"കോണ്‍ഗ്രസ് നേതാക്കള്‍ ഇതുവരെ തിരിഞ്ഞു നോക്കിയില്ല. രാഷ്ട്രീയമുതലെടുപ്പിന് ഞൊടിയിടയില്‍ പെരിഞ്ഞനത്ത് പ്രത്യക്ഷപ്പെട്ട കെപിസിസി പ്രസിഡന്റ് വി എം സുധീരന്‍, ആഭ്യന്തരമന്ത്രി രമേശ്ചെന്നിത്തല ഉള്‍പ്പെടെയുള്ള കോണ്‍ഗ്രസ് നേതാക്കള്‍ എന്നെ ഇതുവരെ കണ്ടില്ല- "ദേശാഭിമാനി"യോട് കോണ്‍ഗ്രസ് നേതാക്കളുടെ വഞ്ചന വിവരിച്ചപ്പോള്‍ കോണ്‍ഗ്രസിനുവേണ്ടി ദീര്‍ഘകാലം ജീവിതം ഹോമിച്ച ഈ യുവനേതാവിന് കണ്ണീര്‍നവ്.
കോണ്‍ഗ്രസിലെ ഗ്രൂപ്പ്പോരിന് ഇരയായി മാറിയതാണ് താനെന്ന് എ ഗ്രൂപ്പുകാരനായ ഷിബുജോര്‍ജിന് ഉറപ്പുണ്ട്. എ ഗ്രൂപ്പിലെതന്നെ ഒരു പ്രബലവിഭാഗത്തിന് കണ്ണില്‍ കരടായിരുന്നു. ഈ വിഭാഗം തന്നെ അടൂരില്‍ വച്ച് ആക്രമിച്ച് അപായപ്പെടുത്തിയെന്ന് ഷിബു ഉറപ്പിച്ചുപറയുന്നു. കോണ്‍ഗ്രസ് എംഎല്‍എമാര്‍ അന്ന് നിശബ്ദത പാലിച്ചു. നിയമസഭയില്‍ ഈ വിഷയം അവതരിപ്പിച്ചത് മുരളി പെരുനെല്ലിയും വി എസ് സുനില്‍കുമാറുമാണ്. തുടര്‍ന്ന് പ്രത്യേക അനേഷണവും നടന്നു. എന്നാല്‍, കോണ്‍ഗ്രസ് നേതാക്കള്‍തന്നെ അന്വേഷണം അട്ടിമറിച്ചു. മൂന്നാംനിലയില്‍നിന്ന് വീണതെന്നായിരുന്നു പ്രചാരണം. മൂന്നാംനിലയിലെ കൈവരി തകര്‍ത്ത് നിലത്തേക്ക് വീഴണമെങ്കില്‍ അത്ഭുതം സംഭവിക്കണം. അന്ന് അവിടെയുണ്ടായിരുന്നത് സഹപ്രവര്‍ത്തകരായ തൃശൂര്‍ ജില്ലയില്‍നിന്നുള്ള ഭാരവാഹികളാണ്- തന്നെ അപായപ്പെടുത്തിയവരെക്കുറിച്ച് വ്യക്തമായ സൂചനകളാണ് ഷിബു നല്‍കുന്നത്. എന്നാല്‍, വര്‍ഷങ്ങള്‍ കഴിഞ്ഞിട്ടും തിരശ്ശീലക്ക് പിന്നിലെ ചിത്രങ്ങള്‍ തെളിഞ്ഞിട്ടില്ല. ഇതുവരെയുള്ള ചികിത്സക്ക് ലക്ഷങ്ങള്‍ ചെലവഴിച്ചു. ഇപ്പോഴും ചികിത്സ തുടരുകയാണ്. ദുരിതക്കയത്തിലായിട്ടും കോണ്‍ഗ്രസ് ഒരുരൂപപോലും സഹായിച്ചില്ല. കോണ്‍ഗ്രസ് നേതാക്കളും മന്ത്രിമാരും എംഎല്‍എമാരും കാണാനെത്തിയില്ല. പലരും ഗ്രൂപ്പ് പ്രവര്‍ത്തനത്തിന് തന്നെ ഉപയോഗിച്ചിട്ടുണ്ട്. ജീവച്ഛവമായപ്പോള്‍ ആര്‍ക്കും ആവശ്യമില്ല. ഇതില്‍ ഏറെ വേദനയുണ്ട്-ഷിബുജോര്‍ജ് പറഞ്ഞു.
ടി വി വിനോദ് deshabhimani
No comments:
Post a Comment