Friday, June 25, 2010

മിന്നഞ്ചലും ഇണയദളവും

വലൈയകം' എന്നാല്‍ വെബ്സൈറ്റെന്ന് തമിഴിലെ അര്‍ഥം. കോയമ്പത്തൂരില്‍ നടക്കുന്ന ലോക തമിഴ് പാരമ്പര്യസമ്മേളനത്തിന്റെ ഭാഗമായി സംഘടിപ്പിച്ച ഇന്റര്‍നെറ്റ് പ്രദര്‍ശനത്തിലാണ് വെബ്സൈറ്റിന്റെ തമിഴ്നാമം പ്രദര്‍ശിപ്പിച്ചത്. 124 വിഭാഗങ്ങളിലായി പൂര്‍ണമായും തമിഴ്ഭാഷയുമായി ബന്ധപ്പെട്ട സൈറ്റും ബ്ളോഗും പ്രദര്‍ശനത്തിലുണ്ട്. കംപ്യൂട്ടര്‍സംബന്ധമായ തമിഴ് വാക്കുകള്‍ കൌതുകമുണര്‍ത്തും.

ഇ-മെയില്‍- മിന്നഞ്ചല്‍,
ഇന്റര്‍നെറ്റ് സൈറ്റ്- ഇണയദളം,
കംപ്യൂട്ടര്‍- ഗണിനി,
പെന്‍ഡ്രൈവ്- പേനാസേമിപ്പകം,
ഡൌണ്‍ലോഡ്- പതിവിറക്കം,
വൈറസ്- നച്ചുനിറല്‍,
ഫോള്‍ഡര്‍- കോപ്പുറൈ,
മെമറികാര്‍ഡ്- നിനൈവക അട്ടൈ,
മൌസ്- ചുട്ടി,
ഡാറ്റാബേസ്- തരവുത്തളം,
ഡയറക്ടറി-കോപ്പകം,
സ്കാനര്‍- വരുടി,
പ്രിന്റര്‍- അച്ചുപൊറി,
പ്രോഗാമിങ്- നിരലാക്കം,
സെര്‍ച്ച്എന്‍ജിന്‍- തേട്പൊറി,
ഡിവിഡി- പല്‍തിറ വട്ട്.

ഇത്തരത്തില്‍ ആയിരത്തിലധികം കംപ്യൂട്ടര്‍വാക്കുകളുടെ തമിഴ്രൂപം എഴുതിവച്ച പ്രദര്‍ശനം അറിവിന്റെ പുതിയ മേഖലകളിലേക്ക് നയിക്കുന്നതാണ്. തമിഴ്വിഴി, വാനവില്‍ തുടങ്ങിയ തമിഴ്ഫോണ്ടുകളും പ്രദര്‍ശനത്തിലുണ്ട്. തിരുക്കുറളിന്റെ ലളിതഭാഷ്യം, തിരുവള്ളുവരുടെ കഥകള്‍, ചരിത്രം, സംസ്കാരം, സാഹിത്യം, ആധുനിക കംപ്യൂട്ടര്‍പഠനത്തിന്റെ പ്രധാന്യം എന്നിവയും പ്രദര്‍ശനത്തില്‍ വിവരിക്കുന്നു. സമ്മേളനത്തിന്റെ ഭാഗമായി പുറത്തിറക്കിയ തമിഴ് സോഫ്റ്റ്വെയറിന്റെ സി ഡി പ്രകാശനം കേന്ദ്രമന്ത്രി എ രാജ നിര്‍വഹിച്ചു. എല്ലാ ഭാഷകളും കംപ്യൂട്ടറില്‍ ഉള്‍പ്പെടുത്താന്‍ കേന്ദ്രസര്‍ക്കാര്‍ 10 കോടി രൂപ വിനിയോഗിക്കുമെന്ന് അദ്ദേഹം അറിയിച്ചു.
(ഇ എന്‍ അജയകുമാര്‍)

ദേശാഭിമാനി 25062010

1 comment:

  1. വലൈയകം' എന്നാല്‍ വെബ്സൈറ്റെന്ന് തമിഴിലെ അര്‍ഥം. കോയമ്പത്തൂരില്‍ നടക്കുന്ന ലോക തമിഴ് പാരമ്പര്യസമ്മേളനത്തിന്റെ ഭാഗമായി സംഘടിപ്പിച്ച ഇന്റര്‍നെറ്റ് പ്രദര്‍ശനത്തിലാണ് വെബ്സൈറ്റിന്റെ തമിഴ്നാമം പ്രദര്‍ശിപ്പിച്ചത്. 124 വിഭാഗങ്ങളിലായി പൂര്‍ണമായും തമിഴ്ഭാഷയുമായി ബന്ധപ്പെട്ട സൈറ്റും ബ്ളോഗും പ്രദര്‍ശനത്തിലുണ്ട്. കംപ്യൂട്ടര്‍സംബന്ധമായ തമിഴ് വാക്കുകള്‍ കൌതുകമുണര്‍ത്തും.

    ReplyDelete