ശിക്ഷിക്കപ്പെട്ടവരേക്കാള്‍ പതിന്മടങ്ങുപേരാണ് ജയിലുകളില്‍ വിചാരണതടവുകാരായി കഴിയുന്നതെന്ന് സെമിനാറില്‍ സംസാരിച്ച സിപിഐ എം ജില്ലാസെക്രട്ടറി പി ജയരാജന്‍ പറഞ്ഞു. ശിക്ഷയേക്കാള്‍ കൂടിയകാലം പലരും ജയിലില്‍ കഴിയുകയാണ്. ഈ പൗരാവകാശപ്രശ്നം ജുഡീഷ്യറിയുടെ പരിഗണനക്കെത്തുന്നില്ല. ഇതിന് ജനാഭിപ്രായം ഉയര്‍ന്നുവരണം. പലപ്പോഴും ജുഡീഷ്യറിയെ സ്വാധീനിക്കുന്നത് മാധ്യമങ്ങളാണ്. അറിയിക്കുക എന്ന ധര്‍മം മറന്ന് സങ്കുചിത രാഷ്ട്രീയതാല്‍പര്യത്തിനനുസരിച്ചാണ് വാര്‍ത്ത വിന്യസിക്കപ്പെടുന്നത്. രാഷ്ട്രീയതാല്‍പര്യം അടിസ്ഥാനപ്പെടുത്തി ദുര്‍വ്യാഖ്യാനംചെയ്യുന്ന വാര്‍ത്തകളും കോടതിയെ സ്വീധിനിക്കുന്നുണ്ട്. ഒരു തെളിവും ലഭിക്കാതെയാണ് ഫസല്‍കേസില്‍ കാരായിരാജനെയും കാരായിചന്ദ്രശേഖരനെയും ഉള്‍പ്പെടുത്തിയതെന്ന് പി ജയരാജന്‍ പറഞ്ഞു. ആരാണ് ഫസലിനെ കൊന്നതെന്ന് കൃത്യമായി അറിയാവുന്നവര്‍ എന്‍ഡിഎഫുകാരാണ്. ആശുപത്രിയില്‍ ഞങ്ങള്‍ പോയപ്പോള്‍ ആര്‍എസ്എസാണ് കൊലനടത്തിയതെന്നാണ് അവര്‍ പറഞ്ഞത്. ജയിലിലുണ്ടായിരുന്ന രണ്ട്ചെറുപ്പക്കാരോട് കാരായിരാജന്റെയും ചന്ദ്രശേഖരന്റെയും പേര് പറഞ്ഞാല്‍മാപ്പ് സാക്ഷിയാക്കാമെന്നടക്കം പറഞ്ഞു. തെറ്റായകാര്യംപറയിപ്പിക്കാന്‍ ശ്രമിച്ചെങ്കിലും അവര്‍ വഴങ്ങിയില്ലെന്നും പി ജയരാജന്‍ പറഞ്ഞു.
നീതിന്യായവ്യവസ്ഥയുടെയും മാധ്യമങ്ങളുടെയുമെല്ലാംനിഷ്പക്ഷത കാപട്യമാണെന്ന് മുന്‍മന്ത്രി ബിനോയ്വിശ്വംപറഞ്ഞു. കൃത്യമായ പക്ഷപാതിത്വം എല്ലാവര്‍ക്കുമുണ്ട്. വര്‍ഗപരമായ വീക്ഷണമാണ് ജുഡീഷ്യറിയെയും മാധ്യമങ്ങളെയുമെല്ലാം നയിക്കുന്നത്. ചാക്ക്രാധാകൃഷ്ണന് ജാമ്യവും മറ്റുപലര്‍ക്കും അത്ലഭിക്കാതിരിക്കുന്നതും അതുകൊണ്ടാണ്. ചാക്ക്രാധാകൃഷ്ണന്മാരുടെ കേസ്വരുമ്പോള്‍ നീതിപീഠത്തിനടക്കം ഇളക്കമുണ്ടാവുന്നു. സമ്പന്നാനുകൂലമായ നീതിന്യായഘടനക്ക് മാറ്റമുണ്ടാവണമെന്നും ബിനോയ്വിശ്വം പറഞ്ഞു. സെമിനാര്‍ പ്രതിപക്ഷ ഉപനേതാവ് കോടിയേരിബാലകൃഷ്ണന്‍ഉദ്ഘാടനംചെയ്തു. ഡോ. സെബാസ്റ്റ്യന്‍പോള്‍ വിഷയം അവതരിപ്പിച്ചു.നഗരസഭാ ചെയര്‍പേഴ്സണ്‍ ആമിന മാളിയേക്കല്‍ അധ്യക്ഷയായി. സിപിഐ എം സംസ്ഥാനകമ്മിറ്റി അംഗം എം വി ജയരാജന്‍, ലോയേഴ്സ് യൂണിയന്‍ സംസ്ഥാന സെക്രട്ടറി അഡ്വ. ബി രാജേന്ദ്രന്‍, അഡ്വ കെ വിജയകുമാര്‍ എന്നിവരും സംസാരിച്ചു. അഡ്വ. ജി പി ഗോപാലകൃഷ്ണന്‍ സ്വാഗതവും അഡ്വ. കെ അജിത്കുമാര്‍ നന്ദിയും പറഞ്ഞു. സിപിഐ എം ജില്ലാസെക്രട്ടറിയറ്റംഗം കാരായിരാജനും തിരുവങ്ങാട്ലോക്കല്‍സെക്രട്ടറി കാരായിചന്ദ്രശേഖരനും തടവറയില്‍ ഒരാണ്ട്പൂര്‍ത്തിയാക്കുന്ന ദിവസം ചേര്‍ന്ന സെമിനാറില്‍ പങ്കെടുക്കാന്‍ വന്‍ജനാവലിയാണ് ഓഡിറ്റോറിയത്തിലെത്തിയത്.
മുഖ്യമന്ത്രിയുടെ ഓഫീസ് സാമൂഹ്യ വിരുദ്ധ പ്രവര്‍ത്തന കേന്ദ്രമായി: സെബാസ്റ്റ്യന്‍പോള്‍
തലശേരി: സാമൂഹ്യവിരുദ്ധ പ്രവര്‍ത്തനം തടയല്‍ നിയമം മുഖ്യമന്ത്രിയുടെ ഓഫീസിനെതിരെയാണ് ആദ്യം പ്രയോഗിക്കേണ്ടതെന്ന് ഡോ. സെബാസ്റ്റ്യന്‍പോള്‍. ഏറ്റവും കുടുതല്‍ സാമൂഹ്യവിരുദ്ധ പ്രവര്‍ത്തനം നടക്കുന്ന കേരളത്തിലെ പ്രധാനകേന്ദ്രം മുഖ്യമന്ത്രിയുടെ ഓഫീസാണ്. തലശേരിയില്‍ നടന്ന ലോയേഴ്സ്യൂണിയന്‍ സെമിനാറില്‍ പൗരാവകാശധ്വംസനവും നീതി നിഷേധവും എന്ന വിഷയം അവതരിപ്പിക്കുകയായിരുന്നു അദ്ദേഹം.
ജനങ്ങളുടെ മൗലികാവകാശങ്ങള്‍ കവരുന്ന കരിനിയമങ്ങളുടെ എണ്ണം വര്‍ധിക്കുകയാണ്. ഇനിയൊരു അടിയന്തരാവസ്ഥ സാധ്യമാകാത്തനിലയില്‍ ഭരണഘടന മാറ്റിയെഴുതിയിട്ടുണ്ടെങ്കിലും അതിലൊന്നും ഒരു ഉറപ്പുമില്ല. രാജ്യമാകെ നീതിനിഷേധിക്കപ്പെടുന്ന നിരവധിപേരുണ്ട്. ഇതിനെതിരെ ജനകീയപ്രതികരണമുണ്ടാവുന്നില്ലെങ്കില്‍ അടിയന്തരാവസ്ഥയുടെ നാളുകളിലേക്കാവും മടങ്ങിപ്പോക്ക്. പതിമൂന്ന് വര്‍ഷമായി നീതിക്കായി ശബ്ദമുയര്‍ത്തുന്ന ഈറോം ശര്‍മിളയുടെ ആവശ്യം അംഗീകരിക്കാത്ത എ കെ ആന്റണിക്ക് പൂജ്യംമാര്‍ക്കേ നല്‍കാനാവൂ. നിയമനീതിനിര്‍വഹണസംവിധാനത്തിന് അബ്ദുള്‍നാസര്‍ മഅ്ദനിയുടെ ജാമ്യാപേക്ഷ മനസിലാക്കാന്‍ സാധിക്കുന്നില്ല. യുഎപിഎ വകുപ്പുകൂടി ഉള്‍പ്പെടുത്തിയതു കൊണ്ടാണ് മഅ്ദനിക്ക് ജാമ്യംനിഷേധിക്കപ്പെടുന്നത്. ഏത് പൊലീസുകാരനും ആര്‍ക്കുമെതിരെ ഏതു വകുപ്പും ചേര്‍ക്കാവുന്ന സാഹചര്യമാണ് രാജ്യത്ത്. കാരായി രാജനും കാരായി ചന്ദ്രശേഖരനുമെല്ലാം നീതിനിഷേധത്തിന്റെ ഇരകളാണെന്നും സെബാസ്റ്റ്യന്‍ പോള്‍ പറഞ്ഞു.
deshabhimani
No comments:
Post a Comment