മുഖ്യമന്ത്രി ഉമ്മന്‍ചാണ്ടിയുടെ ഓഫീസ് കേന്ദ്രമാക്കിയാണ് സോളാര്‍ തട്ടിപ്പ് പ്രതികളായ സരിതയും ബിജു രാധാകൃഷ്ണനും ഇടപാടുകള്‍ നടത്തിയിരുന്നത് . മുഖ്യമന്ത്രിയുടെ മുന്‍ പി എ ടെന്നിജോപ്പനും കേസില്‍ പ്രതിയാണ്. മറ്റൊരു പി എ ആയ ജിക്കുമോന്‍ ജേക്കബും സംശയത്തിന്റെ നിഴലിലാണ്. മുഖ്യമന്ത്രി കൂടി ആവശ്യപ്പെട്ടതിനാലാണ് സോളാര്‍ ഇടപാടില്‍ പണം കൈമാറിയതെന്ന് തട്ടിപ്പിനിരയായ വ്യവസായി കോന്നി സ്വദേശി ശ്രീധരന്‍ നായര്‍ 164 പ്രകാരം റാന്നി മജിസ്ട്രേറ്റിന് നല്‍കിയ രഹസ്യമൊഴിയിലും പറയുന്നുണ്ട്. മുഖ്യമന്ത്രിയെ അദ്ദേഹത്തിന്റെ ക്യാബിനില്‍ സരിതക്കൊപ്പമാണ് താന്‍ കണ്ടതെന്നും മൊഴിയിലുണ്ട്. ഇക്കാര്യങ്ങള്‍ ഉമ്മന്‍ചാണ്ടി നിഷേധിച്ചിരിക്കയാണ്. അതിനാലാണ് മുഖ്യമന്ത്രിയുടെ ഓഫീസിലെ സിസിടിവി ദൃശ്യങ്ങള്‍ പിടിച്ചെടുക്കണമെന്ന് ആവശ്യപ്പെട്ട് പൊതു പ്രവര്‍ത്തകനായ ജോയ് കൈതാരം സുപ്രീകോടതിയില്‍ ഹര്‍ജി നല്‍കിയിരുന്നത്.
സോളാര്‍ തടിപ്പില്‍ പ്രഖ്യാപിച്ച ജുഡിഷ്യല്‍ അന്വേഷണപരിധിയിലും മുഖ്യമന്ത്രിയേയോ മുഖ്യമന്ത്രിയുടെ ഓഫീസിനെയോ ഉള്‍പ്പെടുത്താനും ഉമ്മന്‍ചാണ്ടി തയ്യാറായിട്ടില്ല.
deshabhimani
No comments:
Post a Comment