പാഠപുസ്തകങ്ങള് പുറത്തിറങ്ങിയശേഷമാണ് ഓപ്പണ് സ്കൂള് വിദ്യാര്ഥികള്ക്ക് വിതരണംചെയ്യാനുള്ള മൊഡ്യൂള് നിര്മാണം നടത്താറുള്ളത്. ഈവര്ഷം ഓപ്പണ് സ്കൂള് സ്റ്റേറ്റ് കോ-ഓര്ഡിനേറ്ററാണ് മൊഡ്യൂള് നിര്മാണത്തിന് മേല്നോട്ടം വഹിക്കുന്നത്. ഇദ്ദേഹവും എസ്സിഇആര്ടി ഡയറക്ടറും തമ്മിലുള്ള പടലപ്പിണക്കമാണ് അക്കാദമിക് ഉദ്യോഗസ്ഥരെ ഒഴിവാക്കി സ്വന്തം നിലയില് ശില്പ്പശാല സംഘടിപ്പിക്കാന് കാരണം. ഡയറക്ടര് ആദ്യം എതിര്ത്തെങ്കിലും വിദ്യാഭ്യാസമന്ത്രിയുടെ ഓഫീസ് ഇടപെട്ട് പ്രത്യേക അനുമതി നല്കി. പാഠപുസ്തക രചനയടക്കമുള്ള ആവശ്യങ്ങള്ക്കുവേണ്ടി എട്ട് കോടി രൂപ മുടക്കി എസ്സിഇആര്ടി ആസ്ഥാനത്തോട് അനുബന്ധിച്ചാണ് പുതിയ ഗസ്റ്റ്ഹൗസ് കം ട്രെയിനിങ് സെന്റര് ആരംഭിച്ചത്. ഇക്കഴിഞ്ഞ ഡിസംബറിലാണ് മുഖ്യമന്ത്രി ഉമ്മന്ചാണ്ടി ഇത് ഉദ്ഘാടനംചെയ്തത്. ഇവിടെവച്ച് ശില്പ്പശാല സംഘടിപ്പിച്ചാല് ഓപ്പണ് സ്കൂളിലെ ഉദ്യോഗസ്ഥര്ക്ക് ടിഎ/ഡിഎ അടക്കമുള്ള തുക ലഭിക്കുകയില്ലെന്ന് കണ്ടാണ് ശില്പ്പശാല ഇരിങ്ങാലക്കുടയിലേക്ക് മാറ്റിയത്. പ്രതിനിധികളുടെ താമസത്തിനും ഭക്ഷണത്തിനുമായി 10 ലക്ഷം രൂപയാണ് അനുവദിച്ചത്. പ്രതിനിധികളെ തെരഞ്ഞെടുത്തതിലും മാനദണ്ഡം പാലിച്ചിട്ടില്ല. ഓപ്പണ് സ്കൂള് സ്റ്റേറ്റ് കോ-ഓര്ഡിനേറ്റര് ഭാരവാഹിയായ അധ്യാപക സംഘടനയുടെ പ്രവര്ത്തകരെയാണ് തെരഞ്ഞെടുത്തത്.
deshabhimani
No comments:
Post a Comment