കൂത്തുപറമ്പ്: കനലൊടുങ്ങാത്ത നെരിപ്പോടുകളെ സാക്ഷിയാക്കി കൂത്തുപറമ്പ് രക്തസാക്ഷിസ്മാരക സ്തൂപത്തില്നിന്ന് ഡിവൈഎഫ്ഐ അഖിലേന്ത്യാ സമ്മേളന നഗറിലേക്കുള്ള പതാക ജാഥ പ്രയാണം തുടങ്ങി. ഓര്മകളില് ചോരകിനിഞ്ഞ സായാഹ്നത്തിനാണ് കൂത്തുപറമ്പ് ശനിയാഴ്ച സാക്ഷ്യം വഹിച്ചത്. കേരളത്തിലെ അവകാശസമര ചരിത്രത്തിലെ തിളങ്ങുന്ന ഏടായ കൂത്തുപറമ്പിലെ രണധീരരുടെ സ്മരണകള് തുടിക്കുന്ന മണ്ണില്നിന്ന് എല്ഡിഎഫ് കണ്വീനര് വൈക്കം വിശ്വന് ഡിവൈഎഫ്ഐ മഹാരാഷ്ട്ര സംസ്ഥാന സെക്രട്ടറി പ്രീതി ശേഖറിന് രക്തനക്ഷത്രാങ്കിത ശുഭ്രപതാക കൈമാറി. പോരാട്ടങ്ങള്ക്ക് എന്നും ആവേശമായ ജീവിക്കുന്ന രക്തസാക്ഷി പുഷ്പന്റെ സാന്നിധ്യം പുതുതലമുറയുടെ ധമനികളില് ആവേശത്തിന്റെ ഊര്ജം നിറച്ചു. സംസ്ഥാന പ്രസിഡന്റ് എം സ്വരാജ് അധ്യക്ഷനായി. അഖിലേന്ത്യാ പ്രസിഡന്റ് പി ശ്രീരാമകൃഷ്ണന് എംഎല്എ, ജോയിന്റ് സെക്രട്ടറി മുഹമ്മദ് അമീന്, ജാഥാലീഡര് പ്രീതി ശേഖര്, സംസ്ഥാന സെക്രട്ടറി ടി വി രാജേഷ് എംഎല്എ എന്നിവര് സംസാരിച്ചു. ജില്ലാ സെക്രട്ടറി പി സന്തോഷ് സ്വാഗതവും ഷാജി കരിപ്പായി നന്ദിയും പറഞ്ഞു.
deshabhimani 090912
കനലൊടുങ്ങാത്ത നെരിപ്പോടുകളെ സാക്ഷിയാക്കി കൂത്തുപറമ്പ് രക്തസാക്ഷിസ്മാരക സ്തൂപത്തില്നിന്ന് ഡിവൈഎഫ്ഐ അഖിലേന്ത്യാ സമ്മേളന നഗറിലേക്കുള്ള പതാക ജാഥ പ്രയാണം തുടങ്ങി. ഓര്മകളില് ചോരകിനിഞ്ഞ സായാഹ്നത്തിനാണ് കൂത്തുപറമ്പ് ശനിയാഴ്ച സാക്ഷ്യം വഹിച്ചത്. കേരളത്തിലെ അവകാശസമര ചരിത്രത്തിലെ തിളങ്ങുന്ന ഏടായ കൂത്തുപറമ്പിലെ രണധീരരുടെ സ്മരണകള് തുടിക്കുന്ന മണ്ണില്നിന്ന് എല്ഡിഎഫ് കണ്വീനര് വൈക്കം വിശ്വന് ഡിവൈഎഫ്ഐ മഹാരാഷ്ട്ര സംസ്ഥാന സെക്രട്ടറി പ്രീതി ശേഖറിന് രക്തനക്ഷത്രാങ്കിത ശുഭ്രപതാക കൈമാറി. പോരാട്ടങ്ങള്ക്ക് എന്നും ആവേശമായ ജീവിക്കുന്ന രക്തസാക്ഷി പുഷ്പന്റെ സാന്നിധ്യം പുതുതലമുറയുടെ ധമനികളില് ആവേശത്തിന്റെ ഊര്ജം നിറച്ചു.
ReplyDelete