വിജിലന്‍സ് ഡയറക്ടര്‍ സ്വഭാവപരിശോധന നടത്തി നല്‍കുന്ന ലിസ്റ്റില്‍നിന്നാണ് വിജിലന്‍സില്‍ നിയമനം നല്‍കിയിരുന്നത്. എന്നാല്‍ , പൊലീസ് അസോസിയേഷന്‍ നേതാക്കള്‍ നല്‍കിയ ലിസ്റ്റില്‍നിന്നാണ് ഇപ്പോഴത്തെ കൂട്ടസ്ഥലംമാറ്റം. ഇതിനെതിരെ ഡിജിപി, ആഭ്യന്തരവകുപ്പ് അഡീഷണല്‍ ചീഫ് സെക്രട്ടറി എന്നിവരെ വിജിലന്‍സ് ഡയറക്ടര്‍ അതൃപ്തി അറിയിച്ചിട്ടുണ്ട്. വിജിലന്‍സ് അന്വേഷണ സംഘത്തില്‍പ്പെട്ടവരെ കൂട്ടത്തോടെ മാറ്റിയത് കേസുകളുടെ അന്വേഷണത്തെ പ്രതികൂലമായി ബാധിക്കുമെന്ന് വിജിലന്‍സ് ഡിവൈഎസ്പിമാരും എസ്പിമാരും ഡയറക്ടറെ അറിയിച്ചിട്ടുണ്ട്.
വിജിലന്‍സ് ഡയറക്ടറേറ്റിലെ മിനിസ്റ്റീരിയല്‍ തസ്തികയിലുള്ള കോണ്‍ഗ്രസ് നേതാവാണ് സ്ഥലംമാറ്റത്തിന് ചുക്കാന്‍പിടിക്കുന്നത്. കേസുകളുടെ അന്വേഷണത്തില്‍ മികവ് കാട്ടുന്നവരെ വിജിലന്‍സില്‍നിന്ന് തെരഞ്ഞുപിടിച്ച് മാറ്റാനും ഇദ്ദേഹമാണ് പട്ടിക തയ്യാറാക്കുന്നത്. വിജിലന്‍സ് അന്വേഷണം മരവിപ്പിക്കുന്നതിനും പിന്‍വലിപ്പിക്കുന്നതിനും ചരട്വലി നടത്തുന്നതും ഈ ഉദ്യോഗസ്ഥനാണ്. വിജിലന്‍സില്‍ കൂട്ടസ്ഥലംമാറ്റം നല്‍കിയതിനു പിന്നില്‍ അസോസിയേഷനിലെ ചില നേതാക്കള്‍ വന്‍ തുക പിരിച്ചെടുത്തതായി പരാതിയുണ്ട്. വിജിലന്‍സ് അന്വേഷണം നേരിടുന്നവരില്‍നിന്ന് കൈക്കൂലി വാങ്ങാന്‍ അവസരമുണ്ടെന്നു കാട്ടിയാണ് പണപ്പിരിവ്.
deshabhimani 111211
No comments:
Post a Comment