ഗാഡ്ഗില്‍ സമിതി നിര്‍ദേശങ്ങള്‍ കേന്ദ്രസര്‍ക്കാര്‍ ഇതുവരെ അംഗീകരിച്ചിട്ടില്ലെന്നും ഈ പശ്ചാത്തലത്തില്‍ ഗോവ ഫൗണ്ടേഷന്റെ ഹര്‍ജി പരിഗണിച്ച് നിര്‍ദേശങ്ങള്‍ നല്‍കാന്‍ ട്രിബ്യൂണലിന് അധികാരമില്ലെന്നുമുള്ള വാദമാണ് കേരളം മുന്നോട്ടുവച്ചത്. തുടക്കംമുതല്‍ ഹര്‍ജിയെ നിരുത്സാഹപ്പെടുത്തുന്ന നിലപാടായിരുന്നു കോടതിയുടേത്. പരിസ്ഥിതി വിഷയങ്ങളില്‍ ആശങ്കപ്പെടാന്‍ ട്രിബ്യൂണലല്ലാതെ മറ്റാരുണ്ടെന്ന് കോടതി ആരാഞ്ഞു. പശ്ചിമഘട്ട സംരക്ഷണത്തിന് സഹായകരമാണ് ട്രിബ്യൂണല്‍ നിര്‍ദേശങ്ങള്‍. ഇവ ഉപയോഗിച്ച് പശ്ചിമഘട്ടസംരക്ഷണത്തിന് ശ്രമിക്കേണ്ടതിന് പകരം സര്‍ക്കാര്‍ ഹര്‍ജികളുമായി കോടതികള്‍ കയറിയിറങ്ങുന്നത് ഉചിതമാണോയെന്നും കോടതി ചോദിച്ചു. ഗാഡ്ഗില്‍ സമിതി നിര്‍ദേശങ്ങളും ഇത് പഠിക്കാന്‍ നിയോഗിച്ച കസ്തൂരിരംഗന്‍ സമിതിയുടെ നിര്‍ദേശങ്ങളും തമ്മില്‍ വലിയ അന്തരമുണ്ടെന്നും അതുകൊണ്ടാണ് ശുപാര്‍ശകള്‍ നടപ്പാക്കാന്‍ വൈകുന്നതെന്നും കേന്ദ്രം കോടതിയെ അറിയിച്ചു. കേന്ദ്രതീരുമാനം വൈകുമെങ്കില്‍ അതുവരെ ഗാഡ്ഗില്‍ ശുപാര്‍ശകള്‍ നടപ്പാക്കാനുള്ള ട്രിബ്യൂണല്‍ ഉത്തരവ് പാലിക്കുന്നതല്ലേ നല്ലതെന്ന് കോടതി കേരളത്തോട് ചോദിച്ചു. തുടര്‍ന്നാണ് ഹര്‍ജി പിന്‍വലിച്ചത്. ഗോവ ഫൗണ്ടേഷന്റെ ഹര്‍ജിയില്‍ വാദംകേള്‍ക്കരുതെന്ന് ട്രിബ്യൂണല്‍ മുമ്പാകെ കേരളം വാദിച്ചിരുന്നു. എന്നാല്‍, സര്‍ക്കാരിന്റെ ഹര്‍ജി കഴിഞ്ഞ ജൂലൈ 19ന് ട്രിബ്യൂണല്‍ തള്ളി. തുടര്‍ന്നാണ് സുപ്രീംകോടതിയെ സമീപിച്ചത്.
deshabhimani
No comments:
Post a Comment