എന്നാല്‍, പദ്ധതിയുടെ പ്ലാന്‍ ഏപ്രില്‍ 17നാണ് ജില്ലാ ടൗണ്‍ പ്ലാനിങ് ഓഫീസില്‍ ആദ്യം ലഭിച്ചതെന്ന് ടൗണ്‍ പ്ലാനര്‍ എന്‍ കെ രാജന്‍ പറഞ്ഞു. ഇതിലെ കുറവ് പരിഹരിച്ച് നല്‍കുന്നതിന് മെയ് 10ന് നഗരസഭയ്ക്ക് കൈമാറി. ഇത് നടപടികള്‍ പൂര്‍ത്തിയാക്കിയശേഷം ജൂലൈ ഒന്നിനാണ് ടൗണ്‍ പ്ലാനിങ് ഓഫീസില്‍ മടങ്ങിയെത്തിയത്. ഈ പ്ലാന്‍ ചീഫ് ഓഫീസിലേക്ക് അയയ്ക്കുന്ന നടപടികള്‍ നടന്നുവരികയായരുന്നുവെന്നും എന്‍ കെ രാജു പറഞ്ഞു. മാത്യു ടി തോമസ് ഗതാഗത മന്ത്രിയായിരുന്നപ്പോഴാണ് പത്തനംതിട്ട ഡിപ്പോയ്ക്ക് ബസ്ടെര്‍മിനല്‍ കം ഷോപ്പിങ് കോംപ്ലക്സിനായി 40 കോടി രൂപയുടെ പദ്ധതി അനുവദിച്ചത്. കെഎസ്ആര്‍ടിസിക്ക് മുടക്കുമുതലില്ലാതെ 50 ശതമാനം വരുമാനം ലഭിക്കുന്ന തരത്തിലായിരുന്നു പദ്ധതി. ഷോപ്പുകള്‍, റസ്റ്റോറന്റ്, കാന്റീന്‍, ഫുഡ്കോര്‍ട്ട്, ഷോപ്പിങ് ആര്‍ക്കേഡ്, യാത്രക്കാര്‍ക്കായി വിശ്രമ മുറികള്‍, അന്വേഷണ വിഭാഗം, ക്ലോക്ക് റൂം, സെക്യൂരിറ്റി ഓഫീസ്, ടോയ്ലെറ്റുകള്‍, വാടകയ്ക്ക് കൊടുക്കാന്‍ കഴിയുന്ന മുറികള്‍, കാര്‍ പാര്‍ക്കിങ് തുടങ്ങിയ സൗകര്യങ്ങളോടെയുള്ള ബസ്ടെര്‍മിനല്‍ കം ഷോപ്പിങ് കോംപ്ലക്സായിരുന്നു വിഭാവനം ചെയ്തത്. അന്ന് ശിവദാസന്‍ നായര്‍ എംഎല്‍എ ഇതിനെതിരായിരുന്നു. ഇതോടൊപ്പം അനുവദിച്ച തിരുവല്ലയിലെ ഷോപ്പിങ് കോംപ്ലകസ് നിര്‍മാണം അന്തിമഘട്ടത്തിലായി. പിന്നീട് യുഡിഎഫ് സര്‍ക്കാര്‍ വന്നപ്പോള്‍ എട്ടു കോടി രൂപയുടെ പുതിയ പദ്ധതി വിഭാവനം ചെയ്തു. ഇതുവരെയും ഇക്കാര്യത്തില്‍ ശ്രദ്ധപുലര്‍ത്താതിരുന്ന ആറന്മുള എംഎല്‍എ വെളിപാട് ഉണ്ടായപോലെ തിങ്കളാഴ്ച നടത്തിയ പ്രകടനം രാഷ്ട്രീയ നേട്ടത്തിനുവണ്ടി മാത്രമാണെന്ന് ടൗണ്‍ പ്ലാനിങ് ഓഫീസിലെ ജീവനക്കാര്‍ അടക്കം പറയുന്നു. ശബരിമല തീര്‍ഥാടനകാലത്ത് ലക്ഷക്കണക്കിന് യാത്രക്കാരെത്തുന്ന പത്തനംതിട്ടയില്‍ കെഎസ്ആര്‍ടിസി ഡിപ്പോയുടെ ദുരവസ്ഥ എക്കാലവും ചര്‍ച്ചയാണ്.
deshabhimani
No comments:
Post a Comment