വൃക്കതകരാറുമൂലം സ്ഥിരമായി ഡയാലിസിസ് വേണ്ടിവരുന്ന ബിപിഎല്‍ വൃക്കരോഗികള്‍ക്ക് നല്‍കുന്ന പ്രതിമാസ പെന്‍ഷന്‍ 525ല്‍നിന്ന് 900 ആയി വര്‍ധിപ്പിച്ചു. അവശകലാകാര പെന്‍ഷന്‍ 650ഉം സര്‍ക്കസ് കലാകാരന്‍മാരുടെ പെന്‍ഷന്‍ 1,100 ഉം ക്ഷീരകര്‍ഷക പെന്‍ഷന്‍ 500ഉം 70 വയസ്സിനു മേല്‍ പ്രായമുള്ള അവശതയനുഭിവിക്കുന്ന കായിക താരങ്ങളുടെ പെന്‍ഷന്‍ 1,100ഉം 60 വയസ്സിനു മേല്‍ പ്രായമുള്ള അവശതയനുഭവിക്കുന്ന കായിക താരങ്ങളുടെ പെന്‍ഷന്‍ 850ഉം രൂപയാകും. പത്രപ്രവര്‍ത്തക പെന്‍ഷന്‍ 4500ല്‍ നിന്ന് 7000ഉം നോണ്‍ജേര്‍ണലിസ്റ്റ് പെന്‍ഷന്‍ 2,500ല്‍ നിന്ന് 4000ഉം ആകും. വിധവകളുടെ പെണ്‍മക്കളുടെ വിവാഹത്തിനുള്ള ധനസഹായം 20,000 ല്‍നിന്ന് 30,000 രൂപയാക്കി. ക്ഷയം, കുഷ്ഠം, അര്‍ബുദം എന്നീ രോഗികള്‍ക്കുള്ള ധനസഹായം 525ല്‍ നിന്ന് 800 രൂപയാകും. വൃദ്ധസദനങ്ങള്‍, യാചക മന്ദിരങ്ങള്‍, വികലാംഗര്‍ക്കുവേണ്ടിയുള്ള സ്ഥാപനങ്ങള്‍ എന്നിവിടങ്ങളിലെ അന്തേവാസികള്‍ക്ക് നല്‍കുന്ന പ്രതിമാസ ഗ്രാന്റ് 700 ഉം സര്‍ക്കാര്‍എയ്ഡഡ് അന്ധ-ബധിര വിദ്യാലയങ്ങളില്‍ വിദ്യാര്‍ഥികള്‍ക്ക് ഭഭക്ഷണത്തിന് പ്രതിമാസഗ്രാന്റ് 900 രൂപയുമാക്കും. ബിപിഎല്‍ വിഭാഗക്കാര്‍ക്കു മാത്രമാണ് ഇപ്പോള്‍ വിധവ-വാര്‍ധക്യകാല പെന്‍ഷന്‍ നല്‍കുന്നത്. മൂന്നു ലക്ഷം രൂപ വരെ വാര്‍ഷികവരുമാനപരിധിയിലുള്ള എല്ലാ വിഭാഗക്കാര്‍ക്കും ഈ പെന്‍ഷന്‍ നല്‍കാനും മന്ത്രിസഭ തീരുമാനിച്ചു. വിധവകള്‍ക്ക് പ്രായപരിധിയില്ലാതെ പെന്‍ഷന്‍ നല്‍കും. പെന്‍ഷന്‍ കുടിശ്ശിക ഓണത്തിനു മുമ്പ് വിതരണം ചെയ്യുമെന്ന് മുഖ്യമന്ത്രി പറഞ്ഞു
deshabhimani
No comments:
Post a Comment