പൊലീസിലെ ഉന്നതര്‍ക്കടക്കം ബ്ലേഡ് മാഫിയയുമായി ബന്ധമുണ്ടെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. വമ്പന്‍ സ്രാവുകളെ കുറിച്ച് പരാതിയുണ്ടെങ്കില്‍ ജനങ്ങള്‍ അറിയിക്കണം. ഓപ്പറേഷന്‍ കുബേരയില്‍ രാഷ്ട്രീയ സമ്മര്‍ദ്ദമോ ശുപാര്‍ശയോ അംഗീകരിക്കില്ല. വായ്പാ നയം ഉദാരമാക്കുന്നത് സംബന്ധച്ച് ബുധനാഴ്ച ചേരുന്ന യോഗം ചര്‍ച്ച ചെയ്യുമെന്നും ചെന്നിത്തല പറഞ്ഞു.
ബേഡ് മാഫിയയുടെ കെണിയില്‍പ്പെട്ട് സംസ്ഥാനത്ത് നിരവധി പേരാണ് ആത്മഹത്യ ചെയ്തത് . മാഫിയക്കെതിരെ നടപടിയെടുക്കാത്തത് പൊലീസിലെ ഉന്നതര്‍ അവരില്‍ നിന്ന് മാസപ്പടി വാങ്ങുന്നവരായതുകൊണ്ടാണെന്ന് കഴിഞ്ഞ ദിവസം സിപിഐ എം സംസ്ഥാന സെക്രട്ടറി പിണറായി വിജയന്‍ ആരോപിച്ചിരുന്നു. ഇത് ശരി വെക്കുന്നതാണ് ആഭ്യന്തരമന്ത്രിയുടെ പ്രതികരണം.
ആര്‍എസ്എസ് നേതാവിന്റെ വീട്ടില്‍നിന്ന് 12 ആധാരം പിടിച്ചെടുത്തു
എടപ്പാള്‍: ബ്ലേഡ് മാഫിയക്കെതിരെ പൊലീസ് നടത്തിയ ഓപ്പറേഷന്‍ കുബേരയില്‍ ആര്‍എസ്എസ് നേതാവിന്റെ വീട്ടില്‍ നിന്ന് 12 ആധാരം പിടിച്ചെടുത്തു. എടപ്പാളിനടുത്ത് കാലടിത്തറ റൈസ് മില്ലിന് സമീപം താമസിക്കുന്ന കീഴേക്കാട്ട് തറയില്‍ നടരാജന്റെ വീട്ടില്‍ നിന്നാണ് പൊന്നാനി സിഐ എം കെ മനോജ് കബീറിന്റെ നേതൃത്വത്തിലുള്ള പൊലീസ് സംഘം ആധാരങ്ങള്‍ പിടിച്ചെടുത്തത്. തിങ്കളാഴ്ച പകല്‍ 11.30ന് സംസ്ഥാന പാതയില്‍ പുതുതായി വാങ്ങിയ വീട്ടിലായിരുന്നു പരിശോധന. ഇയാളുടെ വീടിന് സമീപമുള്ള കോണ്‍ക്രീറ്റ് സാധനങ്ങള്‍ വില്‍ക്കുന്ന സ്ഥാപനത്തിലും പഴയ വീട്ടിലും പരിശോധന നടത്തി. ചെക്ക്ലീഫ്, സ്വര്‍ണാഭരണം, ആധാരങ്ങള്‍ എന്നിവ സ്വീകരിച്ച് പണം പലിശക്ക് കൊടുക്കുന്നുണ്ടെന്ന രഹസ്യവിവരത്തെ തുടര്‍ന്നാണ് റെയ്ഡ്. കാലടിത്തറയിലെ തേറയില്‍ പ്രേമചന്ദ്രികയുടെയും മകന്‍ പ്രജിത്തിന്റെയും വീടുകളിലും പൊലീസ് റെയ്ഡ് നടത്തി.
deshabhimani
No comments:
Post a Comment