കഴിഞ്ഞ ഫെബ്രുവരി 9ന് പശ്ചിമ ബംഗാളിലെ ബ്രിഗേഡ് പരേഡ് ഗ്രൗണ്ടില് ഇടതുമുന്നണി സംഘടിപ്പിച്ച റാലിയില് വന് ജനപങ്കാളിത്തമാണുണ്ടായത്. ഭരണപക്ഷമായ തൃണമൂല് കോണ്ഗ്രസിന്റെ ജനാധിപത്യ വിരുദ്ധ പ്രവര്ത്തനങ്ങളേയും അക്രമങ്ങളേയും അതിജീവിച്ചാണ് ലക്ഷങ്ങള് റാലിയില് അണിനിരന്നത്. ബംഗാളില് സിപിഐ എമ്മിനും ഇടതുപക്ഷത്തിനുമുള്ള കരുത്താണ് റാലിയില് പ്രതിഫലിച്ചതെന്ന് കേന്ദ്രകമ്മറ്റി വിലയിരുത്തി.
കേരളത്തില് സംസ്ഥാന സെക്രട്ടറി പിണറായി വിജയന്റെ നേതൃത്വത്തില് മതനിരപേക്ഷ ഇന്ത്യ വികസിത കേരളം എന്ന മുദ്രാവാക്യമുയര്ത്തി നടത്തിയ കേരള രക്ഷാ മാര്ച്ച് വന് വിജയമായെന്നും കേന്ദ്രകമ്മറ്റി വിലയിരുത്തി. 26 ദിവസം സംസ്ഥാനത്തുടനീളം സഞ്ചരിച്ച മാര്ച്ചില് ലക്ഷങ്ങളാണ് അണിനിരന്നത്.
എല്ലാ സംസ്ഥാനങ്ങളിലും ലോക്സഭ തെരഞ്ഞെടുപ്പിന് മുന്പ് സ്വീകരിക്കേണ്ട തയ്യാറെടുപ്പുകളെക്കുറിച്ച് കേന്ദ്രകമ്മറ്റി ചര്ച്ചചെയ്തു. ലോക്സഭ തെരഞ്ഞെടുപ്പിനുള്ള ആദ്യഘട്ട സ്ഥാനാര്ഥിപ്പട്ടിക കേന്ദ്രകമ്മറ്റി യോഗം അംഗീകരിച്ചു. വിവിധ സംസ്ഥാനങ്ങളിലെ 24 മണ്ഡലങ്ങളിലേക്കുള്ള സ്ഥാനാര്ഥികളെയാണ് ആദ്യഘട്ടത്തില് പ്രഖ്യാപിച്ചത്.
deshabhimani
No comments:
Post a Comment