സംസ്ഥാനത്തിന്റെ വിവിധ ഭാഗങ്ങളില്‍നിന്ന് ജീവനക്കാരേയും കുടുംബാംഗങ്ങളേയുംകൊണ്ട് ചെങ്കൊടി കെട്ടിയ വാഹനങ്ങള്‍ ഉച്ചയോടെ നഗരത്തിലേക്ക് പ്രവഹിച്ചു. ചൊവ്വാഴ്ച വൈകിട്ട് നാലോടെ ശക്തന്‍ നഗരി കേന്ദ്രീകരിച്ചാണ് മഹാമുന്നേറ്റത്തിന് തുടക്കമായത്. മുന്നില്‍ സംസ്ഥാന ഭാരവാഹികള്‍, തൊട്ടു പിന്നില്‍ അമ്പതാം വാര്‍ഷിക സമ്മേളനത്തിന്റെ പ്രതീകമായി 25 വനിതകളും 25 പുരുഷന്മാരും. തുടര്‍ന്ന് തിരുവനന്തപുരം മുതല്‍ കാസര്‍കോട്വരെയുള്ള ജില്ലകളില്‍നിന്നുള്ളവര്‍. ഏറ്റവും പുറകില്‍ ആതിഥേയ ജില്ലയും അണിനിരന്നു. റാലി പ്രദക്ഷിണവഴി ചുറ്റി മണികണ്ഠനാല്‍കൂടി പൊതുസമ്മേളന വേദിയായ വിദ്യാര്‍ഥികോര്‍ണറിലെ സി ഒ പൗലോസ് നഗറില്‍ സംഗമിച്ചു. നാടന്‍കലാരൂപങ്ങളും വാദ്യഘോഷങ്ങളും നിശ്ചലദൃശ്യങ്ങളും പ്രകടനത്തിന് കൊഴുപ്പേകി. "പെന്‍ഷന്‍ സുരക്ഷ, ജനപക്ഷ സിവില്‍ സര്‍വീസ്" എന്ന മുദ്രാവാക്യമുയര്‍ത്തുന്ന സുവര്‍ണജൂബിലി സമ്മേളനം പൊതുസമൂഹത്തിന്റെ പ്രശ്നങ്ങളിലും ഗൗരവമായി ഇടപെടുമെന്ന് ജീവനക്കാര്‍ പ്രഖ്യാപിച്ചു. പൊതുസമ്മേളനം സിഐടിയു അഖിലേന്ത്യാ പ്രസിഡന്റ് എ കെ പത്മനാഭന്‍ ഉദ്ഘാടനം ചെയ്തു. എ എ അസീസ് എംഎല്‍എ, മാത്യു ടി തോമസ് എംഎല്‍എ, എ കെ ശശീന്ദ്രന്‍ എംഎല്‍എ, പി സി തോമസ് എന്നിവര്‍ സംസാരിച്ചു. യൂണിയന്‍ പ്രസിഡന്റ് പി എച്ച് എം ഇസ്മയില്‍ അധ്യക്ഷനായി. സ്വാഗതസംഘം ചെയര്‍മാന്‍ എ സി മൊയ്തീന്‍ സ്വാഗതവും ജനറല്‍ കണ്‍വീനര്‍ എ ശ്രീകുമാര്‍ നന്ദിയും പറഞ്ഞു.
സമാപന സമ്മേളനം പ്രൗഢഗംഭീരം
പെന്‍ഷന്‍ സംരക്ഷണത്തിനും ജനപക്ഷ സിവില്‍ സര്‍വീസിനും പോരാടുക
തൃശൂര്‍: കേന്ദ്ര-സംസ്ഥാനസര്‍ക്കാരുകളുടെ ജനദ്രോഹനയങ്ങള്‍ക്കെതിരായ പോരാട്ടം ശക്തിപ്പെടുത്തി പെന്‍ഷന്‍ ഉള്‍പ്പെടെയുള്ള ആനുകൂല്യങ്ങള്‍ സംരക്ഷിക്കാനും സേവനമേഖല ജനസൗഹൃദമാക്കാനും മുഴുവന്‍ ജീവനക്കാരോടും കേരള എന്‍ജിഒ യൂണിയന്‍ അഭ്യര്‍ഥിച്ചു. ചെലവുചുരുക്കല്‍ നടപടികളുടെ ഭാഗമായി തൊഴില്‍ നിഷേധിച്ച് വേതനവും പെന്‍ഷനും സബ്സിഡികളും സാമൂഹ്യക്ഷേമ പദ്ധതികളും വെട്ടിക്കുറയ്ക്കുകയാണ് കേന്ദ്ര-സംസ്ഥാന സര്‍ക്കാരുകള്‍. 2013 ഏപ്രില്‍ ഒന്നിനുശേഷം സര്‍വീസില്‍ വരുന്ന ജീവനക്കാര്‍ക്ക് പെന്‍ഷന്‍ ഉറപ്പാക്കണമെന്നും സമ്മേളനം ആവശ്യപ്പെട്ടു.
സംസ്ഥാന സെക്രട്ടറി ടി സി മാത്തുക്കുട്ടി അവതരിപ്പിച്ച പ്രമേയത്തിന്മേല്‍ നടന്ന ചര്‍ച്ചയില്‍ വി പി സിന്ധു (കാസര്‍കോട്), കെ കെ ഇന്ദിരാഭായ് (കണ്ണൂര്‍), പി വി മാത്യു (വയനാട്), കെ സി ഗിരിജ (കോഴിക്കോട്), വി കെ രാജേഷ് (മലപ്പുറം), ആര്‍ സാജന്‍ (പാലക്കാട്), പി കെ മോഹനന്‍ (തൃശൂര്‍), കെ എന്‍ ബേബിവനജ (എറണാകുളം), കെ കെ കരുണാകരന്‍ (ഇടുക്കി), വി പി രജനി (കോട്ടയം), എം ഡി തമ്പാന്‍ (ആലപ്പുഴ), പ്രസാദ് മാത്യു (പത്തനംതിട്ട), പി ജോസഫ് മെന്‍ഡസ് (കൊല്ലം), എം എസ് ശ്രീവത്സന്‍ (തിരുവനന്തപുരം നോര്‍ത്ത്), എം കെ ഷീജ (തിരുവനന്തപുരം സൗത്ത്) എന്നിവര്‍ പങ്കെടുത്തു. മറുപടിക്കുശേഷം പ്രമേയം ഏകകണ്ഠമായി അംഗീകരിച്ചു.
വി കെ ഷീജ വനിതാ സബ്കമ്മിറ്റി കണ്‍വീനര്‍
തൃശൂര്‍: കേരള എന്‍ജിഒ യൂണിയന്‍ വനിതാ സബ്കമ്മിറ്റി കണ്‍വീനറായി വി കെ ഷീജയെ തെരഞ്ഞെടുത്തു. രഹ്ന പി ആനന്ദും പി സരളയുമാണ് ജോയിന്റ് കണ്‍വീനര്‍മാര്‍ കമ്മിറ്റി അംഗങ്ങള്‍: ടി പി ഉഷ, എം പി ശ്രീമണി, വി പി സിന്ധു, എം കെ സൈബുന്നിസ, വി വി വനജാക്ഷി, കെ കെ ഇന്ദിരാഭായി, പി വി ഏലിയാമ്മ, എ എന്‍ ഗീത, കെ സൈനബ സിന്ധു രാജന്‍, കെ വി ഗീതാജ്ഞലി, എം കെ വസന്ത, സോഫിയ ബി ജെയിന്‍സ്, ടി കേസരിദേവി എം പി കൈരളി, മേരി സില്‍വസ്റ്റര്‍, പി ജെ രമണി എ ജി രാധാമണി, എം രാഗിണി എ എന്‍ ബേബി വനജ, എന്‍ ജി തിലകം, കെ എസ് ബിന്ദു, രാജമ്മ രഘു, എം വി സുഭദ്ര, ജെ ജയപ്രഭ, സീമ എസ് നായര്‍, വി പി രജനി, രമ്യ എസ് നമ്പൂതിരി, എസ് ഉഷാകുമാരി, ബിന്ദു ചിദംബരം, പി എം ചന്ദ്രലേഖ, എസ് സുഷമ, ആര്‍ ഉമാ വര്‍മ, എസ് ജയശ്രീ, എസ് സുശീല, എസ് ശ്രീദേവി, ആര്‍ അനിത, എല്‍ രാജി, ജി ധന്യ, സി എന്‍ ഹേമലതാ ദേവി, വി ഗിരിജാമണി, എം അജിത, ടി അജിത, പി വി താര, ടി കെ കുമാരി സതി, പി ആര്‍ ആശാലത, എം ജെ ഷീജ, എസ് എസ് ബിജി.
deshabhimani
No comments:
Post a Comment