ശനിയാഴ്ച ഉച്ചക്കുശേഷം മെഡിക്കല്‍ കോളേജിലേക്ക് എത്തിച്ചേരുന്ന മഞ്ചേരിയിലെ മൂന്ന് റോഡുകളിലും എല്‍ഡിഎഫ് പ്രവര്‍ത്തകര്‍ സംഘടിച്ചു. അക്രമത്തിലൂടെ പ്രതിഷേധം തടയാന്‍ ലീഗുകാര്‍ ശ്രമിച്ചത് സംഘര്‍ഷാവസ്ഥയുണ്ടാക്കി. ഇതിനിടെ മറ്റൊരു വഴിയിലൂടെ നഗരത്തിലെത്തിയ മുഖ്യമന്ത്രിയെ പ്രവര്‍ത്തകര്‍ രണ്ടിടത്ത് കരിങ്കൊടി കാണിച്ചു. കാറിനുനേരെ ചെരിപ്പെറിഞ്ഞു. മെഡിക്കല്‍ കോളേജിലേക്കുള്ള റോഡിനുസമീപം കരിങ്കൊടി കാണിച്ചത് തടയാന്‍ ലീഗുകാര്‍ ശ്രമിച്ചത് സംഘര്‍ഷമുണ്ടാക്കി. അക്രമത്തില്‍ ആറ് എല്‍ഡിഎഫ് പ്രവര്‍ത്തകര്‍ക്ക് പരിക്കേറ്റു.
കല്ലും വടികളുമായി ലീഗുകാര്‍ മൂന്ന് മണിക്കൂറുകളോളം റോഡ് കൈയേറിയത്് ജനങ്ങളെ ഭീതിയിലാക്കി. ഇന്ത്യാവിഷന്‍ ക്യാമറാമാന്‍ സനല്‍ ഇക്ബാലിനും (26) പത്തോളം പൊലീസുകാര്‍ക്കും ലീഗുകാരുടെ കല്ലേറില്‍ പരിക്കേറ്റു. പിന്നീട് ലീഗുകാര്‍ക്കൊപ്പം പൊലീസും എല്‍ഡിഎഫ് പ്രവര്‍ത്തകരെ വേട്ടയാടി. ഡിവൈഎഫ്ഐ മഞ്ചേരി ബ്ലോക്ക് സെക്രട്ടറി അഡ്വ. കെ മുഹമ്മദ് ഷെരീഫ് ഉള്‍പ്പെടെയുള്ളവര്‍ക്ക് ലാത്തിച്ചാര്‍ജില്‍ പരിക്കേറ്റു. പ്രവര്‍ത്തകര്‍ക്കുനേരെ ഗ്രനേഡ് എറിഞ്ഞു. ഇതിനിടെ സംഘടിച്ചെത്തിയ ലീഗുകാര്‍ നഗരത്തില്‍ അഴിഞ്ഞാടി. മണിക്കൂറുകള്‍ കല്ലേറും അക്രമവുമായി അക്ഷരാര്‍ഥത്തില്‍ ഭീകരാന്തരീക്ഷം സൃഷ്ടിച്ചതോടെ നഗരത്തില്‍ പൊതുജനം പുറത്തിറങ്ങാത്ത അവസ്ഥയായി. വൈകിട്ട് ആറുവരെ സംഘര്‍ഷം തുടര്‍ന്നു.
വണ്ടൂരില്‍ ഹോമിയോ ആശുപത്രിയുടെ ശിലാസ്ഥാപനത്തിനെത്തിയ മുഖ്യമന്ത്രിയെ മൂന്ന് കേന്ദ്രങ്ങളില്‍ പ്രവര്‍ത്തകര്‍ കരിങ്കൊടി കാണിച്ചു. നിലമ്പൂരില്‍ ചെട്ടിയങ്ങാടിയിലായിരുന്നു പ്രതിഷേധം. മന്ത്രി മഞ്ഞളാംകുഴി അലിയുടെ കാറിനുനേരെ ചീമുട്ടയെറിഞ്ഞു
deshabhimani
No comments:
Post a Comment