2005ല് മന്മോഹന് സിങ്ങ് കല്ക്കരിവകുപ്പിന്റെ ചുമതല വഹിച്ചിരുന്ന സമയത്താണ് ആദിത്യ ബിര്ള ഗ്രൂപ്പ് ചെയര്മാന് കുമാരമംഗലം ബിര്ളയുടെ ഉടമസ്ഥതയിലുള്ള ഹിന്ഡാല്കോ കമ്പനിക്ക് കല്ക്കരിപ്പാടം അനുവദിച്ചത്. തീരുമാനം യോഗ്യതയുടെ അടിസ്ഥാനത്തിലായിരുന്നുവെന്നും അത് പൂര്ണമായും ശരിയാണെന്നുമാണ് പ്രധാനമന്ത്രിയുടെ ഓഫിസിന്റെ നിലപാട്. കല്ക്കരിപ്പാടം വിതരണത്തിലെ ക്രമക്കേടിന്റെ പേരില് മന്മോഹന് സിങ്ങിന്റെ രാജി ആവശ്യപ്പെട്ട് പ്രതിപക്ഷകക്ഷികള് പ്രക്ഷോഭത്തിനൊരുങ്ങുമ്പോഴാണ് വിതരണത്തെ ന്യായീകരിച്ച് പ്രധാനമന്ത്രിയുടെ ഓഫീസ് രംഗത്തുവന്നത്.
കല്ക്കരിപ്പാടം അനുവദിച്ചതില് ഗൂഢാലോചനക്കുറ്റം ചുമത്തി പരേഖിനെയും കുമാരമംഗലം ബിര്ളയേയും കേസിലുള്പ്പെടുത്തിയിരുന്നു. താന് തെറ്റുകാരനെന്ന് സിബിഐ കരുതുന്നെങ്കില്, പ്രധാനമന്ത്രിക്കും തുല്യ ഉത്തരവാദിത്വമുണ്ടെന്നും അദ്ദേഹത്തെ ഒന്നാം പ്രതിയാക്കണമെന്നു പരേഖ് പറഞ്ഞതോടെയാണ് വിശദീകരണവുമായി പ്രധാനമന്ത്രിയുടെ ഓഫീസ് രംഗത്തെത്തിയത്.
deshabhimani
No comments:
Post a Comment