കൊച്ചി> ഒരു ഏജൻസി വിദേശ ധനസഹായം വാങ്ങിയത് എങ്ങനെ കുറ്റകൃത്യമാവുമെന്ന് ഹൈക്കോടതി. ലൈഫ് മിഷന്റെ ഭവന പദ്ധതിക്ക് വിദേശസഹായംസ്വീകരിച്ചതിനെതിരെ സിബിഐ എടുത്ത കേസ് പരിഗണിക്കവെയാണ് കോടതിയുടെ പരാമർശം.സ്വീകരിച്ച സഹായം നിരോധിത പട്ടികയിൽ ഉള്ളതാണോ എന്ന് വിശദീകരിക്കാൻ കോടതി സിബിഐ യോട് ആവശ്യപ്പെട്ടു. രണ്ടു ദിവസത്തിനകം വിശദീകരണം നൽകണം.
പദ്ധതിയിൽ അഴിമതി ഉണ്ടന്നും യൂണിടാക് എംഡി സന്തോഷ് ഈപ്പൻ കൈക്കൂലി നൽകിയെന്നും അന്വേഷിക്കണമെന്നും സിബിഐ ആവശ്യപ്പെട്ടു.
കൈക്കൂലി നൽകിയത് വിദേശ ധനസഹായ നിയന്ത്രണ നിയമത്തിന്റെ പരിധിയിൽ വരില്ലല്ലോ എന്ന് കോടതി ചൂണ്ടിക്കാട്ടി.
അതിനു മറ്റു നിയമങ്ങൾ അല്ലേ ബാധകമെന്നും പണം വാങ്ങിയത് വിദേശ സംഭാവനാ നിയമത്തിന്റെ പരിധിയിൽ വരുമോ എന്നും കോടതി സിബിഐ യോട് ആരാഞ്ഞു. കേസ് കൂടുതൽ വാദത്തിനായി വ്യാഴാഴ്ചത്തേക്ക് മാറ്റി.
No comments:
Post a Comment