ഈയിടെ സമാപിച്ച ചാമ്പ്യന്‍സ് ലീഗ് ക്രിക്കറ്റോടെ ട്വന്റി-20യെന്ന കുട്ടിക്രിക്കറ്റിനോടും വിടചൊല്ലി. 1989 നവംബര്‍ 15ന് കറാച്ചിയില്‍ പാകിസ്ഥാനെതിരെ അരങ്ങേറിയ സച്ചിന്‍ ക്രിക്കറ്റിലെ അത്ഭുതമായി പിന്നീടു മാറി. 198 ടെസ്റ്റ്, 463 ഏകദിനം, ഒരു ട്വന്റി-20. റെക്കോഡുകളുടെ റെക്കോഡുമായാണ് മടക്കം. ടെസ്റ്റില്‍ 15,837 റണ്ണും ഏകദിനത്തില്‍ 18,426 റണ്ണും അടിച്ചുകൂട്ടി. 53.86 ബാറ്റിങ് ശരാശരിയില്‍ ടെസ്റ്റ് ക്രിക്കറ്റില്‍ ബാറ്റ് വീശിയ ഈ മുംബൈക്കാരന്‍ 51 സെഞ്ചുറിയും 67 അരസെഞ്ചുറിയും സ്വന്തംപേരില്‍ കുറിച്ചു. അന്താരാഷ്ട്ര ക്രിക്കറ്റില്‍ 100 സെഞ്ചുറിയെന്ന അനുപമ നേട്ടവും ഈ നാല്‍പ്പതുകാരന് സ്വന്തം. വികാരനിര്‍ഭരമായിരുന്നു വിരമിക്കല്‍ കത്ത്. ക്രിക്കറ്റില്ലാത്ത ലോകത്തെക്കുറിച്ച് ചിന്തിക്കാന്‍ കഴിയില്ലെന്ന് സച്ചിന്‍ എഴുതി. ഇന്ത്യക്കുവേണ്ടി കളിക്കുകയെന്ന സ്വപ്നത്തിലായിരുന്നു ഇത്രയുംകാലം. തന്നെ പിന്തുണച്ച ആരാധകര്‍ക്കും കുടുംബത്തിനും ബിസിസിഐക്കും നന്ദി പറഞ്ഞാണ് കത്ത് അവസാനിപ്പിച്ചത്. 200-ാം ടെസ്റ്റോടെ മറ്റൊരു ബഹുമതിയുമായാണ് ലിറ്റില്‍ മാസ്റ്റര്‍ അരങ്ങൊഴിയുന്നത്. ഈ നേട്ടം കൈവരിച്ച മറ്റാരുമില്ല. 200 ടെസ്റ്റ് കളിക്കാന്‍ പ്രാപ്തിയുള്ള മറ്റൊരു താരം ഉയര്‍ന്നുവരാനുള്ള സാധ്യതയും വിരളം.
deshabhimani
No comments:
Post a Comment