സ്വതന്ത്ര അന്വേഷണ ഏജന്‍സി എന്ന നിലയില്‍ പ്രവര്‍ത്തിക്കുമ്പോള്‍ സ്വയം ഭരണാവാകാശമില്ലാത്തത് നിരവധി പ്രശ്നങ്ങള്‍ സൃഷ്ടിക്കുന്നുണ്ടെന്ന് സിബിഐ നേരത്തെ സുപ്രീംകോടതിയെ അറിയിച്ചിരുന്നു. കല്‍ക്കരി കുംഭകോണകേസുമായി ബന്ധപ്പെട്ടു നടത്തിയ പരാമര്‍ശത്തില്‍ സിബിഐ കൂട്ടിലടച്ച തത്തയാണെന്നും സിബിഐ ഡയറക്ടര്‍ പറഞ്ഞിരുന്നു. പേഴ്സണല്‍ മന്ത്രാലയത്തിലെ ഒരു സംഘം ഉദ്യോഗസ്ഥരുടെ കൈയില്‍ സിബിഐ ശ്വാസം മുട്ടുകയാണ്. കേസുകള്‍ വേഗം തീര്‍പ്പാക്കാന്‍ സ്വയം ഭരണാവകാശം വേണമെന്നും ആവശ്യപ്പെട്ടിരുന്നു.
എന്നാല്‍ സ്വയം ഭരണാവകാശം നല്‍കാനോ കേന്ദ്ര സെക്രട്ടറിക്ക് തുല്യമായ പദവി അനുവദിക്കാനോ കേന്ദ്ര സര്‍ക്കാര്‍ അന്ന് തയ്യാറായിരുന്നില്ല. ഇരയായി ഭാവിച്ച് കൂടുതല്‍ അധികാരങ്ങള്‍ നേടിയെടുക്കാന്‍ സിബിഐ ശ്രമിക്കുകയാണെന്ന് വരെ കേന്ദ്രമന്ത്രിമാര്‍ ആരോപിച്ചിരുന്നു. സിബിഐയുടെ രൂപീകരണം ഭരണഘടനാ വിരുദ്ധമാണ് എന്ന് ഗുവാഹട്ടി ഹൈക്കോടതി അഭിപ്രായപ്പെട്ടതും സിബിഐക്ക് തിരിച്ചടിയായിരുന്നു. ഈ തീരുമാനമാണ് കേന്ദ്രം പുന:പരിശോധിച്ചത്.
deshabhimani
No comments:
Post a Comment