സോളാര്‍ തട്ടിപ്പിനെതിരെ ഫേസ്ബുക്കില്‍ അഭിപ്രായം ഷെയര്‍ ചെയ്തതിന് സെക്രട്ടറിയറ്റ് ജീവനക്കാരന് സസ്പെന്‍ഷന്‍.തദ്ദേശവകുപ്പിലെ ഉദ്യോഗസ്ഥന്‍ പ്രേമാനന്ദ് തെക്കുംകരയ്ക്കെതിരെയാണ് നടപടി. ഇതുസംബന്ധിച്ച് പൊതുഭരണവകുപ്പിന്റെ ഉത്തരവ് ശനിയാഴ്ച പുറത്തിറങ്ങി.
സൗരോര്‍ജ കേസില്‍ ഉമ്മന്‍ചാണ്ടിക്കും സര്‍ക്കാരിനുമെതിരെ ഫേസ്ബുക്ക് ഉള്‍പ്പെടെയുള്ള സോഷ്യല്‍നെറ്റ്വര്‍ക്ക് സൈറ്റുകളില്‍ ശക്തമായ വികാരമാണ് പ്രതിഫലിക്കുന്നത്. ഇതേ തുടര്‍ന്നാണ് ഭീഷണിയുമായി സര്‍ക്കാര്‍ രംഗത്തെത്തിയത്. രാഷ്ട്രീയഭേദമെന്യേ പതിനായിരങ്ങള്‍ സോളാര്‍ തട്ടിപ്പിനെതിരെ പ്രതികരണങ്ങള്‍ പങ്കുവയ്ക്കുന്നുണ്ട്. പ്രചാരണങ്ങള്‍ വിലക്കാന്‍ മുഖ്യമന്ത്രിയുടെയും ആഭ്യന്തരമന്ത്രിയുടെയും ഓഫീസില്‍നിന്നുള്ള നിര്‍ദേശപ്രകാരം സൈബര്‍ സെല്‍ രംഗത്തിറങ്ങിയിട്ടുണ്ട്. എന്നാല്‍,ഇവയെ പ്രതിരോധിക്കുന്നത് പ്രയാസകരമാണെന്ന് സൈബര്‍സെല്‍ സര്‍ക്കാരിനെ അറിയിച്ചുകഴിഞ്ഞു.
deshabhimani
No comments:
Post a Comment