ഭൂമിയില്‍ ഇന്റര്‍നെറ്റ് സൗകര്യം എല്ലായിടത്തും ലഭ്യമാകുന്നതിന്റെ ഭാഗമായി ഇന്റര്‍നെറ്റ് സംവിധാനമുള്ള ബലൂണുകള്‍ ഗൂഗിള്‍ വിജയകരമായി വിക്ഷേപിച്ചു. ജെല്ലി ഫിഷിനെപ്പോലെയുള്ള ഗൂഗിളിന്റെ ഇന്റര്‍നെറ്റ് ബലുണുകള്‍് കാറ്റിന്റെ ഗതിക്കനുസരിച്ചാണ് സഞ്ചരിക്കുന്നത്. സൗത്ത് ഐസ്ലാന്റിലാണ് ഗൂഗിള്‍ പരീക്ഷണം നടത്തിയത്. ഭൂമിയില്‍ നിന്ന് 20 കിലോമീറ്റര്‍ ദൂരെയായിരിക്കും ബലൂണുകളുടെ സഞ്ചാര പഥം. ആദ്യ ഘട്ടമെന്ന നിലയില്‍ ആന്റിന പിടിപ്പിച്ച 30 ഹീലിയം ബലൂണുകള്‍ ന്യൂസിലന്‍ഡിലെ െ്രെകസ്റ്റ് ചര്‍ച്ച് നഗരത്തിനു മുകളില്‍ 12.4 കിലോമീറ്റര്‍ ഉയരത്തില്‍ നിലയുറപ്പിക്കും.
ലൂണ്‍ മിഷന്‍ കണ്‍ട്രോള്‍ റൂമുകളില്‍ നിന്നാണ് ഇത്തരം ബലൂണുകളെ നിയന്ത്രിക്കുന്നത്. വിമാനങ്ങള്‍ പറക്കുന്ന വിതാനത്തിന് മുകളിലും സാറ്റ് ലൈറ്റുകളുടെ സഞ്ചാര പഥത്തിന് താഴയുമാണ് ഗൂഗിള്‍ ബലൂണുകളുടെ സഞ്ചാരം. ആഗോള ഇന്റര്‍നെറ്റ് പ്രൊവൈഡര്‍മാരുമായി കണക്ട്റ്റ് ചെയ്യപ്പെട്ട ഭൂമിയിലെ സ്‌റ്റേഷനുകളില്‍ നിന്നാണ് ബലൂണിലേക്കുള്ള സിഗ്‌നലുകള്‍ പ്രവഹിക്കുന്നത്. ഇത് തൊട്ടടുത്തുള്ള ബലൂണുകളിലേക്കും കൈമാറ്റം ചെയ്യപ്പെടുന്നുണ്ട്. അങ്ങനെ ആകാശത്ത് മറ്റൊരു ബലൂണ്‍ ഇന്റെര്‍നെറ്റ് വലയം തീര്‍ത്തതിന് ശേഷമാണ് താഴെ വീടുകളിലും സ്ഥാപനങ്ങളിലുമുള്ള റിസീവറുകളിലേക്ക് ഇന്റര്‍നെറ്റ് സേവനം ലഭ്യമാക്കുന്നത്.
നാസയുടെയും യു എസ് പ്രതിരോധ വകുപ്പിന്റെയും സഹായത്തോടെയാണ് ബലൂണുകള്‍ നിര്‍മ്മിച്ചത്. പുതിയ ഇന്റര്‍നെറ്റ് ബലൂണ്‍ ലോകത്തിലെ ഇന്റര്‍നെറ്റ് ലഭിക്കാത്ത4.8 ബില്ല്യണ്‍ ജനങ്ങള്‍ളെയാണ് ലക്ഷ്യം വെയ്ക്കുന്നതെന്ന് ഗൂഗിള്‍ വ്യക്തമാക്കി. ഈ പരീക്ഷണത്തിന്റെ എല്ലാ ഘട്ടങ്ങളും വിജയകരമാവുകയാണെങ്കില്‍ ഇന്റര്‍നെറ്റ് ലഭ്യത കുറഞ്ഞ ആഫ്രിക്കയിലേയും തെക്ക് പടിഞ്ഞാറന്‍ ഏഷ്യയിലേയും രാജ്യങ്ങള്‍ക്ക് ഉപയോഗിക്കാനാകും.
ഇന്റര്‍നെറ്റ് ഉണ്ടെങ്കിലും ബ്രോഡ്ബാന്റ് സംവിധാനമില്ലാത്ത വികസ്വര രാഷ്ട്രങ്ങള്‍ക്കും ഇത് ഉപയോഗിക്കാം. 300 ബലൂണുകള്‍ പുറത്തിറക്കാനാണ് ഗൂഗിള്‍ പദ്ധതിയിടുന്നത്.
ഭൂമികുലുക്കമുണ്ടാകുകയും ഒരു പ്രദേശമാകെ ഒറ്റപ്പെട്ടുപോകുകയും ചെയ്യുന്ന സമയത്ത് സ്ഥലത്തുനിന്നുള്ള വിവരങ്ങള്‍ പുറത്തേക്ക് എത്തിക്കുന്നതിനും പ്രദേശത്തെ ഓണ്‍ലൈന്‍ സംവിധാനങ്ങള്‍ ഒരുക്കുന്നതിനും പുതിയ സംവിധാനംകൊണ്ട് സാധ്യമാവുമെന്നും ഗൂഗിള്‍ അറിയിച്ചു.
janayugom
No comments:
Post a Comment