ഡിസിസി ഓഫീസില്‍ ശനിയാഴ്ച ചേര്‍ന്ന ജില്ലാ ഭാരവാഹികളുടെയും ബ്ലോക്ക് പ്രസിഡന്റുമാരുടെയും യോഗത്തിലാണ് എ-ഐ ഗ്രൂപ്പുള്‍ തമ്മില്‍ ഏറ്റുമുട്ടിയത്. കെപിസിസി ജനറല്‍ സെക്രട്ടറി ഡോ. ശൂരനാട് രാജശേഖരന്റെ സാന്നിധ്യത്തിലായിരുന്നു യോഗം. ഒല്ലൂര്‍, മുളങ്കുന്നത്തുകാവ്, കോലഴി, വില്‍വട്ടം പ്രദേശങ്ങളില്‍ പൊലീസ് ഓഫീസര്‍മാര്‍ കോണ്‍ഗ്രസ് പ്രവര്‍ത്തകരെ അപമാനിച്ചുവെന്നായിരുന്നു ഐ ഗ്രൂപ്പിന്റെ പരാതി. അതിക്രമം കാട്ടിയ പൊലീസ് ഓഫീസറെ പി സി ചാക്കോ സംരക്ഷിക്കുകയാണെന്നും ഐ ഗ്രൂപ്പ് നേതാക്കള്‍ ആരോപിച്ചു. എന്നാല്‍ മണ്ണുമാഫിയക്ക് എതിരെ നടപടി സ്വീകരിച്ചതാണ് ഐഗ്രൂപ്പിനെ പ്രകോപിതരാക്കിയതെന്നാണ് എഗ്രൂപ്പിന്റെ നിലപാട്. മണ്ണുമാഫിയയെ ഐഗ്രൂപ്പ് നേതാക്കള്‍ സംരക്ഷിക്കുകയാണെന്നും എ ഗ്രൂപ്പ് ചൂണ്ടിക്കാട്ടി. ഇതിനിടെ തൃശൂര്‍ കോര്‍പറേഷനില്‍ മേയര്‍ മാറ്റം കോണ്‍ഗ്രസില്‍ വന്‍പ്രതിസന്ധി സൃഷ്ടിച്ചിട്ടുണ്ട്. സ്ഥാനം ഒഴിയാന്‍ ആവശ്യപ്പെട്ട് കത്ത് നല്‍കിയിട്ടും മേയര്‍ ഐ പി പോള്‍ മാറാന്‍ തയ്യാറാകാത്തത് എ ഗ്രൂപ്പ് നേതൃത്വം നല്‍കുന്ന ഡിസിസി നേതൃത്വത്തിന് തിരിച്ചടിയായി. ഇതിനിടെ ഐ ഗ്രൂപ്പിലെ കൗണ്‍സിലര്‍മാര്‍ മേയറോട് സ്ഥാനം ഒഴിയരുതെന്ന് ആവശ്യപ്പെട്ടു. ഐ ഗ്രൂപ്പില്‍ 26 കൗണ്‍സിലര്‍മാരുണ്ടെന്നാണ് കണക്ക്.
deshabhimani
No comments:
Post a Comment