പാട്ട കാലാവധി തീര്‍ന്നതും വിവിധ കേസുകളില്‍ കുടുങ്ങിയതുമായ ഭൂമിയാണ് രണ്ടാം ഘട്ട വിതരണത്തിന് ഏറ്റെടുക്കാന്‍ ഉദ്ദേശിക്കുന്നത്. ഇതിന് കാലതാമസം നേരിടുമെന്നതിനാല്‍ ഉടന്‍ അപേക്ഷകള്‍ സ്വീകരിക്കില്ല. മിക്ക ജില്ലകളിലും അപേക്ഷകരില്‍ നാലിലൊന്നിന് നല്‍കാനുള്ള ഭൂമി പോലും കണ്ടെടുത്തിട്ടില്ല. മലപ്പുറം ജില്ലയില്‍ 20,000 അപേക്ഷകരില്‍ 1,500 പേര്‍ക്കുള്ള ഭൂമി മാത്രമാണ് കണ്ടെത്തിയത്. ഭൂമി തികയാത്ത സാഹചര്യത്തില്‍ ആദ്യ ഘട്ടത്തിലേക്കുള്ള അപേക്ഷാ ഫോറം വിതരണം നേരത്തേ നിര്‍ത്തിയിരുന്നു. രണ്ടാം ഘട്ട അപേക്ഷാ ഫോറം വിതരണം തുടങ്ങിയാല്‍ തുടര്‍ന്നും ലക്ഷക്കണക്കിന് അപേക്ഷകള്‍ ലഭിക്കും. തുടര്‍ന്നും ഭൂമി കണ്ടെത്തി നല്‍കിയാല്‍ മറ്റാവശ്യങ്ങള്‍ക്ക് ഭൂമിയില്ലാത്ത സാഹചര്യം വരുമെന്ന ഭീതിയും സര്‍ക്കാരിനുണ്ട്. നിലവില്‍ സര്‍ക്കാരിന്റെ പക്കലുള്ള ഭൂമി ലേലം ചെയ്ത് ലഭിക്കുന്ന തുകക്ക് കുറഞ്ഞ വിലയുള്ള സ്വകാര്യ ഭൂമി വാങ്ങി പദ്ധതിയില്‍ വിതരണം ചെയ്താല്‍ പ്രശ്നം പരിഹരിക്കാമെന്ന നിര്‍ദ്ദേശവും ഉയരുന്നുണ്ട്. ഭൂമി കണ്ടെത്തല്‍ നടപടികള്‍ മുന്നേറുകയാണെന്നും 2015നകം ലക്ഷ്യം നേടാനാവുമെന്നും പദ്ധതിയുടെ സ്പെഷ്യല്‍ ഓഫീസര്‍ വി രതീശന്‍ പറഞ്ഞു. എന്നാല്‍ മഴക്കെടുതികളുമായി ബന്ധപ്പെട്ട പ്രവര്‍ത്തനങ്ങള്‍ ആരംഭിച്ചതോടെ താലൂക്ക്, വില്ലേജ് തലങ്ങളിലുള്ള ഭൂമി കണ്ടെത്തല്‍ നാമമാത്രമായി.
(പി സി പ്രശോഭ്)
deshabhimani
when you give a property for a poor family, make sure those properties are not sellable for next 100 years. or else this property will be easily looted by loan mafia...
ReplyDelete