സാഹിത്യ അക്കാദമിയില്‍ നടക്കുന്ന സ്വകാര്യചടങ്ങില്‍ പങ്കെടുക്കാനാണ് മുഖ്യമന്ത്രി തിങ്കളാഴ്ച തൃശൂരിലെത്തിയത്. വൈകിട്ട് 4.20ഓടെ എത്തിയ അദ്ദേഹം 5.35 ഓടെയാണ് നഗരം വിട്ടത്. മുഖ്യമന്ത്രിയുടെ വരവു പ്രമാണിച്ച് രാവിലെമുതല്‍ പൊലീസ് നഗരത്തില്‍ സജ്ജീകരണങ്ങള്‍ ഒരുക്കിയിരുന്നു. ഉച്ചകഴിഞ്ഞതോടെ പരിപാടി നടക്കുന്ന പാലസ് റോഡിലേക്കുള്ള മുഴുവന്‍റോഡുകളും തടഞ്ഞു. എന്‍ജിഒ യൂണിയന്‍ ഓഫീസ്പരിസരം, ചെമ്പൂക്കാവ് ജങ്ഷന്‍, മോഡല്‍ ബോയ്സിനു മുന്‍വശം, സെന്റ്തോമസ് കോളേജ് റോഡ്, സാഹിത്യഅക്കാദമിക്കു പിന്‍വശമുള്ള റോഡ് എന്നിവിടങ്ങളിലെല്ലാം പൊലീസ് ബാരിക്കേഡുകള്‍വച്ചു. സുരക്ഷാകാരണങ്ങള്‍ പറഞ്ഞ് പാലസ് റോഡിലേക്ക് യാത്രക്കാര്‍ കടക്കുന്നതും നിരോധിച്ചു. വഴിയാത്രക്കാര്‍ ഉള്‍പ്പെടെ ആരെയും കടന്നുപോകാന്‍ അനുവദിച്ചില്ല. മാധ്യമപ്രവര്‍ത്തകരെപോലും കടക്കാന്‍ അനുവദിച്ചില്ല. ഐജി എസ് ഗോപിനാഥ്, സിറ്റി പൊലീസ് കമീഷണര്‍ പി പ്രകാശ് എന്നിവരുടെ നേരിട്ടുള്ള നേതൃത്വത്തിലാണ് പൊലീസ് നിലയുറപ്പിച്ചത്.
സംഘര്‍ഷം സൃഷ്ടിക്കാന്‍ യൂത്ത് കോണ്‍ഗ്രസ്; കാഴ്ചക്കാരായി പൊലീസ്
തൃശൂര്: മുഖ്യമന്ത്രിക്കെതിരെ പ്രതിഷേധവുമായെത്തിയ എല്‍ഡിഎഫ് പ്രവര്‍ത്തകര്‍ക്കുനേരെ കോണ്‍ഗ്രസ്þയൂത്ത്കോണ്‍ഗ്രസ് പ്രവര്‍ത്തകര്‍ സംഘര്‍ഷത്തിന് ശ്രമിച്ചു. സമരകേന്ദ്രത്തിലേക്ക് പോവുകയായിരുന്ന എല്‍ഡിഎഫ് പ്രവര്‍ത്തകനെ സാഹിത്യഅക്കാദമിക്കുമുന്നില്‍വച്ച് ഇവര്‍ മര്‍ദിച്ചു. അക്രമികള്‍ക്ക് മുന്നില്‍ പൊലീസ് കാഴ്ചക്കാരായത് പ്രതിഷേധത്തിനിടയാക്കി.
deshabhimani
No comments:
Post a Comment