മന്ത്രിയും ഉന്നത കെഎസ്ഇബി ഉദ്യോഗസ്ഥരും ഉള്‍പ്പെട്ട ഇടമലയാര്‍ കേസ് തേച്ചുമാച്ചുകളയാനുള്ള കൊണ്ടുപിടിച്ച നീക്കങ്ങള്‍ നടക്കുമ്പോഴാണ് കോളിളക്കമുണ്ടാക്കി ഈ കൂട്ടമരണം നടന്നത്. കേസില്‍ ജസ്റ്റിസ് സുകുമാരന്‍ കമീഷന്‍ 1988 ല്‍ സമര്‍പ്പിച്ച റിപ്പോര്‍ട്ടില്‍ പിള്ള ഉള്‍പ്പെടെയുള്ളവര്‍ കുറ്റക്കാരെന്നു കണ്ടെത്തി. തുടര്‍ന്ന്, കേസ് ക്രൈംബ്രാഞ്ചിനു കൈമാറി. 1990ല്‍ ക്രൈംബ്രാഞ്ച് പ്രത്യേകകോടതിയില്‍ കുറ്റപത്രം സമര്‍പ്പിച്ചു. 1991 അധികാരത്തില്‍വന്ന യുഡിഎഫ് സര്‍ക്കാര്‍ പ്രോസിക്യൂഷന്‍ പിന്‍വലിച്ച് കേസില്ലാതാക്കാന്‍ ശ്രമിച്ചപ്പോള്‍ പ്രതിപക്ഷനേതാവായിരുന്ന വി എസ് അച്യുതാനന്ദന്‍ സുപ്രീംകോടതിയിലെത്തി. സുപ്രീംകോടതി അനുമതിയോടെ പ്രത്യേകകോടതിയില്‍ വിസ്താരം തുടങ്ങുന്നതിന് ഒരുമാസംമുമ്പാണ് മത്തായിയും കുടുംബവും മരിച്ചത്. സ്ഥലത്തെത്തിയ അന്നത്തെ റൂറല്‍ എസ്പി ടോമിന്‍ ജെ തച്ചങ്കരി അര്‍ഥശങ്കയ്ക്കിടയില്ലാത്ത വിധം സംഭവം ആത്മഹത്യയെന്ന് വിധിയെഴുതി. എന്തായാലും, കൊലപാതകമാണെന്നതിന്റെ ശക്തമായ തെളിവുകള്‍ അവശേഷിച്ചിട്ടും ലോക്കല്‍ പൊലീസും ക്രൈം ഡിറ്റാച്ച്മെന്റ് സ്പെഷ്യല്‍ സ്ക്വാഡുമൊക്കെ അന്വേഷിച്ച് ആത്മഹത്യയായി തന്നെ 2007ല്‍ കേസ് അവസാനിച്ചു.
വീടിന്റെ രണ്ടാംനിലയുടെ കോണ്‍ക്രീറ്റ് നിശ്ചയിച്ചിരുന്നതിന്റെ തലേന്നാണ് മത്തായിയും കുടുംബവും മരിച്ചത്. തലേന്നു രാത്രി വൈകുവോളം ഉത്സാഹപൂര്‍വം വീടുനിര്‍മാണജോലിയില്‍ ഏര്‍പ്പെട്ടിരുന്ന മത്തായിയും കുടുംബവും ആത്മഹത്യചെയ്യുമെന്നു വിശ്വസിക്കാന്‍ അയല്‍ക്കാര്‍ക്കാകുന്നില്ല. എംസിഎ കഴിഞ്ഞ സിനി പിറ്റേന്ന് ഫാക്ടില്‍ പ്രോജക്ട് വര്‍ക്കിനു ചേരേണ്ടതായിരുന്നു. വീടിന് 200 മീറ്ററോളം അകലെ മത്തായിയുടെ കണ്ണട കണ്ടെത്തിയിരുന്നു. ഭാര്യയെയും മക്കളെയും കൊന്നശേഷം അടുത്തുള്ള കുരിശുപള്ളിയില്‍ വഴിപാടിടാന്‍ വന്നപ്പോള്‍ കണ്ണട നഷ്ടപ്പെട്ടതാണെന്ന കണ്ടെത്തല്‍പോലും പൊലീസ് നടത്തി. കൊലപാതകമെന്നു വിധിയെഴുതാവുന്ന നിരവധി തെളിവുകള്‍ അവഗണിക്കപ്പെട്ടു.
(എം എസ് അശോകന്‍)
സ്വന്തം നേതാവിനെ പിള്ളയുടെ ഗുണ്ടകള്‍ കുത്തിമലര്‍ത്തി
ചെങ്ങന്നൂര്‍ : കെഎസ്ആര്‍ടിസി സര്‍വീസുകള്‍ വെട്ടിക്കുറച്ചതിനെതിരായ സമരം പൊളിക്കണമെന്ന ഗതാഗതമന്ത്രി ആര്‍ ബാലകൃഷ്ണപിള്ളയുടെ നിര്‍ദേശം അംഗീകരിക്കാത്ത സ്വന്തം യൂണിയന്‍ നേതാവിനെ ഡിപ്പോയിലിട്ട് കൊട്ടേഷന്‍ സംഘത്തെക്കൊണ്ട് കുത്തിമലര്‍ത്തി. 1993ല്‍ കൊട്ടാരക്കര ഡിപ്പോയില്‍ നടന്ന ഈ ക്രൂരകൃത്യവും പൊലീസിനെ സ്വാധീനിച്ച് പിള്ള തേച്ചുമാച്ചു കളഞ്ഞു. അങ്ങാടിക്കല്‍ മലയില്‍ അപ്പിലി പുരയിടത്തില്‍ കെ കെ ജോയിക്കുട്ടി (70) യാണ് പിള്ളയുടെ മാടമ്പിത്തരത്തിന് കീഴടങ്ങാത്തതിന്റെ പേരില്‍ ഗുണ്ടാ ആക്രമണത്തിന് വിധേയനായത്. ആര്‍ ബാലകൃഷ്ണപിള്ളയുടെ ബന്ധു ഹരിയുടെ നേതൃത്വത്തിലായിരുന്നു ആക്രമണം. കുത്തേറ്റ് നെഞ്ചില്‍ 18 കുത്തിക്കെട്ടുമുണ്ടായി.
ശക്തമായ ജനകീയ പ്രതിഷേധത്തെ തുടര്‍ന്ന് സമരം വിജയിച്ചെങ്കിലും ജോയിക്കുട്ടി മന്ത്രി പിള്ളയുടെ കണ്ണിലെ കരടായി. ചെങ്ങന്നൂര്‍ ഡിപ്പോയിലെ വെഹിക്കിള്‍ സൂപ്രവൈസര്‍ ആയിരുന്ന ജോയിക്കുട്ടിയെ, ഇതേ തുടര്‍ന്ന് നാലുമാസത്തിനകം മന്ത്രി ഇടപെട്ട് കൊട്ടാരക്കരയിലേക്ക് സ്ഥലംമാറ്റി. അപകടം മണത്ത സഹപ്രവര്‍ത്തകര്‍ ജോയിക്കുട്ടിക്ക് അപായസൂചന നല്‍കിയിരുന്നു. സ്വന്തം യൂണിയന്‍ പ്രസിഡന്റിനെ എന്തിനു പേടിക്കണം എന്നായിരുന്നു ജോയിക്കുട്ടി അവരോട് പറഞ്ഞത്. എന്നാല്‍ കൊട്ടാരക്കര ങോലി തുടങ്ങി ദിവസങ്ങള്‍ക്കുള്ളില്‍ പിള്ളയുടെ ബന്ധുവിന്റെ നേതൃത്വത്തില്‍ ഒരുസംഘം കൊട്ടാരക്കര ഡിപ്പോയ്ക്കുള്ളില്‍വച്ച് മൃഗീയമായി ആക്രമിച്ചു. നെഞ്ചിന്റെ വലതുഭാഗത്ത് കത്തി കുത്തിയിറക്കി. ഗുരുതരാവസ്ഥയിലായ ജോയിയെ കൊട്ടാരക്കര ആശുപത്രിയില്‍നിന്ന് തിരുവനന്തപുരം മെഡിക്കല്‍ കോളേജിലേക്കു മാറ്റി. കേസെടുക്കുന്നതിലും അന്വേഷിക്കുന്നതിലും പൊലീസ് വിമുഖതകാട്ടി. ഒടുവില്‍ തെളിവില്ലെന്ന കാരണത്താല്‍ കേസ് കോടതിയില്‍ തള്ളിപ്പോയി. ഇതിനിടയില്‍ ചികിത്സയ്ക്ക് കെഎസ്ആര്‍ടിസി അനുവദിച്ച തുകയും തിരികെവാങ്ങി. നിരന്തരം സ്ഥലം മാറ്റവും പിള്ളയുടെ ഭീഷണിയും തുടര്‍ന്നതിനാല്‍ ജോയിക്കുട്ടി ദീര്‍ഘാവധിയില്‍ പോയി. എല്‍ഡിഎഫ് സര്‍ക്കാര്‍ വന്നതിനുശേഷമാണ് ഇദ്ദേഹം ജോലിയില്‍ തിരികെയെത്തിയത്. വലതുനെഞ്ചിലെ തുന്നല്‍പാടുമായി ജോയിക്കുട്ടി 97ല്‍ വിരമിച്ചു.
deshabhimani 031011
മുന്‍മന്ത്രി ആര്‍ ബാലകൃഷ്ണപിള്ളയുടെ ഉടമസ്ഥതയിലുള്ള സ്കൂളിലെ അധ്യാപകനുണ്ടായ ദുരനുഭവം ഓര്‍മിപ്പിക്കുന്നത് ഇടമലയാര്‍ അഴിമതിക്കേസിലെ മുഖ്യസാക്ഷിയായിരുന്ന സിവില്‍ എന്‍ജിനിയര്‍ മത്തായിക്കും കുടുംബത്തിനും ഏറ്റുവാങ്ങേണ്ടിവന്ന ദുരന്തം. ഇടമലയാര്‍ കേസ് തേച്ചുമാച്ചു കളയാന്‍ കൊണ്ടുപിടിച്ച നീക്കം നടക്കുന്നതിനിടെ മത്തായിയും ഭാര്യയും രണ്ട് പെണ്‍മക്കളുമടങ്ങുന്ന കുടുംബം ദുരൂഹസാഹചര്യത്തില്‍ മരിച്ചു. സംഭവം ഏറെ വിവാദമുയര്‍ത്തിയിട്ടും ആത്മഹത്യയായി എഴുതിത്തള്ളുകയായിരുന്നു.
ReplyDelete