കൊച്ചി: ഡ്യൂട്ടിക്കിടെ ആക്രമണത്തിനിരയായ വനിതാ ട്രാഫിക് വാര്ഡന് പത്മിനിക്ക് പിന്തുണയും ആശ്വാസവുമേകി സിപിഐ എം കേന്ദ്രകമ്മിറ്റി അംഗം പി കെ ശ്രീമതി എത്തി. ചികിത്സയില് കഴിയുന്ന നെട്ടൂര് പ്രാഥമികാരോഗ്യകേന്ദ്രത്തിലെത്തിയാണ് പത്മിനിയെ ശ്രീമതി സന്ദര്ശിച്ചത്.
വനിതാ ട്രാഫിക് വാര്ഡനെ ആക്രമിച്ച കേസിലെ പ്രതിയെ പിടിക്കുന്നതില് പൊലീസ് ജാഗ്രത പുലര്ത്തുന്നില്ലെന്ന് ശ്രീമതി പറഞ്ഞു. കോണ്ഗ്രസ് നേതൃത്വവുമായി അടുത്ത ബന്ധമുള്ള കുടുംബമെന്ന നിലയിലാണ് പൊലീസ് പിന്നോക്കംനില്ക്കുന്നത്. പ്രതിയെ ഉടന് കണ്ടെത്തി ജാമ്യമില്ലാത്ത വകുപ്പു ചുമത്തി കേസെടുക്കണം. ഇതിനാവശ്യമായ നടപടി സ്വീകരിക്കാന് മന്ത്രി തിരുവഞ്ചൂര് രാധാകൃഷ്ണന് ഇടപെടണം. കൊച്ചി നഗരത്തില് സ്ത്രീകള്ക്കെതിരെയുള്ള ആക്രമങ്ങള് വര്ധിച്ചുവരുന്നു. സാമ്പത്തികമായി പിന്നോക്കംനില്ക്കുന്ന കുടുംബത്തില്നിന്നുള്ള പത്മിനിക്ക് നീതി ലഭ്യമാക്കണമെന്നും ഇവര് ആവശ്യപ്പെട്ടു.
ജനാധിപത്യ മഹിളാ അസോസിയേഷന് ജില്ലാ പ്രസിഡന്റ് സോണി കോമത്ത്, സെക്രട്ടറി ഹെന്നി ബേബി, ജില്ലാകമ്മിറ്റി അംഗം കല്പ്പന ദത്ത് എന്നിവരോടൊപ്പമാണ് പി കെ ശ്രീമതി ആശുപത്രിയില് എത്തിയത്.
deshabhimani
No comments:
Post a Comment