മാതൃഭൂമിയെ വായനക്കാര്‍ കൈയൊഴിയുന്നു

മാതൃഭൂമി ദിനപത്രവും ആഴ്ചപ്പതിപ്പും വായനക്കാര്‍ തിരസ്കരിക്കുന്നതായി ഇന്ത്യന്‍ റീഡര്‍ഷിപ്പ് സര്‍വേ സൂചിപ്പിക്കുന്നു. മീഡിയ റിസര്‍ച്ച് യൂസേഴ്സ് കൌസില്‍ 2010ന്റെ രണ്ടാം ക്വാര്‍ട്ടറില്‍ നടത്തിയ സര്‍വേയിലാണ് ഇതു വ്യക്തമാകുന്നത്. അതേസമയം ദേശാഭിമാനി പത്രത്തിന്റെ വായനക്കാരുടെ എണ്ണം കൂടിയെന്ന് സര്‍വേ വെളിപ്പെടുത്തുന്നു. 2010 രണ്ടാം ക്വാര്‍ട്ടറില്‍ മാതൃഭൂമി വായനക്കാരുടെ എണ്ണത്തില്‍ 1,32,000 പേരുടെ കുറവാണുണ്ടായത്. ആദ്യക്വാര്‍ട്ടറില്‍ 66,98,000 വായനക്കാരാണ് ഉണ്ടായിരുന്നതെങ്കില്‍ രണ്ടാം ക്വാര്‍ട്ടറില്‍ ഇത് 65,66,000 ആയി കുറഞ്ഞു. 1.97 ശതമാനമാണ് ഇടിവ്. എന്നാല്‍,ദേശാഭിമാനിക്ക് ഇതേ കാലയളവില്‍ 1,02,000 വായനക്കാര്‍ വര്‍ധിച്ചു. 2010 ആദ്യ ക്വാര്‍ട്ടറില്‍ 21,74,000 ആയിരുന്നു വായനക്കാരുടെ എണ്ണമെങ്കില്‍ രണ്ടാം ക്വാര്‍ട്ടറില്‍ ഇത് 22,76,000-ത്തില്‍ എത്തി. 4.69 ശതമാനം വര്‍ധന.

ഈ കാലയളവില്‍ എല്ലാ മലയാളം വാരികകളും വായനക്കാരുടെ എണ്ണത്തില്‍ പിന്നോട്ടുപോയെങ്കിലും മാതൃഭൂമി ആഴ്ചപ്പതിപ്പിനാണ് കനത്ത തിരിച്ചടി. 2010 ആദ്യ ക്വാര്‍ട്ടറിനെ അപേക്ഷിച്ച് രണ്ടാം ക്വാര്‍ട്ടറില്‍ 64,000 വായനക്കാരാണ് മാതൃഭൂമിക്ക് കുറഞ്ഞത്. 1,55,000 വായനക്കാരുണ്ടായിരുന്ന മാതൃഭൂമി ആഴ്ചപ്പതിപ്പ് വായനക്കാരുടെ എണ്ണം 91,000ആയി കുറഞ്ഞു. 41.29 ശതമാനമാണ് ഇടിവ്.

സിപിഐ എം ഉള്‍പ്പെടെയുള്ള ഇടതുപക്ഷ പുരോഗമന പ്രസ്ഥാനങ്ങള്‍ക്കെതിരെ നിരന്തരമായി നുണയും അപവാദവും പ്രചരിപ്പിക്കുന്നതാണ് മാതൃഭൂമി പ്രസിദ്ധീകരണങ്ങള്‍ക്ക് സ്വീകാര്യത കുറയാന്‍ പ്രധാന കാരണമായി ചൂണ്ടിക്കാട്ടുന്നത്.

deshabhimani 30082010