ഏഴ് കോടി രൂപ ചെലവില്‍ വലിയപറമ്പ പഞ്ചായത്തില്‍ രണ്ട് തൂക്കുപാലം നിര്‍മിക്കാനായിരുന്നു കെല്ലിന് ചുമതല നല്‍കിയത്. മാടക്കാല്‍ തൂക്കുപാലവും തെക്കെക്കാട്- പടന്നക്കടപ്പുറം പാലവുമായിരുന്നു ഇത്. എന്നാല്‍ പടന്നക്കടപ്പുറം പാലം നിര്‍മാണം പൂര്‍ത്തിയാക്കാതെ കെല്‍ നേരത്തെ തന്നെ പിന്മാറി. പാലം പുനര്‍നിര്‍മാണത്തില്‍നിന്ന് കെല്‍ പിന്മാറിയതോടെ തോണിയും യന്ത്രവും കേടുവരുത്തി യുഡിഎഫിന്റെ സമരനാടകവും അരങ്ങേറി. മാടക്കാലില്‍ പഞ്ചായത്ത് സ്വന്തമായി വാങ്ങിയ എന്‍ജിന്‍ കേടുവരുത്തി ചില കോണ്‍ഗ്രസ് നേതാക്കള്‍ സര്‍വീസ് തടസ്സപ്പെടുത്തുന്നതും പതിവായി. നാട്ടുകാര്‍ക്കിടയില്‍ തെറ്റിദ്ധാരണയുണ്ടാക്കി പ്രകോപനമുണ്ടാക്കാനാണ് കോണ്‍ഗ്രസിന്റെ ശ്രമം. ഭരണസമിതി തീരുമാനമില്ലാതെ മുന്‍ വൈസ് പ്രസിഡന്റ് എടുത്ത നടപടിയെ തുടര്‍ന്നാണ് തീരദേശ വികസന കോര്‍പറേഷന്റെ രണ്ട് കോടിയുടെ വികസന പദ്ധതിയില്‍നിന്ന് വലിയപറമ്പിനെ ഒഴിവാക്കിയത്. പുതിയ ഭരണസമിതി വന്നതോടെ സ്വന്തമായി വള്ളവും എന്‍ജിനും വാങ്ങി പ്രശ്നം പരിഹരിച്ചു. സര്‍ക്കാരിനെയും കോടികള്‍ നഷ്ടപ്പെടുത്തിയ കെല്ലിനെയും സംരക്ഷിക്കാനാണ് പഞ്ചായത്തിനെതിരെ സമരവുമായി കോണ്‍ഗ്രസ് രംഗത്തിറങ്ങിയിരിക്കുന്നതെന്ന് പഞ്ചായത്ത് പ്രസിഡന്റ് കെ ശ്യാമള പറഞ്ഞു.
deshabhimani
No comments:
Post a Comment