ഭാര്യ ആമിനയുടെ പേരില്‍ പെന്‍ഷന്‍ അനുവദിക്കണമെന്നും സ്വയംതൊഴില്‍ സംരംഭത്തിന് സഹായം വേണമെന്നും വീട്ടിലേക്ക് വഴി ശരിയാക്കണമെന്നുമാണ് 2011ലെ ജനസമ്പര്‍ക്കത്തില്‍ ആലി മുഖ്യമന്ത്രിയോട് നേരിട്ട് അപേക്ഷിച്ചത്. പെന്‍ഷന്‍ അനുവദിച്ചുവെന്നായിരുന്നു അറിയിപ്പ്. എന്നാല്‍ പണം എത്തിയില്ല. മലപ്പുറം കലക്ടര്‍ക്ക് പരാതി നല്‍കിയപ്പോള്‍ അടുത്തുള്ള അങ്കണവാടിയില്‍ പരാതിപ്പെടാനായിരുന്നു നിര്‍ദേശം. പരിഹാരമുണ്ടായില്ല. 2013 നവംബര്‍ നാലിന് മലപ്പുറം എംഎസ്പി മൈതാനത്തെ രണ്ടാം ഘട്ട ജനസമ്പര്‍ക്ക പരിപാടിക്ക് ഏറെ കഷ്ടപ്പെട്ടാണ് ആലിയെത്തിയത്. പെന്‍ഷനും വീട്ടിലേക്കുള്ള വഴിയുംതേടി എടവണ്ണ പഞ്ചായത്ത് ഓഫീസ് കയറിയിറങ്ങുകയാണ് ആലി. മുഖ്യമന്ത്രിയുടെ ജനസമ്പര്‍ക്ക പരിപാടിയുമായി ബന്ധപ്പെട്ട് ഒരു ഫയലും എത്തിയിട്ടില്ലെന്നും പെന്‍ഷന്‍ സാമൂഹ്യക്ഷേമ വകുപ്പാണ് തരേണ്ടതെന്നുമാണ് പഞ്ചായത്ത് സെക്രട്ടറിയുടെ മറുപടി. ആവശ്യങ്ങള്‍ നിറവേറ്റാന്‍ ഇനി എവിടെ പോകണമെന്ന് ആലി വേദനയോടെ ചോദിക്കുന്നു.
(പി രാമകൃഷ്ണന്‍)
No comments:
Post a Comment