ഒന്നര വയസ്സില്‍ പോളിയോ ബാധിച്ച് അരയ്ക്കു താഴെ തളര്‍ന്ന തണ്ണിത്തോട് കൊഴുപ്പോണ്‍ വീട്ടില്‍ കെ കെ ബാബുരാജ് എന്ന 49കാരന്റെ ജീവിതം എന്നും വെല്ലുവിളികള്‍ക്കെതിരെയുള്ള തുഴച്ചിലായിരുന്നു. അക്ഷരങ്ങളോട് അടങ്ങാത്ത അഭിനിവേശം മൊട്ടിട്ടപ്പോഴാണ് 15-ാം വയസില്‍ അധ്യാപകനായ അച്ഛന്‍ കുട്ടന്‍പിള്ളയുടെ മേല്‍നോട്ടത്തില്‍ പഠനം തുടങ്ങിയത്. 23-ാം വയസ്സില്‍ പത്താം ക്ലാസില്‍ മികച്ച വിജയം നേടുമ്പോള്‍ വൈകല്യങ്ങളോട് പൊരുതാനുള്ള കരുത്തുള്ള മനസ്സിനുടമയായി. തണ്ണിത്തോട്ടിലെ പാരലല്‍ കോളേജില്‍ പ്രീഡിഗ്രിക്ക് പഠനം തുടങ്ങി. പിന്നീട് 29 കിലോമീറ്റര്‍ അകലെ പത്തനംതിട്ട നഗരത്തില്‍ ബികോമിന് ചേര്‍ന്നു. ഇവിടെ ബാബുരാജിന്റെ കാലും മനസും എല്ലാമായിരുന്നത് അടുത്ത സുഹൃത്തുക്കള്‍. ഇവരുടെ വീടുകളിലും കൂട്ടുകാര്‍ ഒരുക്കി കൊടുത്ത ചെറിയ മുറിയിലുമായി താമസവും പഠനവും. എംകോം പഠനം തുടരാന്‍ കഴിയാതെ വന്നപ്പോള്‍ കൂട്ടുകാര്‍ സംഘടിപ്പിച്ചുകൊടുത്ത ഒരു മുറിയില്‍ എസ്ടിഡി ബൂത്ത് തുടങ്ങി. ഇവിടെവച്ചാണ് ഫോണ്‍ നന്നാക്കാന്‍ പഠിച്ചത്. ഇക്കാലത്ത് യഥാര്‍ഥ വികലാംഗര്‍ക്ക് അവകാശപ്പെട്ട സര്‍ക്കാര്‍ ഉദ്യോഗം നാമമാത്ര വികലാംഗര്‍ തട്ടിയെടുക്കുന്നതിനെതിരെയും വികലാംഗരുടെ അവകാശങ്ങള്‍ക്കു വേണ്ടിയും സംഘടന രൂപീകരിച്ച് രംഗത്തുവന്നു. മൂന്നു ദിവസം കലക്ടറേറ്റ് പടിക്കല്‍ നിരാഹാര സമരം നടത്തി. ഇതേതുടര്‍ന്ന് കുറച്ചു പേര്‍ക്ക് ജോലി ലഭിച്ചിരുന്നു. മൊബൈല്‍ ഫോണുകള്‍ പ്രചാരത്തിലായതോടെ ബൂത്ത് പൂട്ടി. വാടക കൊടുക്കാനില്ലാതെ പിന്നീട് ചിറ്റാറില്‍ ഒരു മുറി സംഘടിപ്പിച്ച് അവിടെ മൊബൈല്‍ ഫോണ്‍ ഉള്‍പ്പെടെ നന്നാക്കികൊടുക്കുന്ന ഒരു കട തുടങ്ങി. വന്‍ തുക സെക്യൂരിറ്റി കൊടുക്കാന്‍ ഇല്ലാത്തതിനാല്‍ ഇതും ഒഴിയാന്‍ ആവശ്യപ്പെട്ടിരിക്കുകയാണ്. ബാങ്കുകളില്‍നിന്നെടുത്ത പണം പകുതിയടച്ചിട്ടും പലിശ വാനോളം പെരുകി. ഇപ്പോള്‍ ഭാര്യയും പത്താം ക്ലാസ് പാസായ മകളും ഒമ്പതില്‍ പഠിക്കുന്ന മകനുമൊത്ത് താമസം.
എബ്രഹാം തടിയൂര്‍ deshabhimani
party secretary can send his kid to UK for higher studies.. but dont spend a dime for this sort of activities...
ReplyDelete