വെഞ്ഞാറമൂട് ഇരട്ട കൊലപാതകത്തിൽ, പ്രൊഫഷണൽ കോൺഗ്രസ്‌ പ്രസിഡന്റ് ഡോ. ലാൽ സദാശിവൻ പറഞ്ഞത് ഓർക്കുക. മിക്കവാറും ലാൽ അടുത്ത തെരഞ്ഞെടുപ്പിൽ മത്സരിക്കാനും ഉണ്ടാവും. ഒരു സോഷ്യൽ ഓഡിറ്റും ഉണ്ടാവില്ല. അരുൺ ശ്രീകുമാറിന്റെ ഫെയ്‌സ്‌ബുക്ക്‌ കുറിപ്പ്‌:
സഖാവ് മണിലാലിന്റെ കാര്യം ആലോചിക്കുകയായിരുന്നു. കുറേ കാലം ഗൾഫിൽ ജോലിചെയ്തു. നാട്ടിലെത്തി കുടുംബത്തോടൊപ്പം കഴിയാൻ തുടങ്ങിയിട്ട് അഞ്ചു വർഷം. ജീവിതം കൊണ്ടുപോകാൻ വീട്ടിൽ ഒരു ഹോം സ്റ്റേ നടത്താൻ ശ്രമിച്ചുവരുന്നു. കൊച്ചു ഗ്രാമം. അവിടുത്തെ സാമൂഹ്യ രാഷ്ട്രീയ കാര്യങ്ങളിൽ ആവും പോലെ ഇടപെടുന്നു. കിറ്റ് വിതരണത്തിനുമൊക്കെ ഓടി നടക്കുന്നു. നാട്ടിൻപുറത്തെ സാധാരണ മനുഷ്യൻ. സഖാവ്.
ഡൽഹി പോലീസിൽ നിന്നു വോളണ്ടറി റിട്ടയർമെന്റ് വാങ്ങി അതെ നാട്ടിലെത്തിയ സംഘപരിവാറുകാരൻ അശോകനെ ബി ജെ പി യിൽ എടുത്തത് മിസ്സ്‌ കാൾ മെമ്പർഷിപ്പ് വഴിയല്ല. അവരുടെ സംസ്ഥാന പ്രസിഡന്റ് സുരേന്ദ്രൻ നേരിട്ട് എത്തിയാണ്. ഡൽഹി പോലീസ്. നേരത്തെ വിരമിച്ചു നാട്ടിൽ എത്തൽ. സംസ്ഥാന പ്രസിഡന്റ് നേരിട്ട് മെമ്പർഷിപ്പ് നൽകൽ. കൊല. വഴി അദൃശ്യമൊന്നുമല്ല.
കണ്ണടച്ച് ഇരുട്ടാക്കാത്തവർക്ക്‌ കാര്യങ്ങൾ വ്യക്തമാണ്. തുടർച്ചയായി കമ്മ്യൂണിസ്റ്റ്‌ കാരെ കൊല്ലുകയാണ്. കോൺഗ്രസും ബി ജെ പിയും ചേർന്ന്‌. മീഡിയയുടെ ഒത്താശയോടെ.
ഒന്നെങ്കിൽ ഒന്ന്, തിരിച്ചടി അവർ പ്രതീക്ഷിക്കുന്നു. അപ്പോൾ മീഡിയയുടെ ശബ്ദം മാറും. കവികളുടെ ഹൃദയം നുറുങ്ങുന്ന ശബ്ദം ഉയരും. ആ സുവർണ്ണാവസരമാണ് അവർ കാത്തിരിക്കുന്നത്. കണ്ണൂരിൽ സംഭവിച്ചുകൊണ്ടിരുന്നതും അതാണ്. ഫിൽറ്റർ വെച്ച വാർത്തകൾ മാത്രമേ സമൂഹം കേൾക്കാറുള്ളൂ.
വെഞ്ഞാറമൂട് ഇരട്ട കൊലപാതകത്തിൽ, പ്രൊഫഷണൽ കോൺഗ്രസ്‌ പ്രസിഡന്റ് ഡോ. ലാൽ സദാശിവൻ പറഞ്ഞത് ഓർക്കുക. മിക്കവാറും ലാൽ അടുത്ത തെരഞ്ഞെടുപ്പിൽ മത്സരിക്കാനും ഉണ്ടാവും. ഒരു സോഷ്യൽ ഓഡിറ്റും ഉണ്ടാവില്ല.
കായംകുളത്തും തൃശൂരിലും കോൺഗ്രസുകാർ ഓരോ ജീവനുകൾ എടുത്തിട്ട് മാസം എത്രയായി? അവ ആരെ വേദനിപ്പിച്ചു? ഇപ്പോൾ, മണിലാലിനെ ആർഎസ്എസുകാർ കൊന്നപ്പോൾ, ഹോം സ്റ്റേ ഉടമ കുത്തേറ്റു മരിച്ചു എന്നു റിപ്പോർട്ട്‌ ചെയ്യുന്ന വിഷ ജന്തുക്കളുടെ ഇടയിലാണ് നമ്മൾ ജീവിക്കുന്നത്. ഈ വേദന ഇടതുപക്ഷക്കാർക്ക് മാത്രം ഉള്ളതാണ്. സഖാവ് മണിലാലിന് അന്ത്യാഭിവാദ്യങ്ങൾ..
സംഘപരിവാറും കോൺഗ്രസും നാലുമാസത്തിനുള്ളിൽ അരിഞ്ഞുതള്ളിയത്‌ അഞ്ച്‌ സിപിഐ എം പ്രവർത്തകരെ
തിരുവനന്തപുരം > കോവിഡ്‌ കാലത്തും കൊലക്കത്തി താഴെവയ്‌ക്കാതെ വിറളിപിടിച്ചിറങ്ങിയ സംഘപരിവാറും കോൺഗ്രസും ചേർന്ന്‌ നാലുമാസത്തിനുള്ളിൽ അരിഞ്ഞുതള്ളിയത്‌ അഞ്ച്‌ സിപിഐ എം പ്രവർത്തകരെ. കായംകുളത്ത്‌ ബ്രാഞ്ച്‌ അംഗം സിയാദിനെ കൗൺസിലറുടെ സഹായത്തോടെ കോൺഗ്രസ്‌ ക്രിമിനൽ കുത്തിക്കൊന്നതിന്റെ ചോര ഉണങ്ങും മുമ്പാണ്‌ ആഗസ്‌ത്‌ 30ന്‌ വെഞ്ഞാറമൂട്ടിൽ നാടിനെ നടുക്കിയ ഇരട്ടക്കൊല.
തിരുവോണത്തലേന്നാണ്‌ ഡിവൈഎഫ്‌ഐ നേതാക്കളായ ഹഖ്‌ മുഹമ്മദിനെയും മിഥിലാജിനെയും കോൺഗ്രസ്‌ അക്രമികൾ അരുംകൊല ചെയ്‌തത്‌. ഒക്ടോബർ ആദ്യം കുന്നംകുളത്ത്‌ സിപിഐ എം ബ്രാഞ്ച്‌ സെക്രട്ടറി സനൂപിനെ ആർഎസ്എസുകാർ വധിച്ചു. കൊലപാതകത്തെ അപലപിക്കാൻപോലും മനസ്സ്‌ കാണിക്കാതെ കൊലചെയ്യപ്പെട്ടവർ പ്രശ്‌നക്കാരാണ്‌ എന്ന്‌ വരുത്തിതീർക്കാൻ കോൺഗ്രസും ബിജെപിയും ശ്രമിച്ചുകൊണ്ടിരിക്കെയാണ്‌ ഞായറാഴ്‌ച രാത്രി സിപിഐ എം പ്രവർത്തകനായ മണിലാലിനെ കൊല്ലത്ത്‌ ആർഎസ്എസുകാർ നിഷ്ഠുരമായി വധിച്ചത്‌. മണിലാലിന്റെ നെഞ്ചിൽ കഠാര കുത്തിയിറക്കിയതാകട്ടെ ബിജെപി സംസ്ഥാന പ്രസിഡന്റ് കെ സുരേന്ദ്രൻ നേരിട്ട് ബിജെപി അംഗത്വം നൽകിയയാളും.
ഡൽഹി പൊലീസിൽനിന്ന്‌ വളന്ററി റിട്ടയർമെന്റ് വാങ്ങി നാട്ടിലെത്തിയ ആർഎസ്‌എസുകാരനാണ്‌ ഉത്തരേന്ത്യൻ മോഡൽ കൊലപാതകം നടത്തിയ പ്രതി അശോകൻ. മൺറോ തുരുത്ത്‌ വില്ലേജ്‌ ഓഫീസിനടുത്ത എൽഡിഎഫ്‌ തെരഞ്ഞെടുപ്പ്‌ ബൂത്ത്‌ കമ്മിറ്റി ഓഫീസിന്‌ സമീപം കഠാരയുമായെത്തിയാണ്‌ മണിലാലിന്റെ ജീവനെടുത്തത്‌. കുത്തേറ്റ്‌ നിലത്തുവീണ മണിലാലിനെ മരണം ഉറപ്പാക്കാൻ നെഞ്ചിൽ രണ്ടുതവണകൂടി കഠാര കുത്തിയിറക്കി. കൊല്ലപ്പെട്ടത്‌ സിപിഐ എം പ്രവർത്തകനായതിനാൽ കൊലപാതകത്തെ അപലപിക്കാൻ കോൺഗ്രസും ബിജെപിയും തയ്യാറായിട്ടില്ല.
No comments:
Post a Comment