കൂടുതല്‍ സ്വയംഭരണാവകാശം ലഭിക്കാന്‍ വേണ്ടി സിബിഐ സ്വയം നിസ്സഹായത നടിക്കുകയാണെന്ന് ആഭ്യന്തരമന്ത്രി പി ചിദംബരം പറഞ്ഞു. സിബിഐ സുവര്‍ണ ജൂബിലി ആഘോഷത്തില്‍ സംസാരിക്കുകയായിരുന്നു ചിദംബരം.നയരൂപീകരണവും നിയമപാലനവും തമ്മിലുള്ള അതിര്‍വരമ്പ് അന്വേഷണ ഏജന്‍സികള്‍ മറക്കരുത്. സിബിഐ കൂട്ടിലടച്ച തത്തയല്ല. സിബിഐയെ കൂട്ടിലടച്ച തത്തയെന്നും കോണ്‍ഗ്രസ് ബ്യൂറോ ഓഫ് ഇന്‍വെസ്റ്റിഗേഷന്‍ എന്നും വിശേഷിപ്പിക്കുന്നത് തെറ്റാണ്. സര്‍ക്കാരിന്റെ നയരൂപീകരണത്തെയും നയം നടപ്പാക്കലിനേയും സിബിഐ രണ്ടായി കാണണമെന്നും ചിദംബരം ആവശ്യപ്പെട്ടു.
തീരുമാനമെടുക്കുന്നതിലെ പിഴവും കുറ്റകരമായ പ്രവൃത്തിയും അന്വേഷണ ഏജന്‍സികള്‍ വേര്‍തിരിച്ചു കാണണമെന്ന് പ്രധാനമന്ത്രിയും കഴിഞ്ഞ ദിവസം സിബിഐയോട് ആവശ്യപ്പെട്ടിരുന്നു. കല്‍ക്കരിപ്പാടം അഴിമതിയുമായി ബന്ധപ്പെട്ടുള്ള കേസ് പരിഗണിക്കവെ സിബിഐ കൂട്ടിലടക്കപ്പെട്ട തത്തയാണെന്ന് സുപ്രീം കോടതി പറഞ്ഞത് വന്‍ ചര്‍ച്ചാ വിഷയമായിരുന്നു.കഴിഞ്ഞ ദിവസം ഗുവാഹട്ടി കോടതി സിബിഐ രൂപീകരണം നിയമവിധേയമല്ലെന്നും ഉത്തരവിറക്കിയിരുന്നു.
deshabhimani 131113
No comments:
Post a Comment