പാറശാല: എസ്എഫ്ഐ ധനുവച്ചപുരം ഐടിഐ യൂണിറ്റ് ജോയിന്റ് സെക്രട്ടറിയെ എബിവിപി സംഘം വെട്ടി പരിക്കേല്‍പ്പിച്ചു. ധനുവച്ചപുരം പറവോട്ടുകോണം സനല്‍ഭവനില്‍ സനലിനെയാണ് ചൊവ്വാഴ്ച വൈകിട്ട് ഏഴംഗസംഘം ധനുവച്ചപുരം സ്കൂള്‍ ജങ്ഷനുസമീപം വെട്ടി പരിക്കേല്‍പ്പിച്ചത്. ധനുവച്ചപുരം ഐടിഐയിലെ എംസിഎച്ച് ഒന്നാംവര്‍ഷ വിദ്യാര്‍ഥിയായ സനല്‍ ക്ലാസ് കഴിഞ്ഞ് ബൈക്കില്‍ വരവെ ബൈക്കില്‍ പിന്തുടര്‍ന്നെത്തിയ സംഘം തടഞ്ഞുനിര്‍ത്തി മാരകായുധമുപയോഗിച്ച് വെട്ടുകയായിരുന്നു. ബഹളംകേട്ട് നാട്ടുകാര്‍ എത്തുന്നതിനുമുമ്പെ ബൈക്കിലെത്തിയ സംഘം രക്ഷപ്പെട്ടു. സംഘം എത്തിയ ഒരു ബൈക്കിന്റെ നമ്പര്‍ കെഎല്‍ 19-5806 ആണെന്ന് ദൃക്സാക്ഷികള്‍ പറഞ്ഞു. സനല്‍ പാറശാല ഗവ. താലൂക്കാശുപത്രിയില്‍ ചികിത്സയിലാണ്. എസ്എഫ്ഐ-ഡിവൈഎഫ്ഐ പ്രവര്‍ത്തകര്‍ക്കുനേരെ ആര്‍എസ്എസ്-എബിവിപി സംഘം നടത്തുന്ന ആസൂത്രിത ആക്രമണം പ്രദേശത്തെ സമാധാനാന്തരീക്ഷം തകര്‍ക്കുകയാണ്. അക്രമികള്‍ക്കെതിരെ നടപടി സ്വീകരിക്കണമെന്ന് എസ്എഫ്ഐ ജില്ലാകമ്മിറ്റി പ്രസ്താവനയില്‍ ആവശ്യപ്പെട്ടു.
എബിവിപി അക്രമം 2 എസ്എഫ്ഐ പ്രവര്‍ത്തകര്‍ക്ക് പരിക്ക്
പുതുശേരി: പാലക്കാട് പോളിടെക്നിക് കോളേജില്‍ എസ്എഫ്ഐ പ്രവര്‍ത്തകരെ എബിവിപിക്കാര്‍ ഭീകരമായി മര്‍ദിച്ചു. എസ്എഫ്ഐ പ്രവര്‍ത്തകരായ ഫിറോസ്, മണികണ്ഠന്‍ എന്നിവര്‍ക്കാണ് പരിക്കേറ്റത്. പോളി ബസ്സ്റ്റോപ്പിലെ ഹോട്ടലില്‍ ഭക്ഷണംകഴിച്ച് തിരിച്ചുവരുമ്പോള്‍ കോളേജ്ഗേറ്റിന് മുന്നില്‍ ഒരു പ്രകോപനവുമില്ലാതെയാണ് എബിവിപി പ്രവര്‍ത്തകരായ അശ്വന്ത്, ആല്‍വിന്‍ ടിന്റോ, പ്രശാന്ത്, ശരത് എന്നിവരുടെ നേതൃത്വത്തിലുള്ള സംഘം മര്‍ദിച്ചത്. കുറച്ച് ദിവസങ്ങള്‍ക്കുമ്പ് പാലക്കാട് സ്റ്റേഡിയം ബസ്സ്റ്റാന്‍ഡില്‍ ആര്‍എസ്എസ്-എബിവിപി ക്രിമിനലുകള്‍ എസ്എഫ്ഐ പ്രവര്‍ത്തകനായ ദിലീപിനെ മര്‍ദിച്ചിരുന്നു. ഒരു കാരണവുമില്ലാതെ പോളിടെക്നിക് കോളേജില്‍ സംഘര്‍ഷാവസ്ഥ സൃഷ്ടിക്കാനാണ് എബിവിപിക്കാര്‍ ശ്രമിക്കുന്നത്. ഒന്നാംവര്‍ഷ വിദ്യാര്‍ഥികളുടെ പ്രവേശനം നടക്കുന്ന സാഹചര്യത്തിലാണ് എബിവിപി ആക്രമണം നടത്തിയത്. ആക്രമണത്തില്‍ എസ്എഫ്ഐ പുതുശേരി ഏരിയ കമ്മിറ്റി പ്രതിഷേധിച്ചു.
deshabhimani 090611
എസ്എഫ്ഐ ധനുവച്ചപുരം ഐടിഐ യൂണിറ്റ് ജോയിന്റ് സെക്രട്ടറിയെ എബിവിപി സംഘം വെട്ടി പരിക്കേല്‍പ്പിച്ചു. ധനുവച്ചപുരം പറവോട്ടുകോണം സനല്‍ഭവനില്‍ സനലിനെയാണ് ചൊവ്വാഴ്ച വൈകിട്ട് ഏഴംഗസംഘം ധനുവച്ചപുരം സ്കൂള്‍ ജങ്ഷനുസമീപം വെട്ടി പരിക്കേല്‍പ്പിച്ചത്.
ReplyDelete