍ ഹാജരായ ബിജെപി നേതാവ് രവിശങ്കര്‍പ്രസാദാണ് അയോധ്യഭൂമിയെ മൂന്നായി വിഭജിക്കാന്‍ കോടതി നിര്‍ദേശിച്ചെന്ന് ആദ്യമായി ടെലിവിഷന്‍ ക്യാമറകള്‍ക്കുമുന്നില്‍ വിളിച്ചുപറഞ്ഞത്.
ലഖ്നൌവിലെ സംഭവവികാസങ്ങള്‍ വീക്ഷിച്ചിരുന്ന ഡല്‍ഹിയിലും വിധിയുടെ ആദ്യവിവരങ്ങള്‍ പുറത്തുവന്നതോടെ രാഷ്ട്രീയകക്ഷികള്‍ യോഗങ്ങള്‍ ആരംഭിച്ചു. വിധിയെ സ്വാഗതംചെയ്തുകൊണ്ട് ആര്‍എസ്എസ് മേധാവി മോഹന്‍ ഭഗവത് മാധ്യമങ്ങള്‍ക്കുമുന്നില്‍ പ്രത്യക്ഷപ്പെട്ടു. തൊട്ടുപിന്നാലെ വാര്‍ത്താസമ്മേളനം നടത്തിയ എഐസിസി ജനറല്‍ സെക്രട്ടറി ജനാര്‍ദന്‍ ദ്വിവേദിയും വിധിയെ എല്ലാവരും മാനിക്കണമെന്ന് ആവശ്യപ്പെട്ടു. ബിജെപിയുടെ ദേശീയ നേതാക്കള്‍ എല്‍ കെ അദ്വാനിയുടെ വസതിയില്‍ യോഗം ചേര്‍ന്ന് ഏതുതരത്തിലുള്ള പ്രതികരണം വേണമെന്ന് ചര്‍ച്ചചെയ്തു. മുതിര്‍ന്ന അഭിഭാഷകന്‍കൂടിയായ അരു ജെയ്റ്റ്ലിയാണ് യോഗത്തില്‍ വിധിയുടെ വിശദാംശം അവതരിപ്പിച്ചത്. യോഗം തയ്യാറാക്കിയ പ്രസ്താവന മാധ്യമങ്ങള്‍ക്കുമുന്നില്‍ വായിക്കാന്‍, അയോധ്യയെ സംഘര്‍ഷഭൂമിയാക്കാന്‍ നേതൃത്വം നല്‍കിയ അദ്വാനിയെത്തന്നെ നിയോഗിച്ചു. കോഗ്രസിന്റെ കോര്‍ഗ്രൂപ്പ് യോഗവും ചേര്‍ന്നു. വിധിയുടെ പശ്ചാത്തലത്തില്‍ രാജ്യത്താകെ വന്‍ സുരക്ഷാ സന്നാഹം ഒരുക്കിയിരുന്നെങ്കിലും ഒരിടത്തും അനിഷ്ടസംഭവങ്ങള്‍ റിപ്പോര്‍ട്ടുചെയ്തില്ല. എന്നാല്‍, പ്രശ്നസാധ്യത റിപ്പോര്‍ട്ടുചെയ്യപ്പെട്ട പല മേഖലയിലും ഹര്‍ത്താലിന്റെ പ്രതീതിയായിരുന്നു. ഉത്തര്‍പ്രദേശ്, രാജസ്ഥാന്‍, ബിഹാര്‍, ഗുജറാത്ത്, മഹാരാഷ്ട്ര തുടങ്ങിയ സംസ്ഥാനങ്ങളില്‍ പലയിടത്തും കടകമ്പോളങ്ങള്‍ അടഞ്ഞുകിടന്നു. പൊലീസും രഹസ്യാന്വേഷണ ഏജന്‍സികളും ഈ മേഖലകളിലെല്ലാം അതീവ ജാഗ്രത പുലര്‍ത്തി. രാജ്യത്തെ വിമാനത്താവളങ്ങളിലും പ്രധാന റെയില്‍വേ സ്റേഷനുകളിലുമെല്ലാം സുരക്ഷയ്ക്ക് പ്രത്യേക സംവിധാനം ഒരുക്കിയിരുന്നു.
അഭിഭാഷകര്‍ ആശയക്കുഴപ്പം സൃഷ്ടിച്ചു
ലഖ്നൌ: അയോധ്യ കേസില്‍ വിധി പ്രസ്താവിച്ചതിന് തൊട്ടുപിന്നാലെ വ്യത്യസ്ത അഭിപ്രായപ്രകടനങ്ങള്‍ നടത്തിയ വിവിധ കക്ഷികളുടെ അഭിഭാഷകര്‍ ആശയക്കുഴപ്പം സൃഷ്ടിച്ചു. വിധിക്കു തൊട്ടുപിന്നാലെ, ലഖ്നൌ കോടതിക്കടുത്ത് പ്രത്യേകം തയ്യാറാക്കിയ മീഡിയാ റൂമിലെത്തിയ ഇരുപതോളം അഭിഭാഷകരാണ് ആശയക്കുഴപ്പത്തിന് കാരണക്കാരായത്. ഓരോരുത്തരും അവരവരുടെ താല്‍പര്യമനുസരിച്ച് വിധി വ്യാഖ്യാനിച്ചു. ഇരുപക്ഷത്തെ അഭിഭാഷകരും വിജയചിഹ്നം കാണിക്കുന്നുണ്ടായിരുന്നു. ഇവരെല്ലാം ഒന്നിച്ച് ഉറക്കെ വിളിച്ചുപറഞ്ഞതിനാല്‍ കാര്യങ്ങള്‍ മനസ്സിലാക്കിയെടുക്കാന്‍ മാധ്യമപ്രവര്‍ത്തകര്‍ ബുദ്ധിമുട്ടി. വിധിപ്പകര്‍പ്പ് കൈയില്‍ കിട്ടാതിരുന്ന സാഹചര്യത്തില്‍ ഇവരുടെ വാക്കുകള്‍ക്ക് ചെവി കൊടുക്കുകയേ നിവൃത്തി ഉണ്ടായിരുന്നുള്ളൂ. അയോധ്യ വിധി റിപ്പോര്‍ട്ട് ചെയ്യാന്‍ രാജ്യത്തിന്റെ വിവിധ ഭാഗങ്ങളില്‍നിന്ന് അറുനൂറിലേറെ മാധ്യമപ്രവര്‍ത്തകര്‍ ലഖ്നൌവില്‍ എത്തിയിരുന്നു. ടെലിവിഷന്‍ ചാനലുകളുടെ നാല്‍പ്പതോളം ഒബി വാനുകളാണ് കോടതി പരിസരത്ത് നിര്‍ത്തിയിട്ടത്. കോടതിയിലേക്കുള്ള വഴിയില്‍ വന്‍ സുരക്ഷാസന്നാഹങ്ങളായിരുന്നു. ലഖ്നൌ കോടതിയിലെ ഇരുപത്തൊന്നാം നമ്പര്‍ മുറിയിലാണ് കേസിന് വിധി പറഞ്ഞത്. ഈ മുറിയിലേക്കുള്ള വഴിയില്‍ സുരക്ഷാഭടന്മാരുടെ നീണ്ട നിരയായിരുന്നു. കേസിലെ കക്ഷികളെയും അവരുടെ അഭിഭാഷകരെയും മാത്രമാണ് കോടതിയിലേക്ക് കടത്തിവിട്ടത്.
8189 പേജുള്ള വിധിന്യായം
ലഖ്നൌ: അയോധ്യക്കേസില്‍ അലഹബാദ് ഹൈക്കോടതിയുടെ ലഖ്നൌ ബെഞ്ച് പുറപ്പെടുവിച്ചത് 8189 പേജുള്ള വിധിന്യായം. മൂന്ന് ജഡ്ജിമാരും വെവ്വേറെ വിധികള്‍ എഴുതി. ജസ്റ്റിസ് അഗര്‍വാളാണ് ഏറ്റവും ദൈര്‍ഘ്യമുള്ള വിധി എഴുതിയത്-5238 പേജ്. ജസ്റ്റിസ് ശര്‍മ 2,666 പേജ് വരുന്ന വിധിയും ജസ്റ്റിസ് ഖാന്‍ 285 പേജുള്ള വിധിയും എഴുതി. നാടകീയ രംഗങ്ങള്‍ക്ക് മധ്യേ വൈകിട്ട് 4.30ന് തൊട്ടുമുമ്പാണ് വിധി പരസ്യപ്പെടുത്തിയത്.
ആദ്യമായി തര്‍ക്കമുന്നയിച്ചത് നിര്‍മോഹി അക്കാഡ
ന്യൂഡല്‍ഹി: അയോധ്യയില്‍ ബാബറി മസ്ജിദിന്റെ ഭൂമിയില്‍ ആദ്യമായി തര്‍ക്കമുന്നയിച്ചത് സന്യാസിസംഘമായ നിര്‍മോഹി അക്കാഡ. അയോധ്യയിലെ വൈഷ്ണവസമൂഹത്തെ പ്രതിനിധാനംചെയ്യുന്ന സന്യാസിസംഘമാണ് നിര്‍മോഹി അക്കാഡ. ശ്രീരാമക്ഷേത്രം തകര്‍ത്താണ് മസ്ജിദ് സ്ഥാപിച്ചതെന്ന് ആദ്യം ആരോപിച്ചത് ഈ സന്യാസിസംഘമാണ്. ഇതിന്റെ പേരില്‍ 1853ല്‍ അയോധ്യയില്‍ കലാപമുണ്ടാക്കി. അയോധ്യയില്‍ ഹനുമാന്‍ഗഢ് ക്ഷേത്രത്തിന് എതിര്‍വശത്താണ് നിര്‍മോഹി അക്കാഡയുടെ ആസ്ഥാനം. ജഗന്നാഥ് ആസാദാണ് സന്യാസിസംഘത്തിന്റെ തലവന്‍. 1959ല്‍ ബാബറി മസ്ജിദ് പ്രദേശത്തിന്റെ റിസീവര്‍ ഭരണം അവസാനിപ്പിക്കണമെന്ന് ആവശ്യപ്പെട്ടാണ് നിര്‍മോഹി അക്കാഡ കോടതിയിലെത്തിയത്. കോടതിവിധിയിലൂടെ അവര്‍ക്ക് മൂന്നിലൊന്ന് ഭൂമി ലഭിക്കുകയും ചെയ്തു.
deshabhimani 01102010
നാടിനെ കട്ടുമുടിക്കാന്‍ പറ്റാത്തതില്‍ ചെന്നിത്തലയ്ക്ക് അമര്‍ഷം
"കെപിസിസി പ്രസിഡന്റ് രമേശ് ചെന്നിത്തല പ്രസിദ്ധീകരിക്കുന്നത്'' എന്നു പറഞ്ഞുകൊണ്ട് കഴിഞ്ഞ ജൂലൈയില്‍ അടിച്ചിറക്കിയ ഒരു നോട്ടീസില്‍ ഇങ്ങനെ പറയുന്നു: "കഴിഞ്ഞ നാലു വര്‍ഷമായി ഇടതുമുന്നണി സര്‍ക്കാര്‍ തദ്ദേശസ്വയംഭരണ സ്ഥാപനങ്ങളെ പൂര്‍ണമായി അവഗണിച്ചിരിക്കുകയായിരുന്നു. ഭൂരിഭാഗം തദ്ദേശ സ്വയംഭരണ സ്ഥാപനങ്ങളും മാര്‍ക്സിസ്റ്റ് മുന്നണിയുടെ ഭരണത്തിന്‍കീഴിലായതിനാല്‍ അവിടെയൊന്നും വികസനമോ ക്ഷേമ പ്രവര്‍ത്തനങ്ങളോ എത്തി നോക്കിയിരുന്നില്ല''.
എന്താണ് വസ്തുത? കേരളത്തിന്റെ ചരിത്രത്തില്‍ ആദ്യമായി 11-ാം പദ്ധതിയുടെ അടങ്കല്‍ തുകയിലധികം അഞ്ചുവര്‍ഷങ്ങളിലായി വകയിരുത്താന്‍ പോകയാണ്. 40,222 കോടി രൂപയാണ് 11-ാം പദ്ധതി അടങ്കല്‍. ആദ്യത്തെ നാലുവര്‍ഷങ്ങളിലായി 33600 കോടി രൂപയോളം വകയിരുത്തിക്കഴിഞ്ഞു. അടുത്ത വര്‍ഷം ഈ വര്‍ഷത്തിലെ അടങ്കല്‍ തുക തന്നെ ആവത്തിച്ചാലും, നിര്‍ദ്ദിഷ്ട അടങ്കലിനേക്കാള്‍ 3300 കോടിയിലധികമായിരിക്കും യഥാര്‍ത്ഥത്തില്‍ അഞ്ചുവര്‍ഷംകൊണ്ട് വകയിരുത്തുന്നത്. ഇത് യുഡിഎഫ് നടപ്പാക്കിയ 10-ാം പദ്ധതിയിലെ യഥാര്‍ത്ഥ അടങ്കലിന്റെ ഇരട്ടിയിലേറെയാണ്.
ക്ഷേമപ്രവര്‍ത്തനങ്ങളിലായാലും സേവനത്തുറകളിലായാലും മൂലധനച്ചെലവിലായാലും, മുമ്പൊരിക്കലും ഇല്ലാത്ത തോതില്‍ കഴിഞ്ഞ നാലുവര്‍ഷമായി വികസന ഫണ്ട് വകയിരുത്തുകയും ചെലവഴിക്കുകയുമാണ്. ഇത് കേരളത്തിലെ ജനങ്ങള്‍ക്കെല്ലാം ബോധ്യമാണ്. കോണ്‍ഗ്രസ്സ് എംഎല്‍എമാര്‍ക്കുപോലും നിഷേധിക്കാനാവില്ല, അവരുടെ നിയോജകമണ്ഡലങ്ങളില്‍ ഇത്രയധികം തുക മുമ്പൊരിക്കലും ചെലവഴിച്ചിട്ടില്ല എന്ന്.
രമേശ് ചെന്നിത്തലയുടെ നോട്ടീസില്‍ പറയുന്നത് തദ്ദേശ സ്വയംഭരണ സ്ഥാപനങ്ങള്‍ എന്നാണ്. വാസ്തവത്തില്‍ ഇന്നവ തദ്ദേശ ഗവണ്‍മെന്റുകളാണ്. കാരണം അവയ്ക്കെല്ലാം സ്വന്തം വരുമാനമുണ്ട്. സംസ്ഥാന സര്‍ക്കാര്‍ സംസ്ഥാന ധനകമ്മീഷന്റെ ശുപാര്‍ശ പ്രകാരം ഓരോ വര്‍ഷവും വികസന ഫണ്ട് അവയ്ക്കു നല്‍കുന്നുണ്ട്. യുഡിഎഫ് ഗവണ്‍മെന്റ് നിയമിച്ച മൂന്നാം ധനകമ്മീഷന്‍ ശുപാര്‍ശ ചെയ്തത് ഓരോ വര്‍ഷവും 10 ശതമാനം വര്‍ധന വരുത്താനാണ്. സംസ്ഥാന വാര്‍ഷിക അടങ്കലിന്റെ വിഹിതമായിട്ടല്ല അത് നിശ്ചയിച്ചത്. അതുകൊണ്ടാണ് സംസ്ഥാന പദ്ധതിയുടെ ശതമാനക്കണക്കില്‍ എടുക്കുമ്പോള്‍ തദ്ദേശ ഗവണ്‍മെന്റുകളുടെ വിഹിതം കുറയുന്നത്.
ഇതിനൊരു മറുവശമുണ്ട്. 11-ാം പദ്ധതി കാലത്ത് തദ്ദേശ ഗവണ്‍മെന്റുകള്‍ക്ക് നല്‍കപ്പെടുന്ന പദ്ധതിവിഹിതം 9ഉം 10ഉം പദ്ധതിക്കാലത്ത് നല്‍കിയതിനേക്കാള്‍ കൂടുതലാണ്. വസ്തുത ഇതായിരിക്കെ ആണ് ഇടതുമുന്നണി സര്‍ക്കാര്‍ തദ്ദേശ ഗവണ്‍മെന്റുകളെ പൂര്‍ണമായി അവഗണിച്ചിരിക്കയാണ് എന്ന രമേശ് ചെന്നിത്തലയുടെ മുറവിളി.
"ഭൂരിപക്ഷം ഭരണ സ്ഥാപനങ്ങളും മാര്‍ക്സിസ്റ്റ് മുന്നണിയുടെ ഭരണത്തിന് കീഴിലാണ്'' എന്ന് അദ്ദേഹം വിലപിക്കുന്നു. എന്തുകൊണ്ടാണ് കഴിഞ്ഞ തിരഞ്ഞെടുപ്പില്‍ ഭൂരിപക്ഷം സീറ്റിലും ഇടതുപക്ഷ ജനാധിപത്യമുന്നണി സ്ഥാനാര്‍ത്ഥികളെ ജനങ്ങള്‍ വിജയിപ്പിച്ചത്? യുഡിഎഫിനെയും അതിന്റെ സ്ഥാനാര്‍ത്ഥികളെയും ജനങ്ങള്‍ തള്ളിക്കളയാന്‍ കാരണമെന്ത്? അത്ര മോശമായിരുന്നു അതിനു മുമ്പുള്ള കാലം യുഡിഎഫിന്റെ തദ്ദേശ ഗവണ്‍മെന്റുകളിലെ പ്രകടനം. അതുപോലെയായിരുന്നു കഴിഞ്ഞ അഞ്ചു വര്‍ഷങ്ങളില്‍ എല്‍ഡിഎഫ് നയിക്കുന്ന തദ്ദേശ ഗവണ്‍മെന്റുകളിലെ ഭരണമെന്ന് ആരും പറയില്ല. തരിശിട്ട നിലങ്ങളില്‍ കൃഷി ഇറക്കുന്ന കാര്യത്തില്‍, നെല്ലും പച്ചക്കറിയും മറ്റും അവയിലും മറ്റ് ഭൂമിയിലും നല്ല നിലയില്‍ കൃഷി ചെയ്യുന്നതില്‍, പാലും ഇറച്ചിയും മറ്റും ഉല്‍പ്പാദിപ്പിക്കുന്നതില്‍ ഗണ്യമായ വര്‍ധന വരുത്തുന്ന കാര്യത്തില്‍, ഇവയ്ക്കെല്ലാം കര്‍ഷകര്‍ക്ക് മെച്ചപ്പെട്ട വില ലഭ്യമാക്കുന്നതില്‍, കാര്‍ഷികോല്‍പന്നങ്ങളുടെ സംസ്കരണം കാര്യമായി വിപുലീകരിക്കുന്നതില്‍ എല്ലാം എല്‍ഡിഎഫ് ഭരിക്കുന്ന തദ്ദേശ ഗവണ്‍മെന്റുകളില്‍ വലിയ മുന്നേറ്റമുണ്ടായി. 37 ലക്ഷം സ്ത്രീകള്‍ അംഗങ്ങളായ കുടുംബശ്രീ യൂണിറ്റുകള്‍ ഇവയിലെല്ലാം സജീവമായ പങ്ക് വഹിക്കുന്നു. ഗ്രീന്‍ കേരള എക്സ്പ്രസ് റിയാലിറ്റിഷോ ഈ യാഥാര്‍ത്ഥ്യം ആരുടെയും കണ്ണു തുറപ്പിക്കുന്ന വിധത്തില്‍ പരസ്യപ്പെടുത്തി. ഒപ്പം അതൊക്കെ എങ്ങനെ മെച്ചപ്പെടുത്താമെന്ന് അവര്‍ക്ക് നിര്‍ദ്ദേശവും കിട്ടി.
ഉല്‍പാദനമേഖലയില്‍ മാത്രമല്ല പുരോഗതി. വീടില്ലാത്തവര്‍ക്ക് വീട് നല്‍കുന്ന ഇ എം എസ് ഭവനപദ്ധതിയിന്‍കീഴില്‍ മൂന്നുലക്ഷത്തിലധികം വീട് പണി കഴിഞ്ഞ് കുടുംബങ്ങള്‍ പാര്‍പ്പ് തുടങ്ങി. ഒരുലക്ഷത്തില്‍പരം വീടുകളുടെ നിര്‍മാണം നടക്കുന്നു. കുറേപേര്‍ക്കു കൂടി വീടു കിട്ടാനുണ്ട്. അവരില്‍ അധികവും ഭൂമി ഇല്ലാത്തവരാണ്. അവര്‍ക്ക് ഭൂമിയും വീടും നല്‍കാനുള്ള യത്നം സര്‍ക്കാരും തദ്ദേശ ഗവണ്‍മെന്റുകളും കൂട്ടുചേര്‍ന്നു നടത്തുകയാണ്.
വിദ്യാഭ്യാസം, ആരോഗ്യരക്ഷ, അവശതകള്‍ അനുഭവിക്കുന്നവര്‍ക്കുള്ള ക്ഷേമ പ്രവര്‍ത്തനങ്ങള്‍ തുടങ്ങിയ സേവനമേഖലയില്‍ കഴിഞ്ഞ അഞ്ചുവര്‍ഷം അഭിനന്ദനാര്‍ഹമായ പ്രവര്‍ത്തനങ്ങളാണ് നടന്നത്. വിദ്യാഭ്യാസരംഗത്ത് തദ്ദേശ ഗവണ്‍മെന്റുകള്‍ ഇടപെടുന്നതിനെ മുന്‍വര്‍ഷങ്ങളില്‍ യുഡിഎഫ് ശക്തിയായി എതിര്‍ത്തിരുന്നു. പക്ഷേ, അവയുടെ പങ്കാളിത്തംമൂലം സ്കൂളുകളിലെ വിദ്യാഭ്യാസ നിലവാരം പൊതുവില്‍ മെച്ചപ്പെട്ടപ്പോള്‍ യുഡിഎഫിന്റെ വായടഞ്ഞു. ഇതുതന്നെയാണ് ആരോഗ്യരംഗത്തും ഉണ്ടായത്. ആദ്യം അനിയന്ത്രിതമായി പടര്‍ന്ന പകര്‍ച്ചപ്പനിയും മറ്റും പിന്നീടുള്ള വര്‍ഷങ്ങളില്‍ നിയന്ത്രണവിധേയമായത് തദ്ദേശ ഗവണ്‍മെന്റുകള്‍ സര്‍ക്കാരുമായി സഹകരിച്ച് പ്രവര്‍ത്തിച്ചതുകൊണ്ടാണ്. മൊത്തത്തില്‍, നാട്ടിന്‍പുറങ്ങളുടെയും നഗരങ്ങളുടെയും മുഖഛായ കഴിഞ്ഞ അഞ്ചുവര്‍ഷക്കാലത്ത് എടുത്തു പറയത്തക്കവിധം മെച്ചപ്പെട്ടിട്ടുണ്ട് എന്ന് ആരും സമ്മതിക്കും.
22 കേന്ദ്രാവിഷ്കൃത പദ്ധതികളെക്കുറിച്ച് രമേശ് ചെന്നിത്തലയുടെ നോട്ടീസില്‍ പറയുന്നുണ്ട്. ഇവ കേന്ദ്ര സര്‍ക്കാര്‍ ഏകപക്ഷീയമായി അടിച്ചേല്‍പിച്ചതാണ് എന്ന ആക്ഷേപം ഇടതുപക്ഷത്തിനും ബിജെപിയുള്‍പ്പെടെയുള്ള മറ്റ് പ്രതിപക്ഷങ്ങള്‍ക്കും മാത്രമല്ല കോണ്‍ഗ്രസ് നയിക്കുന്ന സംസ്ഥാന ഗവണ്‍മെന്റുകള്‍ക്കുമുണ്ട്. ഇന്ത്യയുടെ വൈവിധ്യമാര്‍ന്ന വികസന സ്ഥിതി കണക്കിലെടുക്കാതെ ആസേതുഹിമാചലം ഒരേ പദ്ധതികള്‍ ഒരേ മാനദണ്ഡമനുസരിച്ച് നടപ്പാക്കാന്‍ കല്‍പിക്കുകയാണ് കേന്ദ്രം. കേരളത്തില്‍ എട്ടുമീറ്റര്‍ വീതിയുള്ള ഗ്രാമീണറോഡുകള്‍ നന്നെ കുറവാണ്. കേന്ദ്ര വ്യവസ്ഥ അനുസരിച്ച് അത്തരം റോഡ് നിര്‍മാണത്തിനു മാത്രമാണ് സഹായം. സര്‍ക്കാര്‍ സ്കൂളുകള്‍ക്ക് മാത്രമാണ് സര്‍വശിക്ഷാ അഭിയാന്‍ ബാധകം. കേരളത്തില്‍ 65% സ്വകാര്യ സ്കൂളുകളാണ്. കേരളം സാമൂഹ്യമായി പല കാര്യങ്ങളിലും മറ്റ് സംസ്ഥാനങ്ങളേക്കാള്‍ ഏറെ മുന്നിലാണ്. അത് കണക്കിലെടുത്ത് കേന്ദ്ര പദ്ധതി കേരളത്തിന്റെ ആ രംഗത്തെ ആവശ്യത്തെ മുന്‍നിര്‍ത്തി നടപ്പാക്കാന്‍ ആവശ്യപ്പെട്ടാല്‍ അനുവദിക്കില്ല. പല കേന്ദ്ര പദ്ധതികളിലും പണം ചെലവഴിക്കപ്പെടാത്തത് അതുകൊണ്ടാണ്.
ഇത്തരം പരാധീനതകള്‍ ഉണ്ടായിട്ടും നിരവധി കേന്ദ്രപദ്ധതികള്‍ മാതൃകാപരമായി, കേന്ദ്ര സര്‍ക്കാര്‍പോലും ഉദ്ദേശിക്കാത്ത വിധം ജനക്ഷേമകരമായി നടപ്പാക്കുന്നത് കേരളമാണെന്ന് കേന്ദ്രമന്ത്രിമാരും ഉദ്യോഗസ്ഥരും പറയുന്നു. അവര്‍ അങ്ങനെ പറയുന്നത് വിലക്കണമെന്ന് കേരളത്തില്‍ നിന്നുള്ള ചില കേന്ദ്ര മന്ത്രിമാരും എംപിമാരും ചേര്‍ന്ന് കോണ്‍ഗ്രസ് പ്രസിഡന്റ് സോണിയാഗാന്ധിയോട് അഭ്യര്‍ത്ഥിച്ചതായി വാര്‍ത്ത ഉണ്ടായിരുന്നു. വെടക്കാക്കി തനിക്കാക്കുക എന്നത് മലബാറിലെ പഴയ ഒരു ചൊല്ലാണ്. പക്ഷേ, കോണ്‍ഗ്രസ്സില്‍ ഇപ്പോഴും അതാണ് നടപ്പ്.
രമേശ് ചെന്നിത്തലയുടെ നോട്ടീസില്‍ പഞ്ചായത്തീരാജ് നിയമം കൊണ്ടുവന്നത് രാജീവ് ഗാന്ധി പ്രധാനമന്ത്രിയായിരുന്നപ്പോഴായിരുന്നു, ഇടതുപക്ഷം അതിനെ തടഞ്ഞു എന്നൊക്കെ എഴുതിപ്പിടിപ്പിച്ചിട്ടുണ്ട്. തിരിച്ചൊന്ന് ചോദിക്കട്ടെ. കേരളത്തില്‍ നല്‍കിയത്ര അധികാരങ്ങള്‍ തദ്ദേശ ഭരണ സ്ഥാപനങ്ങള്‍ക്ക് കോണ്‍ഗ്രസ് ഭരിക്കുന്നതോ ഭരണ നേതൃത്വം വഹിക്കുന്നതോ ആയ എത്ര സംസ്ഥാനങ്ങളില്‍ നല്‍കി? സംസ്ഥാന വാര്‍ഷിക പദ്ധതി അടങ്കലിന്റെ എത്ര ശതമാനം യഥേഷ്ടം വികസന പദ്ധതികള്‍ തയ്യാറാക്കി നടപ്പാക്കുന്നതിനായി തദ്ദേശ ഗവണ്‍മെന്റുകള്‍ക്ക് കൊടുത്തു?
തദ്ദേശ ഭരണ സ്ഥാപനങ്ങളുടെ വികസന പരിപാടികളുടെ രൂപീകരണത്തിലും നടത്തിപ്പിലും മേല്‍നോട്ടത്തിലും ജനങ്ങള്‍ക്ക് പങ്കു നല്‍കുക എന്നത് മഹാത്മാഗാന്ധിയുടെ ഗ്രാമസ്വരാജിന്റെ ലക്ഷ്യമായിരുന്നു. എല്‍ഡിഎഫ് ഗവണ്‍മെന്റ് ജനകീയാസൂത്രണത്തില്‍ കര്‍മസമിതികളും (വര്‍ക്കിങ് ഗ്രൂപ്പും) വിദഗ്ദ്ധ സമിതികളും രൂപീകരിച്ചത് ഈ അടിസ്ഥാനത്തിലായിരുന്നു. കോണ്‍ഗ്രസും യുഡിഎഫും ഇപ്പോഴും പറയുന്നത് തങ്ങള്‍ തിരഞ്ഞെടുക്കപ്പെട്ടാല്‍ ഇവ ഇല്ലാതാക്കുമെന്നാണ്. അവരുടെ ഗ്രാമസ്വരാജ് കോണ്‍ട്രാക്ടര്‍ -ബ്യൂറോക്രാറ്റ് രാജ്യമാണെന്ന് ചുരുക്കം.
രമേശ് ചെന്നിത്തലയ്ക്കും കൂട്ടര്‍ക്കും പാര്‍ലമെന്റ് തിരഞ്ഞെടുപ്പായാലും, പഞ്ചായത്ത് തിരഞ്ഞെടുപ്പായാലും, പറയാനുള്ളത് ഒരേ കാര്യങ്ങളാണ്. എല്‍ഡിഎഫിനെ, വിശേഷിച്ച് സിപിഐ എമ്മിനെ, വിമര്‍ശിച്ചുകൊണ്ടു പറയുന്നത് ഒരേ കാര്യങ്ങള്‍ തന്നെ. അത് കാണിക്കുന്നത് പഞ്ചായത്ത്, സംസ്ഥാനം, കേന്ദ്രം എന്നിങ്ങനെ ഭരണകൂടത്തിന്റെ വിവിധ തലങ്ങളെക്കുറിച്ച് അവര്‍ക്ക് വ്യക്തമായ കാഴ്ചപ്പാടില്ല എന്നാണ്. ഏത് ഗവണ്‍മെന്റായാലും കട്ടുമുടിക്കണം എന്നതാണ് അവരുടെ ലക്ഷ്യം. കഴിഞ്ഞ അഞ്ചുവര്‍ഷമായി കേരളത്തിലെ ഭൂരിപക്ഷം തദ്ദേശ ഗവണ്‍മെന്റുകളിലും ഈ ലക്ഷ്യം കൈവരിക്കാന്‍ കഴിയാത്തതിന്റെ അമര്‍ഷവും വിമ്മിട്ടവുമൊക്കെ ചെന്നിത്തലയുടെ നോട്ടീസില്‍ വഴിഞ്ഞൊഴുകുന്നു.
പ്രാദേശിക വികസനം, തദ്ദേശ ഗവണ്‍മെന്റിനും അതിലുള്ള ഉത്തരവാദിത്വങ്ങളും, അവകാശങ്ങളും, ജനങ്ങള്‍ക്ക് ഇക്കാര്യത്തിലുള്ള സ്വാതന്ത്യ്രങ്ങളും കടമകളും ഇവയെല്ലാം സംബന്ധിച്ച് നമ്മുടെ സമ്മതിദായകര്‍ക്ക് കഴിഞ്ഞ 15 വര്‍ഷങ്ങള്‍ക്കകം കൂടുതല്‍ ഉള്‍ക്കാഴ്ച ലഭിച്ചിട്ടുണ്ട്. അതിന്റെ അടിസ്ഥാനത്തില്‍ രമേശ് ചെന്നിത്തല ഉന്നയിക്കുന്ന ആരോപണങ്ങളെ അവ അര്‍ഹിക്കുന്ന വിധത്തില്‍ അവര്‍ തള്ളിക്കളയും.
സി പി നാരായണന്‍ ചിന്ത വാരിക 01102010
എന്താണ് വസ്തുത? കേരളത്തിന്റെ ചരിത്രത്തില്‍ ആദ്യമായി 11-ാം പദ്ധതിയുടെ അടങ്കല്‍ തുകയിലധികം അഞ്ചുവര്‍ഷങ്ങളിലായി വകയിരുത്താന്‍ പോകയാണ്. 40,222 കോടി രൂപയാണ് 11-ാം പദ്ധതി അടങ്കല്‍. ആദ്യത്തെ നാലുവര്‍ഷങ്ങളിലായി 33600 കോടി രൂപയോളം വകയിരുത്തിക്കഴിഞ്ഞു. അടുത്ത വര്‍ഷം ഈ വര്‍ഷത്തിലെ അടങ്കല്‍ തുക തന്നെ ആവത്തിച്ചാലും, നിര്‍ദ്ദിഷ്ട അടങ്കലിനേക്കാള്‍ 3300 കോടിയിലധികമായിരിക്കും യഥാര്‍ത്ഥത്തില്‍ അഞ്ചുവര്‍ഷംകൊണ്ട് വകയിരുത്തുന്നത്. ഇത് യുഡിഎഫ് നടപ്പാക്കിയ 10-ാം പദ്ധതിയിലെ യഥാര്‍ത്ഥ അടങ്കലിന്റെ ഇരട്ടിയിലേറെയാണ്.
ക്ഷേമപ്രവര്‍ത്തനങ്ങളിലായാലും സേവനത്തുറകളിലായാലും മൂലധനച്ചെലവിലായാലും, മുമ്പൊരിക്കലും ഇല്ലാത്ത തോതില്‍ കഴിഞ്ഞ നാലുവര്‍ഷമായി വികസന ഫണ്ട് വകയിരുത്തുകയും ചെലവഴിക്കുകയുമാണ്. ഇത് കേരളത്തിലെ ജനങ്ങള്‍ക്കെല്ലാം ബോധ്യമാണ്. കോണ്‍ഗ്രസ്സ് എംഎല്‍എമാര്‍ക്കുപോലും നിഷേധിക്കാനാവില്ല, അവരുടെ നിയോജകമണ്ഡലങ്ങളില്‍ ഇത്രയധികം തുക മുമ്പൊരിക്കലും ചെലവഴിച്ചിട്ടില്ല എന്ന്.
രമേശ് ചെന്നിത്തലയുടെ നോട്ടീസില്‍ പറയുന്നത് തദ്ദേശ സ്വയംഭരണ സ്ഥാപനങ്ങള്‍ എന്നാണ്. വാസ്തവത്തില്‍ ഇന്നവ തദ്ദേശ ഗവണ്‍മെന്റുകളാണ്. കാരണം അവയ്ക്കെല്ലാം സ്വന്തം വരുമാനമുണ്ട്. സംസ്ഥാന സര്‍ക്കാര്‍ സംസ്ഥാന ധനകമ്മീഷന്റെ ശുപാര്‍ശ പ്രകാരം ഓരോ വര്‍ഷവും വികസന ഫണ്ട് അവയ്ക്കു നല്‍കുന്നുണ്ട്. യുഡിഎഫ് ഗവണ്‍മെന്റ് നിയമിച്ച മൂന്നാം ധനകമ്മീഷന്‍ ശുപാര്‍ശ ചെയ്തത് ഓരോ വര്‍ഷവും 10 ശതമാനം വര്‍ധന വരുത്താനാണ്. സംസ്ഥാന വാര്‍ഷിക അടങ്കലിന്റെ വിഹിതമായിട്ടല്ല അത് നിശ്ചയിച്ചത്. അതുകൊണ്ടാണ് സംസ്ഥാന പദ്ധതിയുടെ ശതമാനക്കണക്കില്‍ എടുക്കുമ്പോള്‍ തദ്ദേശ ഗവണ്‍മെന്റുകളുടെ വിഹിതം കുറയുന്നത്.
ഇതിനൊരു മറുവശമുണ്ട്. 11-ാം പദ്ധതി കാലത്ത് തദ്ദേശ ഗവണ്‍മെന്റുകള്‍ക്ക് നല്‍കപ്പെടുന്ന പദ്ധതിവിഹിതം 9ഉം 10ഉം പദ്ധതിക്കാലത്ത് നല്‍കിയതിനേക്കാള്‍ കൂടുതലാണ്. വസ്തുത ഇതായിരിക്കെ ആണ് ഇടതുമുന്നണി സര്‍ക്കാര്‍ തദ്ദേശ ഗവണ്‍മെന്റുകളെ പൂര്‍ണമായി അവഗണിച്ചിരിക്കയാണ് എന്ന രമേശ് ചെന്നിത്തലയുടെ മുറവിളി.
"ഭൂരിപക്ഷം ഭരണ സ്ഥാപനങ്ങളും മാര്‍ക്സിസ്റ്റ് മുന്നണിയുടെ ഭരണത്തിന് കീഴിലാണ്'' എന്ന് അദ്ദേഹം വിലപിക്കുന്നു. എന്തുകൊണ്ടാണ് കഴിഞ്ഞ തിരഞ്ഞെടുപ്പില്‍ ഭൂരിപക്ഷം സീറ്റിലും ഇടതുപക്ഷ ജനാധിപത്യമുന്നണി സ്ഥാനാര്‍ത്ഥികളെ ജനങ്ങള്‍ വിജയിപ്പിച്ചത്? യുഡിഎഫിനെയും അതിന്റെ സ്ഥാനാര്‍ത്ഥികളെയും ജനങ്ങള്‍ തള്ളിക്കളയാന്‍ കാരണമെന്ത്? അത്ര മോശമായിരുന്നു അതിനു മുമ്പുള്ള കാലം യുഡിഎഫിന്റെ തദ്ദേശ ഗവണ്‍മെന്റുകളിലെ പ്രകടനം. അതുപോലെയായിരുന്നു കഴിഞ്ഞ അഞ്ചു വര്‍ഷങ്ങളില്‍ എല്‍ഡിഎഫ് നയിക്കുന്ന തദ്ദേശ ഗവണ്‍മെന്റുകളിലെ ഭരണമെന്ന് ആരും പറയില്ല. തരിശിട്ട നിലങ്ങളില്‍ കൃഷി ഇറക്കുന്ന കാര്യത്തില്‍, നെല്ലും പച്ചക്കറിയും മറ്റും അവയിലും മറ്റ് ഭൂമിയിലും നല്ല നിലയില്‍ കൃഷി ചെയ്യുന്നതില്‍, പാലും ഇറച്ചിയും മറ്റും ഉല്‍പ്പാദിപ്പിക്കുന്നതില്‍ ഗണ്യമായ വര്‍ധന വരുത്തുന്ന കാര്യത്തില്‍, ഇവയ്ക്കെല്ലാം കര്‍ഷകര്‍ക്ക് മെച്ചപ്പെട്ട വില ലഭ്യമാക്കുന്നതില്‍, കാര്‍ഷികോല്‍പന്നങ്ങളുടെ സംസ്കരണം കാര്യമായി വിപുലീകരിക്കുന്നതില്‍ എല്ലാം എല്‍ഡിഎഫ് ഭരിക്കുന്ന തദ്ദേശ ഗവണ്‍മെന്റുകളില്‍ വലിയ മുന്നേറ്റമുണ്ടായി. 37 ലക്ഷം സ്ത്രീകള്‍ അംഗങ്ങളായ കുടുംബശ്രീ യൂണിറ്റുകള്‍ ഇവയിലെല്ലാം സജീവമായ പങ്ക് വഹിക്കുന്നു. ഗ്രീന്‍ കേരള എക്സ്പ്രസ് റിയാലിറ്റിഷോ ഈ യാഥാര്‍ത്ഥ്യം ആരുടെയും കണ്ണു തുറപ്പിക്കുന്ന വിധത്തില്‍ പരസ്യപ്പെടുത്തി. ഒപ്പം അതൊക്കെ എങ്ങനെ മെച്ചപ്പെടുത്താമെന്ന് അവര്‍ക്ക് നിര്‍ദ്ദേശവും കിട്ടി.
ഉല്‍പാദനമേഖലയില്‍ മാത്രമല്ല പുരോഗതി. വീടില്ലാത്തവര്‍ക്ക് വീട് നല്‍കുന്ന ഇ എം എസ് ഭവനപദ്ധതിയിന്‍കീഴില്‍ മൂന്നുലക്ഷത്തിലധികം വീട് പണി കഴിഞ്ഞ് കുടുംബങ്ങള്‍ പാര്‍പ്പ് തുടങ്ങി. ഒരുലക്ഷത്തില്‍പരം വീടുകളുടെ നിര്‍മാണം നടക്കുന്നു. കുറേപേര്‍ക്കു കൂടി വീടു കിട്ടാനുണ്ട്. അവരില്‍ അധികവും ഭൂമി ഇല്ലാത്തവരാണ്. അവര്‍ക്ക് ഭൂമിയും വീടും നല്‍കാനുള്ള യത്നം സര്‍ക്കാരും തദ്ദേശ ഗവണ്‍മെന്റുകളും കൂട്ടുചേര്‍ന്നു നടത്തുകയാണ്.
വിദ്യാഭ്യാസം, ആരോഗ്യരക്ഷ, അവശതകള്‍ അനുഭവിക്കുന്നവര്‍ക്കുള്ള ക്ഷേമ പ്രവര്‍ത്തനങ്ങള്‍ തുടങ്ങിയ സേവനമേഖലയില്‍ കഴിഞ്ഞ അഞ്ചുവര്‍ഷം അഭിനന്ദനാര്‍ഹമായ പ്രവര്‍ത്തനങ്ങളാണ് നടന്നത്. വിദ്യാഭ്യാസരംഗത്ത് തദ്ദേശ ഗവണ്‍മെന്റുകള്‍ ഇടപെടുന്നതിനെ മുന്‍വര്‍ഷങ്ങളില്‍ യുഡിഎഫ് ശക്തിയായി എതിര്‍ത്തിരുന്നു. പക്ഷേ, അവയുടെ പങ്കാളിത്തംമൂലം സ്കൂളുകളിലെ വിദ്യാഭ്യാസ നിലവാരം പൊതുവില്‍ മെച്ചപ്പെട്ടപ്പോള്‍ യുഡിഎഫിന്റെ വായടഞ്ഞു. ഇതുതന്നെയാണ് ആരോഗ്യരംഗത്തും ഉണ്ടായത്. ആദ്യം അനിയന്ത്രിതമായി പടര്‍ന്ന പകര്‍ച്ചപ്പനിയും മറ്റും പിന്നീടുള്ള വര്‍ഷങ്ങളില്‍ നിയന്ത്രണവിധേയമായത് തദ്ദേശ ഗവണ്‍മെന്റുകള്‍ സര്‍ക്കാരുമായി സഹകരിച്ച് പ്രവര്‍ത്തിച്ചതുകൊണ്ടാണ്. മൊത്തത്തില്‍, നാട്ടിന്‍പുറങ്ങളുടെയും നഗരങ്ങളുടെയും മുഖഛായ കഴിഞ്ഞ അഞ്ചുവര്‍ഷക്കാലത്ത് എടുത്തു പറയത്തക്കവിധം മെച്ചപ്പെട്ടിട്ടുണ്ട് എന്ന് ആരും സമ്മതിക്കും.
22 കേന്ദ്രാവിഷ്കൃത പദ്ധതികളെക്കുറിച്ച് രമേശ് ചെന്നിത്തലയുടെ നോട്ടീസില്‍ പറയുന്നുണ്ട്. ഇവ കേന്ദ്ര സര്‍ക്കാര്‍ ഏകപക്ഷീയമായി അടിച്ചേല്‍പിച്ചതാണ് എന്ന ആക്ഷേപം ഇടതുപക്ഷത്തിനും ബിജെപിയുള്‍പ്പെടെയുള്ള മറ്റ് പ്രതിപക്ഷങ്ങള്‍ക്കും മാത്രമല്ല കോണ്‍ഗ്രസ് നയിക്കുന്ന സംസ്ഥാന ഗവണ്‍മെന്റുകള്‍ക്കുമുണ്ട്. ഇന്ത്യയുടെ വൈവിധ്യമാര്‍ന്ന വികസന സ്ഥിതി കണക്കിലെടുക്കാതെ ആസേതുഹിമാചലം ഒരേ പദ്ധതികള്‍ ഒരേ മാനദണ്ഡമനുസരിച്ച് നടപ്പാക്കാന്‍ കല്‍പിക്കുകയാണ് കേന്ദ്രം. കേരളത്തില്‍ എട്ടുമീറ്റര്‍ വീതിയുള്ള ഗ്രാമീണറോഡുകള്‍ നന്നെ കുറവാണ്. കേന്ദ്ര വ്യവസ്ഥ അനുസരിച്ച് അത്തരം റോഡ് നിര്‍മാണത്തിനു മാത്രമാണ് സഹായം. സര്‍ക്കാര്‍ സ്കൂളുകള്‍ക്ക് മാത്രമാണ് സര്‍വശിക്ഷാ അഭിയാന്‍ ബാധകം. കേരളത്തില്‍ 65% സ്വകാര്യ സ്കൂളുകളാണ്. കേരളം സാമൂഹ്യമായി പല കാര്യങ്ങളിലും മറ്റ് സംസ്ഥാനങ്ങളേക്കാള്‍ ഏറെ മുന്നിലാണ്. അത് കണക്കിലെടുത്ത് കേന്ദ്ര പദ്ധതി കേരളത്തിന്റെ ആ രംഗത്തെ ആവശ്യത്തെ മുന്‍നിര്‍ത്തി നടപ്പാക്കാന്‍ ആവശ്യപ്പെട്ടാല്‍ അനുവദിക്കില്ല. പല കേന്ദ്ര പദ്ധതികളിലും പണം ചെലവഴിക്കപ്പെടാത്തത് അതുകൊണ്ടാണ്.
ഇത്തരം പരാധീനതകള്‍ ഉണ്ടായിട്ടും നിരവധി കേന്ദ്രപദ്ധതികള്‍ മാതൃകാപരമായി, കേന്ദ്ര സര്‍ക്കാര്‍പോലും ഉദ്ദേശിക്കാത്ത വിധം ജനക്ഷേമകരമായി നടപ്പാക്കുന്നത് കേരളമാണെന്ന് കേന്ദ്രമന്ത്രിമാരും ഉദ്യോഗസ്ഥരും പറയുന്നു. അവര്‍ അങ്ങനെ പറയുന്നത് വിലക്കണമെന്ന് കേരളത്തില്‍ നിന്നുള്ള ചില കേന്ദ്ര മന്ത്രിമാരും എംപിമാരും ചേര്‍ന്ന് കോണ്‍ഗ്രസ് പ്രസിഡന്റ് സോണിയാഗാന്ധിയോട് അഭ്യര്‍ത്ഥിച്ചതായി വാര്‍ത്ത ഉണ്ടായിരുന്നു. വെടക്കാക്കി തനിക്കാക്കുക എന്നത് മലബാറിലെ പഴയ ഒരു ചൊല്ലാണ്. പക്ഷേ, കോണ്‍ഗ്രസ്സില്‍ ഇപ്പോഴും അതാണ് നടപ്പ്.
രമേശ് ചെന്നിത്തലയുടെ നോട്ടീസില്‍ പഞ്ചായത്തീരാജ് നിയമം കൊണ്ടുവന്നത് രാജീവ് ഗാന്ധി പ്രധാനമന്ത്രിയായിരുന്നപ്പോഴായിരുന്നു, ഇടതുപക്ഷം അതിനെ തടഞ്ഞു എന്നൊക്കെ എഴുതിപ്പിടിപ്പിച്ചിട്ടുണ്ട്. തിരിച്ചൊന്ന് ചോദിക്കട്ടെ. കേരളത്തില്‍ നല്‍കിയത്ര അധികാരങ്ങള്‍ തദ്ദേശ ഭരണ സ്ഥാപനങ്ങള്‍ക്ക് കോണ്‍ഗ്രസ് ഭരിക്കുന്നതോ ഭരണ നേതൃത്വം വഹിക്കുന്നതോ ആയ എത്ര സംസ്ഥാനങ്ങളില്‍ നല്‍കി? സംസ്ഥാന വാര്‍ഷിക പദ്ധതി അടങ്കലിന്റെ എത്ര ശതമാനം യഥേഷ്ടം വികസന പദ്ധതികള്‍ തയ്യാറാക്കി നടപ്പാക്കുന്നതിനായി തദ്ദേശ ഗവണ്‍മെന്റുകള്‍ക്ക് കൊടുത്തു?
തദ്ദേശ ഭരണ സ്ഥാപനങ്ങളുടെ വികസന പരിപാടികളുടെ രൂപീകരണത്തിലും നടത്തിപ്പിലും മേല്‍നോട്ടത്തിലും ജനങ്ങള്‍ക്ക് പങ്കു നല്‍കുക എന്നത് മഹാത്മാഗാന്ധിയുടെ ഗ്രാമസ്വരാജിന്റെ ലക്ഷ്യമായിരുന്നു. എല്‍ഡിഎഫ് ഗവണ്‍മെന്റ് ജനകീയാസൂത്രണത്തില്‍ കര്‍മസമിതികളും (വര്‍ക്കിങ് ഗ്രൂപ്പും) വിദഗ്ദ്ധ സമിതികളും രൂപീകരിച്ചത് ഈ അടിസ്ഥാനത്തിലായിരുന്നു. കോണ്‍ഗ്രസും യുഡിഎഫും ഇപ്പോഴും പറയുന്നത് തങ്ങള്‍ തിരഞ്ഞെടുക്കപ്പെട്ടാല്‍ ഇവ ഇല്ലാതാക്കുമെന്നാണ്. അവരുടെ ഗ്രാമസ്വരാജ് കോണ്‍ട്രാക്ടര്‍ -ബ്യൂറോക്രാറ്റ് രാജ്യമാണെന്ന് ചുരുക്കം.
രമേശ് ചെന്നിത്തലയ്ക്കും കൂട്ടര്‍ക്കും പാര്‍ലമെന്റ് തിരഞ്ഞെടുപ്പായാലും, പഞ്ചായത്ത് തിരഞ്ഞെടുപ്പായാലും, പറയാനുള്ളത് ഒരേ കാര്യങ്ങളാണ്. എല്‍ഡിഎഫിനെ, വിശേഷിച്ച് സിപിഐ എമ്മിനെ, വിമര്‍ശിച്ചുകൊണ്ടു പറയുന്നത് ഒരേ കാര്യങ്ങള്‍ തന്നെ. അത് കാണിക്കുന്നത് പഞ്ചായത്ത്, സംസ്ഥാനം, കേന്ദ്രം എന്നിങ്ങനെ ഭരണകൂടത്തിന്റെ വിവിധ തലങ്ങളെക്കുറിച്ച് അവര്‍ക്ക് വ്യക്തമായ കാഴ്ചപ്പാടില്ല എന്നാണ്. ഏത് ഗവണ്‍മെന്റായാലും കട്ടുമുടിക്കണം എന്നതാണ് അവരുടെ ലക്ഷ്യം. കഴിഞ്ഞ അഞ്ചുവര്‍ഷമായി കേരളത്തിലെ ഭൂരിപക്ഷം തദ്ദേശ ഗവണ്‍മെന്റുകളിലും ഈ ലക്ഷ്യം കൈവരിക്കാന്‍ കഴിയാത്തതിന്റെ അമര്‍ഷവും വിമ്മിട്ടവുമൊക്കെ ചെന്നിത്തലയുടെ നോട്ടീസില്‍ വഴിഞ്ഞൊഴുകുന്നു.
പ്രാദേശിക വികസനം, തദ്ദേശ ഗവണ്‍മെന്റിനും അതിലുള്ള ഉത്തരവാദിത്വങ്ങളും, അവകാശങ്ങളും, ജനങ്ങള്‍ക്ക് ഇക്കാര്യത്തിലുള്ള സ്വാതന്ത്യ്രങ്ങളും കടമകളും ഇവയെല്ലാം സംബന്ധിച്ച് നമ്മുടെ സമ്മതിദായകര്‍ക്ക് കഴിഞ്ഞ 15 വര്‍ഷങ്ങള്‍ക്കകം കൂടുതല്‍ ഉള്‍ക്കാഴ്ച ലഭിച്ചിട്ടുണ്ട്. അതിന്റെ അടിസ്ഥാനത്തില്‍ രമേശ് ചെന്നിത്തല ഉന്നയിക്കുന്ന ആരോപണങ്ങളെ അവ അര്‍ഹിക്കുന്ന വിധത്തില്‍ അവര്‍ തള്ളിക്കളയും.
സി പി നാരായണന്‍ ചിന്ത വാരിക 01102010
Subscribe to:
Posts (Atom)