ഇനി ഒരു വാരം ജനമുന്നേറ്റത്തിന്റെ
എല്‍ഡിഎഫ് സ്ഥാനാര്‍ഥി എം ജെ ജേക്കബിന്റെ പ്രചാരണത്തിന് ജനമുന്നേറ്റത്തിന്റെ തരംഗം ഉയര്‍ത്താന്‍ പൊതുസമ്മേളനങ്ങള്‍ വെള്ളിയാഴ്ച തുടങ്ങും. എല്‍ഡിഎഫിന്റെ സംസ്ഥാന നേതാക്കളാകെ അണിനിരക്കുന്ന ആവേശകരമായ പ്രചാരണ പരിപാടികൂടിയാണിത്. പഞ്ചായത്ത്തലത്തില്‍ സംഘടിപ്പിക്കുന്ന സമ്മേളനങ്ങള്‍ പിറവംമണ്ഡലം സാക്ഷ്യമാകുന്ന ബൃഹത്തായ ജനമുന്നേറ്റംകൂടിയാകും. 24 മുതല്‍ ഒരാഴ്ചത്തെ സമ്മേളന പരിപാടി എല്ലാ ദിവസവും വൈകിട്ട് അഞ്ചിനു തുടങ്ങും. വെള്ളിയാഴ്ച ഇരുമ്പനത്ത് തുടക്കമിടും. സിപിഐ എം കേന്ദ്രകമ്മിറ്റി അംഗം ഇ പി ജയരാജന്‍ എംഎല്‍എ, സിപിഐ നേതാവ് കെ പി രാജേന്ദ്രന്‍ എന്നിവര്‍ സംസാരിക്കും. ശനിയാഴ്ച പിറവത്ത് നടക്കുന്ന സമ്മേളനത്തില്‍ സിപിഐ എം കേന്ദ്രകമ്മറ്റി അംഗം ഡോ. തോമസ് ഐസക് എംഎല്‍എ, കെ എന്‍ ബാലഗോപാല്‍ എംപി, സിപിഐ നേതാവ് സി ദിവാകരന്‍ എംഎല്‍എ, ജനതാദള്‍ സംസ്ഥാന പ്രസിഡന്റ് മാത്യു ടി തോമസ് എംഎല്‍എ എന്നിവര്‍ സംസാരിക്കും. അന്നുതന്നെ കൂത്താട്ടുകുളത്ത് വൈഎംസിഎയുടെ സമീപം നടക്കുന്ന പൊതുസമ്മേളനത്തില്‍ സിപിഐ എം സംസ്ഥാന കമ്മിറ്റി അംഗങ്ങളായ ആനത്തലവട്ടം ആനന്ദന്‍ , ഡോ. ടി എന്‍ സീമ എംപി, സിപിഐ നേതാവ് പന്ന്യന്‍ രവീന്ദ്രന്‍ , എന്‍സിപി നേതാവ് ഉഴവൂര്‍ വിജയന്‍ എന്നിവര്‍ സംസാരിക്കും.
തിരുമാറാടി, മുളന്തുരുത്തി, രാമമംഗലം എന്നിവിടങ്ങളിലും ശനിയാഴ്ച പൊതുസമ്മേളനം നടക്കും. തിരുമാറാടിയില്‍ മണ്ണത്തൂരിലാണ് സമ്മേളനം. ആര്‍എസ്പി ദേശീയ ജനറല്‍ സെക്രട്ടറി പ്രൊഫ. ടി ജെ ചന്ദ്രചൂഡന്‍ , സിപിഐ എം സംസ്ഥാനകമ്മിറ്റി അംഗം എം വി ജയരാജന്‍ , സിപിഐ നേതാവ് ടി പുരുഷോത്തമന്‍ , ഉഴവൂര്‍ വിജയന്‍ എന്നിവര്‍ പങ്കെടുക്കും. അന്ന് മുളന്തുരുത്തിയില്‍ കരവട്ടക്കുരിശിങ്കല്‍ സിപിഐ എം കേന്ദ്രകമ്മിറ്റി അംഗം എം എ ബേബി, സിപിഐ നേതാവ് കെ ഇ ഇസ്മയില്‍ , എ എ അസീസ് എംഎല്‍എ, എസ് ശര്‍മ എംഎല്‍എ എന്നിവരും രാമമംഗലത്ത് കടവില്‍ എല്‍ഡിഎഫ് കണ്‍വീനര്‍ വൈക്കം വിശ്വന്‍ , സി പി ഐ നേതാവ് സി എന്‍ ചന്ദ്രന്‍ , ജനതാദള്‍ നേതാവ് സി കെ നാണു എന്നിവരും സംസാരിക്കും. 26ന് പാമ്പാക്കുട പള്ളിത്താഴത്ത് നടക്കുന്ന സമ്മേളനത്തില്‍ ഡോ. ടി എം തോമസ് ഐസക് എംഎല്‍എ, ഡോ. ടി എന്‍ സീമ എംപി തുടങ്ങിയവരും മണീട് ചീരക്കാട്ടുപാറയില്‍ എം എ ബേബി, സിപിഐ നേതാവ് മുല്ലക്കര രത്നാകരന്‍ , കേരള കോണ്‍ഗ്രസ് ചെയര്‍മാന്‍ പി സി തോമസ് എന്നിവരും പങ്കെടുക്കും.
അന്ന് തിരുവാങ്കുളത്ത് മുരിങ്ങേലിപറമ്പിലെ സമ്മേളനത്തില്‍ സിപിഐ എം സംസ്ഥാനകമ്മിറ്റി അംഗം എ കെ ബാലന്‍ , ആര്‍എസ്പി നേതാവ് എന്‍ കെ പ്രേമചന്ദ്രന്‍ എന്നിവര്‍ പങ്കെടുക്കും. തിങ്കളാഴ്ച ആമ്പല്ലൂരില്‍ എ വിജയരാഘവന്‍ , ബിനോയ് വിശ്വം, പി സി തോമസ്, ജമീലാപ്രകാശം എംഎല്‍എ തുടങ്ങിയവര്‍ സംസാരിക്കും. 27ന് ഇലഞ്ഞി ടൗണില്‍ പൊതുസമ്മേളനത്തില്‍ ഡോ. ടി എം തോമസ് ഐസക്, കെ ഇ ഇസ്മയില്‍ , എന്‍ കെ പ്രേമചന്ദ്രന്‍ , പി സി തോമസ് തുടങ്ങിയവര്‍ പങ്കെടുക്കും. ബുധനാഴ്ച എടയ്ക്കാട്ടുവയല്‍ മേപ്പതിയില്‍ നടക്കുന്ന സമ്മേളനത്തില്‍ വൈക്കം വിശ്വന്‍ , സി എന്‍ ചന്ദ്രന്‍ , ജോര്‍ജ് തോമസ് തുടങ്ങിയ നേതാക്കളും ചോറ്റാനിക്കരയില്‍ എ കെ ബാലന്‍ , കെ ഇ ഇസ്മയില്‍ എന്നിവരും സംസാരിക്കും.
deshabhimani 240212
കൂത്താട്ടുകുളത്തെ വ്യാപാരികളെ കണ്ട് വോട്ടുറപ്പിക്കുന്ന തിരക്കിനിടെ ടൗണിലെ കപ്പേളയ്ക്കു മുന്നില്‍ എല്‍ഡിഎഫ് സ്ഥാനാര്‍ഥി എം ജെ ജേക്കബും പ്രവര്‍ത്തകരും എത്തുമ്പോള്‍ മുന്നില്‍ ഫ്രഷായി ഇറക്കിയ കൂട്ടില്‍നിന്ന് പിഴിഞ്ഞുവച്ച തേന്‍ . അല്‍പ്പം മധുരം നോക്കി പോകാമെന്ന് പ്രവര്‍ത്തകര്‍ . ഒപ്പമുള്ളവരുടെ ആവശ്യങ്ങളോട് ഒരിക്കലും മുഖംതിരിക്കാത്ത എം ജെ പതിവു തെറ്റിച്ചില്ല. തേനീച്ചക്കൂട് താഴെയിറക്കിയ മറുനാടന്‍ തൊഴിലാളി ഇറ്റിച്ചുകൊടുത്ത തേന്‍ ഉള്ളംകൈയില്‍ വാങ്ങി എം ജെ ചുണ്ടോടടുപ്പിക്കുമ്പോള്‍ ചുറ്റും നിന്നവരിലാരോ കമന്റിട്ടു; ജയം ഉറപ്പായതുകൊണ്ട് മധുരം നേരത്തെ ആയാലും തെറ്റില്ല.
ReplyDelete