ക്രിമിനലുകളെ സഹായിക്കാന്‍ പൊലീസിന്റെ പ്രത്യേകസംഘം പ്രവര്‍ത്തിക്കുന്നുണ്ടെന്നും ഇവരുടെ സഹായത്തോടെയാണ് കേസ് അട്ടിമറിച്ചതെന്നും പരാതിപ്പെട്ടാണ് ആലപ്പുഴ സ്വദേശി ടി ആര്‍ പ്രകാശ് കോടതിയെ സമീപിച്ചത്. ആക്രി ഇരുമ്പ് കരാറിന്റെ പേരില്‍ സരിതയും ബിജുവും ചേര്‍ന്ന് പരാതിക്കാരനില്‍നിന്ന് 41 ലക്ഷം രൂപ തട്ടിയെന്നാണ് കേസ്. 2005ല്‍ മുഖ്യമന്ത്രിയായിരുന്ന ഉമ്മന്‍ചാണ്ടിക്കും ഡിജിപിക്കും പരാതി നല്‍കിയെങ്കിലും നടപടി ഉണ്ടായില്ലെന്നും തുടര്‍ന്ന് ആലപ്പുഴ സിജെഎം കോടതിയില്‍ സ്വകാര്യ അന്യായം ഫയല്‍ചെയ്തിനെ തുടര്‍ന്ന് പൊലീസ് കേസെടുക്കുകയായിരുന്നുവെന്നും ഹര്‍ജിഭാഗം പറഞ്ഞു. ആലപ്പുഴ നോര്‍ത്ത് പൊലീസ് സിവില്‍സ്വഭാവമുള്ള തര്‍ക്കം മാത്രമാണെന്നു ചൂണ്ടിക്കാട്ടി പിന്നീട് കേസ് എഴുതിത്തള്ളിയെന്നാണ് പരാതി. വീഴ്ചവരുത്തിയ ബന്ധപ്പെട്ട ഉദ്യോഗസ്ഥര്‍ ആരെന്നു കണ്ടെത്തേണ്ടത് സര്‍ക്കാരാണെന്നും ഹര്‍ജിക്കാര്‍ ഉദ്യോഗസ്ഥരുടെ വിശദാംശങ്ങള്‍ നല്‍കണമെന്ന സര്‍ക്കാര്‍ നിലപാട് ഗുണകരമല്ലെന്നും കോടതി ചൂണ്ടിക്കാട്ടി. മോഷണക്കേസില്‍ കള്ളനെ കാണിച്ചുതന്നാല്‍ അറസ്റ്റ്ചെയ്യാമെന്നു പറയുന്നതുപോലെയാണ് സര്‍ക്കാര്‍ നിലപാടെന്നും കോടതി പറഞ്ഞു.
deshabhimani
No comments:
Post a Comment