അതേസമയം സമാധാന നൊബേല്‍ പുരസ്കാരത്തിനായി പരിഗണിക്കപ്പെടുന്ന മലാലയെ(16) വീണ്ടും ആക്രമിക്കുമെന്ന് താലിബാന്‍ ഭീഷണി ആവര്‍ത്തിച്ചു. സഖാറോവ് പുരസ്കാരം ലഭിക്കാന്‍ മലാലയ്ക്ക് അര്‍ഹതയില്ലെന്നും ഇസ്ലാമിന്റെ ശത്രുക്കളാണ് ഇതിനു പിന്നിലെന്നും താലിബാന്‍ വക്താവ് പറഞ്ഞു. കഴിഞ്ഞവര്‍ഷം ഒക്ടോബര്‍ ഒമ്പതിനാണ് താലിബാന്‍കാര്‍ മലാലയെ സ്കൂളില്‍നിന്ന് മടങ്ങവേ ആക്രമിച്ചത്. വെടിയേറ്റ് തലയോട്ടി തകര്‍ന്ന പെണ്‍കുട്ടി ലണ്ടനിലെ വിദഗ്ധ ചികിത്സയിലൂടെ ജീവിതത്തിലേക്ക് മടങ്ങിയെത്തി. ഐക്യരാഷ്ട്രസഭ അടക്കമുള്ള വേദികളിലെത്തിയ മലാല ഭീകരതയ്ക്കെതിരെയും പെണ്‍കുട്ടികളുടെ വിദ്യാഭ്യാസത്തിനായും ശക്തമായി വാദിച്ചു. അറുപത്തയ്യായിരം ഡോളറാണ് സഖാറോവ് പുരസ്കാരത്തിന്റെ സമ്മാനത്തുക. ഇറാന്‍ അഭിഭാഷകന്‍ നസ്റിന്‍ സുതോദെയ്ക്കും ചലച്ചിത്രകാരന്‍ ജാഫര്‍ പനാഹിക്കുമായിരുന്നു കഴിഞ്ഞവര്‍ഷത്തെ അവാര്‍ഡ്.
deshabhimani
No comments:
Post a Comment