ഐത്സാസിന്റെ ധീരതയ്ക്ക് പുരസ്കാരം നല്‍കണമെന്ന് ശുപര്‍ശചെയ്ത് ഖൈബര്‍ പഖ്തൂണ്‍ഖ്വ പ്രവിശ്യാ പൊലീസ് മേധാവി നസിര്‍ ദുറാനി സര്‍ക്കാരിന് കത്തെഴുതി. അസാധാരണമായ ധീരതയാല്‍ നൂറുകണക്കിനു വിദ്യാര്‍ഥികളുടെ ജീവന്‍ രക്ഷിക്കാന്‍ ഐത്സാസിന് കഴിഞ്ഞെന്ന് കത്തില്‍ ചൂണ്ടിക്കാട്ടി. പരമോന്നത സിവിലിയന്‍ ബഹുമതിയായ നിഷാന്‍ ഇ ഹൈദര്‍ തങ്ങളുടെ വീരപുത്രന് സമ്മാനിക്കണമെന്ന ഗ്രാമവാസികളുടെ ആവശ്യത്തിന് രാജ്യവ്യാപകമായി പിന്തുണയേറുകയാണ്. മകന്റെ രക്തസാക്ഷിത്വത്തില്‍ അഭിമാനിക്കുന്നുവെന്ന് യുഎഇയില്‍ ജോലിചെയ്യുന്ന പിതാവ് മുജാഹിദ് അലി പറഞ്ഞു. "ഞാന്‍ നാട്ടിലേക്ക് വരുന്നത് മകന്റെ മരണത്തില്‍ ദുഃഖിക്കാനല്ല. അവന്റെ ജീവിതം ആഘോഷിക്കാനാണ്. അവന് അവന്റെ അമ്മയെ കരയിച്ചേക്കാം. എന്നാല്‍, സ്വന്തം മക്കളെയോര്‍ത്ത് നൂറുകണക്കിന് അമ്മമാര്‍ കരയുന്നത് ഒഴിവാക്കാന്‍ അവന് സാധിച്ചു. എന്റെ രണ്ടാമത്തെ മകനെയും പാകിസ്ഥാനുവേണ്ടി ത്യജിക്കാന്‍ ഞാന്‍ തയ്യാര്‍. ഒരുപാട് രക്തസാക്ഷികള്‍ ലോകത്തുണ്ട്. അവരില്‍ ഒരാളുടെ പിതാവായതില്‍ ഞാന്‍ അഭിമാനിക്കുന്നു"- അലി പറഞ്ഞു. "എന്റെ സഹോദരന് ഇത്രയും മഹത്തായ മരണമുണ്ടാകുമെന്ന് ഒരിക്കലും കരുതിയില്ല. സഹജീവികള്‍ക്കായി അവന് സ്വന്തം ജീവന്‍ സമര്‍പ്പിച്ചു"- സഹോദരന് മുജ്താബ പറഞ്ഞു.
deshabhimani
Picture Courtesy: BBC
No comments:
Post a Comment