സമരം നടക്കുന്നതിനിടെ ഒപ്പമുണ്ടായിരുന്ന മഹിളാ അസോസിയേഷന്‍ പ്രവര്‍ത്തകയും കല്യാശേരി ബ്ലോക്ക് പഞ്ചായത്ത് വൈസ്പ്രസിഡന്റുമായ വി വി പ്രീതയെ അവരുടെ ഭര്‍ത്താവിന്റെ ബന്ധുവായ ബിജു സ്റ്റേഡിയത്തില്‍നിന്ന് വിളിച്ചു. തെങ്ങില്‍നിന്ന് വീണ് അരയ്ക്കുതാഴെ തളര്‍ന്നു കിടക്കുകയാണ് ബിജു. ഒപ്പം വന്ന ഇളയമ്മയെ പൊലീസുകാര്‍ അകത്തേക്ക് കടത്തിവിട്ടില്ലെന്നും അവരുടെ പക്കല്‍ പണമോ, മൊബൈല്‍ ഫോണോ ഇല്ലെന്നും സഹായിക്കണമെന്നും പറഞ്ഞായിരുന്നു ഫോണ്‍. മുന്നുനാലുതവണ വീണ്ടും വിളിച്ച് സഹായമഭ്യര്‍ഥിച്ചതിനെ തുടര്‍ന്നാണ് പ്രീത എന്നെയും കൂട്ടി സ്റ്റേഡയത്തിലേക്ക് പോയത്. മാടായിയിലെ ടി വി ശോഭനയും ഒപ്പം വന്നു. മുഖ്യമന്ത്രി നില്‍ക്കുന്ന ഭാഗത്തേക്കേ പോയില്ല. ഗേറ്റിനടുത്തു കണ്ട പൊലീസുകാരോട് വിവരം പറഞ്ഞ് ബിജുവിന്റെ നമ്പര്‍ നല്‍കി മടങ്ങുകയായിരുന്നു. ഇതിനെയാണ് ഞാന്‍ സഹായം അഭ്യര്‍ഥിച്ച് മുഖ്യമന്ത്രിയെ കണ്ടതായി മാധ്യമങ്ങള്‍ ചിത്രീകരിച്ചത്. സഹോദരനായ ഇ പി ജയരാജനെ തേജോവധം ചെയ്യാനാണ് ഇത്തരത്തില്‍ ഒരടിസ്ഥാനവുമില്ലാത്ത കള്ളവാര്‍ത്ത നല്‍കിയതെന്നും ഓമന പറഞ്ഞു.
deshabhimani
No comments:
Post a Comment