കൊല്‍ക്കത്ത: പുരൂളിയയില്‍ 1995 ഡിസംബര്‍ 17ന് ആന്റണോവ് എഎന്‍-26 എന്ന ലാറ്റ്വിയന്‍ വിമാനം വര്‍ഷിച്ചത് നാടിനെ മുച്ചൂടും ചുട്ടെരിക്കാന്‍ പാകത്തിലുള്ള മാരകായുധങ്ങള്‍. റോക്കറ്റ് ലോഞ്ചറുകളും ഗ്രനേഡുകളും 250 എകെ-47 തോക്കുകളും ലക്ഷക്കണക്കിന് വെടിയുണ്ടകളും ഇതില്‍പ്പെടുന്നു. പുരുളിയ ജില്ലയിലെ ഝാല്‍ദ, ഘടംഗ, ബാലമു, മറമു എന്നീ ഗ്രാമങ്ങളിലായിരുന്നു രാജ്യത്തെ ഞെട്ടിച്ച ആയുധവര്‍ഷം. പശ്ചിമബംഗാളില്‍ സായുധകലാപമുണ്ടാക്കിയശേഷം കേന്ദ്രം ഇടപെട്ട് രാഷ്ട്രപതിഭരണം പ്രഖ്യാപിക്കാനും പിന്നീടുള്ള തെരഞ്ഞെടുപ്പില്‍ ഇടതുമുന്നണിയെ തോല്‍പ്പിക്കാനുമായിരുന്നു പദ്ധതി. 1996ലെ തെരഞ്ഞെടുപ്പിനുമുമ്പ് പദ്ധതി നടപ്പാക്കാനായിരുന്നു 1995 ഡിസംബറിലെ ആയുധവര്‍ഷം. എന്നാല്‍, പദ്ധതി പാളി. ഒരുമാസംമുമ്പ് നവംബറില്‍ ഇത്തരമൊരു സംഭവം ഉണ്ടാകാനിടയുണ്ടെന്ന് ബ്രിട്ടീഷ് ഗവമെന്റ് ഇന്ത്യയെ അറിയിച്ചിരുന്നു. ഈ മുന്നറിയിപ്പ് മൂടിവച്ചതിലൂടെ ആയുധവര്‍ഷത്തിന് അരങ്ങൊരുക്കുകയായിരുന്നു കേന്ദ്രസര്‍ക്കാര്‍. ബ്രിട്ടന്‍ നല്‍കിയ മുന്നറിയിപ്പിനെപ്പറ്റി ബിബിസി റിപ്പോര്‍ട്ടുചെയ്തിരുന്നു. ആയുധവര്‍ഷത്തെക്കുറിച്ച് കേന്ദ്ര സര്‍ക്കാരിന് മുന്നറിവുണ്ടായിരുന്നെന്ന് 2001ല്‍ ഡല്‍ഹി ഹൈക്കോടതിയില്‍ നല്‍കിയ സത്യവാങ്മൂലത്തില്‍ കേന്ദ്ര സര്‍ക്കാര്‍ അറിയിച്ചിട്ടുണ്ട്. ആകാശമാര്‍ഗം വഴിയുള്ള ഭീഷണികള്‍ നേരിടാന്‍ കേന്ദ്രസര്‍ക്കാരിന്റെ സംവിധാനങ്ങള്‍ പ്രവര്‍ത്തിപ്പിച്ചില്ലെന്ന വിവരം മറച്ചുവയ്ക്കുകയും ചെയ്തു.
മറ്റു രാജ്യങ്ങളുടെ വിമാനം നമ്മുടെ വ്യോമാതിര്‍ത്തിയില്‍ കടന്നാല്‍ റഡാര്‍വഴി വിവരമറിയാം. പുരുളിയക്കടുത്തുള്ള വ്യോമസേനാ താവളം ഖരഗ്പുരിനടുത്ത കലൈക്കുണ്ടയാണ്. ഇവിടെയുള്ള റഡാറുകള്‍ 1995 ഡിസംബര്‍ 17ന് രാത്രി മനഃപൂര്‍വം ഓഫാക്കിയത് വിമാനത്തിന് തടസ്സമില്ലാതെ ദൌത്യം പൂര്‍ത്തിയാക്കാന്‍വേണ്ടിയായിരുന്നു. ഡിസംബര്‍ 22ന് ഇതേവിമാനത്തെ വ്യോമതിര്‍ത്തി ലംഘിച്ചതിന് ഇന്ത്യന്‍ വ്യോമസേന മുംബൈയില്‍ ബലമായി ഇറക്കിച്ചിരുന്നു. പുരുളിയയില്‍ ആയുധം വിതറിക്കഴിഞ്ഞ സാഹചര്യത്തില്‍ ആകാശനിരീക്ഷണം കര്‍ശനമാക്കണമെന്ന ആവശ്യം ശക്തമായതോടെയാണ് ഈ വിമാനത്തെ പിടികൂടാനായത്. പശ്ചിമബംഗാളില്‍ 18 വര്‍ഷം പിന്നിട്ട ഇടതുസര്‍ക്കാരിനെ താഴെയിറക്കാനായിരുന്നു പദ്ധതി. സിപിഐ എമ്മിനും ഇടതുമുന്നണിക്കും എതിരെ ആനന്ദമാര്‍ഗികളെയാണ് നിയോഗിച്ചത്. ഇന്ത്യയുടെ ചാരസംഘടനയായ 'റോ' മുതല്‍ പ്രധാനമന്ത്രിയുടെ ഓഫീസ് വരെ ഇതില്‍ പങ്കാളികളായി.
(വി ജയിന്‍)
deshabhimani news
Thursday, April 28, 2011
നിര്‍മാണക്കമ്പനികളുമായി സമ്മേളനവേദിയില്‍ ഗൂഢാലോചന
ജനീവ/തിരു: ജൈവവ്യവസ്ഥയെ തകര്‍ക്കുന്ന രാസപദാര്‍ഥങ്ങള്‍ സംബന്ധിച്ച സ്റോക്ഹോം കവന്‍ഷനില്‍ ലോകവ്യാപകമായി എന്ഡോസള്ഫാന് നിരോധിക്കുമെന്നു സൂചന. കണ്‍വന്‍ഷന്റെ മൂന്നാംദിനം എന്ഡോസള്ഫാന് നിരോധിക്കുമ്പോള്‍ സ്വീകരിക്കേണ്ട ബദല്‍ മാര്‍ഗങ്ങളെക്കുറിച്ച് അംഗരാജ്യങ്ങള്‍ ചര്‍ച്ച തുടങ്ങി. ഇതിനിടെ, എന്ഡോസള്ഫാന് നിര്‍മാണക്കമ്പനികളുമായി ഇന്ത്യയുടെ ഔദ്യോഗിക പ്രതിനിധികള്‍ സമ്മേളനവേദിക്കരികില്‍ നടത്തിയ നിരന്തരചര്‍ച്ചകളും ഗൂഢാലോചനയും രാജ്യത്തിനു നാണക്കേടായി. ജനീവയില്‍ ബുധനാഴ്ച ഇന്ത്യന്‍സമയം പകല്‍ ഒന്നിനാണ് സമ്മേളന നടപടികള്‍ ആരംഭിച്ചത്. എന്ഡോസള്ഫാന് നിരോധിക്കുമ്പോള്‍ നടപ്പാക്കേണ്ട ബദല്‍ നടപടികളെക്കുറിച്ച് മേഖല തിരിച്ചുള്ള ചര്‍ച്ചയായിരുന്നു ആദ്യം. ഏഷ്യ-പസഫിക് മേഖലയില്‍ ഖത്തര്‍ പ്രതിനിധിയായിരുന്നു സംഘത്തലവന്‍. നിരോധം ഒഴിവാക്കാന്‍ ഇന്ത്യ നടത്തിയ നീക്കവും സമ്മര്‍ദങ്ങളും ചര്‍ച്ചയില്‍ നിശിതമായി വിമര്‍ശിക്കപ്പെട്ടു. ഈ ചര്‍ച്ചകള്‍ക്കിടെ ഇന്ത്യയുടെ ഔദ്യോഗിക പ്രതിനിധിസംഘത്തലവന്‍ പരിസ്ഥിതിവകുപ്പ് ജോയിന്റ് സെക്രട്ടറി രാജീവ് ഗൌബ, കൃഷിവകുപ്പ് ഡെപ്യൂട്ടി സെക്രട്ടറി വന്ദന ജെയിന്‍, പരിസ്ഥിതി അഡീഷണല്‍ സെക്രട്ടറി ഗൌരികുമാര്‍, മറ്റു മുതിര്‍ന്ന ഉദ്യോഗസ്ഥര്‍ എന്നിവരും ഇന്ത്യയില്‍ എന്ഡോസള്ഫാന് ഉല്‍പ്പാദിപ്പിക്കുന്ന എക്സല്‍ കമ്പനിയുടെ ചെയര്‍മാന്‍ എസ് ഗണേഷ്, ഡയറക്ടര്‍ ഹരിഹരന്‍, പൊതുമേഖലയില്‍ പ്രവര്‍ത്തിക്കുന്ന എച്ച്ഐഎല്‍ ചെയര്‍മാന്‍ ടി ബാലു എന്നിവരും പലവട്ടം എഴുന്നേറ്റുപോയി.
ബദല്‍മാര്‍ഗങ്ങള്‍ നടപ്പാക്കുന്നതു സംബന്ധിച്ച് ചര്‍ച്ചകളും നിരീക്ഷണങ്ങളും മേഖലായോഗങ്ങളില്‍ നടന്നു. നിരോധം ഏര്‍പ്പെടുത്തുമ്പോള്‍ തന്നെ ആദ്യഘട്ടത്തില്‍ ഏതാനും ചില വിളകളില്‍ ഇതുപയോഗിക്കാന്‍ കണ്‍വന്‍ഷന്‍ അനുവദിക്കും. അത് ഏതെല്ലാം വിളകളുടെ കാര്യത്തില്‍ വേണമെന്ന് ചര്‍ച്ചയില്‍ അംഗരാജ്യങ്ങള്‍ക്ക് വ്യക്തമാക്കാം. എന്നാല്‍, തല്‍ക്കാലം ഒരുവിളയെയും ഒഴിവാക്കാനാകില്ലെന്നും എന്ഡോസള്ഫാന് നിരോധം രാജ്യത്തിന്റെ കാര്‍ഷികമേഖലയെ തകര്‍ക്കും എന്നുമായിരുന്നു ഇന്ത്യയുടെ വിശദീകരണം. മേഖലാ യോഗത്തില്‍ ഈ ആവശ്യം അംഗീകരിച്ചില്ലെങ്കില്‍ തുടര്‍ന്നുനടക്കുന്ന പ്ളീനറി സെഷനില്‍, മേഖലായോഗത്തിന്റെ നടപടിക്രമങ്ങള്‍ ശരിയായിരുന്നില്ലെന്നും തങ്ങളുടെ മേല്‍ നിര്‍ദേശം അടിച്ചേല്‍പ്പിക്കുകയായിരുന്നുവെന്നും വരുത്തിത്തീര്‍ക്കാനുള്ള ശ്രമങ്ങള്‍ ഇന്ത്യ ആരംഭിച്ചു. ഇന്ത്യയില്‍നിന്നുള്ള സര്‍ക്കാരിതര സംഘടനകളുടെ പ്രതിനിധികള്‍ എന്ഡോസള്ഫാന് നിരോധിക്കാന്‍ ശക്തമായി ആവശ്യപ്പെടുമ്പോള്‍ ഔദ്യോഗിക സംഘം നിരോധത്തിനെതിരെ സമ്മര്‍ദംചെലുത്തുന്നതും മറ്റു രാജ്യങ്ങളില്‍നിന്നുള്ള പ്രതിനിധികള്‍ക്കിടയില്‍ ചര്‍ച്ചയായതായി തിരുവനന്തപുരത്തെ തണല്‍ എന്ന സംഘടനയുടെ ഡയറക്ടര്‍ ബോര്‍ഡ് അംഗം സി ജയകുമാര്‍, കേരളത്തില്‍നിന്നുള്ള സ്വതന്ത്രപ്രതിനിധി ഡോ. മുഹമ്മദ് അഷീല്‍ എന്നിവര്‍ ദേശാഭിമാനിയോടു പറഞ്ഞു. അതിനിടെ, എന്ഡോസള്ഫാന് നിരോധിക്കണമെന്നാവശ്യപ്പെട്ട് മുഖ്യമന്ത്രി വി എസ് അച്യുതാനന്ദന്‍ പ്രധാനമന്ത്രിക്ക് അയച്ച റിപ്പോര്‍ട്ടിന്റെ പകര്‍പ്പ് കവന്‍ഷനില്‍ ചര്‍ച്ചയായി. ഈ മാരകവിഷത്തിന്റെ പ്രത്യാഘാതങ്ങള്‍ പ്രതിനിധിരാജ്യങ്ങളെ ഞെട്ടിച്ചു. ഡോ. മുഹമ്മദ് അഷീലാണ് ഈ റിപ്പോര്‍ട്ടിന്റെ പകര്‍പ്പ് അംഗരാജ്യങ്ങള്‍ക്ക് നല്‍കിയത്. എന്‍ഡോസള്‍ഫാനുപകരം ഉപയോഗിക്കാന്‍ കഴിയുന്ന രാസ-ജൈവ കീടനാശിനികള്‍ ഏതെല്ലാമാണെന്നും അവയുടെ ഉല്‍പ്പാദനത്തിനുവേണ്ട സാങ്കേതിക- സാമ്പത്തിക സഹായങ്ങള്‍ എപ്രകാരം ലഭ്യമാക്കാം എന്നതിനെക്കുറിച്ചും വ്യാഴാഴ്ച ചര്‍ച്ച നടക്കും. കവന്‍ഷന്‍ വെള്ളിയാഴ്ച സമാപിക്കും.
deshabhimani 280411
ബദല്‍മാര്‍ഗങ്ങള്‍ നടപ്പാക്കുന്നതു സംബന്ധിച്ച് ചര്‍ച്ചകളും നിരീക്ഷണങ്ങളും മേഖലായോഗങ്ങളില്‍ നടന്നു. നിരോധം ഏര്‍പ്പെടുത്തുമ്പോള്‍ തന്നെ ആദ്യഘട്ടത്തില്‍ ഏതാനും ചില വിളകളില്‍ ഇതുപയോഗിക്കാന്‍ കണ്‍വന്‍ഷന്‍ അനുവദിക്കും. അത് ഏതെല്ലാം വിളകളുടെ കാര്യത്തില്‍ വേണമെന്ന് ചര്‍ച്ചയില്‍ അംഗരാജ്യങ്ങള്‍ക്ക് വ്യക്തമാക്കാം. എന്നാല്‍, തല്‍ക്കാലം ഒരുവിളയെയും ഒഴിവാക്കാനാകില്ലെന്നും എന്ഡോസള്ഫാന് നിരോധം രാജ്യത്തിന്റെ കാര്‍ഷികമേഖലയെ തകര്‍ക്കും എന്നുമായിരുന്നു ഇന്ത്യയുടെ വിശദീകരണം. മേഖലാ യോഗത്തില്‍ ഈ ആവശ്യം അംഗീകരിച്ചില്ലെങ്കില്‍ തുടര്‍ന്നുനടക്കുന്ന പ്ളീനറി സെഷനില്‍, മേഖലായോഗത്തിന്റെ നടപടിക്രമങ്ങള്‍ ശരിയായിരുന്നില്ലെന്നും തങ്ങളുടെ മേല്‍ നിര്‍ദേശം അടിച്ചേല്‍പ്പിക്കുകയായിരുന്നുവെന്നും വരുത്തിത്തീര്‍ക്കാനുള്ള ശ്രമങ്ങള്‍ ഇന്ത്യ ആരംഭിച്ചു. ഇന്ത്യയില്‍നിന്നുള്ള സര്‍ക്കാരിതര സംഘടനകളുടെ പ്രതിനിധികള്‍ എന്ഡോസള്ഫാന് നിരോധിക്കാന്‍ ശക്തമായി ആവശ്യപ്പെടുമ്പോള്‍ ഔദ്യോഗിക സംഘം നിരോധത്തിനെതിരെ സമ്മര്‍ദംചെലുത്തുന്നതും മറ്റു രാജ്യങ്ങളില്‍നിന്നുള്ള പ്രതിനിധികള്‍ക്കിടയില്‍ ചര്‍ച്ചയായതായി തിരുവനന്തപുരത്തെ തണല്‍ എന്ന സംഘടനയുടെ ഡയറക്ടര്‍ ബോര്‍ഡ് അംഗം സി ജയകുമാര്‍, കേരളത്തില്‍നിന്നുള്ള സ്വതന്ത്രപ്രതിനിധി ഡോ. മുഹമ്മദ് അഷീല്‍ എന്നിവര്‍ ദേശാഭിമാനിയോടു പറഞ്ഞു. അതിനിടെ, എന്ഡോസള്ഫാന് നിരോധിക്കണമെന്നാവശ്യപ്പെട്ട് മുഖ്യമന്ത്രി വി എസ് അച്യുതാനന്ദന്‍ പ്രധാനമന്ത്രിക്ക് അയച്ച റിപ്പോര്‍ട്ടിന്റെ പകര്‍പ്പ് കവന്‍ഷനില്‍ ചര്‍ച്ചയായി. ഈ മാരകവിഷത്തിന്റെ പ്രത്യാഘാതങ്ങള്‍ പ്രതിനിധിരാജ്യങ്ങളെ ഞെട്ടിച്ചു. ഡോ. മുഹമ്മദ് അഷീലാണ് ഈ റിപ്പോര്‍ട്ടിന്റെ പകര്‍പ്പ് അംഗരാജ്യങ്ങള്‍ക്ക് നല്‍കിയത്. എന്‍ഡോസള്‍ഫാനുപകരം ഉപയോഗിക്കാന്‍ കഴിയുന്ന രാസ-ജൈവ കീടനാശിനികള്‍ ഏതെല്ലാമാണെന്നും അവയുടെ ഉല്‍പ്പാദനത്തിനുവേണ്ട സാങ്കേതിക- സാമ്പത്തിക സഹായങ്ങള്‍ എപ്രകാരം ലഭ്യമാക്കാം എന്നതിനെക്കുറിച്ചും വ്യാഴാഴ്ച ചര്‍ച്ച നടക്കും. കവന്‍ഷന്‍ വെള്ളിയാഴ്ച സമാപിക്കും.
deshabhimani 280411
ചെരിപ്പേറിന് അര്‍ഹരായവര്‍
സ്വന്തം നേതാക്കളുടെ അഴിമതിയെക്കുറിച്ച് പത്രസമ്മേളനം നടത്തി ആരോപണമുന്നയിക്കുകയും ആ പാര്‍ടിയില്‍ത്തന്നെ തുടരുകയും ചെയ്യുന്നത് അനൌചിത്യമാണ്. ഒരു പാര്‍ടിയെ സംബന്ധിച്ചിടത്തോളം തികഞ്ഞ അച്ചടക്കലംഘനവുമാണത്. എന്നാല്‍, അങ്ങനെ അഴിമതി ആരോപണമുന്നയിച്ച ആളെ പുറത്താക്കുകയും ആരോപണ വിധേയരായവര്‍ക്കെതിരെ ഒരുതരത്തിലുള്ള പരിശോധനയും നടത്താതിരിക്കുകയും ചെയ്യുന്നത് കോണ്‍ഗ്രസിനുമാത്രം യോജിക്കുന്ന രീതിയാണ്. എഐസിസി അംഗവും മുന്‍ മന്ത്രിയുമായ കെ കെ രാമചന്ദ്രനെ കോണ്‍ഗ്രസില്‍നിന്ന് പുറത്താക്കിയത് അച്ചടക്കലംഘനത്തിനാണ്. ആറുവര്‍ഷത്തേക്ക് കോണ്‍ഗ്രസിന്റെ പ്രാഥമിക അംഗത്വത്തില്‍നിന്ന് രാമചന്ദ്രനെ പുറത്താക്കിയ എഐസിസി തീരുമാനം കേവലം ഒരച്ചടക്കനടപടി എന്നതിനപ്പുറമുള്ള രാഷ്ട്രീയ-നൈതിക പ്രശ്നങ്ങളുള്‍ക്കാള്ളുന്ന ഒന്നാണ്.
ഉമ്മന്‍ചാണ്ടി മുഖ്യമന്ത്രിയായിരിക്കെ തിരുവനന്തപുരം ട്രാവന്‍കൂര്‍ ടൈറ്റാനിയം പ്രോഡക്ട്സില്‍ നടന്ന വന്‍ അഴിമതിയാണ് രാമചന്ദ്രന്‍ വാര്‍ത്താസമ്മേളനം നടത്തി വെളിപ്പെടുത്തിയത്. അഴിമതി നടക്കുന്ന ഘട്ടത്തില്‍ രാമചന്ദ്രന്‍ മന്ത്രിയായിരുന്നു. 'മാലിന്യസംസ്കരണത്തിന്റെ പേരില്‍ ടൈറ്റാനിയത്തില്‍ 226 കോടി രൂപയുടെ വെട്ടിപ്പിന് ശ്രമം നടന്നു; അതിനു കൂട്ടുനില്‍ക്കാത്തതിനാണ് എന്നെ മന്ത്രിസ്ഥാനത്തുനിന്ന് നീക്കിയത്'- ഇത്രയുമാണ് രാമചന്ദ്രന്‍ പറഞ്ഞത്. രാമചന്ദ്രന്‍ മന്ത്രിയല്ലാതായശേഷമാണ്, 'മാലിന്യ സംസ്കരണ പദ്ധതി' ഉമ്മന്‍ചാണ്ടിമന്ത്രിസഭ അംഗീകരിച്ചത്. വന്‍ അഴിമതിക്കുവേണ്ടിയുള്ള പദ്ധതിയായിരുന്നു അതെന്ന് ഇന്ന് പകല്‍പോലെ വ്യക്തമാണ്. എതിര്‍പ്പുയര്‍ത്തിയതിന്റെ പേരില്‍ മുഖ്യമന്ത്രിയും കെപിസിസി പ്രസിഡന്റും ഫോണില്‍ വിളിച്ച് ഭീഷണിപ്പെടുത്തിയെന്നും മുഖ്യമന്ത്രിയായിരുന്ന ഉമ്മന്‍ചാണ്ടിയുടെ ഓഫീസ് കേന്ദ്രീകരിച്ച് തന്റെ ഫോണ്‍ ചോര്‍ത്തിയെന്നുമുള്ള ഗുരുതരമായ പ്രശ്നങ്ങളും രാമചന്ദ്രന്‍ പൊതുസമൂഹത്തിന്റെ ശ്രദ്ധയില്‍ കൊണ്ടുവന്നു. ഇത്തരം പ്രശ്നങ്ങള്‍ക്കൊന്നുംതന്നെ വിശ്വാസയോഗ്യമായ മറുപടി പറയാന്‍ കോണ്‍ഗ്രസ് ഇന്നുവരെ തയ്യാറായിട്ടില്ല. രാമചന്ദ്രന്‍ പറഞ്ഞ ഏതെങ്കിലും കാര്യം വസ്തുതകള്‍ നിരത്തി നിഷേധിക്കാന്‍ ആ പാര്‍ടിക്കു കഴിഞ്ഞിട്ടില്ല. അതൊന്നും ചെയ്യാതെ, കേവലം അച്ചടക്കപ്രശ്നം മാത്രമായി ഇതിനെ കണ്ട് വിവാദം അവസാനിപ്പിക്കാനുള്ള തന്ത്രമാണ്, എഐസിസി നടപടിയിലൂടെ അരങ്ങേറിയത്.
അഴിമതിയോട് സന്ധിചെയ്തും അഴിമതിക്കാരെ സംരക്ഷിച്ചുമാണ് കേരളത്തിലും കേന്ദ്രത്തിലും കോണ്‍ഗ്രസ് മുന്നോട്ടുപോകുന്നത്. ഇന്ത്യയിലെ ഏറ്റവും വലിയ കള്ളപ്പണക്കാരില്‍ കേരളത്തിലെ ഒരു യുഡിഎഫ് നേതാവുമുണ്ടെന്ന് വാര്‍ത്ത പുറത്തുവന്നിട്ടുണ്ട്. കോണ്‍ഗ്രസിന്റെയും യുഡിഎഫിന്റെയും നേതൃനിരയില്‍ അഴിമതിക്കാരല്ലാത്ത ആരെയും ചൂണ്ടിക്കാട്ടാനില്ല. കേസില്‍നിന്ന് രക്ഷപ്പെടാന്‍ ജഡ്ജിമാരെ വിലയ്ക്കെടുത്തുവെന്ന ആരോപണം നേരിടുന്ന; അനേകം കുറ്റകൃത്യങ്ങളില്‍ പങ്കാളിയെന്ന് ആരോപിക്കപ്പെട്ട പി കെ കുഞ്ഞാലിക്കുട്ടിയും ജയില്‍വാസമനുഭവിക്കുന്ന ബാലകൃഷ്ണപിള്ളയും ടി എം ജേക്കബുമെല്ലാം ഉള്‍പ്പെട്ടതാണ് ആ മുന്നണി. അഴിമതിക്കേസില്‍ ഉമ്മന്‍ചാണ്ടിയുടെ പങ്കാളിത്തവും അന്വേഷണ വിഷയമാണ്. ഇത്തരം കേസുകളൊക്കെ യുഡിഎഫിനകത്തുനിന്നും കൂടെ നില്‍ക്കുന്നവരില്‍നിന്നുമുണ്ടായ വെളിപ്പെടുത്തലുകളിലൂടെയാണ് രൂപപ്പെട്ടത്. ഏതെങ്കിലും രാഷ്ട്രീയവിരോധംവച്ച് എല്‍ഡിഎഫ് സര്‍ക്കാര്‍ സൃഷ്ടിച്ചതല്ല എന്നര്‍ഥം.
എന്നിട്ടും എന്തുകൊണ്ട് കോണ്‍ഗ്രസ് സ്വന്തം നേതാക്കളെക്കുറിച്ച് പരിശോധന നടത്താന്‍ തയ്യാറാകുന്നില്ല? ടൈറ്റാനിയം അഴിമതിയില്‍ ഉമ്മന്‍ചാണ്ടിയുടെയും രമേശ് ചെന്നിത്തലയുടെയും കരങ്ങള്‍ ഇന്നയിന്ന കാരണങ്ങള്‍കൊണ്ട് ശുദ്ധമാണ് എന്ന് വിളിച്ചുപറയാന്‍ എന്തുകൊണ്ട് ആ പാര്‍ടിക്ക് ആര്‍ജവമുണ്ടാകുന്നില്ല?
രാമചന്ദ്രനെതിരായ അച്ചടക്ക നടപടിക്കൊപ്പം അത്തരമൊരു സമീപനം കോണ്‍ഗ്രസില്‍നിന്ന് ഉണ്ടാകാത്തതില്‍ അത്ഭുതത്തിനവകാശമില്ല. അടിമുടി അഴിമതി നടമാടുകയാണ് ആ പാര്‍ടിയില്‍.ടെലികോം-ഖനന മേഖലകളില്‍ നടന്ന വന്‍ അഴിമതി, കോമണ്‍വെല്‍ത്ത് ഗെയിംസുമായി ബന്ധപ്പെട്ട അഴിമതി, ഭൂമി ഇടപാടുകളിലെ അഴിമതി, ആദര്‍ശ് ഫ്ളാറ്റ് അഴിമതി- ഇങ്ങനെ കോണ്‍ഗ്രസിന്റെ അക്കൌണ്ടില്‍ അഴിമതിപരമ്പരതന്നെയുണ്ട്. ഇത്തരം അഴിമതിയിലൂടെ നേട്ടമുണ്ടാക്കിയത് വിദേശികളും സ്വദേശികളുമായ വന്‍കിട ബിസിനസുകാരാണ്. ഭരണരംഗത്തെ ക്രിമിനല്‍വല്‍ക്കരണത്തോടൊപ്പം നവ ഉദാരവല്‍ക്കരണ കാലഘട്ടത്തില്‍ കോര്‍പറേറ്റ് ഭീമന്മാര്‍ എങ്ങനെയാണ് ഭരണസംവിധാനങ്ങളെ കൈയടക്കുന്നതെന്നും ഇതിലൂടെ തെളിഞ്ഞു.
സ്ഥാപനവല്‍ക്കരിക്കപ്പെട്ട അഴിമതിയുടെ നടത്തിപ്പുകാരാണ് കോണ്‍ഗ്രസ് നേതൃത്വം. ആ പാര്‍ടിയുടെ സമുന്നതനേതാവിനാണ് കഴിഞ്ഞ ദിവസം ചെരുപ്പേറുകൊണ്ടത്. കേന്ദ്ര യുപിഎ നേതൃത്വത്തിന്റെ പങ്കാളിത്തത്തോടെ നടക്കുന്നത് ഹിമാലയന്‍ അഴിമതിയാണ്. ഉമ്മന്‍ചാണ്ടിയടക്കമുള്ള കേരള നേതാക്കള്‍ തങ്ങളാലാകുന്നവിധം അതിന് മുതല്‍ക്കൂട്ടുന്നു. കേന്ദ്രത്തില്‍, ബൊഫോഴ്സ് അഴിമതിക്കെതിരെ ശബ്ദമുയര്‍ത്തിയാണ് വി പി സിങ്ങിനെപ്പോലുള്ള ആദര്‍ശശാലികളായ കോണ്‍ഗ്രസ് നേതാക്കള്‍ക്ക് ആ പാര്‍ടിയില്‍നിന്ന് വഴിപിരിയേണ്ടിവന്നത്. ഇവിടെ ഗാന്ധിയന്‍ ചിന്തകള്‍ അല്‍പ്പമെങ്കിലും മനസ്സില്‍ അവശേഷിക്കുന്ന കോണ്‍ഗ്രസുകാര്‍ അടിച്ചമര്‍ത്തപ്പെടുന്നു. അഴിമതിക്കാര്‍ കൊടികുത്തി വാഴുന്നു. എതിര്‍പ്പുയര്‍ത്തുന്നവര്‍ പുറത്താക്കപ്പെടുന്നു. പുഴുത്തുനാറുന്ന അഴിമതിയുടെ വ്രണവുംപേറി നില്‍ക്കുന്നവര്‍ വ്യാജ നിര്‍മിതികളിലൂടെയും ഉപജാപങ്ങളിലൂടെയും 'എല്ലാവരും ഒരുപോലെ' എന്നു വരുത്താന്‍ ശ്രമിക്കുന്നു. സംശുദ്ധ പൊതുപ്രവര്‍ത്തനം നടത്തുന്നവരെ അഴിമതിക്കാരായി ചിത്രീകരിക്കാന്‍ അവര്‍ ഏതറ്റംവരെയും പോകുന്നു. ആ വഴിവിട്ട പോക്കിനെ സംരക്ഷിക്കാന്‍ മാധ്യമ ഉപജാപങ്ങള്‍ അരങ്ങേറുന്നു.
ഇത്തരം നെറികേടുകള്‍ക്കെതിരായ ശബ്ദമാണ് ഇന്ന് കേരളത്തില്‍ ഉയരേണ്ടത്. ശ്രദ്ധ വഴിതിരിക്കാനുള്ള കപട നാടകങ്ങള്‍ക്കു പുറകെയല്ല, പച്ചയായ യാഥാര്‍ഥ്യങ്ങള്‍ വകതിരിച്ചറിയാനുള്ള അന്വേഷണത്തിലേക്കാണ് കേരളത്തിന്റെ കണ്ണും മനസ്സും പതിയേണ്ടത്. അത്തരമൊരവസ്ഥയില്‍ മാത്രമേ, അഴിമതിക്കാര്‍ക്ക് തണലും താങ്ങും നല്‍കുന്ന കാപട്യം ശിക്ഷിക്കപ്പെടൂ; രാമചന്ദ്രനെ പുറത്താക്കിയവര്‍ എന്തുകൊണ്ട് ടൈറ്റാനിയം അഴിമതിയെക്കുറിച്ച് മിണ്ടുന്നില്ല എന്ന ചോദ്യം ഉയര്‍ന്നുപൊങ്ങൂ. ഹേ കാപട്യക്കാരേ, നിങ്ങള്‍ക്കുനേരെ മനസ്സുകൊണ്ട് ആയിരംവട്ടം ചെരുപ്പെറിയുകയാണ് കേരളത്തിലെ ചിന്താശേഷിയുള്ള ജനങ്ങള്‍ എന്ന യാഥാര്‍ഥ്യം മനസ്സിലാക്കുക. പരിഹാസ്യ നാടകങ്ങള്‍കൊണ്ട് പാവപ്പെട്ടവരുടെ മനംമയക്കാന്‍ എന്നും കഴിയുമെന്ന മൂഢവിശ്വാസം നിങ്ങളെ എക്കാലവും രക്ഷിക്കില്ലെന്നോര്‍ക്കുക.
ദേശാഭിമാനി മുഖപ്രസംഗം 280411
ഉമ്മന്‍ചാണ്ടി മുഖ്യമന്ത്രിയായിരിക്കെ തിരുവനന്തപുരം ട്രാവന്‍കൂര്‍ ടൈറ്റാനിയം പ്രോഡക്ട്സില്‍ നടന്ന വന്‍ അഴിമതിയാണ് രാമചന്ദ്രന്‍ വാര്‍ത്താസമ്മേളനം നടത്തി വെളിപ്പെടുത്തിയത്. അഴിമതി നടക്കുന്ന ഘട്ടത്തില്‍ രാമചന്ദ്രന്‍ മന്ത്രിയായിരുന്നു. 'മാലിന്യസംസ്കരണത്തിന്റെ പേരില്‍ ടൈറ്റാനിയത്തില്‍ 226 കോടി രൂപയുടെ വെട്ടിപ്പിന് ശ്രമം നടന്നു; അതിനു കൂട്ടുനില്‍ക്കാത്തതിനാണ് എന്നെ മന്ത്രിസ്ഥാനത്തുനിന്ന് നീക്കിയത്'- ഇത്രയുമാണ് രാമചന്ദ്രന്‍ പറഞ്ഞത്. രാമചന്ദ്രന്‍ മന്ത്രിയല്ലാതായശേഷമാണ്, 'മാലിന്യ സംസ്കരണ പദ്ധതി' ഉമ്മന്‍ചാണ്ടിമന്ത്രിസഭ അംഗീകരിച്ചത്. വന്‍ അഴിമതിക്കുവേണ്ടിയുള്ള പദ്ധതിയായിരുന്നു അതെന്ന് ഇന്ന് പകല്‍പോലെ വ്യക്തമാണ്. എതിര്‍പ്പുയര്‍ത്തിയതിന്റെ പേരില്‍ മുഖ്യമന്ത്രിയും കെപിസിസി പ്രസിഡന്റും ഫോണില്‍ വിളിച്ച് ഭീഷണിപ്പെടുത്തിയെന്നും മുഖ്യമന്ത്രിയായിരുന്ന ഉമ്മന്‍ചാണ്ടിയുടെ ഓഫീസ് കേന്ദ്രീകരിച്ച് തന്റെ ഫോണ്‍ ചോര്‍ത്തിയെന്നുമുള്ള ഗുരുതരമായ പ്രശ്നങ്ങളും രാമചന്ദ്രന്‍ പൊതുസമൂഹത്തിന്റെ ശ്രദ്ധയില്‍ കൊണ്ടുവന്നു. ഇത്തരം പ്രശ്നങ്ങള്‍ക്കൊന്നുംതന്നെ വിശ്വാസയോഗ്യമായ മറുപടി പറയാന്‍ കോണ്‍ഗ്രസ് ഇന്നുവരെ തയ്യാറായിട്ടില്ല. രാമചന്ദ്രന്‍ പറഞ്ഞ ഏതെങ്കിലും കാര്യം വസ്തുതകള്‍ നിരത്തി നിഷേധിക്കാന്‍ ആ പാര്‍ടിക്കു കഴിഞ്ഞിട്ടില്ല. അതൊന്നും ചെയ്യാതെ, കേവലം അച്ചടക്കപ്രശ്നം മാത്രമായി ഇതിനെ കണ്ട് വിവാദം അവസാനിപ്പിക്കാനുള്ള തന്ത്രമാണ്, എഐസിസി നടപടിയിലൂടെ അരങ്ങേറിയത്.
അഴിമതിയോട് സന്ധിചെയ്തും അഴിമതിക്കാരെ സംരക്ഷിച്ചുമാണ് കേരളത്തിലും കേന്ദ്രത്തിലും കോണ്‍ഗ്രസ് മുന്നോട്ടുപോകുന്നത്. ഇന്ത്യയിലെ ഏറ്റവും വലിയ കള്ളപ്പണക്കാരില്‍ കേരളത്തിലെ ഒരു യുഡിഎഫ് നേതാവുമുണ്ടെന്ന് വാര്‍ത്ത പുറത്തുവന്നിട്ടുണ്ട്. കോണ്‍ഗ്രസിന്റെയും യുഡിഎഫിന്റെയും നേതൃനിരയില്‍ അഴിമതിക്കാരല്ലാത്ത ആരെയും ചൂണ്ടിക്കാട്ടാനില്ല. കേസില്‍നിന്ന് രക്ഷപ്പെടാന്‍ ജഡ്ജിമാരെ വിലയ്ക്കെടുത്തുവെന്ന ആരോപണം നേരിടുന്ന; അനേകം കുറ്റകൃത്യങ്ങളില്‍ പങ്കാളിയെന്ന് ആരോപിക്കപ്പെട്ട പി കെ കുഞ്ഞാലിക്കുട്ടിയും ജയില്‍വാസമനുഭവിക്കുന്ന ബാലകൃഷ്ണപിള്ളയും ടി എം ജേക്കബുമെല്ലാം ഉള്‍പ്പെട്ടതാണ് ആ മുന്നണി. അഴിമതിക്കേസില്‍ ഉമ്മന്‍ചാണ്ടിയുടെ പങ്കാളിത്തവും അന്വേഷണ വിഷയമാണ്. ഇത്തരം കേസുകളൊക്കെ യുഡിഎഫിനകത്തുനിന്നും കൂടെ നില്‍ക്കുന്നവരില്‍നിന്നുമുണ്ടായ വെളിപ്പെടുത്തലുകളിലൂടെയാണ് രൂപപ്പെട്ടത്. ഏതെങ്കിലും രാഷ്ട്രീയവിരോധംവച്ച് എല്‍ഡിഎഫ് സര്‍ക്കാര്‍ സൃഷ്ടിച്ചതല്ല എന്നര്‍ഥം.
എന്നിട്ടും എന്തുകൊണ്ട് കോണ്‍ഗ്രസ് സ്വന്തം നേതാക്കളെക്കുറിച്ച് പരിശോധന നടത്താന്‍ തയ്യാറാകുന്നില്ല? ടൈറ്റാനിയം അഴിമതിയില്‍ ഉമ്മന്‍ചാണ്ടിയുടെയും രമേശ് ചെന്നിത്തലയുടെയും കരങ്ങള്‍ ഇന്നയിന്ന കാരണങ്ങള്‍കൊണ്ട് ശുദ്ധമാണ് എന്ന് വിളിച്ചുപറയാന്‍ എന്തുകൊണ്ട് ആ പാര്‍ടിക്ക് ആര്‍ജവമുണ്ടാകുന്നില്ല?
രാമചന്ദ്രനെതിരായ അച്ചടക്ക നടപടിക്കൊപ്പം അത്തരമൊരു സമീപനം കോണ്‍ഗ്രസില്‍നിന്ന് ഉണ്ടാകാത്തതില്‍ അത്ഭുതത്തിനവകാശമില്ല. അടിമുടി അഴിമതി നടമാടുകയാണ് ആ പാര്‍ടിയില്‍.ടെലികോം-ഖനന മേഖലകളില്‍ നടന്ന വന്‍ അഴിമതി, കോമണ്‍വെല്‍ത്ത് ഗെയിംസുമായി ബന്ധപ്പെട്ട അഴിമതി, ഭൂമി ഇടപാടുകളിലെ അഴിമതി, ആദര്‍ശ് ഫ്ളാറ്റ് അഴിമതി- ഇങ്ങനെ കോണ്‍ഗ്രസിന്റെ അക്കൌണ്ടില്‍ അഴിമതിപരമ്പരതന്നെയുണ്ട്. ഇത്തരം അഴിമതിയിലൂടെ നേട്ടമുണ്ടാക്കിയത് വിദേശികളും സ്വദേശികളുമായ വന്‍കിട ബിസിനസുകാരാണ്. ഭരണരംഗത്തെ ക്രിമിനല്‍വല്‍ക്കരണത്തോടൊപ്പം നവ ഉദാരവല്‍ക്കരണ കാലഘട്ടത്തില്‍ കോര്‍പറേറ്റ് ഭീമന്മാര്‍ എങ്ങനെയാണ് ഭരണസംവിധാനങ്ങളെ കൈയടക്കുന്നതെന്നും ഇതിലൂടെ തെളിഞ്ഞു.
സ്ഥാപനവല്‍ക്കരിക്കപ്പെട്ട അഴിമതിയുടെ നടത്തിപ്പുകാരാണ് കോണ്‍ഗ്രസ് നേതൃത്വം. ആ പാര്‍ടിയുടെ സമുന്നതനേതാവിനാണ് കഴിഞ്ഞ ദിവസം ചെരുപ്പേറുകൊണ്ടത്. കേന്ദ്ര യുപിഎ നേതൃത്വത്തിന്റെ പങ്കാളിത്തത്തോടെ നടക്കുന്നത് ഹിമാലയന്‍ അഴിമതിയാണ്. ഉമ്മന്‍ചാണ്ടിയടക്കമുള്ള കേരള നേതാക്കള്‍ തങ്ങളാലാകുന്നവിധം അതിന് മുതല്‍ക്കൂട്ടുന്നു. കേന്ദ്രത്തില്‍, ബൊഫോഴ്സ് അഴിമതിക്കെതിരെ ശബ്ദമുയര്‍ത്തിയാണ് വി പി സിങ്ങിനെപ്പോലുള്ള ആദര്‍ശശാലികളായ കോണ്‍ഗ്രസ് നേതാക്കള്‍ക്ക് ആ പാര്‍ടിയില്‍നിന്ന് വഴിപിരിയേണ്ടിവന്നത്. ഇവിടെ ഗാന്ധിയന്‍ ചിന്തകള്‍ അല്‍പ്പമെങ്കിലും മനസ്സില്‍ അവശേഷിക്കുന്ന കോണ്‍ഗ്രസുകാര്‍ അടിച്ചമര്‍ത്തപ്പെടുന്നു. അഴിമതിക്കാര്‍ കൊടികുത്തി വാഴുന്നു. എതിര്‍പ്പുയര്‍ത്തുന്നവര്‍ പുറത്താക്കപ്പെടുന്നു. പുഴുത്തുനാറുന്ന അഴിമതിയുടെ വ്രണവുംപേറി നില്‍ക്കുന്നവര്‍ വ്യാജ നിര്‍മിതികളിലൂടെയും ഉപജാപങ്ങളിലൂടെയും 'എല്ലാവരും ഒരുപോലെ' എന്നു വരുത്താന്‍ ശ്രമിക്കുന്നു. സംശുദ്ധ പൊതുപ്രവര്‍ത്തനം നടത്തുന്നവരെ അഴിമതിക്കാരായി ചിത്രീകരിക്കാന്‍ അവര്‍ ഏതറ്റംവരെയും പോകുന്നു. ആ വഴിവിട്ട പോക്കിനെ സംരക്ഷിക്കാന്‍ മാധ്യമ ഉപജാപങ്ങള്‍ അരങ്ങേറുന്നു.
ഇത്തരം നെറികേടുകള്‍ക്കെതിരായ ശബ്ദമാണ് ഇന്ന് കേരളത്തില്‍ ഉയരേണ്ടത്. ശ്രദ്ധ വഴിതിരിക്കാനുള്ള കപട നാടകങ്ങള്‍ക്കു പുറകെയല്ല, പച്ചയായ യാഥാര്‍ഥ്യങ്ങള്‍ വകതിരിച്ചറിയാനുള്ള അന്വേഷണത്തിലേക്കാണ് കേരളത്തിന്റെ കണ്ണും മനസ്സും പതിയേണ്ടത്. അത്തരമൊരവസ്ഥയില്‍ മാത്രമേ, അഴിമതിക്കാര്‍ക്ക് തണലും താങ്ങും നല്‍കുന്ന കാപട്യം ശിക്ഷിക്കപ്പെടൂ; രാമചന്ദ്രനെ പുറത്താക്കിയവര്‍ എന്തുകൊണ്ട് ടൈറ്റാനിയം അഴിമതിയെക്കുറിച്ച് മിണ്ടുന്നില്ല എന്ന ചോദ്യം ഉയര്‍ന്നുപൊങ്ങൂ. ഹേ കാപട്യക്കാരേ, നിങ്ങള്‍ക്കുനേരെ മനസ്സുകൊണ്ട് ആയിരംവട്ടം ചെരുപ്പെറിയുകയാണ് കേരളത്തിലെ ചിന്താശേഷിയുള്ള ജനങ്ങള്‍ എന്ന യാഥാര്‍ഥ്യം മനസ്സിലാക്കുക. പരിഹാസ്യ നാടകങ്ങള്‍കൊണ്ട് പാവപ്പെട്ടവരുടെ മനംമയക്കാന്‍ എന്നും കഴിയുമെന്ന മൂഢവിശ്വാസം നിങ്ങളെ എക്കാലവും രക്ഷിക്കില്ലെന്നോര്‍ക്കുക.
ദേശാഭിമാനി മുഖപ്രസംഗം 280411
Wednesday, April 27, 2011
പെട്രോള്‍വില വര്‍ധിപ്പിക്കരുത്
തെരഞ്ഞെടുപ്പ് കഴിഞ്ഞാല്‍ പെട്രോളിയം ഉല്‍പ്പന്നങ്ങളുടെ വില വര്‍ധിപ്പിക്കുന്നത് യുപിഎ സര്‍ക്കാര്‍ പതിവാക്കി മാറ്റിയിരിക്കുന്നു. 2009ല്‍ ലോക്സഭാ തെരഞ്ഞെടുപ്പ് കഴിഞ്ഞ ഉടനെയാണ് വില വര്‍ധിപ്പിച്ചത്. പെട്രോളിന്റെ വിലനിയന്ത്രണം കേന്ദ്രസര്‍ക്കാര്‍ ഉപേക്ഷിച്ചതിനുശേഷം ഏഴുതവണയാണ് വില വര്‍ധിപ്പിച്ചത്. അഞ്ച് സംസ്ഥാനങ്ങളിലെ തെരഞ്ഞെടുപ്പ് കഴിഞ്ഞാലുടന്‍ പെട്രോള്‍ വില വര്‍ധിപ്പിക്കുമെന്ന് സര്‍ക്കാര്‍ ഉടമസ്ഥതയിലുള്ള എണ്ണ കമ്പനിയായ ഇന്ത്യന്‍ ഓയില്‍ കോര്‍പറേഷന്‍ ചെയര്‍മാന്‍ രബീര്‍ സിങ് ബുട്ടോല വെളിപ്പെടുത്തിയിരുന്നു. ഐഒസി വില വര്‍ധിപ്പിച്ചാല്‍ സ്വകാര്യകമ്പനികള്‍ ഉള്‍പ്പെടെ മറ്റെല്ലാ കമ്പനികളും വില വര്‍ധിപ്പിക്കുമെന്ന് തീര്‍ച്ചയാണ്.
പാചകവാതകത്തിന് സിലിണ്ടറിന് 650 രൂപയായി വര്‍ധിപ്പിക്കുമെന്ന് മുമ്പുതന്നെ അറിയിപ്പുണ്ടായിട്ടുണ്ട്. ഡീസല്‍, മണ്ണെണ്ണ എന്നിവയുടെ വില നിയന്ത്രണവും നീക്കം ചെയ്യാന്‍ കേന്ദ്രസര്‍ക്കാരിന്റെ മേല്‍ കടുത്ത സമ്മര്‍ദം തുടരുകയാണ്. തെരഞ്ഞെടുപ്പ് കഴിയുന്നതോടെ അതിനുള്ള സാധ്യതയും കാണാതിരുന്നുകൂട. ജനങ്ങളുടെമേല്‍ പുതിയ ഭാരം അടിച്ചേല്‍പ്പിക്കാന്‍ യാതൊരു മനസ്സാക്ഷികുത്തുമില്ലാത്ത സര്‍ക്കാരാണ് കേന്ദ്രം ഭരിക്കുന്നത്. വിലക്കയറ്റം നിയന്ത്രിക്കാന്‍ ഇതേവരെ ഒരു നടപടിയും സ്വീകരിച്ചിട്ടില്ല. മറിച്ച് വിലക്കയറ്റം രൂക്ഷമാക്കാനുള്ള എല്ലാ നടപടികളും സ്വീകരിക്കുന്നുമുണ്ട്. ജനങ്ങള്‍ ഇതൊക്കെ മിണ്ടാപ്രാണികളെപ്പോലെ സഹിക്കുമെന്നാണ് ഇക്കൂട്ടര്‍ക്കുള്ള ധാരണ എന്നുതോന്നുന്നു. ആ ധാരണയ്ക്ക് അറുതി വരുത്തിയില്ലെങ്കില്‍ രണ്ടാം യുപിഎ സര്‍ക്കാര്‍ ജനദ്രോഹ നടപടികള്‍ തുടരുകതന്നെ ചെയ്യും.
ദേശാഭിമാനി മുഖപ്രസംഗം 270411
പാചകവാതകത്തിന് സിലിണ്ടറിന് 650 രൂപയായി വര്‍ധിപ്പിക്കുമെന്ന് മുമ്പുതന്നെ അറിയിപ്പുണ്ടായിട്ടുണ്ട്. ഡീസല്‍, മണ്ണെണ്ണ എന്നിവയുടെ വില നിയന്ത്രണവും നീക്കം ചെയ്യാന്‍ കേന്ദ്രസര്‍ക്കാരിന്റെ മേല്‍ കടുത്ത സമ്മര്‍ദം തുടരുകയാണ്. തെരഞ്ഞെടുപ്പ് കഴിയുന്നതോടെ അതിനുള്ള സാധ്യതയും കാണാതിരുന്നുകൂട. ജനങ്ങളുടെമേല്‍ പുതിയ ഭാരം അടിച്ചേല്‍പ്പിക്കാന്‍ യാതൊരു മനസ്സാക്ഷികുത്തുമില്ലാത്ത സര്‍ക്കാരാണ് കേന്ദ്രം ഭരിക്കുന്നത്. വിലക്കയറ്റം നിയന്ത്രിക്കാന്‍ ഇതേവരെ ഒരു നടപടിയും സ്വീകരിച്ചിട്ടില്ല. മറിച്ച് വിലക്കയറ്റം രൂക്ഷമാക്കാനുള്ള എല്ലാ നടപടികളും സ്വീകരിക്കുന്നുമുണ്ട്. ജനങ്ങള്‍ ഇതൊക്കെ മിണ്ടാപ്രാണികളെപ്പോലെ സഹിക്കുമെന്നാണ് ഇക്കൂട്ടര്‍ക്കുള്ള ധാരണ എന്നുതോന്നുന്നു. ആ ധാരണയ്ക്ക് അറുതി വരുത്തിയില്ലെങ്കില്‍ രണ്ടാം യുപിഎ സര്‍ക്കാര്‍ ജനദ്രോഹ നടപടികള്‍ തുടരുകതന്നെ ചെയ്യും.
ദേശാഭിമാനി മുഖപ്രസംഗം 270411
യുപിഎ സഖ്യത്തിന്റെ ജയില്‍ നിറയ്ക്കല്‍
രണ്ടാം യുപിഎ സര്‍ക്കാര്‍ സ്വതന്ത്ര ഇന്ത്യയുടെ ചരിത്രത്തില്‍ പുതിയ അധ്യായം എഴുതിച്ചേര്‍ക്കുകയാണ്. രാഷ്ട്രീയപാര്‍ടികള്‍ ചില പ്രശ്നങ്ങളെ ആധാരമാക്കി ജയില്‍ നിറയ്ക്കല്‍ സമരം സംഘടിപ്പിക്കാറുണ്ട്. എന്നാല്‍, അഴിമതി നടത്തി ജയില്‍ നിറയ്ക്കുന്നത് ഇന്ത്യയുടെമാത്രമല്ല, ലോകചരിത്രത്തില്‍തന്നെ പുതുമയായിരിക്കും. യുപിഎ സഖ്യത്തിലെ പ്രമുഖ കക്ഷിയായ ഡിഎംകെ നേതാവും ടെലികോം മന്ത്രിയുമായിരുന്ന എ രാജ 2ജി സ്പെക്ട്രം അഴിമതിയിലെ മുഖ്യപ്രതി എന്നനിലയില്‍ തിഹാര്‍ ജയിലില്‍ കഴിയുകയാണ്. കോമണ്‍വെല്‍ത്ത് ഗെയിംസ് അഴിമതിയുടെ പേരില്‍ കോണ്‍ഗ്രസ് നേതാവും എംപിയുമായ സുരേഷ് കല്‍മാഡിയെ സിബിഐ അറസ്റുചെയ്ത് ജയിലിലടച്ചിരിക്കുന്നു. തമിഴ്നാട് മുഖ്യമന്ത്രിയും ഡിഎംകെ നേതാവുമായ എം കരുണാനിധിയുടെ മകളും രാജ്യസഭാംഗവുമായ കനിമൊഴി 2ജി സ്പെക്ട്രം അഴിമതിക്കേസില്‍ പ്രതിയാണെന്ന് വന്നിരിക്കുന്നു. കോണ്‍ഗ്രസ് നേതാവും മഹാരാഷ്ട്ര മുഖ്യമന്ത്രിയുമായിരുന്ന അശോക് ചവാനെതിരെ ഫ്ളാറ്റ് കുംഭകോണത്തിന്റെ പേരിലുള്ള അന്വേഷണം നടക്കുകയാണ്.
യുപിഎ സഖ്യത്തിന്റെ കേരളത്തിലെ തനിപ്പകര്‍പ്പാണ് യുഡിഎഫ്. അതിന്റെ സ്ഥാപകനേതാക്കളില്‍ ഒരാളായ ആര്‍ ബാലകൃഷ്ണപിള്ള, അഴിമതിക്കേസില്‍ സുപ്രീംകോടതി കഠിനതടവിന് ശിക്ഷിച്ചതുമൂലം പൂജപ്പുര സെന്‍ട്രല്‍ ജയിലിലാണ്. താല്‍ക്കാലികമായി പരോളിലിറങ്ങി എന്നുമാത്രം. ഇനിയും പലരും ജയിലില്‍ പോകാന്‍ ഊഴവും കാത്തിരിക്കുകയാണ്. 2ജി സ്പെക്ട്രം അനുബന്ധ കുറ്റപത്രത്തില്‍ കരുണാനിധിയുടെ ഭാര്യ ദയാലു അമ്മാളും പ്രതിയാണുപോലും.
അതിനിടയ്ക്കാണ് കോണ്‍ഗ്രസും ഡിഎംകെയും തമ്മിലുള്ള ബന്ധം ഉലയുന്നതായുള്ള വാര്‍ത്ത മാധ്യമങ്ങളില്‍ സ്ഥാനംപിടിച്ചത്. സുപ്രീംകോടതി നേരിട്ട് മേല്‍നോട്ടം വഹിക്കുന്ന അന്വേഷണമായതുകൊണ്ടുമാത്രമാണ് കോണ്‍ഗ്രസ് നേതൃത്വത്തിന് നേരിട്ട് ഇടപെട്ട് ആരെയെങ്കിലും പ്രതിപ്പട്ടികയില്‍നിന്ന് ഒഴിവാക്കാനോ കൂട്ടിച്ചേര്‍ക്കാനോ കഴിയാത്ത നിസ്സഹായാവസ്ഥയുണ്ടായത്.
കേരളത്തിലെ കോണ്‍ഗ്രസ് നേതൃത്വം നല്‍കുന്ന യുഡിഎഫ് ഒരുപടികൂടി കടന്ന് മറ്റൊരു പുതിയ ചരിത്രവും സൃഷ്ടിച്ചിരിക്കുന്നു. അഴിമതിയുടെ പേരില്‍ ശിക്ഷിക്കപ്പെട്ട ഒരാള്‍ക്ക് സ്വീകരണം നല്‍കുന്ന പതിവ് കേട്ടുകേള്‍വിപോലും ഇല്ലാത്തതാണ്. എന്നാല്‍, ബാലകൃഷ്ണപിള്ളയ്ക്ക് കൊട്ടാരക്കരയില്‍ സ്വീകരണം നല്‍കാന്‍ യുഡിഎഫ് നേതൃത്വം തയ്യാറായി. അഴിമതി നടത്തിയ പിള്ളയെ അനുമോദിച്ചാണ് യുഡിഎഫ് നേതാക്കള്‍ ഘോരഘോരം പ്രസംഗിച്ചത്. അഴിമതി നടത്തി ജയിലില്‍ പോകുന്നതാണ് മാതൃകയെന്ന് കോണ്‍ഗ്രസ് നേതൃത്വം അംഗീകരിച്ചിരിക്കുന്നു. പിള്ളയുടെ മാതൃക മറ്റുള്ളവരും പിന്തുടരുമെന്നാണ് സ്വീകരണം നല്‍കിയതിന്റെ അര്‍ഥം.
അഴിമതിയോടുള്ള സമീപനമാണ് ഇവിടെ പ്രധാനം. 2ജി സ്പെക്ട്രം അഴിമതിയെപ്പറ്റി 2007 നവംബറില്‍തന്നെ പ്രധാനമന്ത്രി മന്‍മോഹന്‍സിങ്ങിന് അറിവുണ്ടായിട്ടും മുന്നണിധര്‍മത്തിന്റെ മറവില്‍ അത് മറച്ചുവയ്ക്കുകയാണുണ്ടായത്. കേന്ദ്ര ഖജനാവിന് 1.76 ലക്ഷം കോടി രൂപ നഷ്ടംവന്നതായി സിഎജി കണ്ടെത്തിയ അഴിമതിയാണ് പ്രധാനമന്ത്രിപോലും മൂടിവയ്ക്കാന്‍ ശ്രമിച്ചതെന്നുള്ളത് അതീവ ഗൌരവമുള്ള പ്രശ്നംതന്നെയാണ്. പ്രതിപക്ഷം ഒറ്റക്കെട്ടായി ശബ്ദമുയര്‍ത്തുകയും സുപ്രീംകോടതി ഫലപ്രദമായി ഇടപെടുകയും ചെയ്തതുകൊണ്ടുമാത്രമാണ് സമഗ്രമായ അന്വേഷണം നടത്താന്‍ സിബിഐ നിര്‍ബന്ധിതമായത്. അണ്ണ ഹസാരെയുടെ നിരാഹാരം അഴിമതിയുടെ പ്രശ്നത്തിലേക്ക് ബഹുജനശ്രദ്ധ കേന്ദ്രീകരിക്കാന്‍ സഹായിച്ചെന്നത് വസ്തുതയാണ്. എന്നാല്‍, അതുകൊണ്ടുമാത്രം പ്രശ്നം അവസാനിക്കുന്നില്ല. ലോക്പാല്‍ ബില്‍ പാസാക്കിയതുകൊണ്ടും അഴിമതിയില്‍ അറുതിവരുമെന്ന് കരുതേണ്ടതില്ല. കോര്‍പറേറ്റ് ഉടമകളും ഉദ്യോഗസ്ഥ ദുഷ്പ്രഭുത്വവും രാഷ്ട്രീയനേതൃത്വവും ക്രിമിനലുകളും തമ്മിലുള്ള അവിഹിതമായ കൂട്ടുകെട്ട് തുടരുന്നിടത്തോളം കാലം അഴിമതി കുറയാനല്ല, വര്‍ധിക്കാനാണ് സാധ്യത. ഈ അവിഹിതബന്ധത്തിന് അറുതിവരുത്താനുള്ള സമരവും ഒപ്പം തുടരേണ്ടതുണ്ട്.
ദേശാഭിമാനി മുഖപ്രസംഗം 270411
യുപിഎ സഖ്യത്തിന്റെ കേരളത്തിലെ തനിപ്പകര്‍പ്പാണ് യുഡിഎഫ്. അതിന്റെ സ്ഥാപകനേതാക്കളില്‍ ഒരാളായ ആര്‍ ബാലകൃഷ്ണപിള്ള, അഴിമതിക്കേസില്‍ സുപ്രീംകോടതി കഠിനതടവിന് ശിക്ഷിച്ചതുമൂലം പൂജപ്പുര സെന്‍ട്രല്‍ ജയിലിലാണ്. താല്‍ക്കാലികമായി പരോളിലിറങ്ങി എന്നുമാത്രം. ഇനിയും പലരും ജയിലില്‍ പോകാന്‍ ഊഴവും കാത്തിരിക്കുകയാണ്. 2ജി സ്പെക്ട്രം അനുബന്ധ കുറ്റപത്രത്തില്‍ കരുണാനിധിയുടെ ഭാര്യ ദയാലു അമ്മാളും പ്രതിയാണുപോലും.
അതിനിടയ്ക്കാണ് കോണ്‍ഗ്രസും ഡിഎംകെയും തമ്മിലുള്ള ബന്ധം ഉലയുന്നതായുള്ള വാര്‍ത്ത മാധ്യമങ്ങളില്‍ സ്ഥാനംപിടിച്ചത്. സുപ്രീംകോടതി നേരിട്ട് മേല്‍നോട്ടം വഹിക്കുന്ന അന്വേഷണമായതുകൊണ്ടുമാത്രമാണ് കോണ്‍ഗ്രസ് നേതൃത്വത്തിന് നേരിട്ട് ഇടപെട്ട് ആരെയെങ്കിലും പ്രതിപ്പട്ടികയില്‍നിന്ന് ഒഴിവാക്കാനോ കൂട്ടിച്ചേര്‍ക്കാനോ കഴിയാത്ത നിസ്സഹായാവസ്ഥയുണ്ടായത്.
കേരളത്തിലെ കോണ്‍ഗ്രസ് നേതൃത്വം നല്‍കുന്ന യുഡിഎഫ് ഒരുപടികൂടി കടന്ന് മറ്റൊരു പുതിയ ചരിത്രവും സൃഷ്ടിച്ചിരിക്കുന്നു. അഴിമതിയുടെ പേരില്‍ ശിക്ഷിക്കപ്പെട്ട ഒരാള്‍ക്ക് സ്വീകരണം നല്‍കുന്ന പതിവ് കേട്ടുകേള്‍വിപോലും ഇല്ലാത്തതാണ്. എന്നാല്‍, ബാലകൃഷ്ണപിള്ളയ്ക്ക് കൊട്ടാരക്കരയില്‍ സ്വീകരണം നല്‍കാന്‍ യുഡിഎഫ് നേതൃത്വം തയ്യാറായി. അഴിമതി നടത്തിയ പിള്ളയെ അനുമോദിച്ചാണ് യുഡിഎഫ് നേതാക്കള്‍ ഘോരഘോരം പ്രസംഗിച്ചത്. അഴിമതി നടത്തി ജയിലില്‍ പോകുന്നതാണ് മാതൃകയെന്ന് കോണ്‍ഗ്രസ് നേതൃത്വം അംഗീകരിച്ചിരിക്കുന്നു. പിള്ളയുടെ മാതൃക മറ്റുള്ളവരും പിന്തുടരുമെന്നാണ് സ്വീകരണം നല്‍കിയതിന്റെ അര്‍ഥം.
അഴിമതിയോടുള്ള സമീപനമാണ് ഇവിടെ പ്രധാനം. 2ജി സ്പെക്ട്രം അഴിമതിയെപ്പറ്റി 2007 നവംബറില്‍തന്നെ പ്രധാനമന്ത്രി മന്‍മോഹന്‍സിങ്ങിന് അറിവുണ്ടായിട്ടും മുന്നണിധര്‍മത്തിന്റെ മറവില്‍ അത് മറച്ചുവയ്ക്കുകയാണുണ്ടായത്. കേന്ദ്ര ഖജനാവിന് 1.76 ലക്ഷം കോടി രൂപ നഷ്ടംവന്നതായി സിഎജി കണ്ടെത്തിയ അഴിമതിയാണ് പ്രധാനമന്ത്രിപോലും മൂടിവയ്ക്കാന്‍ ശ്രമിച്ചതെന്നുള്ളത് അതീവ ഗൌരവമുള്ള പ്രശ്നംതന്നെയാണ്. പ്രതിപക്ഷം ഒറ്റക്കെട്ടായി ശബ്ദമുയര്‍ത്തുകയും സുപ്രീംകോടതി ഫലപ്രദമായി ഇടപെടുകയും ചെയ്തതുകൊണ്ടുമാത്രമാണ് സമഗ്രമായ അന്വേഷണം നടത്താന്‍ സിബിഐ നിര്‍ബന്ധിതമായത്. അണ്ണ ഹസാരെയുടെ നിരാഹാരം അഴിമതിയുടെ പ്രശ്നത്തിലേക്ക് ബഹുജനശ്രദ്ധ കേന്ദ്രീകരിക്കാന്‍ സഹായിച്ചെന്നത് വസ്തുതയാണ്. എന്നാല്‍, അതുകൊണ്ടുമാത്രം പ്രശ്നം അവസാനിക്കുന്നില്ല. ലോക്പാല്‍ ബില്‍ പാസാക്കിയതുകൊണ്ടും അഴിമതിയില്‍ അറുതിവരുമെന്ന് കരുതേണ്ടതില്ല. കോര്‍പറേറ്റ് ഉടമകളും ഉദ്യോഗസ്ഥ ദുഷ്പ്രഭുത്വവും രാഷ്ട്രീയനേതൃത്വവും ക്രിമിനലുകളും തമ്മിലുള്ള അവിഹിതമായ കൂട്ടുകെട്ട് തുടരുന്നിടത്തോളം കാലം അഴിമതി കുറയാനല്ല, വര്‍ധിക്കാനാണ് സാധ്യത. ഈ അവിഹിതബന്ധത്തിന് അറുതിവരുത്താനുള്ള സമരവും ഒപ്പം തുടരേണ്ടതുണ്ട്.
ദേശാഭിമാനി മുഖപ്രസംഗം 270411
ടി എം ജേക്കബിനെതിരെ വിജിലന്‍സ് അന്വേഷണം
തീരപഥം കുടിവെള്ളപദ്ധതി അഴിമതിയില്‍ മുന്‍ മന്ത്രി ടി എം ജേക്കബിനും മൂന്ന് ഉന്നത ഉദ്യോഗസ്ഥര്‍ക്കുമെതിരെ വിജിലന്‍സ് അന്വേഷണത്തിന് തിരുവനന്തപുരം വിജിലന്‍സ് പ്രത്യേക കോടതി ഉത്തരവിട്ടു. 10.15 കോടി രൂപയുടെ പദ്ധതി നടപ്പാക്കിയത് വഴി എട്ടു കോടി നഷ്ടം വരുത്തിയെന്ന് കാണിച്ച് പൊതുപ്രവര്‍ത്തകനായ പി കെ രാജു അഡ്വ. കെ ബിജുലാല്‍ മുഖേന സമര്‍പ്പിച്ച ഹര്‍ജിയിലാണ് ജഡ്ജി എസ് ജഗദീശന്റെ ഉത്തരവ്.
തിരുവനന്തപുരം മെഡിക്കല്‍ കോളേജ് ആശുപത്രി ഉള്‍പ്പെടെയുള്ള പ്രദേശങ്ങളില്‍ കുടിവെള്ളം എത്തിക്കാന്‍ തയ്യാറാക്കിയതാണ് തീരപഥം പദ്ധതി. 2004ല്‍ ടി എം ജേക്കബ് ജലമന്ത്രിയായിരിക്കുമ്പോള്‍ നടപ്പാക്കിയ പദ്ധതി, നിരന്തരം പൈപ്പ് പൊട്ടിയതിനെത്തുടര്‍ന്ന് 2008ല്‍ നിര്‍ത്തി. ഗുണനിലവാരം കുറഞ്ഞ പൈപ്പ് ഉപയോഗിച്ചത് പൈപ്പ് പൊട്ടല്‍ നിത്യസംഭവമാകാന്‍ ഇടയാക്കിയെന്നും അതുവഴി കോടികള്‍ നഷ്ടം വരുത്തിയെന്നും ഹര്‍ജിയില്‍ ചൂണ്ടിക്കാണിച്ചു. ജേക്കബിന് പുറമെ പദ്ധതി നടപ്പാക്കിയ സമയത്തെ ജല അതോറിറ്റി ചീഫ് എന്‍ജിനിയര്‍, പബ്ളിക് ഹെല്‍ത്ത് ഡിവിഷന്‍ എക്സിക്യൂട്ടീവ് എന്‍ജിനിയര്‍, തീരപഥം വികസന പദ്ധതി ഡയറക്ടര്‍ എന്നിവരാണ് എതിര്‍കക്ഷികള്‍. ഒരുവര്‍ഷത്തിനിടെ 58 തവണ പൈപ്പ് പൊട്ടി വെള്ളം മുടങ്ങി. അറ്റകുറ്റപ്പണിക്കായി 19.57 ലക്ഷം ചെലവഴിച്ചു. തമിഴ്നാട് സര്‍ക്കാര്‍ ഉപേക്ഷിച്ച പൈപ്പാണ് ഈ പദ്ധതിക്കായി ഉപയോഗിച്ചതെന്ന് അന്ന് കണ്ടെത്തിയിരുന്നു. പൈപ്പ് വാങ്ങിയതിലെ അഴിമതിയെക്കുറിച്ച് വിജിലന്‍സ് അന്വേഷണം നടക്കുന്നുണ്ട്. തീരപഥം പദ്ധതിക്കായി ഹൈഡ്രോടെക് എന്‍ജിനിയേഴ്സ് ആന്‍ഡ് കോണ്‍ട്രാക്ടേഴ്സ് എന്ന സ്ഥാപനത്തിന് 8.71 കോടി രൂപ 2004ല്‍ കൈമാറിയിട്ടുണ്ട്. മന്ത്രിസഭയുടെ അനുമതിയില്ലാതെയാണിത്.
deshabhimani 270411
തിരുവനന്തപുരം മെഡിക്കല്‍ കോളേജ് ആശുപത്രി ഉള്‍പ്പെടെയുള്ള പ്രദേശങ്ങളില്‍ കുടിവെള്ളം എത്തിക്കാന്‍ തയ്യാറാക്കിയതാണ് തീരപഥം പദ്ധതി. 2004ല്‍ ടി എം ജേക്കബ് ജലമന്ത്രിയായിരിക്കുമ്പോള്‍ നടപ്പാക്കിയ പദ്ധതി, നിരന്തരം പൈപ്പ് പൊട്ടിയതിനെത്തുടര്‍ന്ന് 2008ല്‍ നിര്‍ത്തി. ഗുണനിലവാരം കുറഞ്ഞ പൈപ്പ് ഉപയോഗിച്ചത് പൈപ്പ് പൊട്ടല്‍ നിത്യസംഭവമാകാന്‍ ഇടയാക്കിയെന്നും അതുവഴി കോടികള്‍ നഷ്ടം വരുത്തിയെന്നും ഹര്‍ജിയില്‍ ചൂണ്ടിക്കാണിച്ചു. ജേക്കബിന് പുറമെ പദ്ധതി നടപ്പാക്കിയ സമയത്തെ ജല അതോറിറ്റി ചീഫ് എന്‍ജിനിയര്‍, പബ്ളിക് ഹെല്‍ത്ത് ഡിവിഷന്‍ എക്സിക്യൂട്ടീവ് എന്‍ജിനിയര്‍, തീരപഥം വികസന പദ്ധതി ഡയറക്ടര്‍ എന്നിവരാണ് എതിര്‍കക്ഷികള്‍. ഒരുവര്‍ഷത്തിനിടെ 58 തവണ പൈപ്പ് പൊട്ടി വെള്ളം മുടങ്ങി. അറ്റകുറ്റപ്പണിക്കായി 19.57 ലക്ഷം ചെലവഴിച്ചു. തമിഴ്നാട് സര്‍ക്കാര്‍ ഉപേക്ഷിച്ച പൈപ്പാണ് ഈ പദ്ധതിക്കായി ഉപയോഗിച്ചതെന്ന് അന്ന് കണ്ടെത്തിയിരുന്നു. പൈപ്പ് വാങ്ങിയതിലെ അഴിമതിയെക്കുറിച്ച് വിജിലന്‍സ് അന്വേഷണം നടക്കുന്നുണ്ട്. തീരപഥം പദ്ധതിക്കായി ഹൈഡ്രോടെക് എന്‍ജിനിയേഴ്സ് ആന്‍ഡ് കോണ്‍ട്രാക്ടേഴ്സ് എന്ന സ്ഥാപനത്തിന് 8.71 കോടി രൂപ 2004ല്‍ കൈമാറിയിട്ടുണ്ട്. മന്ത്രിസഭയുടെ അനുമതിയില്ലാതെയാണിത്.
deshabhimani 270411
ഇന്ത്യ ഒറ്റപ്പെട്ടു
ജനീവ/തിരു: എന്ഡോസള്ഫാന് നിരോധിക്കുന്നതിനെതിരെ കടുത്ത നിലപാട് തുടരുന്ന ഇന്ത്യ ജനീവയില്‍ നടക്കുന്ന സ്റോക്ഹോം കണ്‍വന്‍ഷനില്‍ ഒറ്റപ്പെട്ടു. എന്ഡോസള്ഫാന് നിരോധനത്തെ പിന്തുണയ്ക്കരുതെന്ന ആവശ്യം ഏഷ്യ-പസഫിക് മേഖലയിലെ രാജ്യങ്ങള്‍ തള്ളിയതാണ് ഇന്ത്യക്ക് തിരിച്ചടിയായത്. എന്ഡോസള്ഫാന് നിരോധിക്കുമ്പോള്‍ പകരം ഉപയോഗിക്കാന്‍ കഴിയുന്ന കീടനാശിനിയുടെ ഉല്‍പ്പാദനത്തിനും മറ്റുമുള്ള സാങ്കേതിക, സാമ്പത്തിക സഹായങ്ങള്‍ എവിടെനിന്ന് ലഭ്യമാക്കുമെന്ന് കവന്‍ഷനില്‍ തന്നെ തീരുമാനിക്കണമെന്ന് ഇന്ത്യ ആവശ്യപ്പെട്ടു. കണ്‍വന്‍ഷന്റെ ഭാഗമായി ചൊവ്വാഴ്ച രാവിലെയാണ് ഏഷ്യ-പസഫിക് മേഖലാ യോഗം ചേര്‍ന്നത്. ബഹ്റൈന്‍, ഖത്തര്‍, ലബനന്‍, ഒമാന്‍ തുടങ്ങിയ രാജ്യങ്ങള്‍ വര്‍ഷങ്ങള്‍ക്കു മുന്‍പേ എന്ഡോസള്ഫാന് നിരോധിച്ചിരുന്നു. നിരോധിച്ച രാസവസ്തു വീണ്ടും ഉപയോഗിക്കാനാകില്ലെന്നും അതുകൊണ്ട് ഇന്ത്യയുടെ ആവശ്യത്തെ പിന്തുണയ്ക്കാനാകില്ലെന്നും അവര്‍ വ്യക്തമാക്കി. കേന്ദ്ര പരിസ്ഥിതി മന്ത്രാലയം അഡീഷണല്‍ സെക്രട്ടറി ഗൌരികുമാറാണ് ഇന്ത്യക്കുവേണ്ടി സംസാരിച്ചത്. കേന്ദ്രസര്‍ക്കാരിനെ പ്രതിനിധാനംചെയ്ത് ഏഴുപേരാണ് കണ്‍വന്‍ഷനില്‍ പങ്കെടുക്കുന്നത്. ചൊവ്വാഴ്ച ഇന്ത്യന്‍സമയം പകല്‍ 1.30നാണ് (പ്രാദേശിക സമയം രാവിലെ 10) കവന്‍ഷന്‍ ആരംഭിച്ചത്. ഉച്ചയ്ക്കു ശേഷമായിരുന്നു യോഗനടപടികള്‍.
എന്ഡോസള്ഫാന് നിരോധിക്കുന്നതു സംബന്ധിച്ച് പെര്‍സിസ്റന്റ് ഓര്‍ഗാനിക് പൊള്യൂറ്റന്റ് (പോപ്) റിവ്യൂ കമ്മിറ്റിയുടെ പ്രമേയം ഉള്‍പ്പെടുന്ന അജന്‍ഡ കണ്‍വന്‍ഷനില്‍ അവതരിപ്പിച്ചു. എന്ഡോസള്ഫാന് നിരോധിക്കണമെന്ന് പോപ് റിവ്യു കമ്മിറ്റി നിര്‍ദേശിച്ച സാഹചര്യത്തില്‍ അതിനെ പിന്തുണയ്ക്കുന്ന നിലപാടാണ് ഇന്ത്യക്കു മുമ്പു സംസാരിച്ച വിവിധ രാജ്യങ്ങള്‍ സ്വീകരിച്ചത്. ഈ രാജ്യങ്ങളാകട്ടെ നിലവില്‍ എന്ഡോസള്ഫാന് ഉപയോഗിക്കുന്നവരുമാണ്. 172 രാജ്യത്തു നിന്നുള്ള പ്രതിനിധികള്‍ പങ്കെടുക്കുന്ന കണ്‍വന്‍ഷന്റെ ആദ്യദിനത്തിലെ ചര്‍ച്ചയില്‍ ചൈന, ജപ്പാന്‍, അര്‍ജന്റീന, ബ്രസീല്‍ തുടങ്ങി 25 രാജ്യത്തിന്റെ പ്രതിനിധികള്‍ പങ്കെടുത്തു. പോപ് റിവ്യൂ കമ്മിറ്റിയുടെ നിഗമനത്തെ അംഗീകരിച്ച ഈ രാജ്യങ്ങള്‍ നിരോധനം നടപ്പാക്കുമ്പോള്‍ സ്വീകരിക്കേണ്ട ബദല്‍ മാര്‍ഗങ്ങളെക്കുറിച്ച് ചര്‍ച്ച ചെയ്യണമെന്ന നിര്‍ദേശം മുന്നോട്ടുവച്ചു. ഈ നിലപാടിനെ നിവൃത്തിയില്ലാതെ ഇന്ത്യയും പിന്തുണയ്ക്കുകയായിരുന്നെന്ന് തിരുവനന്തപുരത്തെ തണല്‍ എന്ന സംഘടനയുടെ ഡയറക്ടര്‍ ബോര്‍ഡ് അംഗം സി ജയകുമാര്‍, കേരളത്തില്‍നിന്നുള്ള സ്വതന്ത്ര പ്രതിനിധി ഡോ. മുഹമ്മദ് അഷീല്‍ എന്നിവര്‍ ദേശാഭിമാനിയോടു പറഞ്ഞു.
(ടി എന്‍ സീന)
വെള്ളിയാഴ്ച കേരളം നിശ്ചലമാകും
തിരു: എന്ഡോസള്ഫാന് നിരോധിക്കാത്ത കേന്ദ്രനിലപാടില്‍ പ്രതിഷേധിച്ച് വെള്ളിയാഴ്ച സംസ്ഥാനത്ത് ഹര്‍ത്താല്‍ നടത്താന്‍ മുഖ്യമന്ത്രി വി എസ് അച്യുതാനന്ദന്റെ അധ്യക്ഷതയില്‍ ചേര്‍ന്ന എല്‍ഡിഎഫ് അടിയന്തര സംസ്ഥാന കമ്മിറ്റി യോഗം തീരുമാനിച്ചു. രാവിലെ ആറുമുതല്‍ വൈകിട്ട് ആറുവരെയാണ് ഹര്‍ത്താല്‍. ഇരുചക്രവാഹനങ്ങള്‍, ആശുപത്രി, ആരാധനാലയങ്ങള്‍, പാല്‍, പത്രം, വിവാഹം എന്നിവയെ ഹര്‍ത്താലില്‍നിന്ന് ഒഴിവാക്കിയതായി കണ്‍വീനര്‍ വൈക്കം വിശ്വന്‍ വാര്‍ത്താസമ്മേളനത്തില്‍ അറിയിച്ചു.
നാടിന്റെ താല്‍പ്പര്യവും ജനങ്ങളുടെ നിലനില്‍പ്പും അപകടപ്പെടുത്തി ബഹുരാഷ്ട്ര കീടനാശിനിക്കമ്പനികള്‍ക്ക് കൊള്ളയടിക്ക് അവസരമൊരുക്കുന്ന കേന്ദ്രസര്‍ക്കാരിനെതിരെ തിളച്ചുമറിയുന്ന രോഷപ്രകടനമാകും ഹര്‍ത്താലെന്ന് അദ്ദേഹം പറഞ്ഞു. മനുഷ്യരെ ഇഞ്ചിഞ്ചായി കൊന്നൊടുക്കുന്ന മാരകവിഷത്തിനെതിരായ ജനകീയമുന്നേറ്റത്തിന്റെ ഭാഗമായാണ് സ്റോക്ഹോം കണ്‍വന്‍ഷന്‍ ആരംഭിച്ച തിങ്കളാഴ്ച മുഖ്യമന്ത്രിയുടെ നേതൃത്വത്തില്‍ ഉപവാസം സംഘടിപ്പിച്ചത്. രാഷ്ട്രീയത്തിനതീതമായി വലിയ ജനപിന്തുണയാണ് ഉപവാസത്തിന് ലഭിച്ചത്. എന്നാല്‍,എന്ഡോസള്ഫാന് നിരോധിക്കണമെന്ന ഭൂരിപക്ഷാഭിപ്രായത്തിനെതിരെ നില്‍ക്കുന്ന ന്യൂനപക്ഷത്തിന്റെ നേതാവായി ഇന്ത്യ മാറുന്ന കാഴ്ചയാണ് കണ്‍വന്‍ഷനില്‍ കണ്ടത്. ഈ സാഹചര്യത്തിലാണ് കണ്‍വന്‍ഷന്‍ അവസാനിക്കുന്ന വെള്ളിയാഴ്ച ഹര്‍ത്താല്‍ നടത്താന്‍ തീരുമാനിച്ചത്.
ജനകീയതാല്‍പ്പര്യം തൃണവല്‍ഗണിച്ച് നാടിനെ നശിപ്പിക്കാന്‍ കീടനാശിനിലോബിക്ക് അവസരമൊരുക്കുന്ന നയമാണ് കേന്ദ്രം പിന്തുടരുന്നത്. എന്ഡോസള്ഫാന് സൃഷ്ടിക്കുന്ന ദുരന്തത്തെക്കുറിച്ച് നിരവധി പഠനം നടന്നു. എന്നിട്ടും ഇനിയും പഠിക്കണമെന്നാണ് കേന്ദ്രം പറയുന്നത്. പഠനങ്ങളുടെ പേരില്‍ നിരോധനം നീട്ടിക്കൊണ്ടുപോകാനുള്ള നീക്കം പ്രതിഷേധാര്‍ഹമാണ്. ഇനി പഠനമല്ല, മനുഷ്യത്വപരമായ തീരുമാനമാണ് ഉണ്ടാകേണ്ടത്. കേരളത്തിലെ എല്ലാ രാഷ്ട്രീയപാര്‍ടികളും നിരോധനമെന്ന ആവശ്യം മുന്നോട്ടുവയ്ക്കുന്നു. എന്നിട്ടും കേന്ദ്രസര്‍ക്കാര്‍ അനങ്ങുന്നില്ല. എന്‍ഡോസള്‍ഫാനെതിരായ പ്രക്ഷോഭത്തിന്റെ തുടര്‍ച്ചയാണ് ഹര്‍ത്താലെന്ന് വൈക്കം വിശ്വന്‍ ചോദ്യത്തിന് മറുപടിയായി പറഞ്ഞു. സംസ്ഥാന സര്‍ക്കാര്‍ എന്ഡോസള്ഫാന് ഇരകളായവരെ സഹായിക്കാന്‍ ഒട്ടേറെ നടപടി എടുത്തു. സംസ്ഥാനത്ത് എന്ഡോസള്ഫാന് ഉല്‍പ്പാദിപ്പിക്കുന്നതിനെതിരെ വേണ്ടതുചെയ്യാന്‍ സര്‍ക്കാരിന് നിര്‍ദേശം നല്‍കിയിട്ടുണ്ട്. കേന്ദ്രസര്‍ക്കാര്‍ സ്ഥാപനമാണ് ഇത് ഉല്‍പ്പാദിപ്പിക്കുന്നത്. പ്രധാനമന്ത്രിയും കേന്ദ്രസര്‍ക്കാരും നിഷേധാത്മകസമീപനം തുടരുന്ന സാഹചര്യത്തിലാണ് മുഖ്യമന്ത്രി ഉപവാസം അനുഷ്ഠിച്ചത്. എന്‍ഡോസള്‍ഫാനെതിരായ നടപടികളെക്കുറിച്ച് ആലോചിക്കാന്‍ ആവശ്യമെങ്കില്‍ സര്‍ക്കാര്‍ സര്‍വകക്ഷിയോഗം വിളിച്ചുചേര്‍ക്കുമെന്ന് അദ്ദേഹം ചോദ്യത്തിന് മറുപടി നല്‍കി.
ദേശാഭിമാനി 270411
എന്ഡോസള്ഫാന് നിരോധിക്കുന്നതു സംബന്ധിച്ച് പെര്‍സിസ്റന്റ് ഓര്‍ഗാനിക് പൊള്യൂറ്റന്റ് (പോപ്) റിവ്യൂ കമ്മിറ്റിയുടെ പ്രമേയം ഉള്‍പ്പെടുന്ന അജന്‍ഡ കണ്‍വന്‍ഷനില്‍ അവതരിപ്പിച്ചു. എന്ഡോസള്ഫാന് നിരോധിക്കണമെന്ന് പോപ് റിവ്യു കമ്മിറ്റി നിര്‍ദേശിച്ച സാഹചര്യത്തില്‍ അതിനെ പിന്തുണയ്ക്കുന്ന നിലപാടാണ് ഇന്ത്യക്കു മുമ്പു സംസാരിച്ച വിവിധ രാജ്യങ്ങള്‍ സ്വീകരിച്ചത്. ഈ രാജ്യങ്ങളാകട്ടെ നിലവില്‍ എന്ഡോസള്ഫാന് ഉപയോഗിക്കുന്നവരുമാണ്. 172 രാജ്യത്തു നിന്നുള്ള പ്രതിനിധികള്‍ പങ്കെടുക്കുന്ന കണ്‍വന്‍ഷന്റെ ആദ്യദിനത്തിലെ ചര്‍ച്ചയില്‍ ചൈന, ജപ്പാന്‍, അര്‍ജന്റീന, ബ്രസീല്‍ തുടങ്ങി 25 രാജ്യത്തിന്റെ പ്രതിനിധികള്‍ പങ്കെടുത്തു. പോപ് റിവ്യൂ കമ്മിറ്റിയുടെ നിഗമനത്തെ അംഗീകരിച്ച ഈ രാജ്യങ്ങള്‍ നിരോധനം നടപ്പാക്കുമ്പോള്‍ സ്വീകരിക്കേണ്ട ബദല്‍ മാര്‍ഗങ്ങളെക്കുറിച്ച് ചര്‍ച്ച ചെയ്യണമെന്ന നിര്‍ദേശം മുന്നോട്ടുവച്ചു. ഈ നിലപാടിനെ നിവൃത്തിയില്ലാതെ ഇന്ത്യയും പിന്തുണയ്ക്കുകയായിരുന്നെന്ന് തിരുവനന്തപുരത്തെ തണല്‍ എന്ന സംഘടനയുടെ ഡയറക്ടര്‍ ബോര്‍ഡ് അംഗം സി ജയകുമാര്‍, കേരളത്തില്‍നിന്നുള്ള സ്വതന്ത്ര പ്രതിനിധി ഡോ. മുഹമ്മദ് അഷീല്‍ എന്നിവര്‍ ദേശാഭിമാനിയോടു പറഞ്ഞു.
(ടി എന്‍ സീന)
വെള്ളിയാഴ്ച കേരളം നിശ്ചലമാകും
തിരു: എന്ഡോസള്ഫാന് നിരോധിക്കാത്ത കേന്ദ്രനിലപാടില്‍ പ്രതിഷേധിച്ച് വെള്ളിയാഴ്ച സംസ്ഥാനത്ത് ഹര്‍ത്താല്‍ നടത്താന്‍ മുഖ്യമന്ത്രി വി എസ് അച്യുതാനന്ദന്റെ അധ്യക്ഷതയില്‍ ചേര്‍ന്ന എല്‍ഡിഎഫ് അടിയന്തര സംസ്ഥാന കമ്മിറ്റി യോഗം തീരുമാനിച്ചു. രാവിലെ ആറുമുതല്‍ വൈകിട്ട് ആറുവരെയാണ് ഹര്‍ത്താല്‍. ഇരുചക്രവാഹനങ്ങള്‍, ആശുപത്രി, ആരാധനാലയങ്ങള്‍, പാല്‍, പത്രം, വിവാഹം എന്നിവയെ ഹര്‍ത്താലില്‍നിന്ന് ഒഴിവാക്കിയതായി കണ്‍വീനര്‍ വൈക്കം വിശ്വന്‍ വാര്‍ത്താസമ്മേളനത്തില്‍ അറിയിച്ചു.
നാടിന്റെ താല്‍പ്പര്യവും ജനങ്ങളുടെ നിലനില്‍പ്പും അപകടപ്പെടുത്തി ബഹുരാഷ്ട്ര കീടനാശിനിക്കമ്പനികള്‍ക്ക് കൊള്ളയടിക്ക് അവസരമൊരുക്കുന്ന കേന്ദ്രസര്‍ക്കാരിനെതിരെ തിളച്ചുമറിയുന്ന രോഷപ്രകടനമാകും ഹര്‍ത്താലെന്ന് അദ്ദേഹം പറഞ്ഞു. മനുഷ്യരെ ഇഞ്ചിഞ്ചായി കൊന്നൊടുക്കുന്ന മാരകവിഷത്തിനെതിരായ ജനകീയമുന്നേറ്റത്തിന്റെ ഭാഗമായാണ് സ്റോക്ഹോം കണ്‍വന്‍ഷന്‍ ആരംഭിച്ച തിങ്കളാഴ്ച മുഖ്യമന്ത്രിയുടെ നേതൃത്വത്തില്‍ ഉപവാസം സംഘടിപ്പിച്ചത്. രാഷ്ട്രീയത്തിനതീതമായി വലിയ ജനപിന്തുണയാണ് ഉപവാസത്തിന് ലഭിച്ചത്. എന്നാല്‍,എന്ഡോസള്ഫാന് നിരോധിക്കണമെന്ന ഭൂരിപക്ഷാഭിപ്രായത്തിനെതിരെ നില്‍ക്കുന്ന ന്യൂനപക്ഷത്തിന്റെ നേതാവായി ഇന്ത്യ മാറുന്ന കാഴ്ചയാണ് കണ്‍വന്‍ഷനില്‍ കണ്ടത്. ഈ സാഹചര്യത്തിലാണ് കണ്‍വന്‍ഷന്‍ അവസാനിക്കുന്ന വെള്ളിയാഴ്ച ഹര്‍ത്താല്‍ നടത്താന്‍ തീരുമാനിച്ചത്.
ജനകീയതാല്‍പ്പര്യം തൃണവല്‍ഗണിച്ച് നാടിനെ നശിപ്പിക്കാന്‍ കീടനാശിനിലോബിക്ക് അവസരമൊരുക്കുന്ന നയമാണ് കേന്ദ്രം പിന്തുടരുന്നത്. എന്ഡോസള്ഫാന് സൃഷ്ടിക്കുന്ന ദുരന്തത്തെക്കുറിച്ച് നിരവധി പഠനം നടന്നു. എന്നിട്ടും ഇനിയും പഠിക്കണമെന്നാണ് കേന്ദ്രം പറയുന്നത്. പഠനങ്ങളുടെ പേരില്‍ നിരോധനം നീട്ടിക്കൊണ്ടുപോകാനുള്ള നീക്കം പ്രതിഷേധാര്‍ഹമാണ്. ഇനി പഠനമല്ല, മനുഷ്യത്വപരമായ തീരുമാനമാണ് ഉണ്ടാകേണ്ടത്. കേരളത്തിലെ എല്ലാ രാഷ്ട്രീയപാര്‍ടികളും നിരോധനമെന്ന ആവശ്യം മുന്നോട്ടുവയ്ക്കുന്നു. എന്നിട്ടും കേന്ദ്രസര്‍ക്കാര്‍ അനങ്ങുന്നില്ല. എന്‍ഡോസള്‍ഫാനെതിരായ പ്രക്ഷോഭത്തിന്റെ തുടര്‍ച്ചയാണ് ഹര്‍ത്താലെന്ന് വൈക്കം വിശ്വന്‍ ചോദ്യത്തിന് മറുപടിയായി പറഞ്ഞു. സംസ്ഥാന സര്‍ക്കാര്‍ എന്ഡോസള്ഫാന് ഇരകളായവരെ സഹായിക്കാന്‍ ഒട്ടേറെ നടപടി എടുത്തു. സംസ്ഥാനത്ത് എന്ഡോസള്ഫാന് ഉല്‍പ്പാദിപ്പിക്കുന്നതിനെതിരെ വേണ്ടതുചെയ്യാന്‍ സര്‍ക്കാരിന് നിര്‍ദേശം നല്‍കിയിട്ടുണ്ട്. കേന്ദ്രസര്‍ക്കാര്‍ സ്ഥാപനമാണ് ഇത് ഉല്‍പ്പാദിപ്പിക്കുന്നത്. പ്രധാനമന്ത്രിയും കേന്ദ്രസര്‍ക്കാരും നിഷേധാത്മകസമീപനം തുടരുന്ന സാഹചര്യത്തിലാണ് മുഖ്യമന്ത്രി ഉപവാസം അനുഷ്ഠിച്ചത്. എന്‍ഡോസള്‍ഫാനെതിരായ നടപടികളെക്കുറിച്ച് ആലോചിക്കാന്‍ ആവശ്യമെങ്കില്‍ സര്‍ക്കാര്‍ സര്‍വകക്ഷിയോഗം വിളിച്ചുചേര്‍ക്കുമെന്ന് അദ്ദേഹം ചോദ്യത്തിന് മറുപടി നല്‍കി.
ദേശാഭിമാനി 270411
Subscribe to:
Posts (Atom)