സൗദി എയര്‍ലൈന്‍സും എയര്‍ ഇന്ത്യയുമാണ് സൗദിയില്‍നിന്ന് കേരളത്തിലേക്ക് നേരിട്ട് സര്‍വീസ് നടത്തുന്നത്. പൊതുമേഖലാ സ്ഥാപനമായ എയര്‍ ഇന്ത്യയാണ് തിരക്കേറിയ സീസണില്‍ പ്രത്യേക സര്‍വീസ് നടത്തേണ്ടത്. മറ്റുരാജ്യങ്ങളിലെ വിമാനക്കമ്പനികളെല്ലാം തിരക്കേറിയ സീസണില്‍ പ്രത്യേക സര്‍വീസുകള്‍ നടത്താറുണ്ട്. എന്നാല്‍ എയര്‍ ഇന്ത്യ ടിക്കറ്റ് നിരക്ക് വര്‍ധിപ്പിച്ച് യാത്രക്കാരെ പിഴിയുകയാണ്. ഗള്‍ഫ് നാടുകളില്‍നിന്ന് കേരളത്തിലേക്കും തിരിച്ചുമുള്ള ടിക്കറ്റ് നിരക്കില്‍ ഭീമമായ വര്‍ധനയാണ് വരുത്തിയത്. സ്വദേശിവല്‍ക്കരണം കര്‍ശനമാക്കിയതിനെ തുടര്‍ന്ന് ഗള്‍ഫ് നാടുകളില്‍നിന്ന് തിരിച്ചുവരുന്നവരുടെ തിരക്ക് മുതലെടുത്ത് കഴിഞ്ഞ ഏപ്രിലില്‍ വിമാനക്കമ്പനികള്‍ ടിക്കറ്റ് നിരക്കില്‍ മൂന്നിരട്ടി വര്‍ധന വരുത്തിയിരുന്നു.ശനിയാഴ്ച മുതല്‍ നിരക്ക് വീണ്ടും കൂട്ടി. കഴിഞ്ഞ ഏപ്രില്‍, മെയ് മാസങ്ങളില്‍ സൗദിയില്‍നിന്ന് കേരളത്തിലേക്കുള്ള വിമാന നിരക്ക് 28,000-30,000 രൂപയായിരുന്നു. ഇപ്പോഴിത് 29,000-33,000 ആയി. സാധാരണ സമയങ്ങളില്‍ 13,000-15,000 രൂപയാണ് വരിക. നിരക്ക് വര്‍ധനയും ടിക്കറ്റ് ക്ഷാമവുംമൂലം ഭൂരിപക്ഷം പ്രവാസികള്‍ക്കും ഇത്തവണ പെരുന്നാള്‍ ആഘോഷത്തിന് നാട്ടിലെത്താന്‍ കഴിയില്ല. ഡല്‍ഹി, മുംബൈ, ഹൈദരാബാദ് തുടങ്ങിയ വിമാനത്താവളങ്ങളിലേക്ക് ടിക്കറ്റെടുത്ത് നാട്ടിലേക്ക് തിരിക്കുന്ന പ്രവാസികളുമുണ്ട്.
(ബഷീര്‍ അമ്പാട്ട്)
deshabhimani
No comments:
Post a Comment