2012 ലെ ജ്ഞാനപീഠ പുരസ്കാരത്തിന് പ്രശസ്ത തെലുങ്ക് സാഹിത്യകാരന്‍ റാവൂരി ഭരദ്വാജ അര്‍ഹനായി. നോവല്‍, ചെറുകഥ, നാടകരചന, ബാലസാഹിത്യം തുടങ്ങിയ മേഖലകളിലെല്ലാം കഴിവ് തെളിയിച്ച ഭരദ്വാജ 9 നോവലുകളും 24 ചെറുകഥാസമാഹാരങ്ങളും നാല് നാടകങ്ങളും രചിച്ചിട്ടുണ്ട്. അഞ്ച് റേഡിയോ നാടകങ്ങളും അദ്ദേഹത്തിന്റെതായിട്ടുണ്ട്. 83 വയസുകാരനായ അദ്ദേഹത്തിന് നിരവധി പുരസ്കാരങ്ങള്‍ ലഭിച്ചിട്ടുണ്ട്.
ഭരദ്വാജയുടെ നോവലുകളില്‍ ഏറ്റവും ശ്രദ്ധേയമായ "പകുഡു റല്ലു" എന്ന നോവലിനാണ് ജ്ഞാനപീഠ പുരസ്കാരം. ജ്ഞാനപീഠ പുരസ്കാരം ലഭിക്കുന്ന മൂന്നാമത്തെ തെലുങ്ക് സാഹിത്യകാരനാണ് ഭരദ്വാജ. വിശ്വനാഥ സത്യനാരായണയും ഡോ. നാരായണ റെഡ്ഡിയുമാണ് റാവൂരിയ്ക്ക് മുന്‍പ് ജ്ഞാനപീഠം നേടിയ തെലുങ്ക് സാഹിത്യകാരന്‍മാര്‍.
deshabhimani
No comments:
Post a Comment