അന്താരാഷ്ട്ര വിപണിയില്‍ ക്രൂഡോയില്‍ വില ഏറ്റവും ഉയര്‍ന്ന് 116 ഡോളര്‍ വരെ ഉയര്‍ന്ന സാഹചര്യത്തിലാണ് പെട്രോളിയം ഉല്‍പ്പന്നങ്ങള്‍ക്ക് വീണ്ടും വില വര്‍ദ്ധിപ്പിക്കുവാന്‍ കേന്ദ്രം ഒരുങ്ങുന്നത്. പെട്രോളിയം ഉല്‍പ്പന്നങ്ങള്‍ക്ക് പലപ്പോഴായി 30 ശതമാനത്തിലധികം വില വര്‍ദ്ധിപ്പിച്ചതിനു പിന്നാലെയാണ് വീണ്ടും വില വര്‍ദ്ധിപ്പിക്കുവാനുള്ള നീക്കം നടക്കുന്നത്. നീക്കം ഉപേക്ഷിക്കണമെന്നാവശ്യപ്പെട്ടു കൊണ്ടാണ് പണിമുടക്ക് പ്രഖ്യാപിച്ചിരിക്കുന്നത്.പാല്‍-ആംബുലന്‍സ്-പത്രം എന്നീ സ്ഥാപനങ്ങളെ പണിമുടക്കില്‍ നിന്നും ഒഴിവാക്കിയിട്ടുണ്ട്.
പണിമുടക്ക് വിജയിപ്പിക്കാന്‍ എല്ലാ തൊഴിലാളികളോടും ട്രേഡ് യൂണിയനുകള്‍ അഭ്യര്‍ത്ഥിച്ചു. എഐടിയുസി നേതാവ് ഉദയഭാനുവിന്റെ അധ്യക്ഷതയില്‍ ഗംഗോത്രി ഹാളില്‍ ചേര്‍ന്ന യോഗത്തില്‍ സിഐടിയു സംസ്ഥാന ജനറല്‍സെക്രട്ടറി എളമരം കരീം, ട്രഷറര്‍ കെ എം സുധാകരന്‍,വിവിധ സംഘടനകളെ പ്രതിനിധീകരിച്ച് കെ എ അലി അക്ബര്‍(സിഐടിയു), ജോയ് ജോസഫ്(എഐടിയുസി), കെ കെ ഇബ്രാഹിംകുട്ടി,(ഐഎന്‍ടിയുസി),അഹമ്മദ്കുട്ടി ഉണ്ണിക്കുളം, രഘുനാഥ് പനവേലി(എസ്ടിയു), കെ ഗംഗാധരന്‍, ആര്‍രഘുരാജ് (ബിഎംഎസ്), എസ് സത്യവാന്‍((യുടിയുസി), മനയത്ത് ചന്ദ്രന്‍(എച്ച്എംഎസ്), എസ് സീതിലാല്‍(എഐയുടിയുസി) എന്നിവര്‍ പങ്കെടുത്തു.
deshabhimani
No comments:
Post a Comment