മുഖ്യമന്ത്രി എ ജിക്കൊപ്പം കെപിസിസിയില്‍ ഭിന്നത
മുല്ലപ്പെരിയാര്‍ വിഷയത്തില്‍ അഡ്വക്കറ്റ് ജനറല്‍ കെ പി ദണ്ഡപാണി ഹൈക്കോടതിയില്‍ നല്‍കിയ സത്യവാങ്മൂലത്തില്‍ തെറ്റില്ലെന്ന് മുഖ്യമന്ത്രി ഉമ്മന്‍ചാണ്ടി കെപിസിസി യോഗത്തില്‍ പറഞ്ഞതായി അറിയുന്നു. സര്‍ക്കാര്‍ നിലപാടാണ് എ ജി കോടതിയില്‍ അറിയിച്ചത്. അതേസമയം കോടതിയുടെ ചോദ്യങ്ങള്‍ക്ക് കൃത്യമായി മറുപടി പറയാന്‍ എ ജിയ്ക്ക് കഴിഞ്ഞില്ല- മുഖ്യമന്ത്രി തുടര്‍ന്നു. അണക്കെട്ടിന്റെ കാലപ്പഴക്കം, ജലനിരപ്പ്, ഭൂചലന സാധ്യത എന്നിവ കോടതിയെ ബോധ്യപ്പെടുത്താന്‍ എ ജിയ്ക്ക് കഴിഞ്ഞില്ലെന്നും അദ്ദേഹം കൂട്ടിച്ചേര്‍ത്തു.
എ ജിയുടെ കാര്യത്തില്‍ അന്തിമതീരുമാനമെടുക്കുന്നത് മന്ത്രിസഭായോഗത്തിലാണ്. എ ജിയുടെ സത്യവാങ്മൂലത്തിനെതിരെ പ്രതിപക്ഷ പാര്‍ട്ടികള്‍ക്കു പുറമെ കോണ്‍ഗ്രസിലെ തന്നെ മുതിര്‍ന്ന നേതാക്കള്‍ രംഗത്ത് വന്നിരുന്നു. ഈ സാഹചര്യത്തില്‍ മുഖ്യമന്ത്രിയുടെ നിലപാട് ഭരണകക്ഷിയിലെ ഭിന്നത രൂക്ഷമാക്കും. തിങ്കളാഴ്ച രാവിലെ തിരുവനന്തപുരത്ത് ചേര്‍ന്ന കെപിസിസി നിര്‍വാഹക സമിതി യോഗത്തില്‍ രൂക്ഷമായ അഭിപ്രായവ്യത്യാസമുണ്ടായി. ഘടകകക്ഷികളുടെ നിലപാടിനെ എം എം ഹസ്സന്‍ നിശിതമായി വിമര്‍ശിച്ചതായും വാര്‍ത്തയുണ്ട്.
deshabhimani news
മുല്ലപ്പെരിയാര്‍ വിഷയത്തില്‍ അഡ്വക്കറ്റ് ജനറല്‍ കെ പി ദണ്ഡപാണി ഹൈക്കോടതിയില്‍ നല്‍കിയ സത്യവാങ്മൂലത്തില്‍ തെറ്റില്ലെന്ന് മുഖ്യമന്ത്രി ഉമ്മന്‍ചാണ്ടി കെപിസിസി യോഗത്തില്‍ പറഞ്ഞതായി അറിയുന്നു. സര്‍ക്കാര്‍ നിലപാടാണ് എ ജി കോടതിയില്‍ അറിയിച്ചത്.
ReplyDelete