കണ്ണൂര്‍> സ്വര്‍ണക്കടത്ത് കേസുമായി ബന്ധപ്പെട്ട് അമിത് ഷായോട് ചോദ്യങ്ങള്‍ ചോദിച്ച് മുഖ്യമന്ത്രി പിണറായി വിജയന്‍. എല്‍ഡിഎഫ് തെരഞ്ഞെടുപ്പ് പ്രചാരണത്തിന് തുടക്കം കുറിച്ച് കണ്ണൂര്‍ പിണറായിയില്‍ നടന്ന പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
താങ്കളുടെ മന്ത്രിസഭയിലെ അംഗം പെട്ടുപോകുമെന്ന് വന്നപ്പോഴല്ലെ അന്വേഷണം വഴിതിരിച്ചു വിട്ടതെന്ന് മുഖ്യമന്ത്രി അമിത് ഷായോട് ചോദിച്ചു. അന്വേഷണം നേര്‍വഴിക്ക് നീങ്ങുമ്പോള്‍ ഉദ്യോഗസ്ഥരെ സ്ഥലം മാറ്റിയത് എന്തിനാണെന്നും മുഖ്യമന്ത്രിയുടെ പേര് പറയാന്‍ അന്വേഷണ സംഘം നിര്‍ബന്ധിച്ചുവെന്ന മൊഴികള്‍ താങ്കള്‍ അറിഞ്ഞില്ലേയെന്നും പിണറായി ചോദിച്ചു
അമിത് ഷായോട് പത്ത് ചോദ്യങ്ങള്‍
നയതന്ത്ര ബാഗേജ് വഴി സ്വര്‍ണം കടത്തിയതിന് പിന്നിലെ പ്രധാനി സംഘപരിവാറുകാരനല്ലെ?
സ്വര്‍ണ്ണക്കള്ളക്കടത്ത് തടയേണ്ടതിന്റെ പൂര്‍ണ ഉത്തരവാദിത്തം കസ്റ്റംസിനല്ലെ?
തിരുവനന്തപുരം വിമാനത്താവളം കേന്ദ്രത്തിന്റെ സമ്പൂര്‍ണ നിയന്ത്രണത്തിലല്ലെ?
നയതന്ത്ര ബാഗേജല്ലെന്ന് പറയാന്‍ പ്രതിയെ പ്രേരിപ്പിച്ച വ്യക്തി താങ്കളുടെ ചാനലിന്റെ മേധാവിയല്ലെ?
താങ്കളുടെ മന്ത്രിസഭയിലെ അംഗം പെട്ടേക്കുമെന്ന് വന്നപ്പോഴല്ലെ അന്വേഷണം വഴിതിരിച്ചു വിട്ടത്?
അന്വേഷണം നേര്‍വഴിക്ക് നീങ്ങുമ്പോള്‍ ഉദ്യോഗസ്ഥരെ സ്ഥലം മാറ്റിയത് എന്തിന്?
മുഖ്യമന്ത്രിയുടെ പേര് പറയാന്‍ നിര്‍ബന്ധിച്ചുവെന്ന മൊഴികള്‍ താങ്കള്‍ അറിഞ്ഞില്ലെ?
അന്വേഷണം സംസ്ഥാന സര്‍ക്കാരിനെതിരെ തിരിച്ചുവിടാന്‍ ഏജന്‍സിയെ പ്രേരിപ്പിച്ചതാരാണ്?
കള്ളക്കടത്ത് കൂടിയത് ബിജെപി അധികാരത്തില്‍ വന്നതിന് ശേഷമല്ലെ?
സ്വര്‍ണം എത്തിച്ചയാളെ എട്ട് മാസമായിട്ടും ചോദ്യം ചെയ്‌തോ?
No comments:
Post a Comment