Tuesday, October 8, 2013

ആധാര്‍ കാര്‍ഡിന് സാധുത നല്‍കാന്‍ ബില്‍ തയ്യാറായി

ആധാര്‍ കാര്‍ഡിന് നിയമസാധുത നല്‍കുന്ന നിയമത്തിന് കേന്ദ്രസര്‍ക്കാര്‍ ഒരുങ്ങുന്നു. ഇതിനുള്ള ബില്ലിന് കേന്ദ്ര മന്ത്രിസഭായോഗം ചൊവ്വാഴ്ച അംഗീകാരം നല്‍കി.ബില്‍ തണുപ്പ് കാല സമ്മേളനത്തിൽ പാര്‍ലമെണ്ടില്‍ കൊണ്ടുവന്ന് പാസാക്കും. ഇതോടെ ആനുകൂല്യങ്ങൾ കിട്ടാൻ ആധാർ നിർബന്ധിതമാകും. ക്ഷേമപദ്ധതികള്‍ക്ക് ആധാര്‍ കാര്‍ഡ് നിര്‍ബ്ബന്ധമാക്കരുതെന്ന വിധി പുനഃ പരിശോധിക്കണമെന്നാവശ്യപ്പെട്ട് കേന്ദ്രസര്‍ക്കാര്‍ നല്‍കിയ ഹര്‍ജി സുപ്രീംകോടതി ഇന്ന് പരിഗണിക്കാനിരിക്കെയാണ് മന്ത്രിസഭാ തീരുമാനം.. ബില്‍ തയ്യാറായ കാര്യം ഇന്നുതന്നെ സര്‍ക്കാര്‍ കോടതിയെ അറിയിക്കും.

കഴിഞ്ഞ 23 നാണ് പാചക വാതകത്തിനടക്കം ആധാര്‍ നിര്‍ബന്ധമാക്കരുതെന്ന് സുപ്രീംകോടതി വിധിച്ചത്. ആധാറിന്റെ പേരില്‍ പൗരന്റെ അവകാശങ്ങള്‍ നിഷേധിക്കരുതെന്നും കോടതി ഉത്തരവില്‍ പറഞ്ഞിരുന്നു. ഈ ഉത്തരവില്‍ വ്യക്തത വരുത്തണമെന്നാണ് കേന്ദ്രം ആവശ്യപ്പെട്ടിരിക്കുന്നത്. ഇക്കാര്യത്തില്‍സര്‍ക്കാരിന്റേത്നയപരമായ തീരുമാനമാണെന്നും സുപ്രീംകോടതി ഉത്തരവ് സര്‍ക്കാര്‍ പദ്ധതികളെ സാരമായി ബാധിക്കുമെന്നും സര്‍ക്കാര്‍ പുനഃ പരിശോധനാ ഹര്‍ജിയില്‍ പറയുന്നു.

deshabhimani

No comments:

Post a Comment